လံာ်တၢ်ဟးထီၣ်ကွံာ် 27:1 - Sgaw Karen Common Bible

¹ ဘှီထီၣ်တၢ်လုၢ်လီၢ်တခါလၢသ့ၣ်ဖှ့ၡံးတၤတက့ၢ်. ကဘၣ်မ့ၢ်အကပၤလွံၢ်ခီဃူလိာ်အသး, အလဲၢ်ယဲၢ်ပျၢ်, အထီအိၣ်ယဲၢ်ပျၢ်, ဒီးအကစီၤထီၣ်ကဘၣ်အိၣ်သၢပျၢ်လီၤ.

လံာ်တၢ်ဟးထီၣ်ကွံာ် 27:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:18

မုၢ်တနံၤဃီန့ၣ်, စီၤကးလဲၤဝဲဆူစီၤဒၤဝံးအအိၣ်ဒီးစံးဘၣ်အီၤ, “လဲၤထီၣ်ဆူစီၤအၤရနၤအကြဲၢ်, ဒီးမၤထီၣ်တၢ်လုၢ်လီၢ်တခါ လၢယွၤအဂီၢ်တက့ၢ်.”

လံာ်စီၤပၤခံဘ့ၣ်တဘ့ၣ် 16:14

တၢ်လုၢ်လီၢ်တိၢ်ဘီလၢအဘၣ်တၢ်ပာ်စီဆှံထီၣ်တ့ၢ်အီၤဆူယွၤ န့ၣ်, အိၣ်ဝဲဒၣ်ဖဲတၢ်လုၢ်လီၢ်အသီဒီးယွၤအတၢ်လုၢ်ဟံၣ်အဘၢၣ်စၢၤ, အဃိ, စီၤအၤဃးသုးကွံာ်တၢ်လုၢ်လီၢ်တိၢ်ဘီန့ၣ်ဆူအဝဲ အတၢ်လုၢ်လီၢ်သီအကပၤအကလံၤစိးတခီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:49

စီၤအၤဟရိၣ်ဒီးအစၢၤအသွဲၣ်တဖၣ်ပာ်ထီၣ်တၢ်လုၢ်နၢမူ တဖၣ်ဒီးလုၢ်ထီၣ်တၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤအီၤလၢတၢ် လုၢ်လီၢ်အဖီခိၣ်န့ၣ်လီၤ. အဝဲသ့ၣ်အိၣ်မူအိၣ်ဒါလၢတၢ်ဘူၣ်ထီၣ်ဘါထီၣ်ယွၤလၢတၢ်လီၢ်စီ ဆှံကတၢၢ်ခဲလၢာ်ဒီးလၢတၢ်လုၢ်တၢ်ပာ်တဖၣ်လၢကစၢ်ယွၤပျၢ်ကွံာ် ပှၤအံၣ်စရ့လးဖိတဖၣ်အတၢ်ဒဲးဘးအဂီၢ်န့ၣ်လီၤ. အဝဲသ့ၣ်မၤတ့ၢ်တၢ်အံၤခဲလၢာ်ဒ်တၢ်သိၣ်တၢ်သီလၢအဘၣ်တၢ်ဟ့ၣ် လီၤခီဖျိကစၢ်ယွၤအခ့အပှၤစီၤမိၤၡ့န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:1

စီၤပၤၡလိၤမိၤမၢပှၤမၤထီၣ်တၢ်လုၢ်လီၢ်တိၢ်ဘီတခါလၢအထီ အိၣ်ဝဲအပျၢ်ခံဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ် အိၣ်ဝဲဆံဆဲၣ်ပျၢ်န့ၣ်လီၤ.

လံာ်စီၤဧ့စြၤ 3:2

ဒီးစီၤယိၤစါဒးအဖိခွါစီၤယိၤၡူ, အပှၤလုၢ်တၢ်အခိၣ်သကိး သကိးဒီးအီၤတဖၣ်, ဒီးစီၤၡၤလတံၤအ့လးအဖိခွါစီၤစရူၤဘၤဘ့လး, ဃုာ်ဒီးအဝဲအဘူးအတံၢ်တဖၣ်, ဘှီထီၣ်ကဒါက့ၤပှၤအံၣ်စရ့လးဖိ အကစၢ်ယွၤအတၢ်လုၢ်လီၢ်, ဒ်သိးအဝဲသ့ၣ်ဆိၣ်ကဲၤထီၣ်တၢ်လုၢ်တၢ်ပာ် တဖၣ်လၢအဖီခိၣ်ဒ်တၢ်သိၣ်လိသီလိလၢအဘၣ်တၢ်ကွဲးလီၤအီၤလၢ ကစၢ်ယွၤအပှၤကညီစီၤမိၤၡ့အလံာ်တၢ်သိၣ်တၢ်သီအပူၤအသိးကသ့န့ၣ်လီၤ.

လံာ်တၢ်ဟးထီၣ်ကွံာ် 17:15

စီၤမိၤၡ့ဘှီထီၣ်တၢ်လုၢ်တၢ်ပာ်အလီၢ်တခါဒီးကိးဝဲအမံၤလၢ, “ယွၤစံးနံး” အခီပညီ, “ယွၤမ့ၢ်ယနီၣ်တယၢ်” န့ၣ်လီၤ.

