လံာ်တၢ်ဟးထီၣ်ကွံာ် 28:9 - Sgaw Karen Common Bible

⁹ ဟံးန့ၢ်လၢၢ်တၢ်မျၢ်သူခံဖျၢၣ်ဒီးစိးပျၤလီၤစီၤယၤကိာ်အဖိခွါတဆံခံဂၤအမံၤလၢအလိၤ,

လံာ်တၢ်ဟးထီၣ်ကွံာ် 28:9 Iomraidhean Croise

လံာ်တၢ်ကဲထီၣ်အခီၣ်ထံး 2:12

(ထူအစီဘၣ်တၢ်ထံၣ်န့ၢ်အီၤဖဲန့ၣ်, ဒီးသိနၢမူလၢအကၤဒီးလၢၢ်လုၢ်ဒိၣ်ပှ့ၤဒိၣ်တဖၣ်ဘၣ်တၢ်ထံၣ်န့ၢ်အီၤဖဲန့ၣ်စ့ၢ်ကီးန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 29:2

လၢယဂံၢ်ယဘါခဲလၢာ်အပူၤန့ၣ်, ယကတဲာ်ကတီၤတ့ၢ်တၢ်လၢအလိၣ်ဝဲ တဖၣ်လၢယွၤအတၢ်လုၢ်ဟံၣ်အဂီၢ်ဒ်ထူ, စ့, တိၢ်ဘီ, ထး, သ့ၣ်, လၢၢ်လုၢ်ဒိၣ်ပှ့ၤဒိၣ်တဖၣ်, တၢ်မျၢ်ထးသံတဖၣ်, လၢၢ်အလွဲၢ်အကလုာ်ကလုာ်လၢတၢ်ကရဲၣ်လီၤထီထီၣ်အီၤတဖၣ်, လၢၢ်ဝါအါအါဂီၢ်ဂီၢ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:7

ခဲကနံၣ်အံၤ, ဆှၢလီၤန့ၢ်ယၤပှၤတဂၤလၢအမၤတၢ်သ့ဂ့ၤဂ့ၤ, လၢတၢ်စိးပျၤအတၢ်မၤ, လၢတၢ်ပိာ်တၢ်လၢထူ, စ့, တိၢ်ဘီဒီးထး, လၢတၢ်သ့ဆးတၢ်လၢတၢ်ကံးယာ်အလွဲၢ်လါဟ့, အဂီၤလုးဒီးအဂီၤအပူၤတက့ၢ်. အဝဲကမၤသကိးတၢ်ဒီးပှၤစုသ့တဖၣ်လၢကီၢ်ယူဒၤဒီးဝ့ၢ်ယရူၤၡလ့ၣ်, လၢယပၢ်စီၤဒၤဝံးဃုထၢတ့ၢ်ဝဲန့ၣ်လီၤ.

လံာ်စီၤယိၤဘး 28:16

ထူဧိၤလွဲဧိၤအဂ့ၤကတၢၢ်ဒီးတၢ်လုၢ်ဒိၣ်ပှ့ၤဒိၣ်တဖၣ်, ထိၣ်အလုၢ်အပှ့ၤထဲသိးဒီးအီၤတသ့ဘၣ်.

လံာ်တၢ်ဟးထီၣ်ကွံာ် 25:7

ဒီးတၢ်မျၢ်မဟူယၤ, ဒီးတၢ်မျၢ်လုၢ်ဒိၣ်ပှ့ၤဒိၣ်အဂၤတဖၣ်လၢတၢ် ကထီထီၣ်အီၤလၢပှၤလုၢ်တၢ်အခိၣ်အဒိၣ်ကတၢၢ်အဆ့ကၤအ့ဖိးအလိၤ ဒီးလၢအသဃိးအလိၤအဂီၢ်လီၤ.

လံာ်တၢ်ဟးထီၣ်ကွံာ် 28:10

ဒ်အတၢ်အိၣ်ဖျဲၣ်ထီၣ်တဂၤဝံၤတဂၤအိၣ်ဒီးအမံၤဃုဖျၢၣ်လၢလၢၢ် တဖျၢၣ်အလိၤ, ဒီးအဂၤဃုဖျၢၣ်လၢလၢၢ်အဂၤတဖျၢၣ်အလိၤန့ၣ်တက့ၢ်.

လံာ်တၢ်ဟးထီၣ်ကွံာ် 28:20

လွံၢ်ကျိၤတကျိၤန့ၣ်ပိာ်တၢ်မျၢ်ဟ့ဘီတဖျၢၣ်, တၢ်မျၢ်သူတဖျၢၣ်, တၢ်မျၢ်ဂီၤလုးတဖျၢၣ်တက့ၢ်. တၢ်မျၢ်ခဲလၢာ်အံၤကဘၣ်တၢ်ပိာ်ဝးတရံးအကနူၤလၢထူလီၤ.

လံာ်တၢ်ဟးထီၣ်ကွံာ် 28:36

ဒီးမၤတၢ်ကယၢကယဲတမံၤလၢထူစီဒီးစိးပျၤတၢ်ကွဲးအသးအလိၤ, ‘တၢ်ပာ်စီဆှံဆူယွၤ’ န့ၣ်တက့ၢ်.

လံာ်တၢ်ဟးထီၣ်ကွံာ် 28:8

ယီၢ်တကိးအဂ့ၤမးတဘိလၢအဘၣ်တၢ်ထါအီၤ, လၢတမံၤဃီဒီးဆ့ကၤအတၢ်ပီးတၢ်လီအံၤကဘၣ်တၢ်ထီထီၣ် အီၤလၢအ့ဖိးအလိၤဒ်သိးကမ့ၢ်တၢ်တမံၤဃီန့ၣ်လီၤ.

