လံာ်တၢ်ဟးထီၣ်ကွံာ် 28:1 - Sgaw Karen Common Bible

¹ ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 28:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:13

အဝဲအဖိဝဲၢ်ကိစီၤဧၤမရၣ်န့ၣ်မ့ၢ်စီၤအၤဟရိၣ်ဒီးစီၤမိၤၡ့ အပၢ်န့ၣ်လီၤ. (စီၤအၤဟရိၣ်ဒီးအစၢၤအသွဲၣ်တဖၣ်ဘၣ်တၢ်ပာ်အီၤလီၤဆီဒ်သိး ကမ့ၢ်ပှၤအဒိၣ်လၢတၢ်ကွၢ်ထွဲတၢ်စီဆှံအဃၢၤအဃိာ်တဖၣ်အဂီၢ်လီၤ စိၤလီၤထီ, ဒီးကဘၣ်ဆူးကဲၤတၢ်နၢမူ လၢတၢ်ဘူၣ်ထီၣ်ဘါထီၣ်ယွၤအပူၤ, လၢကမၤယွၤအတၢ်ဒီးကဆိၣ်ဂ့ၤ ပှၤဂီၢ်မုၢ်လၢအဝဲအမံၤအပူၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:10

စီၤဧစၤရယၤ (ပှၤလၢအမၤတၢ်လၢတၢ်လုၢ်ဟံၣ်လၢစီၤၡလိၤမိၤသူၣ် ထီၣ်ဝဲလၢဝ့ၢ်ယရူၤၡလ့ၣ်အပူၤ)

လံာ်ကွဲးနီၣ်တၢ်အခီၣ်ထံးတဘ့ၣ် 6:34

စီၤအ့လကါနၤ, စီၤယရိဃၣ်, စီၤအလံၤအ့လး, စီၤတိအး,

လံာ်ကွဲးနီၣ်တၢ်ခံဘ့ၣ်တဘ့ၣ် 11:14

ပှၤလ့ၤဝံဖိတဖၣ်ပာ်တ့ၢ်ကွံာ်အဝဲသ့ၣ်တၢ်အီၣ်ဆၣ်အလီၢ်လါဟ့တ ဖၣ်, ဒီးအတၢ်အိၣ်ဆိးတၢ်လီၢ်အဂၤတဖၣ်, ဒီးဟဲသုးဆူကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ. အဂ့ၢ်ဒ်အံၤ, အံၣ်စရ့လးအစီၤပၤယၤရၤဘၣ်ဒီးပှၤလၢအထီၣ်အလီၢ် တဖၣ်တပျဲဘၣ်အဝဲသ့ၣ်မၤတၢ်ဒ်ယွၤအပှၤလုၢ်တၢ်အခိၣ်တဖၣ်အသိးအဃိ န့ၣ်လီၤ.

စံးထီၣ်ပတြၢၤ 115:10

သုဝဲကစၢ်ယွၤအပှၤလုၢ်တၢ်အခိၣ်သ့ၣ်ဧၢ, သန့ၤသုသးလၢယွၤတက့ၢ်. အဝဲဒၣ်မၤစၢၤသုဒီးကဟုဘံၣ်ကယာ်ဘၢသုလီၤ.

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 24:1

ယွၤစံးဘၣ်စီၤမိၤၡ့, “ဟဲထီၣ်ဆူကစၢၢ်ကလိဆူယအိၣ်, နဲဒၣ်ဒီးစီၤအၤဟရိၣ်, စီၤနၤဒးဒီးစီၤအဘံဟူၤ, ဒီးပှၤအံၣ်စရ့လးဖိအခိၣ်အနၢ်တဖၣ်အဂၤနွံဆံန့ၣ်တက့ၢ်. ဒီးဖဲသုအိၣ်ဒံးလၢအယံၤန့ၣ်ဆုးလီၤသုခိၣ်လၢတၢ်ဘူၣ်ထီၣ် ဘါထီၣ်အပူၤတက့ၢ်.

