လံာ်တၢ်ဟးထီၣ်ကွံာ် 27:16 - Sgaw Karen Common Bible

¹⁶ ဒီးလၢတၢ်နုာ်လီၤဟးထီၣ်အကျဲစၢၤဒၣ်ဝဲအဂီၢ်န့ၣ်ယၣ်ဘျးသဒၢ တဘ့ၣ်လၢအထီအိၣ်အပျၢ်ခံဆံဒီးဘၣ်တၢ်မၤအီၤလၢတၢ်ကံးယာ်လုၣ် အဂ့ၤထါအသးလၢတၢ်အလွဲၢ်လါ, အလွဲၢ်လုးတကုာ်ဒီးသိ ဆူၣ်ဂီၤဒီးဘၣ်တၢ်မၤဃံမၤလၤအီၤလၢတၢ်ဆးဒဲးကံၣ်ဒဲးဝ့ၤ ကဘၣ်အိၣ်ဝဲန့ၣ်လီၤ. ဒီးကဘၣ်တၢ်ဘျးထီၣ်အီၤလၢအထူၣ်လွံၢ်ထူၣ်လၢတၢ်ထီထီၣ်အီၤလၢ တၢ်အခီၣ်ထံးလွံၢ်ခါအလိၤန့ၣ်လီၤ.

လံာ်တၢ်ဟးထီၣ်ကွံာ် 27:16 Iomraidhean Croise

စံးထီၣ်ပတြၢၤ 45:14

အဝဲဘၣ်တၢ်လဲၤကိးအီၤဆူ စီၤပၤအအိၣ်, ကူသိးဝဲဒီး အဆ့ကၤအိၣ်ဒီး အလွဲၢ်ဃံလၤတဖၣ် ဒီးမုၣ်လိၣ်ဘိလၢအထီၣ်ဆှၢအီၤသ့ၣ်တဖၣ် ပိာ်ထီၣ်အခံန့ၣ်လီၤ. ဒီးအဝဲသ့ၣ်စ့ၢ်ကီးဘၣ်တၢ်လဲၤကိးအီၤဆူစီၤပၤ အအိၣ်န့ၣ်လီၤ.

လံာ်တၢ်ဟးထီၣ်ကွံာ် 26:31

ဆးန့ၢ်ယၣ်ဘျးသဒၢတဘ့ၣ်လၢတၢ်ကံးယာ်အဂ့ၤလၢအဘၣ်တၢ်ထါအီၤလၢ တၢ်အလွဲၢ်လါ, အလွဲၢ်လုးတကုာ်ဒီးသိအဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤ အီၤလၢတၢ်အသးလၢအအိၣ်ဒီးအဒံးဆ့တဖၣ်အဂီၤတက့ၢ်.

လံာ်တၢ်ဟးထီၣ်ကွံာ် 26:36

လၢယွၤအဒဲစီဆှံအကျဲစၢၤအဂီၢ်န့ၣ်, မၤယၣ်ဘျးသဒၢတဘ့ၣ်လၢ တၢ်ကံးယာ်လုၣ်အဂ့ၤ, ဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်ဒီးသိဆူၣ်ဂီၤဒီးမၤဃံမၤလၤအီၤဒီးတၢ်ဆး ဒဲးကံၣ်ဒဲးဝ့ၤတက့ၢ်.

လံာ်တၢ်ဟးထီၣ်ကွံာ် 27:15

ယၣ်ဘျးသဒၢတဖၣ်လၢအလဲၢ်အိၣ်တကပၤဆံယဲၢ်ပျၢ်စုာ်စုာ်ဃုာ်ဒီး အထူၣ်သၢဘိ, ဒီးအခီၣ်ထံးအဖျီၣ်သၢခါကဘၣ်အိၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 27:17

ဒီးကယဲၢ်တၢ်အထူၣ်တဖၣ်လၢအအိၣ်ဝးတရံးတၢ်ဒူၣ်န့ၣ်, ကဘၣ်တၢ်ဒုးစဲဘူးအီၤလၢနီၣ်ဘိစ့တဖၣ်, ဒီးအထးဘျးတဖၣ်ကဘၣ်တၢ်မၤအီၤလၢစ့ဒီးတၢ်အခီၣ်ထံးအဖျီၣ် တဖၣ်လၢတိၢ်ဘီန့ၣ်လီၤ.

လံာ်တၢ်ဟးထီၣ်ကွံာ် 28:39

ထါန့ၢ်စီၤအၤဟရိၣ်အဆ့ကၤလၢလုၣ်အဂ့ၤ, ဒီးမၤန့ၢ်အခိၣ်ဖၢၣ် တဘ့ၣ်လၢတၢ်ကံးယာ်လုၣ်အဂ့ၤဒီးယီၢ်တကိးတဘိစ့ၢ်ကီးကယၢ ကယဲအီၤလၢတၢ်ဆးဒဲးကံၣ်ဒဲးဝ့ၤန့ၣ်တက့ၢ်.

လံာ်တၢ်ဟးထီၣ်ကွံာ် 36:37

လၢဒဲစီဆှံအကျဲစၢၤအဂီၢ်န့ၣ်အဝဲသ့ၣ်မၤယၣ်ဘျးသဒၢတဘ့ၣ်လၢ ဘၣ်တၢ်ထါအီၤလၢတၢ်ကံးယာ်လုၣ်အဂ့ၤအိၣ်ဒီးအလွဲၢ်လါအဲး, အလွဲၢ်လုးတကုာ်, ဒီးသိဆူၣ်ဂီၤဒီးဘၣ်တၢ်ကယၢကယဲထီၣ်အီၤလၢ တၢ်ဆးဒဲးကံၣ်ဒဲးဝ့ၤန့ၣ်လီၤ.

လံာ်တၢ်ဟးထီၣ်ကွံာ် 39:29

ဒီးယီၢ်တကိးလၢလုၣ်အဂ့ၤအလွဲၢ်လါအဲး, အလွဲၢ်လုးတကုာ်ဒီးသိ ဆူၣ်အလွဲၢ်ဂီၤလၢအဘၣ်တၢ်ဆးဒဲးကံၣ်ဒဲးဝ့ၤအီၤဒ်ယွၤမၤလိာ်စီၤမိၤၡ့အသိးန့ၣ်လီၤ.

လံာ်တၢ်ဂံၢ် 3:26

ယၣ်ဘျးသဒၢလၢဂၢၤလၢအအိၣ်ဝးတရံးဒဲစီဆှံ, ဒီးတၢ်လုၢ်လီၢ်, ဒီးယၣ်ဘျးသဒၢလၢဂၢၤအကျဲစၢၤအဂီၢ်န့ၣ်လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်မၤဘၣ်ဃးဒီးတၢ်ပီးတၢ်လီ တဖၣ်အံၤအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:30

“အဝဲသ့ၣ်လူၤဃုဒၣ်ထဲတၢ်တဖၣ်လၢကမၤန့ၢ်ဝဲ ဒီးနီၤဖးဝဲအဂီၢ်, ပိာ်မုၣ်ဖိတဂၤမ့တမ့ၢ်ခံဂၤလၢပှၤသုးဖိတဂၤ စုာ်စုာ်အဂီၢ်, တၢ်ကူတၢ်သိးအလုၢ်ဒိၣ်ပှ့ၤဒိၣ်လၢစီၤစံစရၤအဂီၢ်, တၢ်ဆးကံၣ်ဆးဝ့ၤအတၢ်ကယၢကယဲတဖၣ်လၢနီၢ်ပၤမုၣ်အကိာ်အဂီၢ်လီၤ.