လံာ်တၢ်ဟးထီၣ်ကွံာ် 28:6 - Sgaw Karen Common Bible

⁶ အဝဲသ့ၣ်ကဘၣ်ဆးအ့ဖိးလၢတၢ်အလွဲၢ်အလါအဲး, အလွဲၢ်လုးတကုာ်, ဒီးသိဆူၣ်ဂီၤ, သွဲထူ, ဒီးတၢ်ကံးယာ်လုၣ် အဂ့ၤဒီးကယၢကယဲအီၤဒီးတၢ်ဆးဒဲးကံၣ်ဒဲးဝ့ၤန့ၣ်လီၤ.

လံာ်တၢ်ဟးထီၣ်ကွံာ် 28:6 Iomraidhean Croise

လံာ်တၢ်ဟးထီၣ်ကွံာ် 25:4

တၢ်ကံးယာ်လုၣ်အဂ့ၤ, အလါအဲးအလုးတကုာ်ဒီးသိဆူၣ်ဂီၤတဖၣ်, ဒီးတၢ်ကူတၢ်သိးလၢအဘၣ်တၢ်မၤအီၤလၢမဲာ်တဲးလဲးအဆူၣ်,

လံာ်တၢ်ဟးထီၣ်ကွံာ် 25:7

ဒီးတၢ်မျၢ်မဟူယၤ, ဒီးတၢ်မျၢ်လုၢ်ဒိၣ်ပှ့ၤဒိၣ်အဂၤတဖၣ်လၢတၢ် ကထီထီၣ်အီၤလၢပှၤလုၢ်တၢ်အခိၣ်အဒိၣ်ကတၢၢ်အဆ့ကၤအ့ဖိးအလိၤ ဒီးလၢအသဃိးအလိၤအဂီၢ်လီၤ.

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 28:7

ပျံၤလၢဖံဘၣ်ခိၣ်ခံဘိလၢတၢ်စၢဃးအီၤသ့ဝဲန့ၣ်, တၢ်ကဘၣ်ဆးတံာ်အီၤဖဲအကပၤန့ၣ်လီၤ.

လံာ်တၢ်ဟးထီၣ်ကွံာ် 29:5

အန့ၣ်ဝံၤဒီးဒုးကူထီၣ်သိးထီၣ်စီၤအၤဟရိၣ်လၢပှၤလုၢ်တၢ် အခိၣ်အကူအသိးတဖၣ်ဒ်ပစံးတၢ်အသိးဆ့ကၤ, အ့ဖိး, ဆ့ကၤထီလၢအ့ဖိးအဖီလာ်, သဃိးဒီးယီၢ်တကိးတက့ၢ်.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်တၢ်ဘူၣ်ထီၣ်ဘါထီၣ် 8:7

ဒီးဒုးသိးထီၣ်စီၤအၤဟရိၣ်လၢဆ့ကၤဖိ, ဆ့ကၤဖးထီ, ဒီးယီၢ်တကိးဖးဒိၣ်ဝးတရံးအယီၢ်ဒ့, ဝံၤဒီးပာ်ထီၣ်အ့ဖိးလၢအလိၤဒီးစၢဃံးအီၤလၢယီၢ်တကိးဖိ န့ၣ်လီၤ.

လံာ်ပှၤစံၣ်ညီၣ်ကွီၢ် 8:27

စီၤကံးဒဧိၣ်သိထီၣ်တၢ်ဂီၤတခါလၢထူဒီးပာ်အီၤလၢအဝ့ၢ်ဒၣ်ဝဲ, ဝ့ၢ်ဧိးဖြၤအပူၤန့ၣ်လီၤ. ဒီးပှၤအံၣ်စရ့လးဖိခဲလၢာ်ညိကွံာ်ကစၢ်ယွၤဒီးလဲၤဖဲန့ၣ်ဒ်သိး အကဘူၣ်ထီၣ်ဘါထီၣ်ဝဲတၢ်ဂီၤသိအသးန့ၣ်လီၤ. တၢ်န့ၣ်ကဲထီၣ်ပျံၤသကွီၤလၢစီၤကံးဒဧိၣ်ဒီးအပှၤဟံၣ်ဖိအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:6

ဖဲစီၤအဃံၤမ့လ့းအဖိခွါစီၤအ့ဘယၤသၣ်ပူၤဖျဲးဒီးလဲၤမၤဃုာ်တၢ်ဒီး စီၤဒၤဝံးလၢဝ့ၢ်ကံလၤန့ၣ်အဝဲလဲၤစိာ်အ့ဖိး ဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:7

စီၤဒၤဝံးစံးဘၣ်ပှၤလုၢ်တၢ်အခိၣ်, စီၤအဃံၤမ့လ့းအဖိခွါ စီၤအ့ဘယၤသၢ်, “ဟဲစိာ်န့ၢ်ယၤအ့ဖိးတက့ၢ်.” ဒီးစီၤအ့ဘယၤသၢ်ဟဲစိာ်တၢ်န့ၣ်ဆူအအိၣ်န့ၣ်လီၤ.