လံာ်တၢ်ဟးထီၣ်ကွံာ် 27:19 - Sgaw Karen Common Bible

¹⁹ ကယဲၢ်တၢ်အပီးအလီလၢအဘၣ်တၢ်သူအီၤလၢယွၤအဒဲစီဆှံ အပူၤဒီးကယဲၢ်နီၣ်စဲခဲလၢာ်လၢဒဲစီဆှံအဂီၢ်ဒီးလၢတၢ်ဒူၣ် အဂီၢ်န့ၣ်ကဘၣ်တၢ်မၤအီၤလၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 27:19 Iomraidhean Croise

လံာ်စီၤဧ့စြၤ 9:8

ခဲအံၤ, အိယွၤ, ပကစၢ်ယွၤဧၢ, လၢတၢ်ဆၢကတီၢ်ဖုၣ်ကိာ်အပူၤန့ၣ်, နဒုးဘၣ်ဘျုးဘၣ်ဖှိၣ်လံပှၤဒီးပျဲတ့ၢ်ပဝဲတနီၤဒ်သိးကထူၣ်ဖျဲးထီၣ် လၢတၢ်ကဲကုၢ်အလီၢ်ဒီးအိၣ်ဆိးပူၤပူၤဖျဲးဖျဲးလၢတၢ် လီၢ်စီဆှံအံၤအပူၤန့ၣ်လီၤ. နပျဲထူၣ်ဖျဲးထီၣ်ကွံာ်ပှၤလၢတၢ်ကဲကုၢ်အလီၢ်ဒီးဟ့ၣ်လီၤ ပှၤတၢ်အိၣ်မူအသီန့ၣ်လီၤ.

လံာ်တၢ်ဟးထီၣ်ကွံာ် 27:18

တၢ်အဒူၣ်န့ၣ်အထီကဘၣ်အိၣ်ဝဲအပျၢ်တကယၤ, အလဲၢ်အပျၢ်ယဲၢ်ဆံဒီးအကစီၤထီၣ်ယဲၢ်ပျၢ်န့ၣ်လီၤ. ယၣ်ဘျးသဒၢတဖၣ်န့ၣ်ကဘၣ်တၢ်မၤအီၤလၢတၢ်ကံးယာ်လုၣ်အဂ့ၤဒီး အခီၣ်ထံးအဖျီၣ်တဖၣ်လၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 27:20

မၤလိာ်ကီၢ်အံၣ်စရ့လးအပှၤဂီၢ်မုၢ်လၢကဟဲစိာ်န့ၢ်နၤသ့ၣ်စၤ ယံးအသိအဂ့ၤကတၢၢ်လၢမ့ၣ်အူဒၢအဂီၢ်ဒ်သိးတၢ်ဒွဲၣ်ကပီၤထီၣ် အီၤကိးမုၢ်ဟါဒဲးကသ့ဝဲန့ၣ်တက့ၢ်.

လံာ်တၢ်ဟးထီၣ်ကွံာ် 27:3

မၤန့ၢ်သပၢၤဘံၣ်တဖၣ်လၢတၢ်ကစိာ်ကွံာ်ဖၣ်ဆါလၢအဘၣ်အၢဒီးသိ တဖၣ်အဂီၢ်, ဒီးမၤန့ၢ်နီၣ်တရီာ်တဖၣ်, လီခီဖးဒိၣ်တဖၣ်နီၣ်ကွးတၢ်တဖၣ်ဒီးသပၢၤမ့ၣ်အူတဖၣ်တက့ၢ်. ကယဲၢ်တၢ်အပီးအလီတဖၣ်အံၤကဘၣ်တၢ်မၤအီၤလၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 35:18

နီၣ်ခိၣ်စူတဖၣ်ဒီးပျံၤတဖၣ်လၢဒဲစီဆှံဒီးတၢ်အိၣ်လၢအအိပူၤအဂီၢ်,

လံာ်တၢ်ဟးထီၣ်ကွံာ် 38:20

ကယဲၢ်နီၣ်ပျၤတဖၣ်လၢဒဲစီဆှံဒီးယၣ်ဘျးသဒၢဝးတရံးတဖၣ် အဂီၢ်န့ၣ်မ့ၢ်တိၢ်ဘီခဲလၢာ်လီၤ.

