လံာ်တၢ်ဟးထီၣ်ကွံာ် 26:36 - Sgaw Karen Common Bible

³⁶ လၢယွၤအဒဲစီဆှံအကျဲစၢၤအဂီၢ်န့ၣ်, မၤယၣ်ဘျးသဒၢတဘ့ၣ်လၢ တၢ်ကံးယာ်လုၣ်အဂ့ၤ, ဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်ဒီးသိဆူၣ်ဂီၤဒီးမၤဃံမၤလၤအီၤဒီးတၢ်ဆး ဒဲးကံၣ်ဒဲးဝ့ၤတက့ၢ်.

လံာ်တၢ်ဟးထီၣ်ကွံာ် 26:36 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:6

စးထီၣ်မုၢ်တနံၤလၢယမၤပူၤဖျဲးတ့ၢ်ကီၢ်အံၣ်စရ့လးအပှၤဂီၢ် မုၢ်လၢကီၢ်အဲၤကူပတူးအပူၤတုၤခဲကနံၣ်တစုန့ၣ်ယလဲၤဝ့ၤဝီၤ တၢ်ဒီးအိၣ်ဆိးလၢဒဲတဖျၢၣ်အပူၤန့ၣ်လီၤ.

စံးထီၣ်ပတြၢၤ 78:60

အဝဲလဲၤသဒၣ်ကွံာ် အတၢ်အိၣ်တၢ်ဆိးအလီၢ်လၢၡံလိၤ, ဒဲလၢအဝဲအိၣ်ဝဲလၢပှၤကညီအကျါန့ၣ်လီၤ.

လံာ်တၢ်ဟးထီၣ်ကွံာ် 26:31

ဆးန့ၢ်ယၣ်ဘျးသဒၢတဘ့ၣ်လၢတၢ်ကံးယာ်အဂ့ၤလၢအဘၣ်တၢ်ထါအီၤလၢ တၢ်အလွဲၢ်လါ, အလွဲၢ်လုးတကုာ်ဒီးသိအဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤ အီၤလၢတၢ်အသးလၢအအိၣ်ဒီးအဒံးဆ့တဖၣ်အဂီၤတက့ၢ်.

လံာ်တၢ်ဟးထီၣ်ကွံာ် 27:16

ဒီးလၢတၢ်နုာ်လီၤဟးထီၣ်အကျဲစၢၤဒၣ်ဝဲအဂီၢ်န့ၣ်ယၣ်ဘျးသဒၢ တဘ့ၣ်လၢအထီအိၣ်အပျၢ်ခံဆံဒီးဘၣ်တၢ်မၤအီၤလၢတၢ်ကံးယာ်လုၣ် အဂ့ၤထါအသးလၢတၢ်အလွဲၢ်လါ, အလွဲၢ်လုးတကုာ်ဒီးသိ ဆူၣ်ဂီၤဒီးဘၣ်တၢ်မၤဃံမၤလၤအီၤလၢတၢ်ဆးဒဲးကံၣ်ဒဲးဝ့ၤ ကဘၣ်အိၣ်ဝဲန့ၣ်လီၤ. ဒီးကဘၣ်တၢ်ဘျးထီၣ်အီၤလၢအထူၣ်လွံၢ်ထူၣ်လၢတၢ်ထီထီၣ်အီၤလၢ တၢ်အခီၣ်ထံးလွံၢ်ခါအလိၤန့ၣ်လီၤ.

လံာ်တၢ်ဟးထီၣ်ကွံာ် 28:15

မၤသဃိးတခါလၢပှၤလုၢ်တၢ်အခိၣ်အဒိၣ်အဂီၢ်ဒ်သိးကသူဝဲလၢတၢ် ဃုသ့ၣ်ညါကစၢ်ယွၤအတၢ်ဘၣ်အသးအဂီၢ်တက့ၢ်. တၢ်န့ၣ်ကဘၣ်တၢ်မၤအီၤလၢတၢ်ပီးတၢ်လီတမံၤဃီဒ်တၢ်မၤအ့ဖိး, အိၣ်ဒီးတၢ်ဆးဒဲးကံၣ်ဒဲးဝ့ၤတမံၤဃီန့ၣ်လီၤ.

လံာ်တၢ်ဟးထီၣ်ကွံာ် 28:39

ထါန့ၢ်စီၤအၤဟရိၣ်အဆ့ကၤလၢလုၣ်အဂ့ၤ, ဒီးမၤန့ၢ်အခိၣ်ဖၢၣ် တဘ့ၣ်လၢတၢ်ကံးယာ်လုၣ်အဂ့ၤဒီးယီၢ်တကိးတဘိစ့ၢ်ကီးကယၢ ကယဲအီၤလၢတၢ်ဆးဒဲးကံၣ်ဒဲးဝ့ၤန့ၣ်တက့ၢ်.

