လံာ်တၢ်ဟးထီၣ်ကွံာ် 25:30 - Sgaw Karen Common Bible

³⁰ စီၢ်နီၤခိၣ်န့ၣ်ကဘၣ်တၢ်ပာ်အီၤလၢတၢ်အၢၣ်လီၤအီလီၤအတလါစီ ဆှံအမဲာ်ညါဒီးလၢစီၢ်နီၤခိၣ်အလိၤန့ၣ်ကိၣ်စီဆှံလၢတၢ်လုၢ် မၤဘူၣ်အီၤဆူယအိၣ်န့ၣ်ကဘၣ်အိၣ်ဝဲထီဘိန့ၣ်လီၤ.

လံာ်တၢ်ဟးထီၣ်ကွံာ် 25:30 Iomraidhean Croise

လံာ်စီၤပၤအခီၣ်ထံးတဘ့ၣ် 7:48

စီၤၡလိၤမိၤမၢပှၤမၤစ့ၢ်ကီးတၢ်အပီးအလီလၢထူတဖၣ်, လၢယွၤအတၢ်လုၢ်ဟံၣ်အဂီၢ်, လၢအမ့ၢ်ဝဲတၢ်လုၢ်လီၢ်, စီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ်ထီၣ်အီၤဆူကစၢ် ယွၤအအိၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 23:29

ဒ်သိးကဟံးန့ၢ်မူဒါလၢကိၣ်လၢကဘၣ်တၢ်လုၢ်ထီၣ်အီၤဆူ ကစၢ်ယွၤအအိၣ်, ကိၣ်ကမူၣ်လၢအဘၣ်တၢ်သူအီၤလၢတၢ်လုၢ်မၤဘူၣ် တဖၣ်အဂီၢ်, ကိၣ်ဘ့ၣ်ဘၣ်တဖၣ်လၢတအိၣ်ဒီးကိၣ်မံၣ်အဂီၢ်, တၢ်လုၢ်မၤဘူၣ်တဖၣ်လၢတၢ်ကုၢ်အီၤအဂီၢ်ဒီးကိၣ်ကမူၣ်လၢအဘၣ်တၢ် ဃါဃုာ်အီၤဒီးသ့ၣ်စၤယံးအသိအဂီၢ်, လၢတၢ်စီၤဒီးတၢ်ထိၣ်မ့ၢ်ဂ့ၤဃီၣ်မ့ၢ်ဂ့ၤတၢ်ဟ့ၣ်ဆူအတၢ်လုၢ် တၢ်ပာ်တဖၣ်အဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 9:32

ပှၤကိၤရးအဒူၣ်ထၢ, အဟံၣ်ဖိဃီဖိတဖၣ်အိၣ်မူအိၣ်ဒါလၢတၢ် ကတဲာ်ကတီၤကိၣ်စီဆှံလၢတၢ်လုၢ်ဟံၣ်အဂီၢ်ကိးမုၢ်အိၣ်ဘှံး အနံၤဒဲးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:11

ကိးမုၢ်ဂီၤဒဲးဒီးကိးမုၢ်ဟါဒဲးန့ၣ်, ပှၤလုၢ်တၢ်အခိၣ်တဖၣ်, လုၢ်ထီၣ်ယွၤလၢတၢ်နၢမူဒီးဆၣ်ဖိကီၢ်ဖိဒ်တၢ်လုၢ်ဆူးကဲၤဒီ ဒုအတၢ်လုၢ်တၢ်ပာ်တဖၣ်န့ၣ်လီၤ. အဝဲသ့ၣ်လုၢ်ထီၣ်တၢ်လုၢ်တၢ်ပာ်အကိၣ်လၢစီၢ်နီၤခိၣ်တဖျၢၣ်လၢတၢ် မၤကဆှီအီၤဒ်တၢ်အလုၢ်အလၢ်အိၣ်ဝဲအသိး, ဒီးကိးမုၢ်ဟါဒဲးန့ၣ်, အဝဲသ့ၣ်ဒွဲၣ်ထီၣ်မ့ၣ်အူဒၢတဖၣ်လၢတၢ် ပာ်မ့ၣ်အူဒၢအလီၢ်လၢတၢ်မၤအီၤဒီးထူတဖၣ်အဖီခိၣ်န့ၣ်လီၤ. ပမၤတၢ်လၢယွၤမၤလိာ်တ့ၢ်ပှၤ, ဘၣ်ဆၣ်သုဝဲသုလဲၤသဒၣ်ကွံာ်အီၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 2:4

ယသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်မၤလၤကပီၤယွၤ, ကစၢ်ယွၤအဂီၢ်န့ၣ်လီၤ. တၢ်န့ၣ်ကမ့ၢ်တၢ်အလီၢ်စီဆှံတတီၤ, လၢယပှၤဂီၢ်မုၢ်ဒီးယၤ, ကဘူၣ်ထီၣ်ဘါထီၣ်အီၤခီဖျိ တၢ်ဆူးကဲၤတၢ်လုၢ်နၢမူတဖၣ်, ဖဲပကလုၢ်ထီၣ်ကိၣ်စီဆှံ အတၢ်လုၢ်တဖၣ်လၢအဂီၢ်တဘိယူာ်ဃီ, ဒီးဖဲပကလုၢ်ထီၣ်တၢ်လုၢ်မ့ၣ် အူတဖၣ်ကိးမုၢ်ဂီၤဒီးကိးမုၢ်ဟါ, ဒီးဒ်န့ၣ်အသိးလၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်ဒီးမုၢ်နံၤစီဆှံအဂၤတဖၣ်လၢတၢ်မၤလၤကပီၤယွၤ, ပကစၢ်ယွၤအဂီၢ်န့ၣ်လီၤ. အဝဲအံၤမ့ၢ်တၢ်အလုၢ်အလၢ်စီဆှံလၢ အံၣ်စရ့လးကဘၣ်မၤဝဲလီၤစိၤလီၤထီန့ၣ်လီၤ.

လံာ်တၢ်ဟးထီၣ်ကွံာ် 35:13

စီၢ်နီၤခိၣ်ဒီးအနီၣ်ယိးဘိတဖၣ်, ကယဲၢ်အတၢ်ဖိတၢ်လံၤခဲလၢာ်, ကိၣ်တဖၣ်လၢဘၣ်တၢ်လုၢ်ထီၣ်အီၤဆူကစၢ်ယွၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 39:36

စီၢ်နီၤခိၣ်ဒီးကယဲၢ်အတၢ်ပီးတၢ်လီတဖၣ်ဒီးကိၣ်လၢတၢ်လုၢ်ထီၣ်အီၤဆူကစၢ်ယွၤ,

လံာ်တၢ်ဟးထီၣ်ကွံာ် 40:23

ဒီးလၢအဖီခိၣ်န့ၣ်ပာ်ထီၣ်ကိၣ်လၢတၢ်လုၢ်ထီၣ်ဆူယွၤအအိၣ်, ဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 40:4

ဟဲစိာ်နုာ်စီၢ်နီၤခိၣ်ဒီးပာ်ထီၣ်တၢ်အပီးအလီလၢအလိၤတက့ၢ်. ဟဲစိာ်နုာ်စ့ၢ်ကီးတၢ်ပာ်ထီၣ်မ့ၣ်အူဒၢအလီၢ်ဒီးပာ်ထီၣ်မ့ၣ်အူဒၢတဖၣ်လၢအလိၤန့ၣ်တက့ၢ်.

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

လံာ်မၤလကံ 1:12

ဘၣ်ဆၣ်ဒီးသုမၤတရီတပါယၤခီဖျိ သုစံးလၢယတၢ်လုၢ်လီၢ်အဘျုးတအိၣ်ဘၣ်, ဒီးခီဖျိသုလုၢ်ထီၣ် တၢ်အီၣ်လၢယသးဘၣ်အၢတဖၣ်အဃိန့ၣ်လီၤ.

လံာ်မၤလကံ 1:7

ဒီးသုမၤတရီတပါယၤ, ခီဖျိသုလုၢ်ထီၣ်တၢ်အီၣ်လၢတကြၢးတဘၣ်လၢယတၢ်လုၢ်လီၢ်အဖီခိၣ် လီၤ. ဒီးသုသံကွၢ်, “ပတပာ်ကဲနၤဒ်လဲၣ်.” ဒီးယကတဲဘၣ်သု, သုတပာ်ကဲယၤခီဖျိသုဒုးနဲၣ်ဖျါတၢ်သးဘၣ်အၢလၢယတၢ်လုၢ်လီၢ် အဖီခိၣ်န့ၣ်လီၤ.

