လံာ်တၢ်ဟးထီၣ်ကွံာ် 25:37 - Sgaw Karen Common Bible

³⁷ မၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဂီၢ်ဒီး ဒွဲၣ်ထီၣ်အီၤဒ်သိးကကပီၤထီၣ်ဆူတၢ်မဲာ်ညါတက့ၢ်.

လံာ်တၢ်ဟးထီၣ်ကွံာ် 25:37 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:11

ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:20

တၢ်ပာ်ထီၣ်မ့ၣ်အူဒၢအလီၢ်တဖၣ်ဒီးမ့ၣ်အူဒၢထူစီတဖၣ်လၢကဘၣ် တၢ်ဒွဲၣ်ကပီၤထီၣ်အီၤလၢတၢ်လီၢ်စီဆှံကတၢၢ်အမဲာ်ညါဒ်တၢ်တိာ် ပာ်အိၣ်ဝဲအသိး,

စံးထီၣ်ပတြၢၤ 119:105

နကလုၢ်ကထါန့ၣ် မ့ၢ်မ့ၣ်အူဒၢတဖျၢၣ်လၢယခီၣ်အဂီၢ်, ဒီးတၢ်ကပီၤတဖျၢၣ်လၢယကျဲအဂီၢ်လီၤ.

လံာ်တၢ်ဟးထီၣ်ကွံာ် 25:38

မၤထီၣ်အနီၣ်တံာ်မ့ၣ်အူဒီးနီၣ်တံာ်အလီခီတဖၣ်လၢထူစီတက့ၢ်.

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 30:8

အဝဲကဘၣ်မၤဝဲဒ်န့ၣ်အသိးဖဲအဒွဲၣ်ကပီၤထီၣ်မ့ၣ်အူဒၢတဖၣ်လၢမုၢ်ဟါလီၤအကတီၢ်န့ၣ်လီၤ. တၢ်လုၢ်ထီၣ်တၢ်နၢမူအံၤကဘၣ်တၢ်မၤထွဲအီၤတဘိယူၢ်ဃီဒီးတၢ် မၤတံာ်တာ်အီၤတဘၣ်အိၣ်ဝဲနီတစုဘၣ်န့ၣ်လီၤ.

လံာ်တၢ်ဟးထီၣ်ကွံာ် 37:23

အဝဲမၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူအလီၢ်အဂီၢ်ဒီးအနီၣ်တံာ်မ့ၣ်အူ ဒီးနီၣ်တံာ်အလီခီတဖၣ်န့ၣ်မ့ၢ်ထူစီန့ၣ်လီၤ.

လံာ်တၢ်ဟးထီၣ်ကွံာ် 40:24

အဝဲဒၢနုာ်တၢ်ပာ်မ့ၣ်အူဒၢအလီၢ်လၢဒဲစီဆှံအပူၤ, လၢကလံၤထံးတကပၤကွၢ်သဃီၤလိာ်သးဒီးစီၢ်နီၤခိၣ်န့ၣ်လီၤ.

လံာ်တၢ်ဟးထီၣ်ကွံာ် 40:25

ဒီးဖဲန့ၣ်လၢယွၤအမဲာ်ညါန့ၣ်, အဝဲဒွဲၣ်ကပီၤထီၣ်မ့ၣ်အူဒၢ တဖၣ်ဒ်ယွၤမၤလိာ်တ့ၢ်ဝဲအသိးန့ၣ်လီၤ.

တၢ်ကတိၤဒိ. 6:23

အတၢ်သိၣ်က့ၤသီက့ၤတဖၣ်န့ၣ်, မ့ၢ်မ့ၣ်အူဒၢလၢအကပီၤထီၣ်ဝဲ, ဒီးအတၢ်ဘှီဘၣ်က့ၤသိၣ်လိနၤလၢနကအိၣ်မူဒ်လဲၣ်သ့ဝဲန့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.

လံာ်တၢ်ဂံၢ် 4:9

အဝဲသ့ၣ်ကဘၣ်ဟံးန့ၢ်တၢ်ကံးညာ်အလွဲၢ်လါအဲးတခီဒီးကျၢၢ်ဘၢ တၢ်ပာ်ထီၣ်မ့ၣ်အူဒၢအလီၢ်ဃုာ်ဒီးအမ့ၣ်အူဒၢတဖၣ်, နီၣ်တံာ်တဖၣ်, သဘံၣ်တဖၣ်ဒီးကယဲၢ်သပၢၤတဖၣ်လၢတၢ်ဒၢနုာ်သ့ၣ်စၤ ယံးအသိန့ၣ်လီၤ.

လံာ်မးသဲ 5:14

သုဝဲသ့ၣ်အံၤသုမ့ၢ်ဒ်တၢ်ကပီၤအသိးလၢပှၤဟီၣ်ခိၣ်ဖိခဲလၢာ် အဂီၢ်လီၤ. ဝ့ၢ်တဝ့ၢ်လၢအဘၣ်တၢ်သူၣ်ထီၣ်အီၤလၢတၢ်လူၢ်ဒီခိၣ်န့ၣ်အိၣ် သဒၢတသ့ဘၣ်.

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်ယိၤဟၣ် 1:9

တၢ်ကပီၤနီၢ်နီၢ်အံၤမ့ၢ်တၢ်ကပီၤလၢအဟဲနုာ်ဆူဟီၣ်ခိၣ်ချၢဒီး ကပီၤထီၣ်လၢပှၤဟီၣ်ခိၣ်ဖိခဲလၢာ်အဂီၢ်န့ၣ်လီၤ.

လံာ်ယိၤဟၣ် 12:5

“ဘၣ်မနုၤအဃိတၢ်တဆါသိနၢမူအံၤလၢစ့ဒန့ၤရံသၢကယၤ ဒီးဟ့ၣ်လီၤမၤစၢၤပှၤဖှီၣ်ဖိယာ်ဖိန့ၣ်လဲၣ်.”

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

လံာ်လီၣ်ဖျါ 1:12

ယဃၣ်တရံးယသးဒ်သိးယကထံၣ်ဘၣ်ပှၤလၢအကတိၤ တၢ်ဒီးယၤတဂၤ, ဒီးယထံၣ်မ့ၣ်အူဒၢထူနွံဖျၢၣ်,

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.

လံာ်လီၣ်ဖျါ 1:4

လၢစီၤယိၤဟၣ်, ဆူတၢ်အိၣ်ဖှိၣ်နွံဖုလၢကီၢ်အၤစံအပူၤ. မ်သုကဒိးန့ၢ်ဘၣ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ကစၢ်ယွၤအအိၣ်, ယွၤလၢအအိၣ်ဝဲ, အိၣ်တ့ၢ်လံဝဲ, ဒီးအကဟဲဝဲတဂၤ, ဒီးလၢသးနွံဖျၢၣ်လၢအဝဲဒၣ်အလီၢ်ပစိာ်အမဲာ်ညါန့ၣ်အအိၣ်,

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.