လံာ်တၢ်ဟးထီၣ်ကွံာ် 28:21 - Sgaw Karen Common Bible

²¹ ဒီးလၢလၢၢ်တဆံခံဖျၢၣ်အံၤအလိၤန့ၣ်တၢ်ကဘၣ်စိးပျၤစီၤယၤကိာ်အဖိခွါတဖၣ်အမံၤ, တဖျၢၣ်တဂၤစုာ်စုာ်ဒ်သိးကကဲထီၣ်ပှၤအံၣ်စရ့လးဖိတဆံခံဒူၣ်အခၢၣ်စးန့ၣ်လီၤ.

လံာ်တၢ်ဟးထီၣ်ကွံာ် 28:21 Iomraidhean Croise

လံာ်စီၤပၤအခီၣ်ထံးတဘ့ၣ် 18:31

အဝဲဟံးထီၣ်လၢၢ်တဆံခံဖျၢၣ်ဒ်ဒူၣ်တဖၣ်လၢအဘၣ်ဃးဒီးစီၤယၤ ကိာ်အဖိခွါတဖၣ်အတၢ်ဂံၢ်အိၣ်ဝဲအသိးန့ၣ်လီၤ. စီၤယၤကိာ်မ့ၢ်ပှၤတဂၤလၢယွၤဟ့ၣ်တ့ၢ်အီၤမံၤလၢအမ့ၢ်ဝဲ စီၤအံၣ်စရ့လးန့ၣ်လီၤ.

လံာ်စီၤယိၤဘး 19:24

မ်အဘၣ်တၢ်စိးပျၤအီၤဒီးထးပျၤ, ကွဲးအီၤဒီးစၢၢ်ထံလၢ လၢၢ်အလိၤဒ်သိးကအိၣ်ဂၢၢ်ကျၢၤလီၤထူလီၤယိာ်တက့ၢ်.

လံာ်တၢ်ဟးထီၣ်ကွံာ် 24:4

စီၤမိၤၡ့ကွဲးလီၤကယဲၢ်ယွၤအတၢ်မၤလိာ်တဖၣ်န့ၣ်လီၤ. မုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲဘှီထီၣ်ဝဲတၢ်လုၢ်လီၢ်တခါ လၢကစၢၢ်ခီၣ်ထံးဒီးဆီလီၤလၢၢ်တဆံခံဖျၢၣ်, တဖျၢၣ်စုာ်စုာ်လၢပှၤအံၣ်စရ့လးဖိတဆံခံဒူၣ်, တဒူၣ်စုာ်စုာ်အဂီၢ်လီၤ.

လံာ်တၢ်ဟးထီၣ်ကွံာ် 28:11

မၤန့ၢ်ပှၤပိာ်လၢၢ်ဖိလၢအသ့အဘၣ်ကတၢၢ်တဂၤလၢကစိးပျၤစီၤယၤ ကိာ်အဖိခွါတဖၣ်အမံၤလၢလၢၢ်တဖၣ်အလိၤဒီးပိာ်ဝးတရံးလၢၢ်တဖၣ် အကနူၤလၢထူန့ၣ်တက့ၢ်.

လံာ်တၢ်ဟးထီၣ်ကွံာ် 28:20

လွံၢ်ကျိၤတကျိၤန့ၣ်ပိာ်တၢ်မျၢ်ဟ့ဘီတဖျၢၣ်, တၢ်မျၢ်သူတဖျၢၣ်, တၢ်မျၢ်ဂီၤလုးတဖျၢၣ်တက့ၢ်. တၢ်မျၢ်ခဲလၢာ်အံၤကဘၣ်တၢ်ပိာ်ဝးတရံးအကနူၤလၢထူလီၤ.

လံာ်တၢ်ဟးထီၣ်ကွံာ် 28:22

လၢသဃိးအဂီၢ်န့ၣ်မၤသွဲတဖၣ်လၢထူစီဒီးပိၤအီၤဒ်ပျံၤတဖၣ်အသိးန့ၣ်တက့ၢ်.

လံာ်စကၤရယၤ 9:16

ဖဲမုၢ်နံၤဝဲန့ၣ်တုၤဃီၤန့ၣ်, ယွၤကအုၣ်က့ၤခီၣ်က့ၤ အပှၤဂီၢ်မုၢ်, ဒ်ပှၤကွၢ်သိတဂၤအုၣ်က့ၤခီၣ်က့ၤအသိတဖုလၢ တၢ်အၢတၢ်သီအပူၤအသိးန့ၣ်လီၤ. အဝဲသ့ၣ်ကကပီၤထီၣ်လၢယွၤအထံအကီၢ်အပူၤ ဒ်ခိၣ်သလုးတဖျၢၣ်အတၢ်မျၢ်ပလဲတဖၣ် အသိးန့ၣ်လီၤ.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

လံာ်လီၣ်ဖျါ 21:12

ဝ့ၢ်န့ၣ်အိၣ်ဒီးတၢ်ဒူၣ်ဖးဒိၣ်ဖးထီလၢအအိၣ်ဒီးတြဲၤ ဖးဒိၣ်တဆံခံဘ့ၣ်, အိၣ်ဒီးကလူးတဆံခံဂၤလၢအအိၣ်ခိးကွၢ်ထွဲတြဲၤဖးဒိၣ် တဖၣ်န့ၣ်လီၤ. လၢတြဲၤဖးဒိၣ်အလိၤန့ၣ်ပှၤအံၣ်စရ့လးဖိ တဆံခံဒူၣ်အမံၤတဖၣ်အိၣ်ကွဲးအသးလီၤ.