လံာ်တၢ်ဟးထီၣ်ကွံာ် 25:31 - Sgaw Karen Common Bible

³¹ ဘှီထီၣ်တၢ်ပာ်မ့ၣ်အူဒၢအလီၢ်တခါလၢထူစီတက့ၢ်. အခီၣ်ယီၢ်ဒီးအထူၣ်န့ၣ်ကဘၣ်မ့ၢ်ထူကိၢ်လိၢ်လီၤ. အတၢ်ကယၢကယဲဖီတဖၣ်ဃုာ်ဒီးအဘိၣ်တဖၣ်အဖီ အကဘျံးတဖၣ်ကဘၣ်အိၣ်စဲဘူးတခါဃီဒီးအီၤလီၤ.

လံာ်တၢ်ဟးထီၣ်ကွံာ် 25:31 Iomraidhean Croise

လံာ်စီၤပၤအခီၣ်ထံးတဘ့ၣ် 6:18

သ့ၣ်ဆှိအ့ရ့းအသ့ၣ်ဘၣ်တဖၣ်ဘၣ်တၢ်ကယၢကယဲအီၤဒီးထံလူၤသၣ် တဖၣ်ဒီးဖီတဖၣ်လၢတၢ်စိးပျၤန့ၢ်အီၤလီၤ. တၢ်ဒူၣ်အအိပူၤတကပၤအံၤဘၣ်တၢ်ကးဘၢအီၤဒီးသ့ၣ်ဆှိအ့ရ့းဒ် သိးလၢၢ်လၢတၢ်ဒူၣ်တဖၣ်အလိၤအသုတဘၣ်တၢ်ထံၣ်အီၤတဂ့ၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:24

ထံဒၢဖးဒိၣ်အချၢဝးတရံးအကနူၤန့ၣ်ထံလူၤသၣ်တိၢ်ဘီတဖၣ်ဘၣ် တၢ်ရဲၣ်လီၤအီၤခံဂ့ၢ်, ဘၣ်တၢ်ပိာ်န့ၢ်အီၤအိၣ်စဲဘူးဒီးထံဒၢန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:49

တၢ်ပာ်ထီၣ်မ့ၣ်အူဒၢအလီၢ်ဆံဆဲၣ်ခါလၢအဘၣ်တၢ်ပာ်အီၤဖဲ တၢ်လီၢ်စီဆှံကတၢၢ်အမဲာ်ညါ, ယဲၢ်ခါလၢကလံၤထံးတကပၤဒီးယဲၢ် ခါလၢကလံၤစိးတကပၤ, သံၣ်ဧိၤဖီဧိၤတဖၣ်, မ့ၣ်အူဒၢတဖၣ်ဒီးနီၣ်တံာ်လၢတၢ်ကမၤပံာ်မ့ၣ်အူတဖၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 28:15

ဆံးအါလၢမ့ၣ်အူဒၢဒီးတၢ်ပာ်မ့ၣ်အူဒၢအလီၢ်တခါစုာ်စုာ် အဂီၢ်လဲၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 13:11

ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:20

တၢ်ပာ်ထီၣ်မ့ၣ်အူဒၢအလီၢ်တဖၣ်ဒီးမ့ၣ်အူဒၢထူစီတဖၣ်လၢကဘၣ် တၢ်ဒွဲၣ်ကပီၤထီၣ်အီၤလၢတၢ်လီၢ်စီဆှံကတၢၢ်အမဲာ်ညါဒ်တၢ်တိာ် ပာ်အိၣ်ဝဲအသိး,

လံာ်ကွဲးနီၣ်တၢ်ခံဘ့ၣ်တဘ့ၣ် 4:7

အဝဲသ့ၣ်မၤ, တၢ်ပာ်မ့ၣ်အူဒၢအလီၢ်လၢထူဆံဆဲၣ်ခါဒ်အက့ၢ်အဂီၤ ညီနုၢ်အိၣ်ပာ်စၢၤ, ဒီးပာ်အီၤလၢယွၤအတၢ်လုၢ်ဟံၣ်အဒၢးမိၢ်ပှၢ်အပူၤ, ယဲၢ်ခါလၢကလံၤထံးဒီးယဲၢ်ခါလၢကလံၤစိးန့ၣ်လီၤ.

လံာ်တၢ်ဟးထီၣ်ကွံာ် 25:34

တၢ်ပာ်မ့ၣ်အူဒၢလီၢ်အထူၣ်န့ၣ်ကဘၣ်အိၣ်ဒီးဖီလွံၢ်ဖီးလၢတၢ် ကယၢကယဲအီၤလီၤဂာ်ဒ်ၡၤကးသၣ်လၢအအိၣ်ဃုာ်ဒီးအဘိၣ်ဒီးအဖီ အကဘျံးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 25:36

ဖီအဘိၣ်တဖၣ်, အဒ့တဖၣ်ဒီးမ့ၣ်အူဒၢအထူၣ်န့ၣ်ကဘၣ်မ့ၢ်ဝဲ ထူစီတကိၢ်လိၢ်ဃီန့ၣ်လီၤ.

