လံာ်တၢ်ဟးထီၣ်ကွံာ် 28:41 - Sgaw Karen Common Bible

⁴¹ ဒုးသိးထီၣ်တၢ်ကူတၢ်သိးတဖၣ်အံၤလၢနဒီပုၢ်ဝဲၢ်စီၤအၤဟရိၣ် ဒီးအဖိခွါတဖၣ်အလိၤတက့ၢ်. အန့ၣ်ဝံၤဒီးဖှူအီၤဒီးပာ်စီဆှံအီၤလၢသ့ၣ်စၤယံးအသိဒ်သိး အကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 28:41 Iomraidhean Croise

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 28:4

တဲဘၣ်အဝဲသ့ၣ်လၢကမၤန့ၢ်ပှၤလုၢ်တၢ်အခိၣ်သဃိးတဘ့ၣ်, အ့ဖိးတဘ့ၣ်, ဆ့ကၤဖးထီတဘ့ၣ်, ဆ့ကၤဆးကံၣ်အသးတဘ့ၣ်, ခိၣ်ဖၢၣ်တဘ့ၣ်, ဒီးယီၢ်တကိးတဘိတက့ၢ်. အဝဲသ့ၣ်ကဘၣ်မၤပှၤလုၢ်တၢ်အခိၣ်အကူအသိးတဖၣ်အံၤလၢနဒီပုၢ် ဝဲၢ်ခွါစီၤအၤဟရိၣ်ဒီးအဖိခွါတဖၣ်အဂီၢ်ဒ်သိးအဝဲသ့ၣ်မၤ ယတၢ်မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်လီၤ.

လံာ်တၢ်ဟးထီၣ်ကွံာ် 29:24

ဒၢနုာ်တၢ်အီၣ်တဖၣ်အံၤခဲလၢာ်ဆူစီၤအၤဟရိၣ်ဒီးအဖိခွါတဖၣ် အစုပူၤဒီးတဲဘၣ်အဝဲသ့ၣ်လၢကပာ်စီဆှံထီၣ်အီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်.

လံာ်တၢ်ဟးထီၣ်ကွံာ် 29:35

မၤတၢ်ဖှူတၢ်အလုၢ်အလၢ်လၢစီၤအၤဟရိၣ်ဒီးအဖိခွါတဖၣ်အဂီၢ်နွံ သီလီၤတံၢ်လီၤဆဲးဒ်ယမၤလိာ်တ့ၢ်နၤအသိးတက့ၢ်.

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်တၢ်ဟးထီၣ်ကွံာ် 29:9

စၢထီၣ်ယီၢ်တကိးတဖၣ်လၢအယီၢ်ဒ့ဒီးဒုးဖၢၣ်ထီၣ်အခိၣ်တဖၣ်လၢ ခိၣ်ဖၢၣ်တဖၣ်တက့ၢ်. တၢ်အံၤမ့ၢ်တၢ်လၢနကဘၣ်မၤအီၤဒ်သိးနကဖှူစီၤအၤဟရိၣ်ဒီးအဖိ ခွါတဖၣ်အဂီၢ်ဒ်လဲၣ်န့ၣ်လီၤ. အဝဲသ့ၣ်ဒီးအစၢၤအသွဲၣ်တဖၣ်ကဘၣ်မၤယတၢ်မၤဒ်ပှၤလုၢ်တၢ်အခိၣ် တဖၣ်အသိးအစိၤစိၤအဃၣ်ဃၣ်လီၤ.

လံာ်တၢ်ဟးထီၣ်ကွံာ် 30:35

သူအီၤလၢနကမၤကဲထီၣ်တၢ်နၢမူ, ဃါဃုာ်အသးဒ်ဒီးသိနၢမူ အသိးန့ၣ်တက့ၢ်. ဒၢနုာ်ဃုာ်အံသၣ်လၢတၢ်ပာ်ကဆှီဒီးပာ်စီဆှံအီၤအဂီၢ်တက့ၢ်.

လံာ်တၢ်ဟးထီၣ်ကွံာ် 40:13

ဒုးကူထီၣ်သိးထီၣ်စီၤအၤဟရိၣ်လၢပှၤလုၢ်တၢ်အခိၣ်အကူအသိးတဖၣ်, ဖှူအီၤဒီးလၢကျဲဒ်အံၤန့ၣ်ပာ်စီဆှံအီၤဒ်သိးအဝဲမၤယတၢ်မၤ ဒ်ပှၤလုၢ်တၢ်အခိၣ်တဂၤအသိးကသ့န့ၣ်တက့ၢ်.