လံာ်တၢ်ဂံၢ် 4:7

အဝဲသ့ၣ်ကဘၣ်သလၣ်လီၤတၢ်ကံးယာ်အလွဲၢ်လါအဲးတခီလၢ တၢ်လုၢ်ထီၣ်ကိၣ်ဆူယွၤအအိၣ်အစီၢ်နီၤခိၣ်အလိၤဒီးလၢ အဖီခိၣ်န့ၣ်ပာ်ထီၣ်လီခီတဖၣ်, တၢ်နၢမူအသလၢတဖၣ်, တၢ်လုၢ်အသလၢတဖၣ်ဒီးကိတဖၣ်လၢတၢ်ဒၢနုာ် တၢ်လုၢ်စပံးထံန့ၣ်လီၤ. ကိၣ်ကဘၣ်အိၣ်လၢစီၢ်နီၤခိၣ်အဖီခိၣ်တဘိယူၢ်ဃီန့ၣ်လီၤ.

လံာ်မးသဲ 12:4

အဝဲလဲၤနုာ်ဆူကစၢ်ယွၤအဟံၣ်ပူၤဒီးအဝဲသ့ၣ်အီၣ်ကိၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤတဖၣ်, လၢစီၤဒၤဝံးမ့ၢ်ဂ့ၤ, ပှၤလၢအအိၣ်ဒီးအီၤတဖၣ်မ့ၢ်ဂ့ၤ, တၢ်သိၣ်တၢ်သီတဟ့ၣ်အခွဲး လၢကအီၣ်ဝဲဘၣ်. တၢ်ဟ့ၣ်အခွဲးထဲပှၤလုၢ်တၢ်အခိၣ်တဖၣ်ကအီၣ်ဝဲ န့ၣ်လီၤ.

ဧ့ၤဘြံၤ 9:2

အဂ့ၢ်ဒ်အံၤ, တၢ်သူၣ်ထီၣ်ဘှီထီၣ်ဒဲတဖျၢၣ်ဒီးတၢ်ချၢတတီၤန့ၣ်, ဘၣ်တၢ်ကိးအီၤလၢတၢ်စီတၢ်ဆှံအလီၢ်, အိၣ်ဒီးမ့ၣ်အူအလီၢ် တခါ, စီၢ်နီၤခိၣ်တဖျၢၣ်ဃုာ်ဒီးကိၣ်လၢအဘၣ်တၢ်လုၢ်ထီၣ်အီၤဆူ ကစၢ်ယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:4

ပှၤလုၢ်တၢ်အခိၣ်စံးဝဲ, “ယတအိၣ်ဒီးကိၣ်မုၢ်ဆ့ၣ်မုၢ်ဂီၤနီတဖျၢၣ်ဘၣ်. အိၣ်ထဲကိၣ်စီဆှံဧိၤလီၤ. နပှၤတဖၣ်န့ၣ်မ့ၢ်တမံဃုာ်ဂဲၤဃုာ် ဒီးပိာ်မုၣ်ဖဲအပူၤကွံာ်တစဲးဘၣ်ဒီးနဟံးန့ၢ်အီၤသ့လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 21:5

စီၤဒၤဝံးစံးဆၢဝဲ, “မ့ၢ်လီၤ, အဝဲသ့ၣ်တမၤဝဲဘၣ်. ယပှၤတဖၣ်န့ၣ်ပာ်ကဆှီအသးဒ်တၢ်ဘူၣ်တၢ်ဘါအလုၢ်အလၢ်အသိး, ဖဲလၢပဟးထီၣ်လၢတၢ်ဖံးတၢ်မၤမုၢ်ဆ့ၣ်မုၢ်ဂီၤအဂီၢ်ဒၣ်လဲာ် န့ၣ်လီၤ. မ့မ့ၢ်လၢပအိၣ်ဒီးမူဒါလီၤဆီဒ်အံၤတကလုာ်န့ၣ်ကပာ်ကဆှီအသး ဒိၣ်န့ၢ်အန့ၣ်တက့ၢ်ဆံးအါလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 21:6

မၤသးဒ်န့ၣ်ဒီး, ပှၤလုၢ်တၢ်အခိၣ်ဟ့ၣ်လီၤစီၤဒၤဝံးလၢကိၣ်စီဆှံလီၤ. အဂ့ၢ်ဒ်အံၤ, ကိၣ်လၢအအိၣ်ဒီးအီၤန့ၣ် မ့ၢ်ဒၣ်ထဲကိၣ်လၢဘၣ်တၢ်လုၢ်ထီၣ်အီၤဆူကစၢ်ယွၤအအိၣ်, လၢအဘၣ်တၢ်သုးကွံာ်လံအီၤလၢစီၢ်နီၤခိၣ်စီဆှံအလိၤဒီးလၢ အလီၢ်န့ၣ်ကိၣ်အသီဘၣ်တၢ်ပာ်ထီၣ်အီၤလံန့ၣ်လီၤ.