လံာ်တၢ်ဟးထီၣ်ကွံာ် 24:9

စီၤမိၤၡ့, စီၤအၤဟရိၣ်, စီၤနၤဒး, စီၤအဘံဟူၤဒီးပှၤအံၣ် စရ့လးဖိအခိၣ်အနၢ်အဂၤနွံဆံန့ၣ်လဲၤထီၣ်ဆူကစၢၢ်အလိၤ,

လံာ်တၢ်ဟးထီၣ်ကွံာ် 28:41

ဒုးသိးထီၣ်တၢ်ကူတၢ်သိးတဖၣ်အံၤလၢနဒီပုၢ်ဝဲၢ်စီၤအၤဟရိၣ် ဒီးအဖိခွါတဖၣ်အလိၤတက့ၢ်. အန့ၣ်ဝံၤဒီးဖှူအီၤဒီးပာ်စီဆှံအီၤလၢသ့ၣ်စၤယံးအသိဒ်သိး အကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 29:1

အအံၤမ့ၢ်တၢ်လၢနကဘၣ်မၤအီၤလၢတၢ်ပာ်စီဆှံစီၤအၤဟရိၣ်ဒီး အဖိခွါသ့ၣ်တဖၣ်ဒ်ပှၤလုၢ်တၢ်အခိၣ်တဖၣ်အသိးလၢယတၢ်ဖံးတၢ်မၤအပူၤအဂီၢ်လီၤ. ဟံးန့ၢ်ဂီၤဖံးဖါအသးစၢ်ဖိတဒုဒီးသိဖါခံဒုလၢအမဲၣ်သူမဲၣ်ဂီၤတအိၣ်ဘၣ်န့ၣ်တက့ၢ်.

လံာ်တၢ်ဟးထီၣ်ကွံာ် 29:44

ယကမၤစီဆှံယွၤအဒဲစီဆှံ, တၢ်လုၢ်လီၢ်စီဆှံ, ဒီးယကပာ်လီၤဆီ စီၤအၤဟရိၣ်ဒီးအဖိခွါတဖၣ်လၢကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 29:9

စၢထီၣ်ယီၢ်တကိးတဖၣ်လၢအယီၢ်ဒ့ဒီးဒုးဖၢၣ်ထီၣ်အခိၣ်တဖၣ်လၢ ခိၣ်ဖၢၣ်တဖၣ်တက့ၢ်. တၢ်အံၤမ့ၢ်တၢ်လၢနကဘၣ်မၤအီၤဒ်သိးနကဖှူစီၤအၤဟရိၣ်ဒီးအဖိ ခွါတဖၣ်အဂီၢ်ဒ်လဲၣ်န့ၣ်လီၤ. အဝဲသ့ၣ်ဒီးအစၢၤအသွဲၣ်တဖၣ်ကဘၣ်မၤယတၢ်မၤဒ်ပှၤလုၢ်တၢ်အခိၣ် တဖၣ်အသိးအစိၤစိၤအဃၣ်ဃၣ်လီၤ.

လံာ်တၢ်ဟးထီၣ်ကွံာ် 30:30

အန့ၣ်ဝံၤဒီးဖှူစီၤအၤဟရိၣ်ဒီးအဖိခွါတဖၣ်, ဒီးပာ်စီဆှံအီၤဒ်ပှၤလုၢ်တၢ်အခိၣ်တဖၣ်အသိးလၢယတၢ်မၤအဂီၢ်တက့ၢ်.

