လံာ်တၢ်ဟးထီၣ်ကွံာ် 28:3 - Sgaw Karen Common Bible

³ ကိးန့ၢ်ပှၤစုသ့ခဲလၢာ်လၢယဟ့ၣ်လီၤတ့ၢ်အီၤတၢ်သ့တၢ်ဘၣ်ဒီး တဲဘၣ်အဝဲသ့ၣ်လၢကမၤန့ၢ်စီၤအၤဟရိၣ်အကူအသိးတဖၣ်ဒ်သိး အဝဲပာ်စီဆှံထီၣ်အသးဒ်ပှၤလုၢ်တၢ်အခိၣ်တဂၤလၢယတၢ်ဖံးတၢ်မၤအပူၤကသ့ဝဲန့ၣ်တက့ၢ်.

လံာ်တၢ်ဟးထီၣ်ကွံာ် 28:3 Iomraidhean Croise

လံာ်စီၤပၤအခီၣ်ထံးတဘ့ၣ် 7:14

အဝဲအပၢ်လၢတအိၣ်မူလၢၤဘၣ်န့ၣ်, မ့ၢ်ပှၤလၢဝ့ၢ်ထါယၢၣ်, ဒီးမ့ၢ်စ့ၢ်ကီးပှၤတဂၤလၢအသ့မၤတၢ်လၢစုဂ့ၤဂ့ၤကလဲာ်လၢ တိၢ်ဘီန့ၣ်လီၤ. အဝဲအမိၢ်မ့ၢ်ပှၤလၢနးသၤလံအဒူၣ်ပူၤန့ၣ်လီၤ. စီၤဃူရၣ်အဘံမ့ၢ်ပှၤတဂၤလၢအအိၣ်ဒီးတၢ်သူၣ်ဆးသးဆးဒီးတၢ် လဲၤခီဖျိအါလၢတၢ်မၤတၢ်လၢစုန့ၣ်လီၤ. အဝဲတူၢ်လိာ်စီၤပၤၡလိၤမိၤအတၢ်ကွဲမုာ်အီၤလၢကကဲပှၤအခိၣ် တဂၤလၢကယဲၢ်တၢ်ဖံးတၢ်မၤလၢအဘၣ်ထွဲဒီးတိၢ်ဘီ အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 35:10

ကယဲၢ်ပှၤမၤတၢ်သ့နီၢ်နီၢ်လၢသုကျါတဖၣ်ကဘၣ်ဟဲဒီးမၤတၢ်ကိးမံၤဒ်ယွၤမၤလိာ်ဝဲလီၤ.

လံာ်တၢ်ဟးထီၣ်ကွံာ် 35:25

ပိာ်မုၣ်လၢအဆးတၢ်သ့နီၢ်နီၢ်တဖၣ်ဟဲစိာ်လုၣ်ဖျ့အဂ့ၤလၢအိၣ် ဒီးအလွဲၢ်လါအဲး, အလွဲၢ်လုးတကုာ်, သိဆူၣ်ဂီၤ, လၢအဝဲသ့ၣ်မၤပာ်ဝဲလီၤ.

လံာ်တၢ်ဟးထီၣ်ကွံာ် 35:30

ဒီးစီၤမိၤၡ့စံးဘၣ်ပှၤအံၣ်စရ့လးဖိတဖၣ်, “ယွၤဃုထၢစီၤဃူၢ်အလံၤခွါ, စီၤအူၤရံၤအဖိခွါစီၤဘစၤလအ့လးလၢယူဒၤအဒူၣ်န့ၣ်လီၤ.

လံာ်တၢ်ဟးထီၣ်ကွံာ် 35:31

ကစၢ်ယွၤမၤပှဲၤအီၤဒီးအစိကမီၤဒီးဟ့ၣ်အီၤတၢ်သ့တၢ်ဘၣ်, တၢ်ကူၣ်တၢ်ဆး, ဒီးတၢ်သ့ၣ်ညါနၢ်ပၢၢ်ဘၣ်ဃးတၢ်စုသ့အတၢ်မၤခဲလၢာ်,

လံာ်တၢ်ဟးထီၣ်ကွံာ် 35:35

ယွၤဟ့ၣ်လီၤအဝဲသ့ၣ်တၢ်သ့ဖံးသ့မၤလၢကယဲၢ်တၢ်မၤကိးမံၤ ဒဲးလၢဘၣ်တၢ်မၤအီၤလၢပှၤစိးပျၤကွဲးတၢ်တဖၣ်, ပှၤတ့ဖျါထီၣ်တၢ်ဂီၤတဖၣ်, ဒီးပှၤသ့ထါတၢ်ကံးယာ်လုၣ်တဖၣ်လၢ အိၣ်ဒီးအလွဲၢ်လါအဲး, အလွဲၢ်လုးတကုာ်, သိဆူၣ်အဂီၤ, ဒီးတၢ်ကူတၢ်သိးအဂၤတဖၣ်န့ၣ်လီၤ. အဝဲသ့ၣ်မၤကယဲၢ်တၢ်မၤကိးမံၤဒဲးသ့ဝဲဒီးမ့ၢ်ပှၤထုးထီၣ်တၢ်ဂီၤအဒိတဖၣ်သ့ဝဲနီၢ်နီၢ်န့ၣ်လီၤ.

လံာ်တၢ်ဟးထီၣ်ကွံာ် 36:1

စီၤဘစၤလအ့လး, စီၤအၤဟလံအာ်ဒီးကယဲၢ်ပှၤစုသ့တဖၣ်လၢကစၢ် ယွၤဟ့ၣ်လီၤတၢ်သ့တၢ်ဘၣ်ဒီးတၢ်သ့ၣ်ညါနၢ်ပၢၢ်, လၢအသ့ၣ်ညါတၢ်ကိးမံၤဒဲးဒီးတၢ်အလိၣ်တမံၤလၢ်လၢ်လၢတၢ်သူၣ် ထီၣ်ဒဲစီဆှံအဂီၢ်န့ၣ်ကဘၣ်မၤတၢ်ကိးမံၤဒဲးဒ်ယွၤမၤလိာ်ဝဲအသိးန့ၣ်လီၤ.”

လံာ်တၢ်ဟးထီၣ်ကွံာ် 36:2

စီၤမိၤၡ့ကိးစီၤဘစၤလအ့လး, စီၤအၤဟလံအာ်ဒီးကယဲၢ်ပှၤသ့ ဖံးသ့မၤတၢ်ကိးဂၤလၢယွၤဟ့ၣ်လီၤအီၤတၢ်ကူၣ်တၢ်ဆးဒီးပှၤ လၢအသးအိၣ်မၤစၢၤတၢ်တဖၣ်, ဒီးစံးဘၣ်အဝဲသ့ၣ်လၢကစးထီၣ်မၤတၢ်လီၤ.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

လံာ်ယၡါယၤ 11:2

ယွၤအသးကဟ့ၣ်အီၤတၢ်ကူၣ်သ့, ဒီးတၢ်သ့ၣ်ညါဒီးတၢ်သ့တၢ်ဘၣ်လၢကပၢအပှၤဂီၢ်မုၢ်အဂီၢ်လီၤ. အဝဲကသ့ၣ်ညါယွၤအတၢ်ဘၣ် အသးဒီးကအိၣ်ဒီးတၢ်ယူးယီၣ်ပျံၤအီၤ,

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.