လံာ်တၢ်ဟးထီၣ်ကွံာ် 29:13 - Sgaw Karen Common Bible

¹³ မၤကဒီးတစု, ဟံးန့ၢ်ကယဲၢ်တၢ်အသိလၢအကျးဘၢအပှံာ်အကဖုတဖၣ်န့ၣ်ခဲလၢာ်, ဒီးတၢ်အဂ့ၤကတၢၢ်လၢအသူၣ်, ဒီးအကလ့ၢ်ခံဖျၢၣ်ဃုာ်ဒီးအသိလၢအလိၤဒီးဆူးကဲၤထီၣ်အီၤလၢတၢ်လုၢ်လီၢ်အလိၤဒ် တၢ်လုၢ်မၤဘူၣ်တမံၤအသိးဆူယအိၣ်တက့ၢ်.

လံာ်တၢ်ဟးထီၣ်ကွံာ် 29:13 Iomraidhean Croise

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 12:9

အီၣ်သံကစဲာ်အီၤမ့တမ့ၢ်ချီအီၣ်အီၤတစဲးတဂ့ၤ. မ့မ့ၢ်ကၣ်မံအီၤလၢမ့ၣ်အူဒီဒုဃုာ်ဒီးအခိၣ်, အခီၣ်ဒီးတၢ်အိၣ်လၢအလဲပူၤတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 29:18

ဆူးကဲၤထီၣ်သိဖါဒီဒုန့ၣ်လၢတၢ်လုၢ်လီၢ်အဖီခိၣ်ဒ်တၢ်လုၢ် ထီၣ်ပာ်ထီၣ်တၢ်အိၣ်တမံၤအသိးတက့ၢ်. တၢ်လုၢ်မၤဘူၣ်အံၤအတၢ်နၢမူန့ၣ်မၤမုာ်ယသးလီၤ.

လံာ်တၢ်ဟးထီၣ်ကွံာ် 29:22

ကူးတဲာ်ကွံာ်သိဖါအသိ, အမဲၢ်ဘီၣ်, တၢ်အသိလၢအကျးဘၢအပှံာ် အကဖုတဖၣ်, တၢ်အဂ့ၤကတၢၢ်လၢအသူၣ်ကျါ, အကလ့ၢ်ခံဖျၢၣ်ဒီးအသိ အိၣ်လၢအလိၤ, ဒီးအကံၣ်ဒုၣ်လၢအထွဲတခီန့ၣ်တက့ၢ်.

လံာ်တၢ်ဟးထီၣ်ကွံာ် 29:25

အန့ၣ်ဝံၤဒီးဟံးန့ၢ်တၢ်တဖၣ်အံၤလၢအဝဲသ့ၣ်အအိၣ်ဒီးဆူးကဲၤ ထီၣ်အီၤလၢတၢ်လုၢ်လီၢ်အဖီခိၣ်, ပာ်အီၤလၢတၢ်လုၢ်မ့ၣ်အူ ခဲလၢာ်အဖီခိၣ်ဒ်တၢ်လုၢ်တၢ်အီၣ်တမံၤလၢယဂီၢ်တက့ၢ်. တၢ်လုၢ်အံၤအတၢ်နၢမူမၤမုာ်ယသးလီၤ.

လံာ်ယၡါယၤ 1:11

အဝဲစံး, “မ့ၢ်သုဆိကမိၣ်လၢယသးလီကယဲၢ်တၢ်လုၢ်တၢ်ပာ်တဖၣ် လၢသုလုၢ်ထီၣ်ယၤတထံၣ်ဃီအံၤန့ၣ်ဧါ. သိတဖၣ်လၢသုဒွဲၣ် အူအီၤလၢမ့ၣ်အူဒ်တၢ်လုၢ်တၢ်ပာ်တဖၣ် အသိးဒီးသုဆၣ်ဖိကီၢ်ဖိအဂ့ၤတဖၣ်အသိန့ၣ်ယဒိးန့ၢ်တ့ၢ်အီၤ အါန့ၣ်ယလိၣ်ဘၣ်အီၤလံ. ယသးလၢာ်ဂီၤဖံးတဖၣ်, သိတဖၣ်, ဒီးမဲာ်တဲးလဲးတဖၣ်အသွံၣ်လံ.

