လံာ်တၢ်ဟးထီၣ်ကွံာ် 28:43 - Sgaw Karen Common Bible

⁴³ စီၤအၤဟရိၣ်ဒီးအဖိခွါတဖၣ်ကဘၣ်သိးအီၤတဘိယူၢ်ဃီဖဲ အလဲၤနုာ်ဆူယအိၣ်ယဆိးအဒဲစီဆှံအပူၤအခါမ့ၢ်ဂ့ၤ, ဖဲအသုးဘူးဃီၤအသးဆူတၢ်လုၢ်လီၢ်လၢအကမၤတၢ်ဒ်ပှၤလုၢ်တၢ် အခိၣ်ဖဲတၢ်အလီၢ်စီဆှံအပူၤအခါမ့ၢ်ဂ့ၤဒ်သိးအသု တဘၣ်တၢ်မၤသံအီၤလၢအတၢ်မဲာ်ဆှးအိၣ်ဖျါအဃိတဂ့ၤန့ၣ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢစီၤအၤဟရိၣ်ဒီး အစၢၤအသွဲၣ်တဖၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 28:43 Iomraidhean Croise

လံာ်တၢ်ဟးထီၣ်ကွံာ် 20:26

ဘှီထီၣ်တၢ်လုၢ်လီၢ်တခါလၢယဂီၢ်အိၣ်ဒီးဃီသွါတဖၣ်လၢအလဲၤထီၣ်ဆူအဖီခိၣ်န့ၣ်တဂ့ၤ. သုမ့ၢ်မၤအီၤဒီးသုကပာ်ဖျါထီၣ်သုတၢ်မဲာ်ဆှးဖဲသုလဲၤထီၣ်ဃီသွါအခါန့ၣ်လီၤ.

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 30:21

အဝဲသ့ၣ်ကဘၣ်သ့အစုတဖၣ်ဒီးအခီၣ်တဖၣ်ဒ်သိးအသုတသံ တဂ့ၤလီၤ. အအံၤမ့ၢ်တၢ်သိၣ်တၢ်ဘျၢတထံၣ်လၢအဝဲသ့ၣ်ဒီး အစၢၤအသွဲၣ်တဖၣ်ကဘၣ်တိၢ်န့ၢ်မၤထွဲဝဲတဘိယူၢ်ဃီန့ၣ်လီၤ.”

လံာ်ယဃ့းစက့လး 44:17

တုၤအဝဲသ့ၣ်လဲၤနုာ်ဆူယွၤအတၢ်လုၢ်ဟံၣ် အဂၢၤလၢတၢ်အိပူၤအကျဲစၢၤကျိၤထံးန့ၣ် အဝဲသ့ၣ်ကဘၣ်ကူထီၣ်သိးထီၣ်တၢ်ကံးညၣ် ဖှီဝါကဆှၣ်န့ၣ်လီၤ. ဖဲအဝဲသ့ၣ်မၤအတၢ်မၤ လၢတၢ်လုၢ်ဟံၣ်အဂၢၤလၢတၢ်အိပူၤအခါမ့ၢ်ဂ့ၤ, လၢယွၤအတၢ်လုၢ်ဟံၣ်အပူၤအခါမ့ၢ်ဂ့ၤန့ၣ်, အဝဲသ့ၣ်တဘၣ်ကူသိးတၢ်လၢအဘၣ်တၢ်မၤအီၤလၢ သိဆူၣ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 16:13

ဒီးဘၣ်ပာ်တၢ်နၢမူလၢမ့ၣ်အူဖီခိၣ်လၢယွၤအမဲာ်ညါ, ဒ်သိးတၢ်နၢမူအမ့ၣ်အူလုၣ်ကကျၢၢ်ဘၢတၢ်အၢၣ်လီၤအီလီၤတလါ အဖီခိၣ်ဒ်သိးအသုတထံၣ်အီၤဒီးသံတဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:7

အံၣ်စရ့လးအပှၤဂီၢ်မုၢ်တဘၣ်မ့ၢ်လၢၤပှၤလၢအတတီ ဒီးယွၤခီဖျိတၢ်မၤသံအဆၣ်ဖိကီၢ်ဖိတဖၣ်လၢတၢ်ပျီပူၤဒီး လုၢ်ထီၣ်အီၤဆူတၢ်နါတဖၣ်လၢအလီၤဂာ်ဒီးမဲာ်တဲးလဲးန့ၣ်လၢၤဘၣ်. အံၣ်စရ့လးအပှၤဂီၢ်မုၢ်ကဘၣ်ဒိကနၣ်မၤထွဲတၢ် သိၣ်တၢ်ဘျၢအံၤအစိၤစိၤအဃၣ်ဃၣ်လီၤ.

