လံာ်တၢ်ဟးထီၣ်ကွံာ် 26:31 - Sgaw Karen Common Bible

³¹ ဆးန့ၢ်ယၣ်ဘျးသဒၢတဘ့ၣ်လၢတၢ်ကံးယာ်အဂ့ၤလၢအဘၣ်တၢ်ထါအီၤလၢ တၢ်အလွဲၢ်လါ, အလွဲၢ်လုးတကုာ်ဒီးသိအဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤ အီၤလၢတၢ်အသးလၢအအိၣ်ဒီးအဒံးဆ့တဖၣ်အဂီၤတက့ၢ်.

လံာ်တၢ်ဟးထီၣ်ကွံာ် 26:31 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 3:14

ယၣ်ဘျးသဒၢတၢ်တဘ့ၣ်လၢတၢ်လီၢ်စီဆှံကတၢၢ်အဂီၢ်န့ၣ်, ဘၣ်တၢ်ဆးအီၤလၢဖှီဝါကဆှၣ်ဒီးတၢ်အဂၤတဖၣ်လၢအဘၣ်တၢ်စုၣ် လွဲၢ်လါဟ့, စုၣ်လွဲၢ်လုးတကုးဒီးစုၣ်လွဲၢ်ဂီၤအီၤ, အိၣ်ဒီးခ့ရူာ်အဂီၤတဖၣ်လၢတၢ်ဆးဖျါထီၣ်အီၤလၢအလိၤန့ၣ် လီၤ.

စံးထီၣ်ပတြၢၤ 137:5

ယရူၤၡလ့ၣ်ဧၢ, ယမ့ၢ်သးပ့ၤနီၣ်နၤဒီး မ်ယသုတဒ့လၢၤတနၢ်နီတဘျီလၢၤတဂ့ၤ.

လံာ်တၢ်ဟးထီၣ်ကွံာ် 25:18

မၤထီၣ်တၢ်ဘၣ်တ့အိၣ်ဒီးအဒံးဆ့ခံဂၤလၢထူကိၢ်လိၣ်,

လံာ်တၢ်ဟးထီၣ်ကွံာ် 25:4

တၢ်ကံးယာ်လုၣ်အဂ့ၤ, အလါအဲးအလုးတကုာ်ဒီးသိဆူၣ်ဂီၤတဖၣ်, ဒီးတၢ်ကူတၢ်သိးလၢအဘၣ်တၢ်မၤအီၤလၢမဲာ်တဲးလဲးအဆူၣ်,

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 26:32

ဘျးလီၤစဲၤအီၤလၢသ့ၣ်ဖှ့ၡံးတၤအထူၣ်လွံၢ်ထူၣ်လၢဘၣ်တၢ်ပီၤ အီၤလၢထူအလိၤ, ထီထီၣ်အီၤလၢထးဘျးဒီးဆီလီၤအီၤလၢတၢ်အခီၣ်ထံးအဖျီၣ်စ့ လွံၢ်ခါအလိၤန့ၣ်တက့ၢ်.

လံာ်တၢ်ဟးထီၣ်ကွံာ် 27:16

ဒီးလၢတၢ်နုာ်လီၤဟးထီၣ်အကျဲစၢၤဒၣ်ဝဲအဂီၢ်န့ၣ်ယၣ်ဘျးသဒၢ တဘ့ၣ်လၢအထီအိၣ်အပျၢ်ခံဆံဒီးဘၣ်တၢ်မၤအီၤလၢတၢ်ကံးယာ်လုၣ် အဂ့ၤထါအသးလၢတၢ်အလွဲၢ်လါ, အလွဲၢ်လုးတကုာ်ဒီးသိ ဆူၣ်ဂီၤဒီးဘၣ်တၢ်မၤဃံမၤလၤအီၤလၢတၢ်ဆးဒဲးကံၣ်ဒဲးဝ့ၤ ကဘၣ်အိၣ်ဝဲန့ၣ်လီၤ. ဒီးကဘၣ်တၢ်ဘျးထီၣ်အီၤလၢအထူၣ်လွံၢ်ထူၣ်လၢတၢ်ထီထီၣ်အီၤလၢ တၢ်အခီၣ်ထံးလွံၢ်ခါအလိၤန့ၣ်လီၤ.

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 28:15

မၤသဃိးတခါလၢပှၤလုၢ်တၢ်အခိၣ်အဒိၣ်အဂီၢ်ဒ်သိးကသူဝဲလၢတၢ် ဃုသ့ၣ်ညါကစၢ်ယွၤအတၢ်ဘၣ်အသးအဂီၢ်တက့ၢ်. တၢ်န့ၣ်ကဘၣ်တၢ်မၤအီၤလၢတၢ်ပီးတၢ်လီတမံၤဃီဒ်တၢ်မၤအ့ဖိး, အိၣ်ဒီးတၢ်ဆးဒဲးကံၣ်ဒဲးဝ့ၤတမံၤဃီန့ၣ်လီၤ.