လံာ်တၢ်ဟးထီၣ်ကွံာ် 31:5

တၢ်ဂူာ်လၢၢ်လုၢ်ဒိၣ်ပှ့ၤဒိၣ်တဖၣ်လၢတၢ်ကဆီလီၤအီၤအဂီၢ်, လၢတၢ်စိးပျၤသ့ၣ်ဒီးကယဲၢ်တၢ်သ့မၤတၢ်လၢစုအတၢ်ကူၣ်သ့ အတၢ်မၤအဂၤတဖၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 39:13

ဒီးလွံၢ်ဂ့ၢ်တဂ့ၢ်န့ၣ်ထီထီၣ်ဝဲတၢ်မျၢ်လါဟ့တဖျၢၣ်, တၢ်မျၢ်မဟူယၤဂီၤတဖျၢၣ်ဒီးတၢ်မျၢ်နကၤသွဲးတဖျၢၣ်န့ၣ်လီၤ. ဒီးတၢ်မျၢ်တဖၣ်အံၤဘၣ်တၢ်ကွီၤအီၤလၢထူအကွီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 39:6

အဝဲသ့ၣ်ကတဲာ်ကတီၤတၢ်မျၢ်မဟူယၤဂီၤတဖၣ်ဒီးကွီၤအီၤလၢထူအကွီၤတဖၣ်လီၤ. ဒီးလၢတၢ်မျၢ်မဟူယၤဂီၤတဖၣ်အလိၤန့ၣ်တၢ်စိးပျၤစီၤယၤကိာ် အဖိခွါတဖၣ်အမံၤလၢတၢ်သ့တၢ်ဘၣ်ဖးဒိၣ်အပူၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:6

အိးထီၣ်နသးလၢနကအဲၣ်ယၤထဲတဂၤဧိၤ, ဒီးဖိးဟုယၤထဲတဂၤဧိၤတက့ၢ်. တၢ်အဲၣ်န့ၣ်ဆူၣ်ထဲသိးဒီးတၢ်သံ, တၢ်အဲၣ်တၢ်ကွံအဂံၢ်အဘါဆူၣ်ဒ်တၢ်သံအနီၢ်ကစၢ်န့ၣ်လီၤ. ကပျီၤထီၣ်ဝဲဒ်မ့ၣ်အူလၣ်ဒီးအီၣ်တၢ်ဒ်မ့ၣ်အူလၢအသလၣ်လီၤအသး တပျုာ်တပျီၤအသိးန့ၣ်လီၤ.

လံာ်ယၡါယၤ 49:16

ဝ့ၢ်ယရူၤၡလ့ၣ်ဧၢ, ယသးပ့ၤနီၣ်နၤတသ့နီတစုဘၣ်. ယကွဲးလီၤတ့ၢ်လံနမံၤလၢယစုညါသးတဖၣ်အလိၤ, နဝ့ၢ်ခိၣ်ဒူတဖၣ်အိၣ်ဝဲလၢယမဲာ်ညါတထံၣ်ဃီလီၤ.

လံာ်ယဃ့းစက့လး 28:13

နအိၣ်ဆိးတ့ၢ်လၢ ဧ့ၤဒ့ၣ်, ကစၢ်ယွၤအတၤသၣ်လီၢ်အပူၤဒီး နသိးထီၣ်တ့ၢ်လၢၢ်တၢ်မျၢ်ကိးကလုာ်ဒဲး လၢအမ့ၢ်တၢ်မျၢ်ဆီသွံၣ် တဖၣ်, တၢ်မျၢ်မဟူယၤတိၤအသး, တၢ်မျၢ်ဘီအူး သဖးယၤ, တၢ်မျၢ်လါဟ့, တၢ်မျၢ်မဟူယၤဂီၤ, တၢ်မျၢ်နကၤသွဲး, တၢ်မျၢ်နံၤလါအဲးတဖၣ်, လၢၢ်လါဟ့တဖၣ်ဒီးလၢၢ်ဂီၤတဖၣ်န့ၣ်လီၤ. နအိၣ်စ့ၢ်ကီးဒီးတၢ်ကယၢကယဲတဖၣ်လၢထူန့ၣ်လီၤ. တၢ်တဖၣ်န့ၣ်ဘၣ်တၢ်မၤတ့ၢ်အီၤလၢနဂီၢ်ဖဲမုၢ်တနံၤလၢ နဘၣ်တၢ်တ့လီၤပာ်လီၤနၤန့ၣ်လီၤ.

လံာ်စကၤရယၤ 9:16

ဖဲမုၢ်နံၤဝဲန့ၣ်တုၤဃီၤန့ၣ်, ယွၤကအုၣ်က့ၤခီၣ်က့ၤ အပှၤဂီၢ်မုၢ်, ဒ်ပှၤကွၢ်သိတဂၤအုၣ်က့ၤခီၣ်က့ၤအသိတဖုလၢ တၢ်အၢတၢ်သီအပူၤအသိးန့ၣ်လီၤ. အဝဲသ့ၣ်ကကပီၤထီၣ်လၢယွၤအထံအကီၢ်အပူၤ ဒ်ခိၣ်သလုးတဖျၢၣ်အတၢ်မျၢ်ပလဲတဖၣ် အသိးန့ၣ်လီၤ.