လံာ်တၢ်ဟးထီၣ်ကွံာ် 26:14 - Sgaw Karen Common Bible

¹⁴ ဆးအါထီၣ်တၢ်အခိၣ်ဒုးခံဘ့ၣ်, တဘ့ၣ်န့ၣ်လၢသိဖါအဖံးလၢတၢ် စုၣ်ဂီၤအီၤဒီးအဂၤတဘ့ၣ်လၢတၢ်ဖံးအဂ့ၤဒ်သိးကကဲထီၣ်ယၣ်ဘျး သဒၢလၢတၢ်ချၢတကပၤအဂီၢ်တက့ၢ်.

လံာ်တၢ်ဟးထီၣ်ကွံာ် 26:14 Iomraidhean Croise

စံးထီၣ်ပတြၢၤ 27:5

အဂ့ၢ်ဒ်အံၤ, လၢတၢ်ကိၢ်တၢ်ဂီၤအမုၢ်နံၤန့ၣ်, အဝဲကပာ်ခူသူၣ်ယၤ, ကမၤပူၤဖျဲးယၤလၢအတၢ်လုၢ်ဟံၣ်အပူၤ ဒီးပာ်ယၤလၢလၢၢ်ထီၣ်ထီအဖီခိၣ်န့ၣ်လီၤ.

လံာ်တၢ်ဟးထီၣ်ကွံာ် 25:5

သိဖါအဖံးလၢတၢ်စုၣ်ဂီၤထီၣ်အီၤ, တၢ်ဖံးအဂ့ၤဒီးသ့ၣ်ဖှ့ၡံးတၤ,

လံာ်တၢ်ဟးထီၣ်ကွံာ် 26:13

တကပၤစုာ်စုာ်အအိၣ်ဘျဲၣ်ဒံးလၢအထီအိၣ်ဝဲတပျၢ်န့ၣ်တၢ်ကဘၣ်ဘျး ထီၣ်အီၤလၢဒဲစီဆှံအကပၤအဖီခိၣ်ဒ်သိးကမၤဘၢအီၤန့ၣ်လီၤ.

လံာ်တၢ်ဟးထီၣ်ကွံာ် 35:23

ပှၤကိးဂၤဒဲးလၢအအိၣ်ဒီးတၢ်ကံးယာ်လုၣ်အဂ့ၤကတၢၢ်တဖၣ်လၢ အအိၣ်ဒီးအလွဲၢ်လါအဲး, အလွဲၢ်လူးတကုာ်, မ့တမ့ၢ်သိဆူၣ်ဂီၤ, တၢ်ကံးယာ်ဘၣ်တၢ်မၤအီၤလၢမဲာ်တဲးလဲးအဆူၣ်, သိအဖံးလၢတၢ်စုၣ်ဂီၤအီၤမ့တမ့ၢ်တၢ်ဖံးအဂ့ၤကတၢၢ်န့ၣ်ဟဲစိာ်ဝဲဒၣ်လီၤ.

လံာ်တၢ်ဟးထီၣ်ကွံာ် 35:7

သိဖါအဖံးလၢဘၣ်တၢ်စုၣ်ဂီၤထီၣ်အီၤ, တၢ်ဖံးအဂ့ၤ, သ့ၣ်ဖှ့ၡံးတၤ,

လံာ်တၢ်ဟးထီၣ်ကွံာ် 36:19

အဝဲသ့ၣ်မၤအါထီၣ်တၢ်အခိၣ်ဒုးခံခါ, တခါန့ၣ်လၢသိဖါအဖံး စုၣ်ဂီၤအသး, ဒီးအဂၤတခါန့ၣ်လၢတၢ်ဖံးအဂ့ၤဒ်သိးကကဲ ထီၣ်တၢ်အခိၣ်ဒုးလၢအဖီခိၣ်ကတၢၢ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 39:34