လံာ်တၢ်ဟးထီၣ်ကွံာ် 24:4

စီၤမိၤၡ့ကွဲးလီၤကယဲၢ်ယွၤအတၢ်မၤလိာ်တဖၣ်န့ၣ်လီၤ. မုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲဘှီထီၣ်ဝဲတၢ်လုၢ်လီၢ်တခါ လၢကစၢၢ်ခီၣ်ထံးဒီးဆီလီၤလၢၢ်တဆံခံဖျၢၣ်, တဖျၢၣ်စုာ်စုာ်လၢပှၤအံၣ်စရ့လးဖိတဆံခံဒူၣ်, တဒူၣ်စုာ်စုာ်အဂီၢ်လီၤ.

လံာ်တၢ်ဟးထီၣ်ကွံာ် 31:9

တၢ်လုၢ်လီၢ်လၢတၢ်ဆူးကဲၤထီၣ်တၢ်လုၢ်မ့ၣ်အူတဖၣ်အဂီၢ်ဒီးကယဲၢ် အတၢ်ပီးတၢ်လီတဖၣ်, သရာ်တိၢ်ဘီလၢတၢ်သ့ကဆှီသးအဂီၢ်ဒီးအခံဟံးဃာ်,

လံာ်တၢ်ဟးထီၣ်ကွံာ် 35:16

တၢ်လုၢ်လီၢ်ဖဲတၢ်ဆိၣ်ကဲၤတၢ်လုၢ်မ့ၣ်အူဃုာ်ဒီးတိၢ်ဘီဖၣ်ကွာ် ဆီလီၤအသးလၢအလိၤဒီးအနီၣ်ထိးဘိတဖၣ်, ဒီးအတၢ်ဖိတၢ်လံၤခဲလၢာ်, သရာ်လၢတၢ်သ့ကဆှီသးအဂီၢ်ဃုာ်ဒီး အခီၣ်ထံးတဖၣ်,

လံာ်တၢ်ဟးထီၣ်ကွံာ် 39:39

ဒီးတၢ်လုၢ်လီၢ်တိၢ်ဘီဃုာ်ဒီးအဖ့ဂုၤတိၢ်ဘီ, အနီၣ်ယိးဘိတဖၣ်, ဒီးကယဲၢ်တၢ်အပီးအလိ, တၢ်သ့စီအသရာ်ဒီးအခီၣ်တဖၣ်,

လံာ်တၢ်ဟးထီၣ်ကွံာ် 40:10

မၤကဒီးတစု, ပာ်စီဆှံထီၣ်တၢ်လုၢ်လီၢ်ဒီးကယဲၢ်အတၢ်ပီးတၢ် လီခဲလၢာ်ခီဖျိတၢ်ဖှူအီၤဒီးကစီဆှံဝဲလၢလၢပှဲၤပှဲၤန့ၣ်လီၤ.

လံာ်တၢ်ဟးထီၣ်ကွံာ် 40:29

ဒီးဖဲန့ၣ်လၢယၣ်ဘျးသဒၢတၢ်အမဲာ်ညါန့ၣ်, အဝဲပာ်လီၤတၢ်လုၢ် လီၢ်လၢတၢ်ကဆိၣ်ကဲၤအတၢ်လုၢ်တၢ်ပာ်တဖၣ်အဂီၢ်န့ၣ်လီၤ. လၢတၢ်လုၢ်လီၢ်အဖီခိၣ်န့ၣ်အဝဲလုၢ်ထီၣ်ပာ်ထီၣ်တၢ်လုၢ်မ့ၣ်အူဒီးတၢ် လုၢ်ဘုဧိၤဟုဧိၤဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 40:6

ပာ်လီၤတၢ်လုၢ်လီၢ်လၢတၢ်လုၢ်မ့ၣ်အူတဖၣ်အဂီၢ်လၢဒဲစီဆှံ အမဲာ်ညါတက့ၢ်.

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 4:13

အဝဲသ့ၣ်ကဘၣ်သုးကွံာ်ဖၣ်ကမူၣ်လၢအဘၣ်အၢလၢသိန့ၣ်လၢတၢ်လုၢ် လီၢ်အပူၤဒီးသလၣ်လီၤတၢ်ကံးယာ်အလွဲၢ်လုးတကုာ်တဘ့ၣ်လၢအဖီ ခိၣ်န့ၣ်လီၤ.

လံာ်တၢ်ဂံၢ် 4:14

အဝဲသ့ၣ်ကဘၣ်ပာ်ထီၣ်ကယဲၢ်တၢ်ပီးတၢ်လီလၢဘၣ်တၢ်သူ အီၤလၢတၢ်လုၢ်လီၢ်အတၢ်ဖံးတၢ်မၤအပူၤလၢအမ့ၢ်, မ့ၣ်အူအသပၢၤဘံၣ်တဖၣ်, နီၣ်ကွးတဖၣ်, နီၣ်တရီာ်တဖၣ်, ဒီးသရာ်တဖၣ်န့ၣ်လီၤ. ဝံၤဒီးကဘၣ်ကျၢၢ်ဘၢအီၤလၢတၢ်ဖံးအဂ့ၤ ကတၢၢ်တခီဒီးဂိာ်နုာ်နီၣ်ယိးဘိတဖၣ်န့ၣ်လီၤ.

ဧ့ၤဘြံၤ 13:10

ပှၤလုၢ်တၢ်အခိၣ်တဖၣ်လၢအမၤတၢ်လၢပှၤယူဒၤဖိအတၢ် ဘူၣ်တၢ်ဘါအလီၢ်န့ၣ်, တအိၣ်ဘၣ်ဒီးတၢ်အခွဲးအယာ်လၢအကအီၣ်တၢ်လၢပပာ်ထီၣ် ဝဲလၢပတၢ်လုၢ်လီၢ်အဖီခိၣ်န့ၣ်ဘၣ်.