လံာ်တၢ်ဟးထီၣ်ကွံာ် 35:12

တၢ်အၢၣ်လီၤအီလီၤအတလါစီဆှံဒီးအနီၣ်ထိးဘိတဖၣ်, တလါအခိၣ်ကး, ဒီးယၣ်ဘျးသဒၢလၢတၢ်မၤဘၢအီၤ,

လံာ်တၢ်ဟးထီၣ်ကွံာ် 35:25

ပိာ်မုၣ်လၢအဆးတၢ်သ့နီၢ်နီၢ်တဖၣ်ဟဲစိာ်လုၣ်ဖျ့အဂ့ၤလၢအိၣ် ဒီးအလွဲၢ်လါအဲး, အလွဲၢ်လုးတကုာ်, သိဆူၣ်ဂီၤ, လၢအဝဲသ့ၣ်မၤပာ်ဝဲလီၤ.

လံာ်တၢ်ဟးထီၣ်ကွံာ် 35:35

ယွၤဟ့ၣ်လီၤအဝဲသ့ၣ်တၢ်သ့ဖံးသ့မၤလၢကယဲၢ်တၢ်မၤကိးမံၤ ဒဲးလၢဘၣ်တၢ်မၤအီၤလၢပှၤစိးပျၤကွဲးတၢ်တဖၣ်, ပှၤတ့ဖျါထီၣ်တၢ်ဂီၤတဖၣ်, ဒီးပှၤသ့ထါတၢ်ကံးယာ်လုၣ်တဖၣ်လၢ အိၣ်ဒီးအလွဲၢ်လါအဲး, အလွဲၢ်လုးတကုာ်, သိဆူၣ်အဂီၤ, ဒီးတၢ်ကူတၢ်သိးအဂၤတဖၣ်န့ၣ်လီၤ. အဝဲသ့ၣ်မၤကယဲၢ်တၢ်မၤကိးမံၤဒဲးသ့ဝဲဒီးမ့ၢ်ပှၤထုးထီၣ်တၢ်ဂီၤအဒိတဖၣ်သ့ဝဲနီၢ်နီၢ်န့ၣ်လီၤ.

လံာ်တၢ်ဟးထီၣ်ကွံာ် 35:6

တၢ်ကံးယာ်လုၣ်အဂ့ၤကတၢၢ်, အိၣ်ဒီးအလွဲၢ်လါအဲး, အလွဲၢ်လုးတကုာ်, သိဆူၣ်အဂီၤ, တၢ်ကံးယာ်ဘၣ်တၢ်မၤအီၤလၢမဲာ်တဲးလဲးအဆူၣ်,

လံာ်တၢ်ဟးထီၣ်ကွံာ် 36:35

အဝဲသ့ၣ်မၤယၣ်ဘျးသဒၢတၢ်တဘ့ၣ်လၢတၢ်ကံးယာ်အဂ့ၤ, ဘၣ်တၢ်ထါအီၤအိၣ်ဒီးအလွဲၢ်လါအဲး, အလွဲၢ်လုးတကုာ်ဒီးသိဆူၣ် ဂီၤ, ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ်လီၤ.

လံာ်တၢ်ဟးထီၣ်ကွံာ် 36:36

အဝဲသ့ၣ်မၤထီၣ်ထူၣ်လွံၢ်ထူၣ်လၢသ့ၣ်ဖှံၡံးတၤလၢကဟံးဃာ်ယၣ်ဘျးသဒၢအဂီၢ်, ဒီးပီၤအီၤလၢထူဒီးထီထီၣ်အီၤဒီးထးဘျးထူတဖၣ်လီၤ. အန့ၣ်ဝံၤဒီးမၤထီၣ်ဝဲတၢ်အခီၣ်ထံးအဖျီၣ်စ့လွံၢ်ခါလၢကဆီလီၤထူၣ်လွံၢ်ထူၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 36:8

ပှၤသ့မၤတၢ်အသ့ကတၢၢ်တဖၣ်လၢပှၤမၤတဖၣ်အကျါ, ဘှီထီၣ်ယွၤအဒဲစီဆှံန့ၣ်လီၤ. အဝဲသ့ၣ်မၤဝဲလၢတၢ်ကံးယာ် လုၣ်အဂ့ၤအဘ့ၣ်တဆံလၢအထါအသးအိၣ်ဒီးအလွဲၢ်လါအဲး, အလွဲၢ်လုးတကုာ်ဒီးသိဆူၣ်ဂီၤဒီးတၢ်အသးလၢအအိၣ်ဒီးအဒံးဆ့ တဖၣ်အတၢ်ဆးဒဲးကံၣ်ဒဲးဝ့ၤအဂီၤန့ၣ်လီၤ.