လံာ်တၢ်ဟးထီၣ်ကွံာ် 31:10

ပှၤလုၢ်တၢ်အခိၣ်အကူအသိးလီၤဘီလီၤမုၢ်တဖၣ်လၢစီၤအၤဟရိၣ် ဒီးအဖိခွါတဖၣ်ကသူဝဲဖဲအဝဲသ့ၣ်မၤတၢ်ဒ်ပှၤလုၢ်တၢ်အခိၣ်တဖၣ်အသိး,

လံာ်တၢ်ဟးထီၣ်ကွံာ် 35:19

ဒီးတၢ်ကူတၢ်သိးလီၤဘီလီၤမုၢ်တဖၣ်လၢပှၤလုၢ်တၢ်အခိၣ်တဖၣ် ကသိးဝဲဖဲအမၤတၢ်လၢတၢ်အလီၢ်စီဆှံအပူၤလၢအမ့ၢ်, တၢ်ကူတၢ်သိးစီဆှံတဖၣ်လၢစီၤအၤဟရိၣ်ဒီးအဖိခွါတဖၣ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 6:23

ဒီးစီၤအၤဟရိၣ်ဟံးန့ၢ်အမါလၢစီၤအမံၤနဒးအဖိမုၣ်ဒီးစီၤ နးၡိၣ်အဒီပုၢ်ဝဲၢ်မုၣ်နီၢ်အ့းလံၤစါဘ့းလီၤ. ဒီးအဝဲဒၣ်ဆံးစၢ်န့ၢ်အီၤလၢစီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်လီၤ.

လံာ်တၢ်ဘူၣ်ထီၣ်ဘါထီၣ် 10:1

စီၤအၤဟရိၣ်အဖိခွါတဖၣ်လၢအမ့ၢ်စီၤနၤဒးဒီးစီၤအဘံဟူၤ, ဟံးန့ၢ်ဝဲသပၢၤမ့ၣ်အူတဂၤတဖျၢၣ်စုာ်စုာ်ဒီးဒၢနုာ်မ့ၣ်အူအ့ၣ် ဃုာ်ဒီးတၢ်နၢမူလၢအပူၤဒီးလုၢ်ထီၣ်ဝဲဆူယွၤအအိၣ်လီၤ. ဘၣ်ဆၣ်ဒီးမ့ၣ်အူအံၤတမ့ၢ်တၢ်လၢအကဆှီဘၣ်. မ့ၢ်လၢယွၤတမၤလိာ်အဝဲသ့ၣ်လၢကလုၢ်ထီၣ်ဝဲအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:12

ဒီးစီၤမိၤၡ့စံးဘၣ်စီၤအၤဟရိၣ်ဒီးအဖိခွါအိၣ်လီၤတဲာ်ခံဂၤလၢ အမ့ၢ်စီၤအလၤဧစၢ်ဒီးစီၤအံသမၢ်, “ဟံးန့ၢ်တၢ်လုၢ်ဘုဧိၤဟုဧိၤလၢအအိၣ်လီၤတဲာ်လၢတၢ်လုၢ်မၤ ဘူၣ်တၢ်အီၣ်ဆူယွၤအအိၣ်ဒီးမၤကိၣ်လၢကိၣ်မံၣ်တအိၣ်ဘၣ်. ဒီးအီၣ်အီဖဲတၢ်လုၢ်လီၢ်အကပၤန့ၣ်တက့ၢ်. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:35

တၢ်အံၤမ့ၢ်တၢ်လၢတၢ်လုၢ်မ့ၣ်အူဆူယွၤအအိၣ်အကျါတနီၤ, လၢစီၤအၤဟရိၣ်ဒီးအဖိခွါတဖၣ်အဂီၢ်, စးထီၣ်မုၢ်တနံၤလၢအဝဲ သ့ၣ်ဘၣ်တၢ်ဖှူအီၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:1

ဒီးယွၤစံးဘၣ်စီၤမိၤၡ့, “ဟဲကိးစီၤအၤဟရိၣ်ဒီးအဖိခွါတဖၣ်ဆူတၢ်ဘူၣ်ထီၣ်ဘါထီၣ် ယွၤအဒဲကျဲစၢၤဖဲယအိၣ်အလီၢ်ဒီးဟဲစိာ်ပှၤလုၢ်တၢ်အခိၣ်အကူအသိး, သိဖှူတၢ်, ဂီၤဖံးဖါဖိလၢတၢ်လုၢ်တၢ်ပျၢ်တၢ်ဒဲးဘးအဂီၢ်, သိဖါခံဒုဒီးကိၣ်တအိၣ်ဘၣ်ဒီးကိၣ်မံၣ်တကုတက့ၢ်.

