လံာ်တၢ်ဟးထီၣ်ကွံာ် 29:1 - Sgaw Karen Common Bible

¹ အအံၤမ့ၢ်တၢ်လၢနကဘၣ်မၤအီၤလၢတၢ်ပာ်စီဆှံစီၤအၤဟရိၣ်ဒီး အဖိခွါသ့ၣ်တဖၣ်ဒ်ပှၤလုၢ်တၢ်အခိၣ်တဖၣ်အသိးလၢယတၢ်ဖံးတၢ်မၤအပူၤအဂီၢ်လီၤ. ဟံးန့ၢ်ဂီၤဖံးဖါအသးစၢ်ဖိတဒုဒီးသိဖါခံဒုလၢအမဲၣ်သူမဲၣ်ဂီၤတအိၣ်ဘၣ်န့ၣ်တက့ၢ်.

လံာ်တၢ်ဟးထီၣ်ကွံာ် 29:1 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:9

သုဟီထီၣ်ကွံာ်တ့ၢ်ယွၤအပှၤလုၢ်တၢ်အခိၣ်တဖၣ်လၢအမ့ၢ်စီၤအၤ ဟရိၣ်အစၢၤအသွဲၣ်တဖၣ်, ဒီးသုဟီထီၣ်ကွံာ်တ့ၢ်ပှၤလ့ၤဝံ ဖိတဖၣ်န့ၣ်လီၤ. လၢအဝဲသ့ၣ်အလီၢ်န့ၣ်သုဃုထၢပာ်လီၤပှၤလုၢ် တၢ်အခိၣ်တဖၣ်ဒ်ပှၤကလုာ်ဂၤတဖၣ်မၤဝဲအသိးန့ၣ်လီၤ. ပှၤတဂၤလၢ်လၢ်လၢအဟဲစိာ်ဂီၤဖံးဖါတဒုမ့ၢ်ဂ့ၤ, သိနွံဒုမ့ၢ်ဂ့ၤန့ၣ်, ပာ်စီဆှံထီၣ်အသး, ဒ်ပှၤလုၢ်တၢ်အခိၣ်တဂၤသ့ဝဲလၢတၢ်တဖၣ်လၢသုကိးအီၤလၢသုကစၢ် တဖၣ်, အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:5

သုဃုထၢသိတဒုမ့တမ့ၢ်မဲာ်တဲးလဲးတဒုသ့ဝဲလီၤ. ဘၣ်ဆၣ်ဒီးကဘၣ်မ့ၢ်အဖါတဒုလၢအသးအိၣ်တနံၣ်ဒီးတအိၣ်ဘၣ်ဒီးတၢ် လီၤတူာ်လီၤကာ်နီတမံၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 20:11

လၢဃုနံၤဃုသီအတီၢ်ပူၤန့ၣ်, ယၤ, ယွၤတ့လီၤဟီၣ်ခိၣ်, မူကပိၤလိၤ, ပီၣ်လဲၣ်ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤခဲလၢာ်န့ၣ်လီၤ. ဘၣ်ဆၣ်ဒီးနွံသီတသီန့ၣ်ယအိၣ်ဘှံးယဲလီၤ. မၤသးဒ်န့ၣ်ဒီးယၤ, ယွၤ, ဆိၣ်ဂ့ၤမုၢ်အိၣ်ဘှံးအနံၤဒီးမၤစီဆှံအီၤလီၤ.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 28:3

ကိးန့ၢ်ပှၤစုသ့ခဲလၢာ်လၢယဟ့ၣ်လီၤတ့ၢ်အီၤတၢ်သ့တၢ်ဘၣ်ဒီး တဲဘၣ်အဝဲသ့ၣ်လၢကမၤန့ၢ်စီၤအၤဟရိၣ်အကူအသိးတဖၣ်ဒ်သိး အဝဲပာ်စီဆှံထီၣ်အသးဒ်ပှၤလုၢ်တၢ်အခိၣ်တဂၤလၢယတၢ်ဖံးတၢ်မၤအပူၤကသ့ဝဲန့ၣ်တက့ၢ်.

လံာ်တၢ်ဟးထီၣ်ကွံာ် 28:41

ဒုးသိးထီၣ်တၢ်ကူတၢ်သိးတဖၣ်အံၤလၢနဒီပုၢ်ဝဲၢ်စီၤအၤဟရိၣ် ဒီးအဖိခွါတဖၣ်အလိၤတက့ၢ်. အန့ၣ်ဝံၤဒီးဖှူအီၤဒီးပာ်စီဆှံအီၤလၢသ့ၣ်စၤယံးအသိဒ်သိး အကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 29:21

ဟံးန့ၢ်တၢ်သွံၣ်တနီၤလၢအအိၣ်လၢတၢ်လုၢ်လီၢ်အဖီခိၣ်န့ၣ်ဒီး သိဖှူတၢ်တနီၤဒီးဖှံအီၤလၢစီၤအၤဟရိၣ်ဒီးအဖိခွါတဖၣ်အတၢ် ကူတၢ်သိးအလိၤတက့ၢ်. အန့ၣ်တစုအဝဲဒၣ်ဒီးအဖိခွါတဖၣ်ဒီးအတၢ်ကူတၢ်သိးတဖၣ်န့ၣ် ကဘၣ်တၢ်ပာ်စီဆှံအီၤဆူယအိၣ်န့ၣ်လီၤ.