လံာ်ယၡါယၤ 34:6

အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယၡါယၤ 43:24

နတပှ့ၤတၢ်ဆိၣ်ကဲၤနၢမူလၢယဂီၢ်မ့ၢ်ဂ့ၤ, နတမၤမံသူၣ်မံသးယၤလၢနဆၣ်ဖိကီၢ်ဖိတဖၣ်အသိမ့ၢ်ဂ့ၤန့ၣ် ဘၣ်. အခိၣ်တလိာ်, နဒုးဝံယၤယိးယၤလၢနတၢ်ဒဲးဘးတဖၣ် ဒီးမၤလီၤဘှံးလီၤတီၤကွံာ်ယၤလၢတၢ်ကမၣ်တဖၣ်လၢနမၤတ့ၢ်နဲ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:15

ဒီးပှၤလုၢ်တၢ်အခိၣ်ကပာ်ထီၣ်ဝဲလၢတၢ်လုၢ်လီၢ်အဖီခိၣ်, ကဝံာ်ကၢ်ဝဲအကိာ်, ဒီးဆိၣ်ကဲၤအခိၣ်လၢတၢ်လုၢ်လီၢ်အဖီ ခိၣ်န့ၣ်လီၤ. ဒီးအသွံၣ်ကဘၣ်တၢ်စံၢ်ကွံာ်အီၤလၢတၢ်လုၢ်လီၢ် အကပၤလီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:25

ကဘၣ်ဆူးကဲၤထီၣ်ဆၣ်ဖိကီၢ်ဖိအသိလၢတၢ်လုၢ်လီၢ်အဖီခိၣ်လၢတၢ် လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:6

ပှၤလုၢ်တၢ်အခိၣ်ကဘၣ်ဖှံတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါ ထီၣ်ယွၤအဒဲအကျဲစၢၤန့ၣ်လၢ တၢ်သွံၣ်ဖဲအမဲာ်ညါဒီးဆိၣ်ကဲၤထီၣ်တၢ်နၢမူလၢကမၤမုာ်ယွၤအသးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 4:35

အန့ၣ်ဝံၤဒီးတၢ်အသိခဲလၢာ်န့ၣ်, ကဘၣ်တၢ်ဟံးထီၣ်ကွံာ်အီၤဒ်သိဖိတဒုလၢဘၣ်တၢ်မၤသံအီၤလၢတၢ် လုၢ်တၢ်မၤဃူမၤဖိးအဂီၢ်န့ၣ်အသိဘၣ်တၢ်ဟံးထီၣ်ကွံာ်အီၤအသိး, ဒီးအဝဲကဘၣ်ဆူးကဲၤထီၣ်အီၤလၢတၢ်လုၢ်လီၢ်အဖီခိၣ်တဘျီဃီလၢ တၢ်လုၢ်မၤဘူၣ်လၢမ့ၣ်အူဆူယွၤအအိၣ်န့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:12

ဒီးမ့ၣ်အူလၢတၢ်လုၢ်လီၢ်ဖီခိၣ်န့ၣ်ကဘၣ်ကဲၤဝဲဒီးတဘၣ်လီၤ ပံာ်နီတဘျီဘၣ်. ပှၤလုၢ်တၢ်အခိၣ်ကဘၣ်ဆိၣ်ကဲၤသ့ၣ်မုၣ်ကိးဂီၤဒဲးဒီး ကျဲၤလီၤတၢ်လုၢ်မ့ၣ်အူဒီးဆိၣ်ကဲၤထီၣ်တၢ်အသိ လၢတၢ်လုၢ်တၢ်မၤဃူမၤဖိးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:3

