လံာ်တၢ်ဟးထီၣ်ကွံာ် 26:7 - Sgaw Karen Common Bible

⁷ ဆးန့ၢ်ဒဲစီဆှံအခိၣ်ဒုးတဘ့ၣ်လၢတၢ်ကံးယာ်တဆံတဘ့ၣ်လၢတၢ် မၤအီၤဒီးမဲာ်တဲးလဲးအဆူၣ်န့ၣ်တက့ၢ်.

လံာ်တၢ်ဟးထီၣ်ကွံာ် 26:7 Iomraidhean Croise

စံးထီၣ်ပတြၢၤ 45:13

စီၤပၤအဖိမုၣ်အိၣ်လၢနီပူၤန့ၣ်, ဃံလၤဝဲဆံးဒိၣ်လဲၣ်. အဆ့ကၤဘၣ်တၢ်မၤအီၤလၢလုၣ်ထူန့ၣ်လီၤ.

လံာ်တၢ်ဟးထီၣ်ကွံာ် 25:4

တၢ်ကံးယာ်လုၣ်အဂ့ၤ, အလါအဲးအလုးတကုာ်ဒီးသိဆူၣ်ဂီၤတဖၣ်, ဒီးတၢ်ကူတၢ်သိးလၢအဘၣ်တၢ်မၤအီၤလၢမဲာ်တဲးလဲးအဆူၣ်,

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 26:12

ဘျးထီၣ်တၢ်ကံးယာ်အိၣ်ဘျဲၣ်တ့ၢ်တဝာ်န့ၣ်လၢဒဲစီဆှံအလီၢ်ခံ တၢ်ဖီခိၣ်တက့ၢ်.

လံာ်တၢ်ဟးထီၣ်ကွံာ် 26:14

ဆးအါထီၣ်တၢ်အခိၣ်ဒုးခံဘ့ၣ်, တဘ့ၣ်န့ၣ်လၢသိဖါအဖံးလၢတၢ် စုၣ်ဂီၤအီၤဒီးအဂၤတဘ့ၣ်လၢတၢ်ဖံးအဂ့ၤဒ်သိးကကဲထီၣ်ယၣ်ဘျး သဒၢလၢတၢ်ချၢတကပၤအဂီၢ်တက့ၢ်.

လံာ်တၢ်ဟးထီၣ်ကွံာ် 26:6

မၤန့ၢ်ထးဘျးထူယဲၢ်ဆံလၢတၢ်ကဘျးစဲဘူးတၢ်ကံးယာ်ခံကရူၢ် န့ၣ်ဒ်သိးကကဲထီၣ်တခါဃီအဂီၢ်တက့ၢ်.

လံာ်တၢ်ဟးထီၣ်ကွံာ် 26:8

တၢ်ကံးညာ်ခဲလၢာ်အံၤအနီၣ်ထိၣ်ကဘၣ်မ့ၢ်ဒ်သိးသိး, အထီအပျၢ်သၢဆံဒီးအလဲၢ်လွံၢ်ပျၢ်န့ၣ်လီၤ.

လံာ်တၢ်ဟးထီၣ်ကွံာ် 26:9

ယဲၢ်ဘ့ၣ်န့ၣ်ဆးစဲဘူးအီၤတကရူၢ်ဒီးအဂၤဃုဘ့ၣ်န့ၣ်ဆးစဲဘူး အီၤတကရူၢ်တက့ၢ်. တၢ်ကံးယာ်ဃုဘ့ၣ်တဘ့ၣ်န့ၣ်ဆးချံးအီၤခံကထြၢလၢဒဲစီဆှံ အမဲာ်ညါတၢ်ဖီခိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 35:23

ပှၤကိးဂၤဒဲးလၢအအိၣ်ဒီးတၢ်ကံးယာ်လုၣ်အဂ့ၤကတၢၢ်တဖၣ်လၢ အအိၣ်ဒီးအလွဲၢ်လါအဲး, အလွဲၢ်လူးတကုာ်, မ့တမ့ၢ်သိဆူၣ်ဂီၤ, တၢ်ကံးယာ်ဘၣ်တၢ်မၤအီၤလၢမဲာ်တဲးလဲးအဆူၣ်, သိအဖံးလၢတၢ်စုၣ်ဂီၤအီၤမ့တမ့ၢ်တၢ်ဖံးအဂ့ၤကတၢၢ်န့ၣ်ဟဲစိာ်ဝဲဒၣ်လီၤ.

လံာ်တၢ်ဟးထီၣ်ကွံာ် 35:26

အဝဲသ့ၣ်မၤစ့ၢ်ကီးလုၣ်ဖျ့လၢမဲာ်တဲးလဲးအဆူၣ်တဖၣ်လီၤ.

လံာ်တၢ်ဟးထီၣ်ကွံာ် 35:6

တၢ်ကံးယာ်လုၣ်အဂ့ၤကတၢၢ်, အိၣ်ဒီးအလွဲၢ်လါအဲး, အလွဲၢ်လုးတကုာ်, သိဆူၣ်အဂီၤ, တၢ်ကံးယာ်ဘၣ်တၢ်မၤအီၤလၢမဲာ်တဲးလဲးအဆူၣ်,

လံာ်ယၡါယၤ 4:5

ဝံၤဒီးလၢကစၢၢ်စံယိၣ်အဖီခိၣ်ဒီးလၢပှၤလၢအပာ်ဖှိၣ်အသးဖဲ န့ၣ်ခဲလၢာ်အဖီခိၣ်န့ၣ်, ယွၤကဆှၢလီၤတၢ်အၢၣ်လၢမုၢ်ဆါ ဒီးမ့ၣ်အူလုၣ်ဒီးမ့ၣ်လၣ်ကဲၤကပီၤလၢမုၢ်နၤလီၤ. ယွၤအလၤကပီၤကကးဘၢဒီးဒီဒၣ်အိၣ်ပှိၤဝ့ၢ်ဒီဝ့ၢ်လီၤ.

လံာ်တၢ်ဂံၢ် 3:25

အဝဲသ့ၣ်တဖၣ်န့ၣ်ဘၣ်ဟံးန့ၢ်မူဒါလၢဒဲစီဆှံ, အနီၣ်ကျၢၢ်ဘၢလၢတၢ်အိပူၤ, အနီၣ်ကျၢၢ်ဘၢလၢတၢ်ချၢ, ကျဲစၢၤအယၣ်ဘျးသဒၢ,

လံာ်တၢ်ဂံၢ် 31:20

သုကဘၣ်မၤကဆှီထီၣ်စ့ၢ်ကီးတၢ်ကူတၢ်သိးကိးဘ့ၣ်ဒဲးဒီးကယဲၢ် တၢ်တမံၤလၢ်လၢ်လၢဘၣ်တၢ်မၤအီၤလၢတၢ်ဖံးမ့ၢ်ဂ့ၤ, မဲာ်တဲးလဲးအဆူၣ်မ့ၢ်ဂ့ၤ, သ့ၣ်မ့ၢ်ဂ့ၤန့ၣ်လီၤ.”

လံာ်တၢ်ဂံၢ် 4:25

ဒဲစီဆှံ, အနီၣ်ကျၢၢ်ဘၢလၢတၢ်အိပူၤ, အနီၣ်ကျၢၢ်ဘၢလၢတၢ် ချၢ, တၢ်ဖံးအဂ့ၤကတၢၢ်လၢအအိၣ်လၢအဖီခိၣ်, ယၣ်ဘျးသဒၢလၢဒဲအကျဲစၢၤအဂီၢ်တဖၣ်,

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),