လံာ်တၢ်ဟးထီၣ်ကွံာ် 28:38 - Sgaw Karen Common Bible

³⁸ စီၤအၤဟရိၣ်ကဘၣ်ဖၢၣ်ထီၣ်အီၤဖဲအခိၣ်တိသၣ်ဒ်သိးယၤ, ယွၤကတူၢ်လိာ်တၢ်လုၢ်ထီၣ်မၤဘူၣ်ခဲလၢာ်လၢပှၤအံၣ်စရ့လးဖိ တဖၣ်ပာ်စီဆှံထီၣ်အီၤဆူယအိၣ်, ဖဲပှၤဂီၢ်မုၢ်မၤတ့ၢ်တၢ်ကမူၤ ကမၣ်တနီၤနီၤလၢအတၢ်လုၢ်ထီၣ်ပာ်ထီၣ်အပူၤဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 28:38 Iomraidhean Croise

လံာ်တၢ်ဟးထီၣ်ကွံာ် 28:37

စၢတံၢ်အီၤဖဲခိၣ်ဖၢၣ်အမဲာ်ညါလၢပျံၤအလါအဲးတဘိတက့ၢ်.

လံာ်တၢ်ဟးထီၣ်ကွံာ် 28:43

စီၤအၤဟရိၣ်ဒီးအဖိခွါတဖၣ်ကဘၣ်သိးအီၤတဘိယူၢ်ဃီဖဲ အလဲၤနုာ်ဆူယအိၣ်ယဆိးအဒဲစီဆှံအပူၤအခါမ့ၢ်ဂ့ၤ, ဖဲအသုးဘူးဃီၤအသးဆူတၢ်လုၢ်လီၢ်လၢအကမၤတၢ်ဒ်ပှၤလုၢ်တၢ် အခိၣ်ဖဲတၢ်အလီၢ်စီဆှံအပူၤအခါမ့ၢ်ဂ့ၤဒ်သိးအသု တဘၣ်တၢ်မၤသံအီၤလၢအတၢ်မဲာ်ဆှးအိၣ်ဖျါအဃိတဂ့ၤန့ၣ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢစီၤအၤဟရိၣ်ဒီး အစၢၤအသွဲၣ်တဖၣ်အဂီၢ်န့ၣ်လီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 56:7

“ယကဟဲစိာ်သုဆူဝ့ၢ်စံယိၣ်, ယတၢ်လူၢ်စီဆှံ, ယကဟ့ၣ်သု တၢ်သးခုလၢယတၢ်ထုကဖၣ်အဟံၣ်ပူၤ, ဒီးတူၢ်လိာ်တၢ်လုၢ်တၢ်ပာ်တဖၣ်လၢသု လုၢ်ထီၣ်ပာ်ထီၣ်အီၤလၢယတၢ်လုၢ်လီၢ် အဖီခိၣ်န့ၣ်လီၤ. ယတၢ်လုၢ်ဟံၣ်ကဘၣ် တၢ်ကိးအီၤလၢတၢ်ထုကဖၣ်အဟံၣ်တဖျၢၣ်လၢပှၤဂီၢ်မုၢ် ကိးကလုာ်ဒဲးအဂီၢ်လီၤ.”

လံာ်ယၡါယၤ 60:7

ကယဲၢ်သိလၢကီၢ်က့ဒၢ်ဒီးကီၢ်နဘါယိးတဖၣ်ကဘၣ်တၢ် ဟဲစိာ်အီၤဆူနအိၣ်ဒ်တၢ်လုၢ်တၢ်ပာ်တဖၣ်အသိးဒီးလုၢ်ထီၣ် အီၤလၢတၢ်လုၢ်လီၢ်ဖီခိၣ်လၢတၢ်မၤသးခုယွၤအဂီၢ်လီၤ. ယွၤကဒုးကဲထီၣ်အတၢ်လုၢ်ဟံၣ်ဒီးအလၤကပီၤဒိၣ်န့ၢ်ဒံး လၢညါအစိၤစိၤအဃၣ်ဃၣ်လီၤ.

လံာ်တၢ်ဘူၣ်ထီၣ်ဘါထီၣ် 1:4

ကဘၣ်ပာ်အစုလၢဂီၤဖံးဖါအခိၣ်လိၤဒီးကဘၣ်တၢ်တူၢ်လိာ်အီၤဒ် တၢ်လုၢ်တၢ်ပာ်လၢအစိာ်ကွံာ်အတၢ်ဒဲးဘးအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:17

“ဘၣ်မနုၤလၢသုတအီၣ်တၢ်လုၢ်တၢ်ပျၢ်တၢ်ဒဲးဘးလၢတၢ်လီၢ်စီ ဆှံန့ၣ်လဲၣ်. တၢ်အံၤမ့ၢ်တၢ်လၢအစီဆှံဝဲဒိၣ်မးဒီးယွၤဟ့ၣ်လီၤသုဒ်သိး တၢ်ကစိာ်ကွံာ်ပှၤဂီၢ်မုၢ်အတၢ်ဒဲးဘးအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 22:16

ခီဖျိအပျဲပှၤလၢအတကြၢးဝဲဘၣ်ဝဲတဖၣ်အီၣ်ဘၣ်တၢ်လုၢ်တၢ်ပာ်စီ ဆှံတဖၣ်န့ၣ်ဘၣ်. တၢ်အံၤကဒုးကဲထီၣ်တၢ်ကမၣ်ဒီးတၢ်စံၣ်ညီၣ်လၢပှၤလၢအအီၣ်ဘၣ် တဂၤအလိၤန့ၣ်လီၤ. ယဲဒၣ်အံၤယမ့ၢ်ယွၤဒီးယမၤစီဆှံတၢ်လုၢ်တၢ်ပာ်တဖၣ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 22:9

ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:11

ဒီးအဝဲဒၣ်ဘၣ်ပာ်ထီၣ်ဘုတကဒိၣ်န့ၣ်ဒ်တၢ်လုၢ်မၤဘူၣ်လီၤဆီ ဆူယွၤအအိၣ်လၢသုကဘၣ်တၢ်တူၢ်လိာ်သုအဂီၢ်န့ၣ်လီၤ. ပှၤလုၢ်တၢ်အခိၣ်ကလုၢ်ထီၣ်အီၤလၢမုၢ်အိၣ်ဘှံးနံၤဝံၤအလီၢ်ခံတနံၤန့ၣ်လီၤ.

လံာ်တၢ်ဂံၢ် 18:1

ယွၤစံးဘၣ်စီၤအၤဟရိၣ်, “နၤဒီးနဖိခွါတဖၣ်, ဒီးပှၤလ့ၤဝံဖိတဖၣ်ကဘၣ်တူၢ်တၢ်ဒ်အကြၢးဝဲဘၣ်ဝဲဒီးတၢ်ကမၣ် တမံၤဂ့ၤတမံၤဂ့ၤလၢအဘၣ်ထွဲဒီးတၢ်မၤတၢ်လၢယအိၣ်ယဆိးအဒဲ စီဆှံအပူၤန့ၣ်လီၤ. ဘၣ်ဆၣ်ဒီးထဲနၤဒီးနဖိခွါတဖၣ်ဧိၤန့ၣ်ကတူၢ်ဘၣ်တၢ်ဒ်အကြၢး ဝဲဘၣ်ဝဲဒီးတၢ်မၤလၢအဘၣ်ထွဲဒီးပှၤလုၢ်တၢ်အခိၣ်န့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.