လံာ်တၢ်ဟးထီၣ်ကွံာ် 25:8 - Sgaw Karen Common Bible

⁸ ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ.

လံာ်တၢ်ဟးထီၣ်ကွံာ် 25:8 Iomraidhean Croise

လံာ်စီၤပၤအခီၣ်ထံးတဘ့ၣ် 6:13

ယကအိၣ်ကဆိးလၢယပှၤဂီၢ်မုၢ်အံၣ်စရ့လးအကျါလၢယွၤအတၢ်လုၢ်ဟံၣ် လၢနဘှီထီၣ်အီၤအံၤအပူၤ, ဒီးယတလဲၤသဒၣ်အဝဲသ့ၣ်နီတစုဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 22:19

ခဲကနံၣ်အံၤ, မၤယွၤသုကစၢ်ယွၤအတၢ်မၤလၢသုသးဒီဖျၢၣ်ညါ ဒီးသုသူၣ်ကံၢ်သးလဲန့ၣ်တက့ၢ်. စးထီၣ်သူၣ်ထီၣ်ယွၤအတၢ်လုၢ်ဟံၣ်ဒ်သိးသုပာ်ယွၤအတၢ်အၢၣ်လီၤ အီလီၤအတလါစီဆှံဒီးကယဲၢ်တၢ်အဃၢၤအဃိၢ်စီဆှံလၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်အီၤအဂီၢ်တဖၣ်, လၢအပူၤကသ့ဝဲန့ၣ်တက့ၢ်.”

လံာ်တၢ်ဟးထီၣ်ကွံာ် 15:17

ယွၤဧၢ, နဟဲစိာ်နုာ်အီၤဒီးသူၣ်လီၤအီၤလၢနကစၢၢ်ဒီခိၣ်, တၢ်လီၢ်ဖဲနၤ, ယွၤဃုထၢတ့ၢ်အီၤလၢနဟံၣ်အဂီၢ်, ယွၤအတၢ်လုၢ်ဟံၣ်လၢနနီၢ်ကစၢ်ဒၣ်နဲနသူၣ်ထီၣ် အီၤလီၤ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်တၢ်ဟးထီၣ်ကွံာ် 29:45

ယကအိၣ်ဆိးလၢကီၢ်အံၣ်စရ့လးအပှၤဂီၢ်မုၢ်အသိးအကျါဒီးယကမ့ၢ် အဝဲသ့ၣ်အကစၢ်ယွၤလီၤ.

လံာ်တၢ်ဟးထီၣ်ကွံာ် 29:46

အဝဲသ့ၣ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤလၢအထုးထီၣ် ကွံာ်အီၤလၢကီၢ်အဲၤကူပတူးအပူၤဒ်သိးယအိၣ်ဆိးလၢအသိးအကျါကသ့န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤလီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်ယဃ့းစက့လး 37:28

တုၤမ့ၢ်ယပာ်ယတၢ်လုၢ်ဟံၣ်ဖဲန့ၣ်လၢအဝဲသ့ၣ်အကျါလီၤစိၤလီၤထီဒီး, အန့ၣ်တစုပှၤကလုာ်တဖၣ်ကသ့ၣ်ညါဝဲလၢ, ယၤ, ယွၤဃုထၢတ့ၢ်ပှၤအံၣ်စရ့လးဖိလၢကမ့ၢ်ယပှၤဂီၢ်မုၢ်ဒၣ်ယဲန့ၣ်လီၤ.”

လံာ်ယဃ့းစက့လး 43:7

ပှၤကညီလၢအသံသ့ဧၢ, အအံၤမ့ၢ်ယလီၢ်ပစိာ်န့ၣ်လီၤ. ယကအိၣ်ဆိးဖဲအံၤလၢကီၢ်အံၣ်စရ့လးအပှၤဂီၢ်မုၢ်အကျါဒီး ပၢအဝဲသ့ၣ်လီၤစိၤလီၤထီန့ၣ်လီၤ. ကီၢ်အံၣ်စရ့လးအပှၤဂီၢ် မုၢ်မ့ၢ်ဂ့ၤ, အစီၤပၤတဖၣ်မ့ၢ်ဂ့ၤတမၤမဲာ်ဆှးကဒီးလၢၤဘၣ်ယမံၤ စီဆှံနီတစုခီဖျိတၢ်ဘူၣ်ထီၣ်ဘါထီၣ်ယွၤအဂၤတဖၣ်မ့ၢ်ဂ့ၤ, ခီဖျိ တၢ်ခူၣ်လီၤဘျၢလီၤအစီၤပၤတဖၣ်, အစိၣ်လၢတၢ်လီၢ်အံၤအပူၤ မ့ၢ်ဂ့ၤလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:4

ဒီးစီၤမိၤၡ့ကိးဃီၤဝဲစီၤအၤဟရိၣ်အဖါတံၢ်စီၤဧူးစံၤအ့လးအဖိခွါ ခံဂၤလၢအမ့ၢ်စီၤမံၡအ့လးဒီးစီၤအ့လံစၤဖၣ်, ဒီးစံးဘၣ်အဝဲသ့ၣ်, “ဟဲလၢအံၤဒီးစိာ်ကွံာ်သုဘူးသုတံၢ်တဖၣ်အံၤအစိၣ်လၢတၢ် ဘူၣ်ထီၣ်ဘါထီၣ်ယွၤအဒဲစီဆှံအမဲာ်ညါဒီးပာ်အီၤလၢသူၣ်ဒဲ အလီၢ်အချၢန့ၣ်တက့ၢ်.”

