လံာ်တၢ်ဟးထီၣ်ကွံာ် 28:4 - Sgaw Karen Common Bible

⁴ တဲဘၣ်အဝဲသ့ၣ်လၢကမၤန့ၢ်ပှၤလုၢ်တၢ်အခိၣ်သဃိးတဘ့ၣ်, အ့ဖိးတဘ့ၣ်, ဆ့ကၤဖးထီတဘ့ၣ်, ဆ့ကၤဆးကံၣ်အသးတဘ့ၣ်, ခိၣ်ဖၢၣ်တဘ့ၣ်, ဒီးယီၢ်တကိးတဘိတက့ၢ်. အဝဲသ့ၣ်ကဘၣ်မၤပှၤလုၢ်တၢ်အခိၣ်အကူအသိးတဖၣ်အံၤလၢနဒီပုၢ် ဝဲၢ်ခွါစီၤအၤဟရိၣ်ဒီးအဖိခွါတဖၣ်အဂီၢ်ဒ်သိးအဝဲသ့ၣ်မၤ ယတၢ်မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်လီၤ.

လံာ်တၢ်ဟးထီၣ်ကွံာ် 28:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 25:7

ဒီးတၢ်မျၢ်မဟူယၤ, ဒီးတၢ်မျၢ်လုၢ်ဒိၣ်ပှ့ၤဒိၣ်အဂၤတဖၣ်လၢတၢ် ကထီထီၣ်အီၤလၢပှၤလုၢ်တၢ်အခိၣ်အဒိၣ်ကတၢၢ်အဆ့ကၤအ့ဖိးအလိၤ ဒီးလၢအသဃိးအလိၤအဂီၢ်လီၤ.

လံာ်တၢ်ဟးထီၣ်ကွံာ် 29:6

ပာ်ထီၣ်ခိၣ်ဖၢၣ်လၢအဝဲအလိၤဒီးလၢခိၣ်ဖၢၣ်အလိၤန့ၣ်စၢထီၣ်တၢ် ပာ်စီဆှံသးအပနီၣ် ‘တၢ်ပာ်စီဆှံဆူယွၤ’ န့ၣ်တက့ၢ်.

လံာ်တၢ်ဟးထီၣ်ကွံာ် 39:28

ဒီးခိၣ်ဖၢၣ်, ခိၣ်ဖျီၣ်တဖၣ်ဒီးဖျီၣ်ခံဖုၣ်တဖၣ်,

လံာ်ယၡါယၤ 11:5

အဝဲကပၢအပှၤဂီၢ်မုၢ်လၢတၢ်စံၣ်ညီၣ်တီဒီးတၢ်မၤတီအကလုၢ်လီၤ.

လံာ်ယၡါယၤ 59:17

အဝဲကကူထီၣ်သိးထီၣ်တၢ်စံၣ်ညီၣ်တီဒ်ဆ့ကၤဖီခိၣ်သဃိးတဘ့ၣ် အသိးဒီးကကုာ်ထီၣ်တၢ်အုၣ်က့ၤခီၣ်က့ၤအစိကမီၤဒ်ခိၣ်ကုာ်သုး တဖျၢၣ်အသိးလီၤ. အဝဲကကူထီၣ်ကၤထီၣ်ဝဲတၢ်သးအိၣ် နီၢ်နီၢ်လၢတၢ်မၤလိၤမၤဘၣ်က့ၤတၢ်အဂီၢ်ဒီးကစံၣ်ညီၣ်ဒီး ဟ့ၣ်ကၣ်ဆၢက့ၤတၢ်ကမၣ်တဖၣ်လၢပှၤဂီၢ်မုၢ်တူၢ်ဘၣ်ဝဲန့ၣ်လီၤ.

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

အ့းဖ့းစူး 6:14

ဆၢထၢၣ်ကျၢၤကျၢၤဒီးစၢဃာ်သုယီၢ်ဒ့ဃံးဃံးလၢတၢ် မ့ၢ်တၢ်တီဒ်ယီၢ်တကိးအသိး, ဒီးသိးထီၣ်တၢ်တီတၢ်လိၤဒ်သဃိး အသိးတက့ၢ်.