လံာ်ယဃ့းစက့လး 43:23

တုၤနမၤတၢ်တဖၣ်အံၤဝံၤတစုန့ၣ်, ဟံးထီၣ်ဂီၤဖံးဖါအလၢအပှဲၤ ဖိတဒုဒီးသိဖါအလၢအပှဲၤဖိတဒု,

လံာ်တၢ်ဘူၣ်ထီၣ်ဘါထီၣ် 14:11

ဒီးပှၤလုၢ်တၢ်အခိၣ်ကလဲၤကိးပှၤလၢအကဆှီထီၣ်တဂၤ န့ၣ်ဃုာ်ဒီးအတၢ်လုၢ်မၤဘူၣ်ဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:3

လဲၤနုာ်ဝဲကသ့ဒၣ်ဖဲလၢအဟဲစိာ်ဂီၤဖံးဖိတဒုလၢတၢ်လုၢ်, တၢ်ပျၢ်တၢ်ဒဲးဘးအဂီၢ်ဒီးသိဖါတဒုလၢတၢ်လုၢ်မ့ၣ်အူအ ဂီၢ်ဝံၤအလီၢ်ခံန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 22:20

နမ့ၢ်လုၢ်ထီၣ်ဆၣ်ဖိကီၢ်ဖိအိၣ်ဒီးအနီၢ်ခိအတၢ်လီၤတူာ်လီၤကာ်န့ၣ်ယွၤတတူၢ်လိာ်ဘၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 4:3

ပှၤမၤတၢ်ဒဲးဘးမ့မ့ၢ်ပှၤလုၢ်တၢ်အခိၣ်အဒိၣ်ကတၢၢ်ဒီး, ဒုးလီၤဘၣ်တၢ်ကမၣ်လၢပှၤဂီၢ်မုၢ်အလိၤန့ၣ်, မ်အကဟဲစိာ်ဂီၤဖံးဖါတဒုလၢအတအိၣ်ဘၣ်ဒီးမဲၣ်သူမဲၣ်ဂီၤ ဒီးလုၢ်ထီၣ်အီၤဆူယွၤအအိၣ်လၢအတၢ်ဒဲးဘးအဂီၢ်တက့ၢ်.

လံာ်တၢ်ဘူၣ်ထီၣ်ဘါထီၣ် 6:13

ဒီးမ့ၣ်အူလၢတၢ်လုၢ်လီၢ်ဖီခိၣ်န့ၣ်ကဘၣ်ကဲၤဝဲဒီးတဘၣ်လီၤပံာ်နီတဘျီဘၣ်.

လံာ်တၢ်ဘူၣ်ထီၣ်ဘါထီၣ် 6:6

ဒီးကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢ မဲၣ်သူမဲၣ်ဂီၤတအိၣ်ဘၣ်ဒ်တၢ်လုၢ်တၢ်ပာ်အလုၢ်အပှ့ၤအိၣ်ဝဲအသိး ဆူပှၤလုၢ်တၢ်အခိၣ်အအိၣ်လၢတၢ်ဟ့ၣ်ဆၢက့ၤအတၢ်လုၢ်တၢ်ပျၢ်တၢ် ကမၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 7:35

တၢ်အံၤမ့ၢ်တၢ်လၢတၢ်လုၢ်မ့ၣ်အူဆူယွၤအအိၣ်အကျါတနီၤ, လၢစီၤအၤဟရိၣ်ဒီးအဖိခွါတဖၣ်အဂီၢ်, စးထီၣ်မုၢ်တနံၤလၢအဝဲ သ့ၣ်ဘၣ်တၢ်ဖှူအီၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:1

ဒီးယွၤစံးဘၣ်စီၤမိၤၡ့, “ဟဲကိးစီၤအၤဟရိၣ်ဒီးအဖိခွါတဖၣ်ဆူတၢ်ဘူၣ်ထီၣ်ဘါထီၣ် ယွၤအဒဲကျဲစၢၤဖဲယအိၣ်အလီၢ်ဒီးဟဲစိာ်ပှၤလုၢ်တၢ်အခိၣ်အကူအသိး, သိဖှူတၢ်, ဂီၤဖံးဖါဖိလၢတၢ်လုၢ်တၢ်ပျၢ်တၢ်ဒဲးဘးအဂီၢ်, သိဖါခံဒုဒီးကိၣ်တအိၣ်ဘၣ်ဒီးကိၣ်မံၣ်တကုတက့ၢ်.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်မးသဲ 6:9

ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.