လံာ်တၢ်ဟးထီၣ်ကွံာ် 28:11 - Sgaw Karen Common Bible

¹¹ မၤန့ၢ်ပှၤပိာ်လၢၢ်ဖိလၢအသ့အဘၣ်ကတၢၢ်တဂၤလၢကစိးပျၤစီၤယၤ ကိာ်အဖိခွါတဖၣ်အမံၤလၢလၢၢ်တဖၣ်အလိၤဒီးပိာ်ဝးတရံးလၢၢ်တဖၣ် အကနူၤလၢထူန့ၣ်တက့ၢ်.

လံာ်တၢ်ဟးထီၣ်ကွံာ် 28:11 Iomraidhean Croise

လံာ်စီၤယိၤဘး 19:24

မ်အဘၣ်တၢ်စိးပျၤအီၤဒီးထးပျၤ, ကွဲးအီၤဒီးစၢၢ်ထံလၢ လၢၢ်အလိၤဒ်သိးကအိၣ်ဂၢၢ်ကျၢၤလီၤထူလီၤယိာ်တက့ၢ်.

လံာ်တၢ်ဟးထီၣ်ကွံာ် 28:10

ဒ်အတၢ်အိၣ်ဖျဲၣ်ထီၣ်တဂၤဝံၤတဂၤအိၣ်ဒီးအမံၤဃုဖျၢၣ်လၢလၢၢ် တဖျၢၣ်အလိၤ, ဒီးအဂၤဃုဖျၢၣ်လၢလၢၢ်အဂၤတဖျၢၣ်အလိၤန့ၣ်တက့ၢ်.

လံာ်တၢ်ဟးထီၣ်ကွံာ် 28:12

ပာ်အီၤလၢအ့ဖိးအဖံထံခိၣ်အပျံၤအလိၤဒ်သိးကမ့ၢ်ခၢၣ်စးလၢ ပှၤအံၣ်စရ့လးဖိတဆံခံဒူၣ်အဂီၢ်န့ၣ်တက့ၢ်. မၤသးဒ်န့ၣ်ဒီး, စီၤအၤဟရိၣ်ကစိာ်အဝဲသ့ၣ်အမံၤလၢအဖံထံခိၣ် အလိၤ, ဒ်သိးယၤ, ယွၤ, ကသ့ၣ်နီၣ်ထီၣ်ယပှၤဂီၢ်မုၢ်ထီဘိအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 28:21

ဒီးလၢလၢၢ်တဆံခံဖျၢၣ်အံၤအလိၤန့ၣ်တၢ်ကဘၣ်စိးပျၤစီၤယၤကိာ်အဖိခွါတဖၣ်အမံၤ, တဖျၢၣ်တဂၤစုာ်စုာ်ဒ်သိးကကဲထီၣ်ပှၤအံၣ်စရ့လးဖိတဆံခံဒူၣ်အခၢၣ်စးန့ၣ်လီၤ.

လံာ်တၢ်ဟးထီၣ်ကွံာ် 28:25

စၢတံၢ်သွဲထူခံဘိအထိးနါလၢအဂၤတခီန့ၣ်ဖဲလၢၢ်တၢ်မျၢ်သူ ခံဖျၢၣ်အကနူၤတဖၣ်ဒီးလၢကျဲဒ်အံၤဘျးစဲအီၤဖဲအ့ဖိးအဖံထံ ခိၣ်အပျံၤခံဘိအမဲာ်ညါန့ၣ်တက့ၢ်.

လံာ်တၢ်ဟးထီၣ်ကွံာ် 28:36

ဒီးမၤတၢ်ကယၢကယဲတမံၤလၢထူစီဒီးစိးပျၤတၢ်ကွဲးအသးအလိၤ, ‘တၢ်ပာ်စီဆှံဆူယွၤ’ န့ၣ်တက့ၢ်.