လံာ်တၢ်ဘူၣ်ထီၣ်ဘါထီၣ် 21:12

တဘၣ်ဟးထီၣ်စ့ၢ်ကီးဝဲဆူတၢ်ဘူၣ်ထီၣ်ဘါထီၣ်ယွၤအဒဲအချၢမ့ၢ် ဂ့ၤ, တဘၣ်မၤဘၣ်အၢအကစၢ်ယွၤအတၢ်လီၢ်စီဆှံမ့ၢ်ဂ့ၤန့ၣ်ဘၣ်. အဂ့ၢ်ဒ်အံၤ, အကစၢ်ယွၤအသိဖှူတၢ်အိၣ်ဝဲလၢအလိၤအဃိလီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 26:11

ယကအိၣ်လၢသုကျါလၢယဒဲစီဆှံ အပူၤဒီးယတဃၣ်ကွံာ်ယသးလၢသုနီတစုဘၣ်.

လံာ်တၢ်ဘူၣ်ထီၣ်ဘါထီၣ် 4:6

ဒီးအဝဲကဘၣ်ဘျၢလီၤအစုမုၢ်တဘိလၢတၢ်သွံၣ်အပူၤဒီးဖှံ အီၤနွံစုလၢတၢ်လီၢ်စီဆှံအယၣ်ဘျးတဒၢအမဲာ်ညါန့ၣ်လီၤ.

လံာ်စကၤရယၤ 2:10

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သးဝံၣ်တၢ်လၢတၢ်သးခုအဃိတက့ၢ်. ယကဟဲအိၣ်ဆိးလၢသုသိးသုကျါလီၤ.”

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

လံာ်တၢ်ဂံၢ် 5:3

မၢအဝဲသ့ၣ်ကိးဂၤဒဲးလၢအတကဆှီဘၣ်တဖၣ်ဒ်တၢ်ဘူၣ်တၢ်ဘါ အလုၢ်အလၢ်အိၣ်အသိးဟးထီၣ်ကွံာ်ခဲလၢာ်, ဒ်သိးအဝဲသ့ၣ်သုတမၤဘၣ်အၢသူၣ်ဒဲလီၢ်ကဝီၤဖဲယ အိၣ်ဆိးလၢယပှၤဂီၢ်မုၢ်အသိးအကျါတဂ့ၤအဂီၢ်န့ၣ်တက့ၢ်.”

မၤတၢ် 7:44

ဖဲပမိၢ်ပၢ်ဖံဖုလၢပျၢၤတဖၣ်အိၣ်ဝဲလၢပှၢ်မုၢ်ကနၢအကတီၢ်န့ၣ်, အဝဲသ့ၣ်အိၣ်ဒီးတၢ်အုၣ်အသးအဒဲတဖျၢၣ်လီၤ. ဒဲအံၤဘၣ်တၢ်တ့တ့ၢ်အီၤဒ်ကစၢ်ယွၤစံးဘၣ်စီၤမိၤၡ့အသိး ဒီးဒ်အဒိလၢယွၤဒုးနဲၣ်တ့ၢ်စီၤမိၤၡ့အသိးန့ၣ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

လံာ်စီၤယိၤၡူ 22:31

ပှၤလုၢ်တၢ်အခိၣ်စီၤအလၤဧစၢ်အဖိခွါစီၤဖံၤနဃၣ်စံးဘၣ်အဝဲသ့ၣ်, “အခဲအံၤပသ့ၣ်ညါလၢယွၤအိၣ်ဒီးပှၤလီၤ. တမ့ၢ်သုပူထီၣ်တၢ်ထီဒါအီၤန့ၣ်ဘၣ်. လၢတၢ်န့ၣ်အဃိသုအုၣ်က့ၤခီၣ်က့ၤတ့ၢ် ပှၤအံၣ်စရ့လးဖိတဖၣ်လၢယွၤအတၢ်စံၣ်ညီၣ်န့ၣ်လီၤ.

လံာ်လီၣ်ဖျါ 21:3

ယနၢ်ဟူတၢ်ကလုၢ်ဖးဒိၣ်ကတိၤလီၤတၢ်လၢလီၢ်ပစိာ်ဒီးစံး, “ခဲကနံၣ်အံၤ, ကစၢ်ယွၤအဟံၣ်အိၣ်ဝဲလၢတၢ်လီၢ်တပူၤဃီ ဒီးပှၤဟီၣ်ခိၣ်ဖိလီၤ. အဝဲဒၣ်ကအိၣ်ကဆိးဒီးအဝဲသ့ၣ်, ဒီးအဝဲသ့ၣ်ကမ့ၢ်အဝဲဒၣ်အပှၤဂီၢ်မုၢ်လီၤ. ကစၢ်ယွၤအနီၢ်ကစၢ်ဒၣ်ဝဲကအိၣ်တပူၤဃီဒီးအဝဲသ့ၣ်, ဒီးအဝဲဒၣ်ကမ့ၢ်အဝဲသ့ၣ်အကစၢ်ယွၤလီၤ.