လံာ်တၢ်ဟးထီၣ်ကွံာ် 28:17 - Sgaw Karen Common Bible

¹⁷ ပိာ်တၢ်မျၢ်လုၢ်ဒိၣ်ပှ့ၤဒိၣ်လွံၢ်ကျိၤလၢအလိၤတက့ၢ်. ဒီးလၢအခီၣ်ထံးတကျိၤန့ၣ်ပိာ်တၢ်မျၢ်ဆီသွံၣ်တဖျၢၣ်, တၢ်မျၢ်ဘီတဖျၢၣ်ဒီးတၢ်မျၢ်ဟ့မၠးတဖျၢၣ်တက့ၢ်.

လံာ်တၢ်ဟးထီၣ်ကွံာ် 28:17 Iomraidhean Croise

လံာ်တၢ်ဟးထီၣ်ကွံာ် 28:11

မၤန့ၢ်ပှၤပိာ်လၢၢ်ဖိလၢအသ့အဘၣ်ကတၢၢ်တဂၤလၢကစိးပျၤစီၤယၤ ကိာ်အဖိခွါတဖၣ်အမံၤလၢလၢၢ်တဖၣ်အလိၤဒီးပိာ်ဝးတရံးလၢၢ်တဖၣ် အကနူၤလၢထူန့ၣ်တက့ၢ်.

လံာ်တၢ်ဟးထီၣ်ကွံာ် 28:16

တၢ်န့ၣ်ကဘၣ်မ့ၢ်အကပၤလွံၢ်ခီဃူလိာ်အသး, ဆးအီၤခံကထၢလၢ အထီမ့ၢ်တထါ, အလဲၢ်မ့ၢ်တထါန့ၣ်လီၤ.

လံာ်တၢ်ဟးထီၣ်ကွံာ် 28:18

ခံကျိၤတကျိၤန့ၣ်ပိာ်တၢ်မျၢ်ဂီၤတဖျၢၣ်, တၢ်မျၢ်နံၤလါတဖျၢၣ်, တၢ်မျၢ်ဆှံတဖျၢၣ်တက့ၢ်.

လံာ်တၢ်ဟးထီၣ်ကွံာ် 28:9

ဟံးန့ၢ်လၢၢ်တၢ်မျၢ်သူခံဖျၢၣ်ဒီးစိးပျၤလီၤစီၤယၤကိာ်အဖိခွါတဆံခံဂၤအမံၤလၢအလိၤ,

တၢ်ကတိၤဒိ. 20:15

နမ့ၢ်သ့ၣ်ညါတၢ်ဂ့ၢ်လၢနကတိၤအီၤန့ၣ်ဒီး, နအိၣ်လံဒီးတၢ်တမံၤ မံၤလၢအလုၢ်ဒိၣ်ပှ့ၤဒိၣ်န့ၢ်ဒံးထူဒီးတၢ်မျၢ်တဖၣ်လီၤ.

တၢ်ကတိၤဒိ. 3:15

တၢ်ကူၣ်သ့အံၤအလုၢ်အပှ့ၤအိၣ်ဒိၣ်န့ၢ်တၢ်မျၢ်ပလဲတဖၣ်တက့ၢ်လီၤ. ကယဲၢ်တၢ်လၢနသးလီအီၤခဲလၢာ်န့ၣ်နထိၣ်သတြီၤဒီးအီၤတန့ၢ် ဘၣ်.

တၢ်ကတိၤဒိ. 31:10

မါလၢအထီၣ်ဘးတဂၤန့ၣ်ပဃုထံၣ်န့ၢ်အီၤကီမးလဲၣ်. အဝဲလုၢ်ဒိၣ်ပှ့ၤဒိၣ်န့ၢ်ဒံးတၢ်မျၢ်ပလဲတဖၣ်တက့ၢ်လီၤ.

တၢ်ကတိၤဒိ. 8:11

ယဲဒၣ်အံၤယမ့ၢ်တၢ်ကူၣ်သ့ဒီးယဂ့ၤန့ၢ်တၢ်မျၢ်ပလဲ တဖၣ်လီၤ. တၢ်လၢသုသးလီန့ၣ်, သုထိၣ်သတြီၤဒီးယၤတသ့နီတမံၤဘၣ်.

လံာ်သးသယုၢ်တၢ် 4:7

ပစီၤပၤဖိခွါတဖၣ်တသံၣ်သူမီၣ်ကျာ်ဘၣ်ဒီးကဆှီဝဲဒ်မူခိၣ်ဖီ အသိး, ပှဲၤဝဲဒီးအဂံၢ်အဘါဒီးဆူၣ်ဝဲကိၤဝဲဒီးဖျါလီၤကဟု ကညီၢ်လၢတၢ်အိၣ်ဆူၣ်အိၣ်ချ့အဃိန့ၣ်လီၤ.

လံာ်ယဃ့းစက့လး 28:13

နအိၣ်ဆိးတ့ၢ်လၢ ဧ့ၤဒ့ၣ်, ကစၢ်ယွၤအတၤသၣ်လီၢ်အပူၤဒီး နသိးထီၣ်တ့ၢ်လၢၢ်တၢ်မျၢ်ကိးကလုာ်ဒဲး လၢအမ့ၢ်တၢ်မျၢ်ဆီသွံၣ် တဖၣ်, တၢ်မျၢ်မဟူယၤတိၤအသး, တၢ်မျၢ်ဘီအူး သဖးယၤ, တၢ်မျၢ်လါဟ့, တၢ်မျၢ်မဟူယၤဂီၤ, တၢ်မျၢ်နကၤသွဲး, တၢ်မျၢ်နံၤလါအဲးတဖၣ်, လၢၢ်လါဟ့တဖၣ်ဒီးလၢၢ်ဂီၤတဖၣ်န့ၣ်လီၤ. နအိၣ်စ့ၢ်ကီးဒီးတၢ်ကယၢကယဲတဖၣ်လၢထူန့ၣ်လီၤ. တၢ်တဖၣ်န့ၣ်ဘၣ်တၢ်မၤတ့ၢ်အီၤလၢနဂီၢ်ဖဲမုၢ်တနံၤလၢ နဘၣ်တၢ်တ့လီၤပာ်လီၤနၤန့ၣ်လီၤ.

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.