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”

လံာ်တၢ်ဂံၢ် 26:61

စီၤနၤဒးဒီးစီၤအဘံဟူၤသံဝဲဒၣ်ဖဲအဝဲသ့ၣ်လုၢ်ထီၣ်တၢ်လုၢ် တစီဆှံဘၣ်ဆူယွၤအအိၣ်န့ၣ်လီၤ.

လံာ်လူၤကၣ် 1:8

ဘၣ်မုၢ်တနံၤန့ၣ်စီၤစဃၤရံမၤအတၢ်မၤဒ်ပှၤလုၢ်တၢ်အခိၣ်တဂၤအသိး လၢတၢ်လုၢ်ဟံၣ်အပူၤ, အဂ့ၢ်မ့ၢ်လၢအတုၤဃီၤအဝဲဒၣ်အတီၤလၢအကဟံးန့ၢ်မူဒါဖဲ တနံၤဘၣ်တနံၤအတၢ်ဘူၣ်တၢ်ဘါအကတီၢ်အဃိန့ၣ်လီၤ.

လံာ်သိၣ်လီၤသီလီၤတၢ် 10:6

(ပှၤအံၣ်စရ့လးဖိတဖၣ်ဟးထီၣ်လၢတၢ်လီၢ်ဖဲထံပူၤတဖၣ်လၢအဘၣ် ဃးဒီးပှၤဝ့ၢ်ယၤကၣ်ဖိအိၣ်ဝဲဒီးလဲၤဝဲဆူဝ့ၢ်မိၤစ့ရၤန့ၣ် လီၤ. ဖဲန့ၣ်စီၤအၤဟရိၣ်သံဝဲဒီးဘၣ်တၢ်ခူၣ်လီၤကွံာ်အီၤဒီးအဝဲ အဖိခွါစီၤအလၤဧါစၢ်ကဲထီၣ်ပှၤလုၢ်တၢ်အခိၣ်လၢအဝဲအလီၢ်န့ၣ် လီၤ.

လံာ်သိၣ်လီၤသီလီၤတၢ် 18:5

လၢကယဲၢ်သုဒူၣ်တဖၣ်ခဲလၢာ်အကျါန့ၣ်, ယွၤဃုထၢတ့ၢ်လ့ၤဝံ အဒူၣ်ဒ်သိးကမၤအတၢ်ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီ လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:28

လၢပှၤအံၣ်စရ့လးဖိအဒူၣ်ခဲလၢာ်အကျါန့ၣ်, ယဃုထၢထီၣ်အဟံၣ်ဖိဃီဖိလၢကကဲထီၣ်ယပှၤလုၢ်တၢ်အခိၣ်တဖၣ်ဒီး မၤယတၢ်မၤလၢတၢ်လုၢ်လီၢ်, လၢကဆူးကဲၤတၢ်နၢမူ, ဒီးကသိးထီၣ်အ့ဖိးဒီးကူၣ်လိာ်တၢ်ဒီး ယၤအဂီၢ်လီၤ. ဒီးယဟ့ၣ်အဝဲသ့ၣ်လၢတၢ်အခွဲးအယာ်တမံၤ လၢအကမၤန့ၢ်အတၢ်နီၤဖးလၢအဂီၢ်တမံၤ လၢတၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤထီၣ်အီၤ လၢတၢ်လုၢ်လီၢ်ဖီခိၣ်အကျါန့ၣ်လီၤ.