လံာ်တၢ်ဟးထီၣ်ကွံာ် 38:23

အဝဲအပှၤမၤစၢၤအီၤ, ပှၤဒၣ်အဒူၣ်ဖိစီၤအဃံစမးအဖိခွါစီၤအၤဟလံလာ်မ့ၢ်ပှၤတဂၤလၢအသ့စိးပျၤတၢ်, ပှၤသ့တ့ တၢ်ဂီၤအဒိဒီးပှၤသ့ထါဒဲးကံၣ်ဒဲးဝ့ၤလုၣ်အဂ့ၤကတၢၢ်လၢတၢ် အလွဲၢ်လါအဲး, အလွဲၢ်လုးတကုာ်, ဒီးသိဆူၣ်အလွဲၢ်အဂီၤန့ၣ်လီၤ.

လံာ်တၢ်ဟးထီၣ်ကွံာ် 40:21

အန့ၣ်ဝံၤဒီးအဝဲဒၢနုာ်တလါစီဆှံန့ၣ်ဆူဒဲစီဆှံအပူၤဒီး ဘျးလီၤယၣ်ဘျးသဒၢတၢ်လၢအကမၤသဒၢအီၤန့ၣ်လီၤ. လၢကျဲဒ်အံၤန့ၣ်အဝဲဘျးသဒၢတၢ်အၢၣ်လီၤအီလီၤအတလါစီဆှံဒ် ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 40:3

ဒၢနုာ်လီၤတၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤ လိာ်အထံၣ်တဆံန့ၣ်လၢအပူၤ, ဒီးဘျးထီၣ်ယၣ်ဘျးသဒၢတၢ်လၢအမဲာ်ညါတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 7:1

နမ့ၢ်ပိာ်မုၣ်ဖိလၢအလီၤလးတဂၤဒိၣ်မးလဲၣ် နခီၣ်လၣ်တဖၣ်လၢခီၣ်ဖံးအပူၤန့ၣ်ဃံလၤဝဲဆံးဒိၣ်လဲၣ် နကံၣ်ဒုၣ်အက့ၣ်ကွီၤတဖၣ်ဖျၢၣ်ဝဲ လီၤဂာ်ဒ်ပှၤစုသ့ တဂၤအတၢ်မၤလၢမၤဝဲအသိးလီၤ.

လံာ်တၢ်ဘူၣ်ထီၣ်ဘါထီၣ် 16:15

အန့ၣ်ဝံၤဒီးကဘၣ်မၤသံဝဲမဲာ်တဲးလဲးတဒုလၢတၢ်လုၢ်တၢ်ပျၢ်တၢ်ဒဲးဘး လၢပှၤဂီၢ်မုၢ်အဂီၢ်န့ၣ်လီၤ. ဒီးကဘၣ်လဲၤစိာ်နုာ်တၢ်သွံၣ်တနီၤဆူတၢ်လီၢ်စီဆှံကတၢၢ်ဒီး ဖှံအီၤလၢတၢ်အၢၣ်လီၤအီလီၤတလါအခိၣ်ကၢၢ်အလိၤတနီၤဒီးလၢ တၢ်အၢၣ်လီၤအီလီၤတလါအမဲာ်ညါဒ်အမၤတ့ၢ်ဝဲလၢဂီၤဖံးဖါတဒု အသွံၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 4:5

ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.

လံာ်မးသဲ 27:51

တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်,

လံာ်မၢ်ကူး 15:38

ဒီးယၣ်ဘျးသဒၢလၢတၢ်လုၢ်ဟံၣ်ပူၤတဘ့ၣ်န့ၣ်ယာ်ကွံာ်ဝဲခံခီ, စးထီၣ်လၢအဖီခိၣ်တုၤလီၤလၢအခီၣ်ထံးန့ၣ်လီၤ.

လံာ်လူၤကၣ် 23:45

ဒီးတၢ်လုၢ်ဟံၣ်အယၣ်ဘျးတဒၢတဘ့ၣ်န့ၣ်, ယာ်ကွံာ်ဝဲဒၣ်ခံခီလီၤ.

အ့းဖ့းစူး 2:14

အဂ့ၢ်ဒ်အံၤ, ခရံာ်အနီၢ်ကစၢ်ဒၣ်ဝဲဟဲစိာ်န့ၢ်ပှၤတၢ်ဃူတၢ်ဖိးခီဖျိ အဒုးကဲထီၣ်ပှၤယူဒၤဖိဒီးပှၤကလုာ်အဂၤတဖၣ်လၢပှၤ တကလုာ်ဃီ, ဒီးမၤလီၤပှီၢ်ကွံာ်တၢ်အဒူၣ်အဆၢလၢအမၤ လီၤဖးအဝဲသ့ၣ်ဒီးဒုးကဲအဝဲသ့ၣ်လၢဒုၣ်ဒါတဖၣ်န့ၣ်လီၤ.