အခိၣ်ဒုးလၢတၢ်မၤအီၤလၢသိဖါအဖံးလၢတၢ်စုၣ်ဂီၤထီၣ်အီၤ, အခိၣ်ဒုးလၢတၢ်မၤအီၤတၢ်ဖံးအဂ့ၤဒီးယၣ်ဘျးသဒၢတၢ်,

လံာ်ယၡါယၤ 25:4

ပှၤအဖှီၣ်ဒီးပှၤလၢတၢ်မၤစၢၤအီၤ တအိၣ်တဖၣ်ဃ့ၢ်ဃီၤဆူနအိၣ် ဒီးအိၣ်ပူၤအိၣ်ဖျဲးလၢတၢ်မၤကိၢ်မၤဂီၤအကတီၢ်န့ၣ်လီၤ. နဟ့ၣ်အဝဲသ့ၣ်လၢတၢ်အိၣ်တ ဒၢအလီၢ်ဖဲကလံၤမုၢ်လီၤအကတီၢ်, ဒီးဒုးအိၣ်ကဒုတ့ၢ်အီၤလၢတၢ် ကိၢ်ဂီၤကဲၤအကတီၢ်န့ၣ်လီၤ. ပှၤအၢပှၤသီတဖၣ်ထီၣ်ဒုးတၢ် ဒ်တၢ်ဂိၢ်ကတီၢ်ကလံၤမုၢ်လီၤဝဲအသိး, ဒီးဒ်တၢ်ယီၤဃ့လၢကီၢ်လၢအဃ့ထီ တဘ့ၣ်အပူၤအသိးလီၤ.

လံာ်ယၡါယၤ 4:6

အလၤကပီၤကလီၤကဒုဘၣ်ဝ့ၢ်လၢမုၢ်ဆါအတၢ်ကိၢ်ဒီးဒုးကဲ ထီၣ်အီၤတၢ်လီၢ်လၢတၢ်ပူၤဖျဲးအဂီၢ်လၢအဘၣ်တၢ်ဒီတဒၢအီၤ လၢတၢ်စူၤဒီးကလံၤမုၢ်န့ၣ်လီၤ.

လံာ်ယဃ့းစက့လး 16:10

ယဒုးကူဒုးသိးထီၣ်နၤလၢဆ့ကၤဆးဒဲးကံၣ်ဒဲးဝ့ၤအသးတဘ့ၣ် ဒီးဟ့ၣ်လီၤနၤခီၣ်ဖံးလၢအဘၣ်တၢ်မၤအီၤလၢတၢ်ဖံးအဂ့ၤကတၢၢ်, ခိၣ်ကျီၤဖှီဝါကဆှၣ်တခါ, ဒီးဆ့ကၤဖးဒိၣ်သတိၢ်တဘ့ၣ်န့ၣ်လီၤ.

လံာ်တၢ်ဂံၢ် 4:10

အဝဲသ့ၣ်ကဘၣ်ဘိၣ်ဘံထီၣ်အီၤဒီးကယဲၢ်အတၢ်ပီးတၢ်လီတဖၣ်လၢနီၣ် ကျၢၢ်ဘၢတၢ်တၢ်ဖံးအဂ့ၤကတၢၢ်တခီအပူၤဒီးပာ်ထီၣ်အီၤလၢနီၣ် ယိးကွီၣ်အလိၤန့ၣ်လီၤ.

လံာ်တၢ်ဂံၢ် 4:25

ဒဲစီဆှံ, အနီၣ်ကျၢၢ်ဘၢလၢတၢ်အိပူၤ, အနီၣ်ကျၢၢ်ဘၢလၢတၢ် ချၢ, တၢ်ဖံးအဂ့ၤကတၢၢ်လၢအအိၣ်လၢအဖီခိၣ်, ယၣ်ဘျးသဒၢလၢဒဲအကျဲစၢၤအဂီၢ်တဖၣ်,

လံာ်တၢ်ဂံၢ် 4:5

ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.