လံာ်တၢ်ဟးထီၣ်ကွံာ် 27:3 - Sgaw Karen Common Bible

³ မၤန့ၢ်သပၢၤဘံၣ်တဖၣ်လၢတၢ်ကစိာ်ကွံာ်ဖၣ်ဆါလၢအဘၣ်အၢဒီးသိ တဖၣ်အဂီၢ်, ဒီးမၤန့ၢ်နီၣ်တရီာ်တဖၣ်, လီခီဖးဒိၣ်တဖၣ်နီၣ်ကွးတၢ်တဖၣ်ဒီးသပၢၤမ့ၣ်အူတဖၣ်တက့ၢ်. ကယဲၢ်တၢ်အပီးအလီတဖၣ်အံၤကဘၣ်တၢ်မၤအီၤလၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 27:3 Iomraidhean Croise

လံာ်စီၤပၤအခီၣ်ထံးတဘ့ၣ် 7:40

စီၤဃူရၣ်အဘံမၤစ့ၢ်ကီးဝဲသပၢၤတဖၣ်, တပူၣ်တဖၣ်ဒီးသရာ်တဖၣ် လီၤ. အဝဲမၤဝံၤအတၢ်မၤခဲလၢာ်လၢစီၤပၤၡလိၤမိၤအဂီၢ်လၢကစၢ်အတၢ် လုၢ်ဟံၣ်အပူၤန့ၣ်လီၤ. တၢ်လၢအဝဲမၤဝဲတဖၣ်မ့ၢ်ဒ်လၢလာ်အံၤလီၤ.

လံာ်စီၤပၤအခီၣ်ထံးတဘ့ၣ် 7:45

သပၢၤတဖၣ်, တပူာ်တဖၣ်ဒီးသလၢတဖၣ်န့ၣ်လီၤ. ကယဲၢ်တၢ်အပီးအလီလၢစီၤဃူရၣ်အဘံမၤဝဲလၢစီၤပၤၡလိၤမိၤ အဂီၢ်လၢယွၤအတၢ်လုၢ်ဟံၣ်အပူၤအံၤ, ဘၣ်တၢ်မၤအီၤလၢတိၢ်ဘီလၢတၢ်ထူးဘျ့ကတြ့ၣ်ထီၣ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:50

လီခီတဖၣ်, နီၣ်တံာ်လၢကမၤကဆှီမ့ၣ်အူဒၢအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢ တၢ်ကစိာ်မ့ၣ်အူအ့ၣ်တဖၣ်, သံၣ်ကျိၤတဖၣ်လၢတၢ်အလီၢ်စီဆှံကတၢၢ်အတြဲၤတဖၣ်ဒီးယွၤအတၢ် လုၢ်ဟံၣ်အကျဲစၢၤဆူတၢ်ချၢအတြဲၤတဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:14

အဝဲသ့ၣ်စိာ်ထီၣ်ကွံာ်စ့ၢ်ကီးနီၣ်တရိာ်ဟီၣ်ခိၣ်တဖၣ်ဒီးဖၣ်ဆါ သပၢၤတဖၣ်လၢအဘၣ်တၢ်သူအီၤလၢတၢ်မၤကဆှီတၢ်လုၢ်လီၢ်အဂီၢ်, တၢ်ပီးတၢ်လီတဖၣ်လၢတၢ်သူအီၤလၢတၢ်အံးထွဲကွၢ်ထွဲ မ့ၣ်အူဒၢတဖၣ်အဂီၢ်, သလၢတဖၣ်လၢတၢ်သူအီၤလၢတၢ်ကဒိးဃာ်တၢ် လုၢ်တၢ်ပာ်တဖၣ်အသွံၣ်အဂီၢ်, သလၢတဖၣ်လၢတၢ်သူအီၤလၢတၢ်ဆူးကဲၤတၢ်နၢမူအဂီၢ်ဒီးကယဲၢ်တၢ် အဃၢၤအဃိၢ်တိၢ်ဘီအဂၤတဖၣ်လၢအဘၣ်တၢ်သူ အီၤလၢတၢ်လုၢ်ဟံၣ်အတၢ်ဖံးတၢ်မၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:15

အဝဲသ့ၣ်စိာ်ထီၣ်ကွံာ်ကယဲၢ်တၢ်ခဲလၢာ်လၢအဘၣ်တၢ်ပိာ်အီၤလၢထူ မ့ၢ်ဂ့ၤ, စ့မ့ၢ်ဂ့ၤ, ဃုာ်ဒီးသလၢအဆံးတဖၣ်ဒီးသပၢၤဘံၣ်သလၣ်တဖၣ်လၢတၢ် သူအီၤလၢတၢ်စိာ်မ့ၣ်အူအ့ၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:17

အဝဲဟ့ၣ်လီၤစ့ၢ်ကီးတၢ်သိၣ်လီၤမၤလိာ်တဖၣ်ဘၣ်ထွဲဒီးတၢ်က ဘၣ်သူထူအစီဆံးအါလၢတၢ်ကမၤနီၣ်ဆဲးတဖၣ်, သလၢတဖၣ်ဒီးသပၢၤတဖၣ်အဂီၢ်လဲၣ်, တၢ်ကဘၣ်သူစ့ဒီးထူ ဆံးအါလၢတၢ်ကမၤလီခီတဖၣ်အဂီၢ်လဲၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 4:11