လံာ်တၢ်ဟးထီၣ်ကွံာ် 31:8

စီၢ်နီၤခိၣ်ဒီးတၢ်အပီးအလီတဖၣ်, တၢ်ပာ်မ့ၣ်အူဒၢအလီၢ်လၢအ ဘၣ်တၢ်မၤအီၤလၢထူစီဒီးကယဲၢ်အတၢ်ပီးတၢ်လီတဖၣ်, တၢ်လုၢ်လီၢ်လၢတၢ်ဆူးကဲၤတၢ်နၢမူအဂီၢ်,

လံာ်တၢ်ဟးထီၣ်ကွံာ် 35:14

တၢ်ပာ်မ့ၣ်အူအလီၢ်လၢတၢ်ကပီၤအဂီၢ်ဒီးအတၢ်ဖိတၢ်လံၤတဖၣ်, မ့ၣ်အူဒၢတဖၣ်ဒီးအသိ,

လံာ်တၢ်ဟးထီၣ်ကွံာ် 39:37

တၢ်ပာ်မ့ၣ်အူဒၢအလီၢ်လၢတၢ်မၤအီၤလၢထူစီ, အမ့ၣ်အူဒၢတဖၣ်, ဒီးကယဲၢ်တၢ်ပီးတၢ်လီတဖၣ်, ဒီးသိလၢမ့ၣ်အူဒၢတဖၣ်အဂီၢ်,

လံာ်တၢ်ဘူၣ်ထီၣ်ဘါထီၣ် 24:4

စီၤအၤဟရိၣ်ကဘၣ်ကွၢ်ထွဲမ့ၣ်အူဒၢတဖၣ်လၢအအိၣ်လၢမ့ၣ်အူဒၢ အထူၣ်လၢအဘၣ်တၢ်မၤအီၤလၢထူအလိၤ, ဒ်သိးကကပီၤဝဲလၢယွၤအမဲာ်ညါတထံၣ်ဃီန့ၣ်လီၤ.

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 4:10

အဝဲသ့ၣ်ကဘၣ်ဘိၣ်ဘံထီၣ်အီၤဒီးကယဲၢ်အတၢ်ပီးတၢ်လီတဖၣ်လၢနီၣ် ကျၢၢ်ဘၢတၢ်တၢ်ဖံးအဂ့ၤကတၢၢ်တခီအပူၤဒီးပာ်ထီၣ်အီၤလၢနီၣ် ယိးကွီၣ်အလိၤန့ၣ်လီၤ.

လံာ်တၢ်ဂံၢ် 4:9

အဝဲသ့ၣ်ကဘၣ်ဟံးန့ၢ်တၢ်ကံးညာ်အလွဲၢ်လါအဲးတခီဒီးကျၢၢ်ဘၢ တၢ်ပာ်ထီၣ်မ့ၣ်အူဒၢအလီၢ်ဃုာ်ဒီးအမ့ၣ်အူဒၢတဖၣ်, နီၣ်တံာ်တဖၣ်, သဘံၣ်တဖၣ်ဒီးကယဲၢ်သပၢၤတဖၣ်လၢတၢ်ဒၢနုာ်သ့ၣ်စၤ ယံးအသိန့ၣ်လီၤ.

လံာ်တၢ်ဂံၢ် 8:1

ယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢ, ဖဲအပာ်ထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဖီခိၣ်န့ၣ်, ကြၢးပာ်လီၤဝဲဒ်သိးတၢ်က, ကပီၤထီၣ်ဆူတၢ်မဲာ်ညါန့ၣ်လီၤ.”

လံာ်တၢ်ဂံၢ် 8:4

စးထီၣ်လၢအခိၣ်ထိးတုၤလၢအထူၣ်ခီၣ်ထံးန့ၣ်တၢ်ပာ်မ့ၣ်အူဒၢ အလီၢ်ဘၣ်တၢ်မၤအီၤလၢထူ, အိၣ်ဒီးအက့ၢ်အဂီၤဒ်ယွၤဒုးနဲၣ်စီၤမိၤၡ့အသိးန့ၣ်လီၤ.

ဧ့ၤဘြံၤ 9:2

အဂ့ၢ်ဒ်အံၤ, တၢ်သူၣ်ထီၣ်ဘှီထီၣ်ဒဲတဖျၢၣ်ဒီးတၢ်ချၢတတီၤန့ၣ်, ဘၣ်တၢ်ကိးအီၤလၢတၢ်စီတၢ်ဆှံအလီၢ်, အိၣ်ဒီးမ့ၣ်အူအလီၢ် တခါ, စီၢ်နီၤခိၣ်တဖျၢၣ်ဃုာ်ဒီးကိၣ်လၢအဘၣ်တၢ်လုၢ်ထီၣ်အီၤဆူ ကစၢ်ယွၤန့ၣ်လီၤ.

လံာ်လီၣ်ဖျါ 1:12

ယဃၣ်တရံးယသးဒ်သိးယကထံၣ်ဘၣ်ပှၤလၢအကတိၤ တၢ်ဒီးယၤတဂၤ, ဒီးယထံၣ်မ့ၣ်အူဒၢထူနွံဖျၢၣ်,

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:3

စီၤၡမူၤအ့လးမံဝဲလၢတၢ်လုၢ်ဟံၣ်အပူၤဖဲယွၤအတၢ်အၢၣ်လီၤ အီလီၤအတလါစီဆှံအိၣ်ဝဲဒၣ်အလီၢ်န့ၣ်လီၤ. တချုးမုၢ်ဆ့ၣ်ထီၣ်တၢ်ခံးဒံးဘၣ်ဖဲမ့ၣ်အူဒၢကပီၤဒံးဝဲန့ၣ်,