လံာ်တၢ်ဟးထီၣ်ကွံာ် 28:2 - Sgaw Karen Common Bible

² မၤန့ၢ်ပှၤလုၢ်တၢ်အခိၣ်အကူအသိးတဖၣ်လၢနဒီပုၢ်ဝဲၢ်ခွါစီၤအၤဟရိၣ်အဂီၢ်ဒ်သိး အကဟ့ၣ်အီၤတၢ်အသူးအသ့ၣ်ဒီးတၢ်ဃံတၢ်လၤတက့ၢ်.

လံာ်တၢ်ဟးထီၣ်ကွံာ် 28:2 Iomraidhean Croise

လံာ်စီၤယိၤဘး 40:10

မ့ၢ်သ့ဝဲဒီးဆၢထၢၣ်လၢနမံၤလၤသၣ်ကပီၤဒီးတၢ်ပာ်ဒိၣ်ပာ် ထီနသး, သိးထီၣ်တၢ်ကဟုကညီၣ်ဒီးတၢ်လၤတၢ်ကပီၤတက့ၢ်.

စံးထီၣ်ပတြၢၤ 132:16

ယကဆိၣ်ဂ့ၤအပှၤလုၢ်တၢ်အခိၣ်တဖၣ် လၢအတၢ်မၤခဲလၢာ်အပူၤ, ဒီးအပှၤဂီၢ်မုၢ်ကသးဝံၣ်တၢ်ဒီး ကိးထီၣ်လၢတၢ်သးခုအပူၤလီၤ.

စံးထီၣ်ပတြၢၤ 132:9

မ်နပှၤလုၢ်တၢ်အခိၣ်တဖၣ် မၤတၢ်အဘၣ်ထီဘိတထံၣ်ဃီတက့ၢ်. မ်နပှၤဂီၢ်မုၢ်ကိးထီၣ်လၢ တၢ်သးခုအပူၤတက့ၢ်.

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 96:6

တၢ်လၤကပီၤဒီးတၢ်ကဟုကညီၢ်အိၣ်ဝးတရံးအီၤ, တၢ်စိကမီၤဒီးတၢ်ဃံတၢ်လၤ မၤပှဲၤအတၢ်လုၢ်ဟံၣ်န့ၣ်လီၤ.

လံာ်တၢ်ဟးထီၣ်ကွံာ် 28:40

မၤဆ့ကၤတဖၣ်, ယီၢ်တကိးတဖၣ်ဒီးခိၣ်သလုးတဖၣ်လၢစီၤအၤဟရိၣ် အဖိခွါတဖၣ်အဂီၢ်ဒ်သိးကအိၣ်ဖျါဝဲဒီးအလၤကပီၤဒီးတၢ်ဃံတၢ်လၤအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 29:28

တၢ်န့ၣ်မ့ၢ်ယတၢ်ပာ်လီၤသးလၢအတဆီတလဲအသးဘၣ်, လၢဖဲယပှၤဂီၢ်မုၢ်မၤအတၢ်လုၢ်မၤဃူမၤဖိးတဖၣ်န့ၣ်ဆၣ်ဖိကီၢ် ဖိအသးနါပှၢ်ဒီးအကံၣ်ဒုၣ်တဖၣ်အံၤဘၣ်ဃးဒီးပှၤလုၢ်တၢ်အခိၣ်တဖၣ်န့ၣ်လီၤ. အအံၤမ့ၢ်ပှၤဂီၢ်မုၢ်အတၢ်ဟ့ၣ်ဆူယၤ, ယွၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 31:10

ပှၤလုၢ်တၢ်အခိၣ်အကူအသိးလီၤဘီလီၤမုၢ်တဖၣ်လၢစီၤအၤဟရိၣ် ဒီးအဖိခွါတဖၣ်ကသူဝဲဖဲအဝဲသ့ၣ်မၤတၢ်ဒ်ပှၤလုၢ်တၢ်အခိၣ်တဖၣ်အသိး,

လံာ်တၢ်ဟးထီၣ်ကွံာ် 40:13

ဒုးကူထီၣ်သိးထီၣ်စီၤအၤဟရိၣ်လၢပှၤလုၢ်တၢ်အခိၣ်အကူအသိးတဖၣ်, ဖှူအီၤဒီးလၢကျဲဒ်အံၤန့ၣ်ပာ်စီဆှံအီၤဒ်သိးအဝဲမၤယတၢ်မၤ ဒ်ပှၤလုၢ်တၢ်အခိၣ်တဂၤအသိးကသ့န့ၣ်တက့ၢ်.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:30

စီၤမိၤၡ့ဟံးန့ၢ်သိဖှူတၢ်တနီၤဒီးတၢ်သွံၣ်တနီၤလၢအအိၣ် လၢတၢ်လုၢ်လီၢ်ဖီခိၣ်ဒီးဖှံဝဲလၢစီၤအၤဟရိၣ်ဒီးအဖိခွါတဖၣ်အလိၤဒီးအဆ့ကၤအလိၤစ့ၢ်ကီးလီၤ. တၢ်အံၤမ့ၢ်စီၤမိၤၡ့ပာ်စီဆှံ အဝဲသ့ၣ်ဒီးအဆ့ကၤတဖၣ်ဆူယွၤအအိၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

ကလၤတံ 3:27

သုဘၣ်တၢ်ဒိးဘျၢသုလၢထံဆူတၢ်တမံၤဃီဒီးခရံာ်အပူၤ, ဒီးခဲအံၤသုကူထီၣ်သိးထီၣ်ခရံာ်အကစၢ်ဒၣ်ဝဲအတၢ်မူန့ၣ်လီၤ.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

၂ ပ့းတရူး 1:17

ဖဲပၢ်ကစၢ်ယွၤဟ့ၣ်လီၤအီၤတၢ်ပာ်ဒိၣ်ပာ်ထီဒီးတၢ်လၤကပီၤ အဆၢကတီၢ်, ဒီးဖဲယွၤလၢအလၤကပီၤဒိၣ်စိတဂၤအကလုၢ် ဟဲတုၤအိၣ်အီၤဒီး စံးဝဲ, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်ယသး လၢအီၤဒိၣ်မးလီၤ” အဆၢကတီၢ်န့ၣ်, ပအိၣ်ဖဲန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”