စီၤဃူရၣ်အဘံမၤစ့ၢ်ကီးဝဲသပၢၤတဖၣ်, တပူာ်တဖၣ်ဒီးသရာ်တဖၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:16

သပၢၤတဖၣ်, တပူာ်တဖၣ်ဒီးနီၣ်ဆဲးတဖၣ်န့ၣ်လီၤ. ပှၤအခိၣ်လၢအမၤတၢ်သ့လၢစု, စီၤဃူရၣ်အဘံမၤကယဲၢ်တၢ်သ့ၣ်တဖၣ် အံၤခဲလၢာ်လၢတိၢ်ဘီလၢတၢ်ထူးဘျ့ကတြ့ၣ်ထီၣ်အီၤ, ဒ်စီၤပၤၡလိၤမိၤမၤလိာ်တ့ၢ်ဝဲ, လၢကဘၣ်တၢ်သူ အီၤလၢယွၤအတၢ်လုၢ်ဟံၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 24:6

စီၤမိၤၡ့ဟံးန့ၢ်ဆၣ်ဖိကီၢ်ဖိတဖၣ်အသွံၣ်တဝာ်ဒီးဒၢနုာ်အီၤ လၢလီခီတဖၣ်အပူၤဒီးအဂၤတဝာ်န့ၣ်ဖှံလီၤအီၤလၢတၢ်လုၢ်လီၢ် အမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 27:19

ကယဲၢ်တၢ်အပီးအလီလၢအဘၣ်တၢ်သူအီၤလၢယွၤအဒဲစီဆှံ အပူၤဒီးကယဲၢ်နီၣ်စဲခဲလၢာ်လၢဒဲစီဆှံအဂီၢ်ဒီးလၢတၢ်ဒူၣ် အဂီၢ်န့ၣ်ကဘၣ်တၢ်မၤအီၤလၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 27:2

မၤထီၣ်တၢ်အနၢၤတဖၣ်လၢအသနၢၣ်လွံၢ်နၢၣ်အဖီခိၣ်တက့ၢ်. ဒီးကဘၣ်မ့ၢ်သ့ၣ်တကျီၣ်ဃီဒီးတၢ်လုၢ်လီၢ်, ဒီးတၢ်လုၢ်လီၢ်ဒီခါညါန့ၣ်ကဘၣ်တၢ်ကးဘၢအီၤလၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 27:4

ပိာ်န့ၢ်ဖၣ်ကပူၤအဒါတဘ့ၣ်လၢတိၢ်ဘီဒ်ပှၤထ့တၢ်အသိး, ဒီးထီထီၣ်ကွီၤတိၢ်ဘီလွံၢ်ခါဖဲအနၢၣ်တဖၣ်လၢတၢ်ကစိာ်ထီၣ် စိာ်လီၤအီၤအဂီၢ်တက့ၢ်.

လံာ်တၢ်ဟးထီၣ်ကွံာ် 38:3

အဝဲမၤစ့ၢ်ကီးတၢ်လုၢ်လီၢ်အပီးအလီတဖၣ်ဒ်သပၢၤဘံၣ်တဖၣ်, နီၣ်တရီာ်တဖၣ်သလၢတဖၣ်, နီၣ်ကွးတဖၣ်ဒီးသပၢၤမ့ၣ်အူတဖၣ်လၢတိၢ်ဘီခဲလၢာ်လီၤ.

လံာ်တၢ်ဘူၣ်ထီၣ်ဘါထီၣ် 16:12

ဒီးကဘၣ်ဟံးန့ၢ်ဝဲသပၢၤမ့ၣ်အူလၢအ ပှဲၤဒီးမ့ၣ်အူကဖးလၢတၢ်လုၢ်လီၢ်ဒီးတၢ်နၢမူကမူၣ်ခံစှီၤ ဒီးဟဲစိာ်အီၤဆူတၢ်လီၢ်စီဆှံကတၢၢ်န့ၣ်လီၤ.

လံာ်တၢ်ဂံၢ် 4:14

အဝဲသ့ၣ်ကဘၣ်ပာ်ထီၣ်ကယဲၢ်တၢ်ပီးတၢ်လီလၢဘၣ်တၢ်သူ အီၤလၢတၢ်လုၢ်လီၢ်အတၢ်ဖံးတၢ်မၤအပူၤလၢအမ့ၢ်, မ့ၣ်အူအသပၢၤဘံၣ်တဖၣ်, နီၣ်ကွးတဖၣ်, နီၣ်တရီာ်တဖၣ်, ဒီးသရာ်တဖၣ်န့ၣ်လီၤ. ဝံၤဒီးကဘၣ်ကျၢၢ်ဘၢအီၤလၢတၢ်ဖံးအဂ့ၤ ကတၢၢ်တခီဒီးဂိာ်နုာ်နီၣ်ယိးဘိတဖၣ်န့ၣ်လီၤ.