လံာ်တၢ်ဟးထီၣ်ကွံာ် 39:13

ဒီးလွံၢ်ဂ့ၢ်တဂ့ၢ်န့ၣ်ထီထီၣ်ဝဲတၢ်မျၢ်လါဟ့တဖျၢၣ်, တၢ်မျၢ်မဟူယၤဂီၤတဖျၢၣ်ဒီးတၢ်မျၢ်နကၤသွဲးတဖျၢၣ်န့ၣ်လီၤ. ဒီးတၢ်မျၢ်တဖၣ်အံၤဘၣ်တၢ်ကွီၤအီၤလၢထူအကွီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 39:18

ဒီးပျံၤအထိးနါအဂၤခံတီၤန့ၣ်စၢတံၢ်ဝဲဖဲတၢ်စၢပျံၤအလီၢ် ခံတီၤ, ဒီးလၢကျဲဒ်အံၤန့ၣ်ဒုးစဲဘူးအီၤဆူအ့ဖိးအမဲာ်ညါအဖံဘၣ် ခိၣ်အပျံၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 39:6

အဝဲသ့ၣ်ကတဲာ်ကတီၤတၢ်မျၢ်မဟူယၤဂီၤတဖၣ်ဒီးကွီၤအီၤလၢထူအကွီၤတဖၣ်လီၤ. ဒီးလၢတၢ်မျၢ်မဟူယၤဂီၤတဖၣ်အလိၤန့ၣ်တၢ်စိးပျၤစီၤယၤကိာ် အဖိခွါတဖၣ်အမံၤလၢတၢ်သ့တၢ်ဘၣ်ဖးဒိၣ်အပူၤလီၤ.

လံာ်ယံးရမံယၤ 22:24

ယွၤစံးဘၣ်ကီၢ်ယူဒၤအစီၤပၤစီၤယဟိယါကံၣ်အဖိခွါ စီၤယဟိယါခံၣ်, “ဒ်ယမ့ၢ်နီၢ်နီၢ်ကစၢ်ယွၤလၢအမူဝဲတဂၤအသိး, နမ့မ့ၢ်ဒၣ်လဲာ်တၢ်စဲပနီၣ်အပသံးတဘိလၢယစုထွဲအလိၤန့ၣ်, ယကဘ့ၣ်လီၤကွံာ်နၤ,

လံာ်စကၤရယၤ 3:9

ယပာ်လီၤလၢၢ်တဖျၢၣ်လၢအအိၣ်ဒီးအမဲာ်သၣ်နွံကပၤလၢစီၤယိၤၡူ အမဲာ်ညါလီၤ. ယကစိးပျၤတၢ်ကွဲးတမံၤလၢအလိၤ, ဒီးလၢတနံၤဃီအတီၢ်ပူၤန့ၣ်ယကစိာ် ကွံာ်ကီၢ်အံၤအတၢ်ဒဲးဘးန့ၣ်လီၤ.

အ့းဖ့းစူး 1:13

သုဝဲလၢအနၢ်ဟူတ့ၢ်လံတၢ်မ့ၢ်တၢ်တီအကလုၢ်ကထါ, တၢ်သးခုအကစီၣ်လၢအဟဲစိာ်န့ၢ်သုတၢ်အုၣ်က့ၤခီၣ်က့ၤ ဒီးစူၢ်က့ၤနာ်က့ၤတ့ၢ်လံခရံာ်တဖၣ်စ့ၢ်ကီးသုဘၣ်တၢ်စဲ ပနီၣ်ဃာ်သုဒီးသးစီဆှံလၢအဘၣ်တၢ်စံးပာ်တ့ၢ်အီၤန့ၣ်လီၤ.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

လံာ်လီၣ်ဖျါ 7:2

ဒီးယထံၣ်ကလူးအဂၤတဂၤဟဲထီၣ်လၢမုၢ်ထီၣ်တခီအိၣ်ဃုာ်ဒီး ကစၢ်ယွၤလၢအမူဝဲတဂၤအတၢ်စဲပနီၣ်ဃာ်တဖျၢၣ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလွံၢ်ဂၤလၢ ကစၢ်ယွၤဟ့ၣ်တ့ၢ်အီၤတၢ်စိတၢ်ကမီၤလၢအကမၤဟးဂီၤဟီၣ်ခိၣ် ဒီးပီၣ်လဲၣ်တဖၣ်န့ၣ်လီၤ.