လံာ်တၢ်ဟးထီၣ်ကွံာ် 28:39 - Sgaw Karen Common Bible

³⁹ ထါန့ၢ်စီၤအၤဟရိၣ်အဆ့ကၤလၢလုၣ်အဂ့ၤ, ဒီးမၤန့ၢ်အခိၣ်ဖၢၣ် တဘ့ၣ်လၢတၢ်ကံးယာ်လုၣ်အဂ့ၤဒီးယီၢ်တကိးတဘိစ့ၢ်ကီးကယၢ ကယဲအီၤလၢတၢ်ဆးဒဲးကံၣ်ဒဲးဝ့ၤန့ၣ်တက့ၢ်.

လံာ်တၢ်ဟးထီၣ်ကွံာ် 28:39 Iomraidhean Croise

စံးထီၣ်ပတြၢၤ 45:14

အဝဲဘၣ်တၢ်လဲၤကိးအီၤဆူ စီၤပၤအအိၣ်, ကူသိးဝဲဒီး အဆ့ကၤအိၣ်ဒီး အလွဲၢ်ဃံလၤတဖၣ် ဒီးမုၣ်လိၣ်ဘိလၢအထီၣ်ဆှၢအီၤသ့ၣ်တဖၣ် ပိာ်ထီၣ်အခံန့ၣ်လီၤ. ဒီးအဝဲသ့ၣ်စ့ၢ်ကီးဘၣ်တၢ်လဲၤကိးအီၤဆူစီၤပၤ အအိၣ်န့ၣ်လီၤ.

လံာ်တၢ်ဟးထီၣ်ကွံာ် 26:36

လၢယွၤအဒဲစီဆှံအကျဲစၢၤအဂီၢ်န့ၣ်, မၤယၣ်ဘျးသဒၢတဘ့ၣ်လၢ တၢ်ကံးယာ်လုၣ်အဂ့ၤ, ဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်ဒီးသိဆူၣ်ဂီၤဒီးမၤဃံမၤလၤအီၤဒီးတၢ်ဆး ဒဲးကံၣ်ဒဲးဝ့ၤတက့ၢ်.

လံာ်တၢ်ဟးထီၣ်ကွံာ် 27:16

ဒီးလၢတၢ်နုာ်လီၤဟးထီၣ်အကျဲစၢၤဒၣ်ဝဲအဂီၢ်န့ၣ်ယၣ်ဘျးသဒၢ တဘ့ၣ်လၢအထီအိၣ်အပျၢ်ခံဆံဒီးဘၣ်တၢ်မၤအီၤလၢတၢ်ကံးယာ်လုၣ် အဂ့ၤထါအသးလၢတၢ်အလွဲၢ်လါ, အလွဲၢ်လုးတကုာ်ဒီးသိ ဆူၣ်ဂီၤဒီးဘၣ်တၢ်မၤဃံမၤလၤအီၤလၢတၢ်ဆးဒဲးကံၣ်ဒဲးဝ့ၤ ကဘၣ်အိၣ်ဝဲန့ၣ်လီၤ. ဒီးကဘၣ်တၢ်ဘျးထီၣ်အီၤလၢအထူၣ်လွံၢ်ထူၣ်လၢတၢ်ထီထီၣ်အီၤလၢ တၢ်အခီၣ်ထံးလွံၢ်ခါအလိၤန့ၣ်လီၤ.

လံာ်တၢ်ဟးထီၣ်ကွံာ် 28:4

တဲဘၣ်အဝဲသ့ၣ်လၢကမၤန့ၢ်ပှၤလုၢ်တၢ်အခိၣ်သဃိးတဘ့ၣ်, အ့ဖိးတဘ့ၣ်, ဆ့ကၤဖးထီတဘ့ၣ်, ဆ့ကၤဆးကံၣ်အသးတဘ့ၣ်, ခိၣ်ဖၢၣ်တဘ့ၣ်, ဒီးယီၢ်တကိးတဘိတက့ၢ်. အဝဲသ့ၣ်ကဘၣ်မၤပှၤလုၢ်တၢ်အခိၣ်အကူအသိးတဖၣ်အံၤလၢနဒီပုၢ် ဝဲၢ်ခွါစီၤအၤဟရိၣ်ဒီးအဖိခွါတဖၣ်အဂီၢ်ဒ်သိးအဝဲသ့ၣ်မၤ ယတၢ်မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်လီၤ.

လံာ်တၢ်ဟးထီၣ်ကွံာ် 29:5

အန့ၣ်ဝံၤဒီးဒုးကူထီၣ်သိးထီၣ်စီၤအၤဟရိၣ်လၢပှၤလုၢ်တၢ် အခိၣ်အကူအသိးတဖၣ်ဒ်ပစံးတၢ်အသိးဆ့ကၤ, အ့ဖိး, ဆ့ကၤထီလၢအ့ဖိးအဖီလာ်, သဃိးဒီးယီၢ်တကိးတက့ၢ်.

လံာ်တၢ်ဟးထီၣ်ကွံာ် 29:6

ပာ်ထီၣ်ခိၣ်ဖၢၣ်လၢအဝဲအလိၤဒီးလၢခိၣ်ဖၢၣ်အလိၤန့ၣ်စၢထီၣ်တၢ် ပာ်စီဆှံသးအပနီၣ် ‘တၢ်ပာ်စီဆှံဆူယွၤ’ န့ၣ်တက့ၢ်.

လံာ်တၢ်ဟးထီၣ်ကွံာ် 29:8

ဟဲကိးအဖိခွါတဖၣ်ဒီးဒုးသိးထီၣ်အဝဲသ့ၣ်လၢဆ့ကၤတဖၣ်,

လံာ်တၢ်ဟးထီၣ်ကွံာ် 39:27

အဝဲသ့ၣ်ဆးပိာ်ခွါအဆ့ကၤတဖၣ်လၢစီၤအၤဟရိၣ်ဒီးအဖိခွါအတဖၣ်အဂီၢ်.

လံာ်တၢ်ဘူၣ်ထီၣ်ဘါထီၣ် 16:4

အန့ၣ်ဝံၤဒီးယွၤဟ့ၣ်လီၤတၢ်သိၣ်တၢ်ဘျၢဒ်အဖီလာ်အသိးန့ၣ်လီၤ. တချုးလၢစီၤအၤဟရိၣ်နုာ်ဆူတၢ်လီၢ်စီဆှံကတၢၢ်ဒံးဘၣ်န့ၣ်, ကဘၣ်လုၢ်ထံဒီးသိးထီၣ်ပှၤလုၢ်တၢ်အခိၣ်အကူအသိးတဖၣ်လၢအမ့ၢ်ဆ့ဖှီဝါစီဆှံ, ယီၢ်တကိးဖှီဝါဒီးခိၣ်သလုးဖှီဝါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:10

ဒီးပှၤလုၢ်တၢ်အခိၣ်ကဘၣ်သိးထီၣ်အဆ့ကၤဖှီဝါဖးထီဒီးဖျီၣ်ခံဖှီဝါ, ဒီးကဘၣ်စိာ်ကွံာ်ဖၣ်ဆါလၢအအိၣ်လၢတၢ်လုၢ်လီၢ်အဖီခိၣ်ဒီးပာ် အီၤဖဲတၢ်လုၢ်လီၢ်အကပၤန့ၣ်လီၤ.