လံာ်တၢ်ဟးထီၣ်ကွံာ် 35:11

ယွၤအဒဲစီဆှံ, အယၣ်ဘျးသဒၢလၢအအိပူၤဒီးလၢအချၢတဖၣ်, အထးဘျးတဖၣ်ဒီးအသ့ၣ်ဘၣ်တဖၣ်, အနီၣ်ဘိတဖၣ်အထူၣ်အဘိတဖၣ်, ဒီးအခီၣ်ထံးတဖၣ်,

လံာ်တၢ်ဟးထီၣ်ကွံာ် 35:15

တၢ်လုၢ်လီၢ်လၢတၢ်ဆိၣ်ကဲၤတၢ်နၢမူအဂီၢ်ဒီးအနီၣ်ထိးဘိတဖၣ်, သိဖှူတၢ်, တၢ်နၢမူလၢအဆၢ, ယၣ်ဘျးသဒၢဖဲဒဲစီဆှံအကျဲစၢၤ,

လံာ်တၢ်ဟးထီၣ်ကွံာ် 36:37

လၢဒဲစီဆှံအကျဲစၢၤအဂီၢ်န့ၣ်အဝဲသ့ၣ်မၤယၣ်ဘျးသဒၢတဘ့ၣ်လၢ ဘၣ်တၢ်ထါအီၤလၢတၢ်ကံးယာ်လုၣ်အဂ့ၤအိၣ်ဒီးအလွဲၢ်လါအဲး, အလွဲၢ်လုးတကုာ်, ဒီးသိဆူၣ်ဂီၤဒီးဘၣ်တၢ်ကယၢကယဲထီၣ်အီၤလၢ တၢ်ဆးဒဲးကံၣ်ဒဲးဝ့ၤန့ၣ်လီၤ.

လံာ်တၢ်ဟးထီၣ်ကွံာ် 38:18

ယၣ်ဘျးသဒၢလၢဒဲစီဆှံအကျဲစၢၤန့ၣ်ဘၣ်တၢ်ထါအီၤလၢလုၣ် အဂ့ၤကတၢၢ်အိၣ်ဒီးအလွဲၢ်လါအဲး, အလွဲၢ်လုးတကုာ်, ဒီးသိဆူၣ်အလွဲၢ်အဂီၤ, ဒီးဘၣ်တၢ်ဆးဒဲးကံၣ်ဒဲးဝ့ၤအီၤန့ၣ် လီၤ. ဒီးယၣ်န့ၣ်အထီအိၣ်ဝဲအပျၢ်ခံဆံ, ဒီးအလဲၢ်အိၣ်ဝဲ ယဲၢ်ပျၢ်ဒ်ဒဲစီဆှံအယၣ်ဘျးသဒၢတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 39:29

ဒီးယီၢ်တကိးလၢလုၣ်အဂ့ၤအလွဲၢ်လါအဲး, အလွဲၢ်လုးတကုာ်ဒီးသိ ဆူၣ်အလွဲၢ်ဂီၤလၢအဘၣ်တၢ်ဆးဒဲးကံၣ်ဒဲးဝ့ၤအီၤဒ်ယွၤမၤလိာ်စီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 39:33

အဝဲသ့ၣ်ဟဲစိာ်ဒဲစီဆှံန့ၣ်ဆူစီၤမိၤၡ့အအိၣ်, ဃုာ်ဒီးကယဲၢ်အတၢ်ပီးတၢ်လီ, အနီၣ်ဘျးတဖၣ်, ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, ဒီးအထူၣ်ခီၣ်ထံးတဖၣ်,

လံာ်တၢ်ဟးထီၣ်ကွံာ် 40:5

ပာ်လီၤတၢ်လုၢ်ထီၣ်ထူလၢတၢ်ဆိၣ်ကဲၤတၢ်နၢမူအဂီၢ်လၢတၢ်အၢၣ် လီၤအီလီၤတလါစီဆှံအမဲာ်ညါဒီးဘျးထီၣ်ယၣ်ဘျးသဒၢတၢ်လၢဒဲစီဆှံအကျဲစၢၤန့ၣ်တက့ၢ်.

လံာ်ယဃ့းစက့လး 16:10

ယဒုးကူဒုးသိးထီၣ်နၤလၢဆ့ကၤဆးဒဲးကံၣ်ဒဲးဝ့ၤအသးတဘ့ၣ် ဒီးဟ့ၣ်လီၤနၤခီၣ်ဖံးလၢအဘၣ်တၢ်မၤအီၤလၢတၢ်ဖံးအဂ့ၤကတၢၢ်, ခိၣ်ကျီၤဖှီဝါကဆှၣ်တခါ, ဒီးဆ့ကၤဖးဒိၣ်သတိၢ်တဘ့ၣ်န့ၣ်လီၤ.

လံာ်တၢ်ဂံၢ် 3:25

အဝဲသ့ၣ်တဖၣ်န့ၣ်ဘၣ်ဟံးန့ၢ်မူဒါလၢဒဲစီဆှံ, အနီၣ်ကျၢၢ်ဘၢလၢတၢ်အိပူၤ, အနီၣ်ကျၢၢ်ဘၢလၢတၢ်ချၢ, ကျဲစၢၤအယၣ်ဘျးသဒၢ,

လံာ်တၢ်ဂံၢ် 9:15

မုၢ်တနံၤဖဲယွၤအိၣ်ဝဲဆိးဝဲအဒဲစီဆှံဘၣ်တၢ်ထီထီၣ်အီၤ န့ၣ်, တၢ်အၢၣ်တလိၣ်ဟဲလီၤဒီးကျၢၢ်ဘၢဒဲစီဆှံန့ၣ်လီၤ.

လံာ်ယိၤဟၣ် 10:9

ယဲဒၣ်အံၤယမ့ၢ်ကျဲစၢၤလီၤ. ပှၤတဂၤလၢ်လၢ်လၢအဟဲနုာ် ခီဖျိယၤန့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ. အဝဲကဟဲ နုာ်ဒီးကဟးထီၣ်ဒီးကထံၣ်န့ၢ်တၢ်အီၣ်ဆၣ်အလီၢ်န့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.