ဒီးကဘၣ်လုၢ်ထီၣ်တၢ်အသိခဲလၢာ်လၢအအိၣ်လၢအမဲၢ်ဒီးအပှံာ်အကဖု အလိၤ,

လံာ်တၢ်ဘူၣ်ထီၣ်ဘါထီၣ် 7:31

ဒီးပှၤလုၢ်တၢ်အခိၣ်ကဆူးကဲၤထီၣ်တၢ်အသိလၢတၢ်လုၢ်လီၢ်အဖီခိၣ်လီၤ. မ့မ့ၢ်အသးနါပှၢ်န့ၣ်ကဘၣ်မ့ၢ်ပှၤလုၢ်တၢ်အခိၣ်တဖၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 7:4

အကလ့ၢ်ခံဖျၢၣ်ဒီးအသိအိၣ်လၢအလိၤ, ဒီးအသူၣ်အဂ့ၤက တၢၢ်တခီလီၤ.

လံာ်တၢ်ဘူၣ်ထီၣ်ဘါထီၣ် 8:16

ဒီးဟံးန့ၢ်ဝဲတၢ်အသိခဲလၢာ်လၢတၢ်အပှံာ်တဖၣ်အလိၤ, အသူၣ်အဂ့ၤကတၢၢ်တခီဒီးအကလ့ၢ်တဖၣ်ဃုာ်ဒီးတၢ်အသိ တဖၣ်လၢအလိၤ, ဒီးဆူးကဲၤထီၣ်ဝဲခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:25

အဝဲဟံးန့ၢ်တၢ်အသိ, အမဲၢ်ဘီၣ်, ဒီးတၢ်အသိခဲလၢာ်လၢအပှံာ်အကဖုတဖၣ်အလိၤ, အသူၣ်အဂ့ၤကတၢၢ်တခီ, အကလ့ၢ်တဖၣ်ဃုာ်ဒီးအသိအိၣ်လၢအလိၤ, ဒီးအကံၣ်ဒုၣ်အထွဲတခီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:10

ဒီးအဝဲဆူးကဲၤထီၣ်တၢ်အသိ, အကလ့ၢ်ဒီးအသူၣ်အဂ့ၤတခီ လၢတၢ်လုၢ်လီၢ်အဖီခိၣ်ဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:19

ဒီးစီၤအၤဟရိၣ်ပာ်ဂီၤဖံးဖါဒီးသိဖါအသိ,

လံာ်တၢ်ဂံၢ် 18:17

ဘၣ်ဆၣ်ဒီးဂီၤဖံးမိၢ်တဖၣ်အဖိဝဲၢ်ကိ, သိတဖၣ်အဖိဝဲၢ်ကိ, ဒီးမဲာ်တဲးလဲးတဖၣ်အဖိဝဲၢ်ကိန့ၣ်တဘၣ်တၢ်ပှ့ၤက့ၤဘၣ်အီၤဘၣ်. အဝဲသ့ၣ်ဘၣ်ဃးဒီးယၤလၢာ်လၢာ်ဆ့ဆ့ဒီးကဘၣ်တၢ်လုၢ်ထီၣ်ပာ်ထီၣ် အီၤန့ၣ်လီၤ. လူလီၤအသွံၣ်လၢတၢ်လုၢ်လီၢ်အဖီခိၣ်ဒီးဆိၣ်ကဲၤအသိဒ် တၢ်လုၢ်တၢ်အီၣ်အသိးလၢအမ့ၢ်တၢ်နၢမူမၤမုာ်ယသးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:16

ပှၤတဂၤန့ၣ်မ့ၢ်စံးဆၢ, “ပျဲပမၤတၢ်အဘၣ်ဒီးဆူးကဲၤထီၣ်တၢ် အသိလၢညါတက့ၢ်. အန့ၣ်ဝံၤဒီးဟံးန့ၢ်တၢ်လၢနသးလီအီၤတက့ၢ်,” ဒီးပှၤလုၢ်တၢ်အခိၣ်အခ့အပှၤန့ၣ်ကစံးဝဲဒၣ်, “တသ့ဘၣ်. ဟ့ၣ်ယၤတၢ်န့ၣ်ခဲအံၤတက့ၢ်. နမ့ၢ်တဟ့ၣ်ယၤဘၣ်ဒီး ယကဟံးန့ၢ်ဆူၣ်အီၤလီၤ.”