လံာ်တၢ်ဟးထီၣ်ကွံာ် 25:38 - Sgaw Karen Common Bible

³⁸ မၤထီၣ်အနီၣ်တံာ်မ့ၣ်အူဒီးနီၣ်တံာ်အလီခီတဖၣ်လၢထူစီတက့ၢ်.

လံာ်တၢ်ဟးထီၣ်ကွံာ် 25:38 Iomraidhean Croise

လံာ်စီၤပၤအခီၣ်ထံးတဘ့ၣ် 7:50

လီခီတဖၣ်, နီၣ်တံာ်လၢကမၤကဆှီမ့ၣ်အူဒၢအဆၣ်တဖၣ်, သလၢတဖၣ်, ခွးလၢတၢ်နၢမူအဂီၢ်တဖၣ်, ဒီးသပၢၤဘံၣ်သလၣ်တဖၣ်လၢ တၢ်ကစိာ်မ့ၣ်အူအ့ၣ်တဖၣ်, သံၣ်ကျိၤတဖၣ်လၢတၢ်အလီၢ်စီဆှံကတၢၢ်အတြဲၤတဖၣ်ဒီးယွၤအတၢ် လုၢ်ဟံၣ်အကျဲစၢၤဆူတၢ်ချၢအတြဲၤတဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 12:13

ဘၣ်ဆၣ်ဒီးစ့တဘၣ်တၢ်သူအီၤနီတစဲးလၢတၢ်ကဟ့ၣ်တၢ်အပှ့ၤလၢတၢ် မၤလီခီစ့တဖၣ်မ့ၢ်ဂ့ၤ, သလၢတဖၣ်မ့ၢ်ဂ့ၤ, ကွဲၤတဖၣ်မ့ၢ်ဂ့ၤ, တၢ်ပီးတၢ်လီလၢတၢ်မၤကဆှီမ့ၣ်အူဒၢတဖၣ် အဂီၢ်လၢတၢ်အဃၢၤအဃိၣ်အဂၤလၢစ့ဒီးထူတဖၣ်အဂီၢ်မ့ၢ်ဂ့ၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 25:14

အဝဲသ့ၣ်စိာ်ထီၣ်ကွံာ်စ့ၢ်ကီးနီၣ်တရိာ်ဟီၣ်ခိၣ်တဖၣ်ဒီးဖၣ်ဆါ သပၢၤတဖၣ်လၢအဘၣ်တၢ်သူအီၤလၢတၢ်မၤကဆှီတၢ်လုၢ်လီၢ်အဂီၢ်, တၢ်ပီးတၢ်လီတဖၣ်လၢတၢ်သူအီၤလၢတၢ်အံးထွဲကွၢ်ထွဲ မ့ၣ်အူဒၢတဖၣ်အဂီၢ်, သလၢတဖၣ်လၢတၢ်သူအီၤလၢတၢ်ကဒိးဃာ်တၢ် လုၢ်တၢ်ပာ်တဖၣ်အသွံၣ်အဂီၢ်, သလၢတဖၣ်လၢတၢ်သူအီၤလၢတၢ်ဆူးကဲၤတၢ်နၢမူအဂီၢ်ဒီးကယဲၢ်တၢ် အဃၢၤအဃိၢ်တိၢ်ဘီအဂၤတဖၣ်လၢအဘၣ်တၢ်သူ အီၤလၢတၢ်လုၢ်ဟံၣ်အတၢ်ဖံးတၢ်မၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:21

တၢ်မၤဃံမၤလၤလၢဖီတဖၣ်, မ့ၣ်အူဒၢတဖၣ်, ဒီးနီၣ်တံာ်လၢကမၤပံာ်မ့ၣ်အူတဖၣ်,

လံာ်တၢ်ဟးထီၣ်ကွံာ် 25:37

မၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဂီၢ်ဒီး ဒွဲၣ်ထီၣ်အီၤဒ်သိးကကပီၤထီၣ်ဆူတၢ်မဲာ်ညါတက့ၢ်.

လံာ်တၢ်ဟးထီၣ်ကွံာ် 25:39

သူထူစီလီၤတယၢၢ်တကံကၢ်လၢသုကမၤတၢ်ပာ်မ့ၣ်အူဒၢအလီၢ်ဒီးကယဲၢ် တၢ်အပီးအလီတဖၣ်အံၤအဂီၢ်တက့ၢ်.

လံာ်တၢ်ဟးထီၣ်ကွံာ် 37:23

အဝဲမၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူအလီၢ်အဂီၢ်ဒီးအနီၣ်တံာ်မ့ၣ်အူ ဒီးနီၣ်တံာ်အလီခီတဖၣ်န့ၣ်မ့ၢ်ထူစီန့ၣ်လီၤ.

လံာ်ယၡါယၤ 6:6

အန့ၣ်ဒီး, စ့ရၤဖးတဖၣ်အကျါတဂၤယူၤလီၤဝဲဆူယအိၣ်, စိာ်ဝဲဒီးမ့ၣ်အူ ကဖးတကိၢ်လိၣ်လၢအဟံးန့ၢ်ဝဲလၢတၢ်လုၢ်လီၢ်ခီဖျိနီၣ်တံာ်လီၤ.

လံာ်ယံးရမံယၤ 52:18

အဝဲသ့ၣ်စိာ်ကွံာ်စ့ၢ်ကီး နီၣ်တရီာ်ဟီၣ်ခိၣ်တဖၣ် ဒီးဖၣ်ဆါအသပၢၤ တဖၣ်လၢ တၢ်သူအီၤလၢတၢ်မၤကဆှဲကဆှီတၢ်လုၢ်လီၢ်အဂီၢ်, တၢ်ပီးတၢ်လီတဖၣ်လၢ တၢ်သူအီၤလၢ တၢ်အံး ထွဲကွၢ်ထွဲမ့ၣ်အူဒၢတဖၣ်အဂီၢ်, သလၢတဖၣ်လၢတၢ်သူအီၤလၢ တၢ်ကဒီဃာ်တၢ်လုၢ်တၢ်ပာ်တဖၣ် အသွံၣ်အဂီၢ်, သလၢတဖၣ်လၢ တၢ်သူအီၤလၢ တၢ်ဆိၣ်ကဲၤတၢ်နၢမူအဂီၢ်, ဒီးတိၢ်ဘီတၢ်ပီးတၢ်လီအဂၤခဲလၢာ်လၢတၢ်သူအီၤလၢ ယွၤအတၢ်လုၢ်ဟံၣ်ပူၤတၢ်မၤအဂီၢ်န့ၣ်လီၤ.

လံာ်တၢ်ဂံၢ် 4:9

အဝဲသ့ၣ်ကဘၣ်ဟံးန့ၢ်တၢ်ကံးညာ်အလွဲၢ်လါအဲးတခီဒီးကျၢၢ်ဘၢ တၢ်ပာ်ထီၣ်မ့ၣ်အူဒၢအလီၢ်ဃုာ်ဒီးအမ့ၣ်အူဒၢတဖၣ်, နီၣ်တံာ်တဖၣ်, သဘံၣ်တဖၣ်ဒီးကယဲၢ်သပၢၤတဖၣ်လၢတၢ်ဒၢနုာ်သ့ၣ်စၤ ယံးအသိန့ၣ်လီၤ.