၁ သ့းစၤလနံ 5:8

မ့မ့ၢ်, ပမ့ၢ်ပှၤတဖၣ်လၢအဘၣ်ဃးဒီးမုၢ်ဆါခီ ဒီးပဘၣ်မ့ၢ်ပှၤလၢအတမူၤတဘှီးဘၣ်တဖၣ်လီၤ. မ်ပသိးထီၣ်တၢ်နာ်ဒီးတၢ်အဲၣ်တၢ်ကွံအသဃိးဒီး ကုာ်ထီၣ်တၢ်မုၢ်လၢ်ဘၣ်ဃးတၢ်အုၣ်က့ၤခီၣ်က့ၤအခိၣ်ကုာ်သုး န့ၣ်တက့ၢ်.

လံာ်လီၣ်ဖျါ 9:17

ဒီးလၢယတၢ်ထံၣ်တၢ်လၢညါခီအပူၤန့ၣ်ယထံၣ်ဘၣ်ကသ့ၣ် တဖၣ်, ဒီးပှၤလၢအဒိးအီၤတဖၣ်လီၤ. အဝဲသ့ၣ်အိၣ်ဒီးသဃိးတဖၣ်လၢအဂီၤဝဲဒ်မ့ၣ်အူအသိး, လါအဲးဝဲဒ်တၢ်မျၢ်နံၤလါ, ဒီးဘီဝဲဒ်ကးကမူၣ်အသိးန့ၣ်လီၤ. ကသ့ၣ်တဖၣ်အခိၣ်လီၤဂာ်ဒ်ခ့ယုၢ်အခိၣ်, ဒီးလၢအဝဲသ့ၣ် တဖၣ်အကိာ်ပူၤန့ၣ်, မ့ၣ်အူ, တၢ်အလုၢ်ခုၣ်ဒီးကးကမူၣ် ဟဲဖျိးထီၣ်ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:18

အကတီၢ်ဖဲန့ၣ်, ဖိသၣ်စီၤၡမူၤအ့လးမၤကစၢ်ယွၤအတၢ်မၤဆူညါ ဒီးသိးဃာ်ဝဲဆ့စီဆှံလၢတၢ်ကံးယာ်ထါအသးလၢလုၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:18

မၤသးဒ်န့ၣ်ဒီး, စီၤစီလူးစံးဘၣ်စီၤဒိအ့း, “မၤသံကွံာ်အဝဲသ့ၣ်တဖၣ်, နဲဒၣ်တက့ၢ်.” ဒီးစီၤဒိအ့းမၤသံကွံာ်အဝဲသ့ၣ်ခဲလၢာ်လီၤ. လၢမုၢ်နံၤအဝဲန့ၣ်အပူၤ, အဝဲမၤသံကွံာ်ပှၤလုၢ်တၢ်အခိၣ်တဖၣ်လၢအထီၣ်ဘးဝဲလၢ ကသိးအ့ဖိးတဖၣ်န့ၣ်ခဲလၢာ်ဃိးဆံယဲၢ်ဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:6

ဖဲစီၤအဃံၤမ့လ့းအဖိခွါစီၤအ့ဘယၤသၣ်ပူၤဖျဲးဒီးလဲၤမၤဃုာ်တၢ်ဒီး စီၤဒၤဝံးလၢဝ့ၢ်ကံလၤန့ၣ်အဝဲလဲၤစိာ်အ့ဖိး ဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:7

စီၤဒၤဝံးစံးဘၣ်ပှၤလုၢ်တၢ်အခိၣ်, စီၤအဃံၤမ့လ့းအဖိခွါ စီၤအ့ဘယၤသၢ်, “ဟဲစိာ်န့ၢ်ယၤအ့ဖိးတက့ၢ်.” ဒီးစီၤအ့ဘယၤသၢ်ဟဲစိာ်တၢ်န့ၣ်ဆူအအိၣ်န့ၣ်လီၤ.