လံာ်တၢ်ဟးထီၣ်ကွံာ် 38:31

တၢ်အခီၣ်ထံးတဖၣ်လၢယၣ်ဘျးသဒၢအိၣ်ဝးတရံးဒဲစီဆှံ, ဒီးကျဲစၢၤအယၣ်ဘျးသဒၢအဂီၢ်, ဒီးလၢဒဲစီဆှံဒီးယၣ်ဘျးသဒၢအိၣ်ဝးတရံးအီၤအနီၣ်ဘျးခဲလၢာ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 39:40

ယၣ်ဘျးသဒၢတဖၣ်လၢအအိၣ်ဝးတရံးဒဲစီဆှံဒီးအထူၣ်တဖၣ်, အခီၣ်ထံးအဖျီၣ်တဖၣ်, ယၣ်ဘျးသဒၢလၢဒဲစီဆှံအကျဲ စၢၤအဂီၢ်ဒီးအပျံၤတဖၣ်, ဒဲစီဆှံအနီၣ်ပျၤတဖၣ်, ဒီးကယဲၢ်တၢ်ပီးတၢ်လီတဖၣ်, လၢတၢ်ကသူအီၤလၢဒဲစီဆှံအပူၤ,

လံာ်ပှၤစံၣ်တဲၤတဲလီၤတၢ် 12:11

ပှၤကူၣ်တၢ်သ့တဖၣ်အတၢ်ကတိၤလီၤဂာ်ဒီးနီၣ်ခိၣ်စူတဖၣ်လၢပှၤ ကွၢ်သိတဖၣ်သူဝဲလၢတၢ်ပၢဆှၢသိအဂီၢ်, ဒီးတၢ်ကတိၤဒိတဖၣ်လၢအဘၣ်တၢ်ထၢ ဖှိၣ်အီၤအိၣ်စံၣ်အိၣ်ကျၢၤဝဲဒ်ထးတဖၣ်လၢအဘၣ် တၢ်ဒိတံၢ်ဂၢၢ်ကျၢၤအီၤအသိးန့ၣ်လီၤ. တၢ်သ့ၣ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤလၢကစၢ်ယွၤ, ပှၤကွၢ်သိထဲတဂၤဧိၤလၢပဝဲခဲလၢာ်အဂီၢ်န့ၣ်လီၤ.

လံာ်ယၡါယၤ 33:20

ကွၢ်ဃီၤစံယိၣ်, ဝ့ၢ်လၢပမၤပတၢ်ဘူၣ်တၢ်ဘါအမူးတဖၣ်န့ၣ် တက့ၢ်. ကွၢ်ဃီၤဝ့ၢ်ယရူၤရှလ့ၣ်တက့ၢ်. ကမ့ၢ်ဝဲတၢ်ပူၤဖျဲး အလီၢ်တတီၤလၢပကအိၣ်လၢအပူၤမးလဲၣ်. ကလီၤဂာ်ဒီးဒဲတဖျၢၣ်လၢတၢ်တသုးအလီၢ်နီတဘျီဘၣ်, အနီၣ်စဲတဖၣ်တဘၣ်တၢ်ထဲးထီၣ်ကွံာ်အီၤနီတဘျီဘၣ်, ဒီးလၢအပျံၤတဖၣ်တဘၣ်တၢ်မၤတဲာ်ကွံာ်အီၤနီတဘျီဘၣ် န့ၣ်လီၤ.

လံာ်စကၤရယၤ 10:4

လၢအဝဲသ့ၣ်အကျါန့ၣ်ပဒိၣ်ပပှၢ်တဖၣ်, ပှၤခိၣ်ပှၤနၢ်တဖၣ်, ဒီးသုးခိၣ်သုးနၢ်တဖၣ်ကအိၣ်ထီၣ်ဝဲလၢကပၢ ယပှၤဂီၢ်မုၢ်န့ၣ်လီၤ.

လံာ်တၢ်ဂံၢ် 3:37

အဝဲသ့ၣ်ဘၣ်မူဘၣ်ဒါစ့ၢ်ကီးလၢဒဲအထူၣ်တဖၣ်, အထူၣ်ခီၣ်ထံးတဖၣ်, ဒဲအနီၣ်ပျၤတဖၣ်, ဒီးပျံၤတဖၣ်လၢဒဲအဂၢၤအချၢအဂီၢ်န့ၣ်လီၤ.

လံာ်တၢ်ဂံၢ် 4:32

ဒီးအထူၣ်တဖၣ်, အခီၣ်ထံးတဖၣ်, နီၣ်ပျၤစူတဖၣ်, ဒီးဂၢၤအိၣ်ဝးတရံးဒဲစီဆှံအပျံၤတဖၣ်, ဃုာ်ဒီးကယဲၢ်တၢ်လၢတၢ်သူအီၤလၢတၢ်ထီထီၣ်တၢ်ပီးတၢ်လီတဖၣ် န့ၣ်လီၤ. ပှၤတဂၤဘၣ်တဂၤအမူအဒါအိၣ်ဒီးလၢကစိာ်တၢ်တမံၤမံၤလီၤတံၢ် လီၤဆဲးန့ၣ်လီၤ.