လံာ်တၢ်ဟးထီၣ်ကွံာ် 28:15 - Sgaw Karen Common Bible

¹⁵ မၤသဃိးတခါလၢပှၤလုၢ်တၢ်အခိၣ်အဒိၣ်အဂီၢ်ဒ်သိးကသူဝဲလၢတၢ် ဃုသ့ၣ်ညါကစၢ်ယွၤအတၢ်ဘၣ်အသးအဂီၢ်တက့ၢ်. တၢ်န့ၣ်ကဘၣ်တၢ်မၤအီၤလၢတၢ်ပီးတၢ်လီတမံၤဃီဒ်တၢ်မၤအ့ဖိး, အိၣ်ဒီးတၢ်ဆးဒဲးကံၣ်ဒဲးဝ့ၤတမံၤဃီန့ၣ်လီၤ.

လံာ်တၢ်ဟးထီၣ်ကွံာ် 28:15 Iomraidhean Croise

လံာ်တၢ်ဟးထီၣ်ကွံာ် 25:7

ဒီးတၢ်မျၢ်မဟူယၤ, ဒီးတၢ်မျၢ်လုၢ်ဒိၣ်ပှ့ၤဒိၣ်အဂၤတဖၣ်လၢတၢ် ကထီထီၣ်အီၤလၢပှၤလုၢ်တၢ်အခိၣ်အဒိၣ်ကတၢၢ်အဆ့ကၤအ့ဖိးအလိၤ ဒီးလၢအသဃိးအလိၤအဂီၢ်လီၤ.

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 26:36

လၢယွၤအဒဲစီဆှံအကျဲစၢၤအဂီၢ်န့ၣ်, မၤယၣ်ဘျးသဒၢတဘ့ၣ်လၢ တၢ်ကံးယာ်လုၣ်အဂ့ၤ, ဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်ဒီးသိဆူၣ်ဂီၤဒီးမၤဃံမၤလၤအီၤဒီးတၢ်ဆး ဒဲးကံၣ်ဒဲးဝ့ၤတက့ၢ်.

လံာ်တၢ်ဟးထီၣ်ကွံာ် 28:16

တၢ်န့ၣ်ကဘၣ်မ့ၢ်အကပၤလွံၢ်ခီဃူလိာ်အသး, ဆးအီၤခံကထၢလၢ အထီမ့ၢ်တထါ, အလဲၢ်မ့ၢ်တထါန့ၣ်လီၤ.

လံာ်တၢ်ဟးထီၣ်ကွံာ် 28:30

ပာ်အူၣ်ရံၣ်ဒီးတူမံၣ်လၢသဃိးအပူၤဒ်သိးစီၤအၤဟရိၣ်ကစိာ် အီၤဖဲအဟဲနုာ်လီၤဆူယအိၣ်ယဆိးအလီၢ်စီဆှံအပူၤအဂီၢ်န့ၣ် လီၤ. လၢအကတီၢ်ဒ်န့ၣ်သိးတဖၣ်အပူၤန့ၣ်အဝဲကဘၣ်သိးထီၣ် ဃာ်သဃိးထီဘိဒ်သိးကသ့ၣ်ညါယတၢ်ဘၣ်သးလၢကီၢ် အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 28:4

တဲဘၣ်အဝဲသ့ၣ်လၢကမၤန့ၢ်ပှၤလုၢ်တၢ်အခိၣ်သဃိးတဘ့ၣ်, အ့ဖိးတဘ့ၣ်, ဆ့ကၤဖးထီတဘ့ၣ်, ဆ့ကၤဆးကံၣ်အသးတဘ့ၣ်, ခိၣ်ဖၢၣ်တဘ့ၣ်, ဒီးယီၢ်တကိးတဘိတက့ၢ်. အဝဲသ့ၣ်ကဘၣ်မၤပှၤလုၢ်တၢ်အခိၣ်အကူအသိးတဖၣ်အံၤလၢနဒီပုၢ် ဝဲၢ်ခွါစီၤအၤဟရိၣ်ဒီးအဖိခွါတဖၣ်အဂီၢ်ဒ်သိးအဝဲသ့ၣ်မၤ ယတၢ်မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်လီၤ.

လံာ်တၢ်ဟးထီၣ်ကွံာ် 28:6

အဝဲသ့ၣ်ကဘၣ်ဆးအ့ဖိးလၢတၢ်အလွဲၢ်အလါအဲး, အလွဲၢ်လုးတကုာ်, ဒီးသိဆူၣ်ဂီၤ, သွဲထူ, ဒီးတၢ်ကံးယာ်လုၣ် အဂ့ၤဒီးကယၢကယဲအီၤဒီးတၢ်ဆးဒဲးကံၣ်ဒဲးဝ့ၤန့ၣ်လီၤ.

လံာ်တၢ်ဟးထီၣ်ကွံာ် 29:5

အန့ၣ်ဝံၤဒီးဒုးကူထီၣ်သိးထီၣ်စီၤအၤဟရိၣ်လၢပှၤလုၢ်တၢ် အခိၣ်အကူအသိးတဖၣ်ဒ်ပစံးတၢ်အသိးဆ့ကၤ, အ့ဖိး, ဆ့ကၤထီလၢအ့ဖိးအဖီလာ်, သဃိးဒီးယီၢ်တကိးတက့ၢ်.

လံာ်တၢ်ဘူၣ်ထီၣ်ဘါထီၣ် 8:8

ဒီးပာ်သဃိးအိၣ်ဒီးအူရံၣ်ဒီးတူမံၣ်လၢအသးနါပှၢ်အလိၤန့ၣ်လီၤ.