လံာ်တၢ်ဟးထီၣ်ကွံာ် 40:15

အန့ၣ်ဝံၤဒီးဖှူအဝဲသ့ၣ်ဒ်နဖှူအပၢ်အသိးဒ်သိးအဝဲသ့ၣ်မၤယတၢ် မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်တက့ၢ်. တၢ်အံၤမ့ၢ်ဒ်သိးကဒုးကဲထီၣ်အဝဲသ့ၣ်လၢပှၤလုၢ်တၢ်အခိၣ်တဖၣ် ဆူညါထီဘိအဂီၢ်န့ၣ်တက့ၢ်.

လံာ်ယၡါယၤ 10:27

ဖဲတၢ်ဆၢကတီၢ်အဝဲန့ၣ်ဟဲတုၤဒီး, ယကမၤထူၣ်ဖျဲးထီၣ်နၤလၢ ကီၢ်အၤၡူၢ်အစိအကမီၤအဖီလာ်, ဒီးအဝဲသ့ၣ်အနီၣ်ယိးဘိ တမ့ၢ်တၢ်ဝံတၢ်ယိးလၢသုဖံဘၣ်ခိၣ်တဖၣ်အလိၤလၢၤဘၣ်.”

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယဃ့းစက့လး 43:26

လၢနွံသီအတီၢ်ပူၤန့ၣ်, ပှၤလုၢ်တၢ်အခိၣ်တဖၣ်ကဘၣ်ပာ်စီဆှံ ထီၣ်တၢ်လုၢ်လီၢ်ဒီးကဘၣ်ကတဲာ်ကတီၤအီၤလၢ တၢ်ကသူအီၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:7

ဒီးတဘၣ်ဟးထီၣ်ကွံာ်လၢတၢ်ဘူၣ်ထီၣ်ဘါထီၣ်ယွၤအဒဲ အကျဲစၢၤန့ၣ်တဂ့ၤ. သုမ့ၢ်ဟးထီၣ်သုကသံလီၤ. မ့ၢ်လၢသုဘၣ်တၢ်ပာ်စီဆှံလံသုခီဖျိတၢ်ဖှူသုလၢယွၤအသိအဃိန့ၣ်လီၤ.” ဒီးအဝဲသ့ၣ်မၤဝဲဒ်စီၤမိၤၡ့စံးဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:24

ဒီးကဘၣ်လုၢ်ထံလၢတၢ်အလီၢ်စီဆှံအပူၤဒီးသိးထီၣ်က့ၤအကူ အသိးဒၣ်ဝဲတဖၣ်လီၤ. အန့ၣ်ဝံၤဒီးကဘၣ်ဟးထီၣ်ဝဲဒီးလုၢ်ထီၣ်တၢ်လုၢ်မ့ၣ်အူလၢက တြူာ်ကွံာ်အနီၢ်ကစၢ်ဒၣ်ဝဲအတၢ်ဒဲးဘးဒီးပှၤဂီၢ်မုၢ်အတၢ်ဒဲးဘးတဖၣ်အဂီၢ်န့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 3:3

အဝဲသ့ၣ်ဘၣ်တၢ်ဖှူအီၤဒီးပာ်စုအီၤဒ်ပှၤလုၢ်တၢ်အခိၣ်တဖၣ်အသိး န့ၣ်လီၤ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

ဧ့ၤဘြံၤ 5:4

တၢ်လၤကပီၤဘၣ်ဃးဒီးတၢ်ကဲထီၣ်ပှၤလုၢ်တၢ်အခိၣ်အဒိၣ် ကတၢၢ်အံၤပှၤလၢအဃုထၢန့ၢ်အီၤလၢအဂီၢ်ဒၣ်ဝဲတအိၣ်နီ တဂၤဘၣ်. မ့ၢ်ဒၣ်တၢ်လၢအဟဲခီဖျိကစၢ်ယွၤအတၢ်ကိးဒ် တၢ်ကိးန့ၢ်စီၤအၤဟရိၣ်အသိးန့ၣ်လီၤ.

ဧ့ၤဘြံၤ 7:28

သပှၢ်ကတၢၢ်, တၢ်သိၣ်တၢ်သီဃုထၢပာ်ထီၣ်ပှၤတဖၣ်လၢ အဂံၢ်စၢ်ဘါစၢ်လၢပှၤလုၢ်တၢ်အခိၣ်အဒိၣ်ကတၢၢ်အလီၢ် န့ၣ်လီၤ. ဘၣ်ဆၣ်ဒီးကစၢ်ယွၤအတၢ်ဆိၣ်လီၤအသးလၢ အဟဲလၢတၢ်သိၣ်တၢ်သီအလီၢ်ခံအံၤဃုထၢပာ်ထီၣ်ယွၤ အဖိခွါလၢအဘၣ်တၢ်မၤလၢပှဲၤတ့ၢ်လံအီၤအစိၤစိၤ အဃၣ်ဃၣ်တဂၤန့ၣ်လီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.