လံာ်တၢ်ဘူၣ်ထီၣ်ဘါထီၣ် 22:15

ပှၤလုၢ်တၢ်အခိၣ်န့ၣ်တဘၣ်မၤဘၣ်အၢတၢ်လုၢ်တၢ်ပာ်စီဆှံတဖၣ်

လံာ်တၢ်ဘူၣ်ထီၣ်ဘါထီၣ် 22:9

ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:1

ပှၤတဂၤဂၤမ့ၢ်ဘၣ်ကဲထီၣ်ပှၤအုၣ်အသးလၢတၢ်လၢအထံၣ်ဘၣ်ဝဲမ့ၢ်ဂ့ၤ, သ့ၣ်ညါဝဲမ့ၢ်ဂ့ၤ, အဂ့ၢ်ဒီးတတဲဖျါထီၣ်ဝဲလၢကွီၢ်ဘျီၣ်ပူၤန့ၣ်, ကဘၣ်တူၢ်အတၢ်ဒဲးဘးဒၣ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:17

ပှၤတဂၤမ့ၢ်မၤတၢ်ဒဲးဘးလၢတၢ်တတိာ်သူၣ်ပာ်သးအပူၤခီဖျိတၢ် လဲၤခီပတာ်ယွၤအတၢ်မၤလိာ်တမံၤလၢ်လၢ်န့ၣ်, အတၢ်ကမၣ်အိၣ်ဒီးကဘၣ်တူၢ်အတၢ်ကမၣ်ဒၣ်ဝဲန့ၣ်လီၤ.

လံာ်တၢ်ဂံၢ် 15:15

တၢ်သိၣ်တၢ်ဘျၢတဖၣ်တမံၤဃီအံၤမ့ၢ်တၢ်ဂၢၢ်ဂၢၢ်ကျၢၤကျၢၤလၢသု ဂီၢ်အစိၤစိၤအဃၣ်ဃၣ်ဒီးလၢပှၤတခီဘီမုၢ်ဖိလၢအအိၣ်လၢသု ကျါအဂီၢ်စ့ၢ်ကီးန့ၣ်လီၤ. သုဝဲဒီးအဝဲသ့ၣ်မ့ၢ်တၢ်ဒ်သိးသိးလၢယွၤအမဲာ်ညါန့ၣ်လီၤ.

လံာ်တၢ်ဂံၢ် 18:22

ပှၤအံၣ်စရ့လးဖိအဂၤတဖၣ်တဘၣ်သုးဘူးအသးဆူဒဲစီဆှံ အအိၣ်နီတစုလၢၤဘၣ်. လၢကျဲဒ်အံၤအဃိန့ၣ်အဝဲသ့ၣ်ကဒုးလီၤဘၣ်တၢ်စံၣ်ညီၣ်သံလၢအဖီ ခိၣ်ဒၣ်ဝဲန့ၣ်လီၤ.

လံာ်တၢ်ဂံၢ် 18:32

ဖဲသုဟ့ၣ်ထီၣ်တၢ်နီၤဖးအဂ့ၤကတၢၢ်ဆူယွၤဝံၤတစုန့ၣ်တုၤသု အီၣ်တၢ်ဒီးတၢ်ကမၣ်တကဲထီၣ်လၢသုဂီၢ်ဘၣ်. ဘၣ်ဆၣ်ဒီးပလီၢ်သုသးလၢသုသုတမၤဘၣ်အၢတၢ်ဟ့ၣ်စီဆှံတဖၣ်လၢ ပှၤအံၣ်စရ့လးဖိတဖၣ်ဟ့ၣ်ဝဲခီဖျိတၢ်အီၣ်တၢ်ဟ့ၣ်တဖၣ်တမံၤ ဂ့ၤတမံၤဂ့ၤ, တချုးဖဲသုလုၢ်ထီၣ်ပာ်ထီၣ်ဘၣ်ဒံးတၢ်နီၤဖးအဂ့ၤ ကတၢၢ်န့ၣ်တဂ့ၤ. သုမ့ၢ်မၤဒီးသုကဘၣ်တၢ်မၤသံကွံာ်သုန့ၣ်လီၤ.”

လံာ်တၢ်ဂံၢ် 18:8

ယွၤစံးဘၣ်စီၤအၤဟရိၣ်, “သ့ၣ်နီၣ်ထီၣ်လၢယဟ့ၣ်တ့ၢ်နၤတၢ် ဟ့ၣ်မၤဘူၣ်လီၤဆီခဲလၢာ်လၢအဘၣ်တၢ်လုၢ်ထီၣ်ပာ်ထီၣ်ဆူ ယအိၣ်, တၢ်လၢအတဘၣ်တၢ်ဆိၣ်ကဲၤထီၣ်အီၤဒ်တၢ်လုၢ်တၢ်ပာ် တဖၣ်အသိးန့ၣ်တက့ၢ်. ယဟ့ၣ်အီၤဆူနၤဒီးနစၢၤနသွဲၣ်တဖၣ်ဒ်တၢ်နီၤဖးလၢသုကဒိးန့ၢ် အီၤလီၤထူလီၤယိာ်န့ၣ်လီၤ.

လံာ်တၢ်ဂံၢ် 9:13

ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.