လံာ်တၢ်ဟးထီၣ်ကွံာ် 25:23 - Sgaw Karen Common Bible

²³ ဘှီထီၣ်စီၢ်နီၤခိၣ်တဖျၢၣ်လၢသ့ၣ်ဖှ့ၡံးတၤ, အထီခံပျၢ်, အလဲၢ်တပျၢ်ဒီးကစီၤထီၣ်တပျၢ်တထါတက့ၢ်.

လံာ်တၢ်ဟးထီၣ်ကွံာ် 25:23 Iomraidhean Croise

လံာ်စီၤပၤအခီၣ်ထံးတဘ့ၣ် 7:48

စီၤၡလိၤမိၤမၢပှၤမၤစ့ၢ်ကီးတၢ်အပီးအလီလၢထူတဖၣ်, လၢယွၤအတၢ်လုၢ်ဟံၣ်အဂီၢ်, လၢအမ့ၢ်ဝဲတၢ်လုၢ်လီၢ်, စီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ်ထီၣ်အီၤဆူကစၢ် ယွၤအအိၣ်,

လံာ်စီၤပၤအခီၣ်ထံးတဘ့ၣ် 7:49

တၢ်ပာ်ထီၣ်မ့ၣ်အူဒၢအလီၢ်ဆံဆဲၣ်ခါလၢအဘၣ်တၢ်ပာ်အီၤဖဲ တၢ်လီၢ်စီဆှံကတၢၢ်အမဲာ်ညါ, ယဲၢ်ခါလၢကလံၤထံးတကပၤဒီးယဲၢ် ခါလၢကလံၤစိးတကပၤ, သံၣ်ဧိၤဖီဧိၤတဖၣ်, မ့ၣ်အူဒၢတဖၣ်ဒီးနီၣ်တံာ်လၢတၢ်ကမၤပံာ်မ့ၣ်အူတဖၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 28:16

ဆံးအါလၢစီၢ်နီၤခိၣ်စ့တဖၣ်အဂီၢ်လဲၣ်, ဆံးအါလၢစီၢ်နီၤခိၣ် ထူတဖျၢၣ်စုာ်စုာ်, လၢကိၣ်တဖၣ်လၢတၢ်လုၢ်ထီၣ်အီၤဆူ ကစၢ်ယွၤအအိၣ်ကဘၣ်တၢ်ပာ်ထီၣ်အီၤအဂီၢ်, လဲၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:19

စီၤပၤၡလိၤမိၤမၢပှၤမၤစ့ၢ်ကီးတၢ်ပီးတၢ်လီလၢထူတဖၣ်လၢ ယွၤအတၢ်လုၢ်ဟံၣ်အဂီၢ်, ဒ်တၢ်လုၢ်လီၢ်ဒီးစီၢ်နီၤခိၣ်တဖၣ်လၢတၢ်ကပာ်ထီၣ်ကိၣ်လၢတၢ်လုၢ် ထီၣ်အီၤဆူကစၢ်ယွၤအအိၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 4:8

အဝဲသ့ၣ်မၤစ့ၢ်ကီးစီၢ်နီၤခိၣ်ဆံဆဲၣ်ဖျၢၣ်ဒီးပာ်ဝဲလၢတၢ် လုၢ်ဟံၣ်အဒၢးမိၢ်ပှၢ်အပူၤ, ယဲၢ်ဖျၢၣ်လၢကလံၤထံးဒီးယဲၢ်ဖျၢၣ်လၢကလံၤစိးန့ၣ်လီၤ. အဝဲသ့ၣ်မၤစ့ၢ်ကီးသရာ်ထူအဖျၢၣ်တကယၤန့ၣ်လီၤ.

လံာ်တၢ်ဟးထီၣ်ကွံာ် 31:8

စီၢ်နီၤခိၣ်ဒီးတၢ်အပီးအလီတဖၣ်, တၢ်ပာ်မ့ၣ်အူဒၢအလီၢ်လၢအ ဘၣ်တၢ်မၤအီၤလၢထူစီဒီးကယဲၢ်အတၢ်ပီးတၢ်လီတဖၣ်, တၢ်လုၢ်လီၢ်လၢတၢ်ဆူးကဲၤတၢ်နၢမူအဂီၢ်,

လံာ်တၢ်ဟးထီၣ်ကွံာ် 35:13

စီၢ်နီၤခိၣ်ဒီးအနီၣ်ယိးဘိတဖၣ်, ကယဲၢ်အတၢ်ဖိတၢ်လံၤခဲလၢာ်, ကိၣ်တဖၣ်လၢဘၣ်တၢ်လုၢ်ထီၣ်အီၤဆူကစၢ်ယွၤအအိၣ်န့ၣ်လီၤ.

လံာ်ယဃ့းစက့လး 41:22

လၢတၢ်လီၢ်စီဆှံကတၢၢ်အကျဲစၢၤထံးအမဲာ်ညါန့ၣ်တၢ်အိၣ်ဝဲတမံၤ လၢအဖျါလီၤဂာ်ဒီး, တၢ်လုၢ်လီၢ်တခါလၢအဘၣ်တၢ်မၤအီၤလၢသ့ၣ်န့ၣ်လီၤ. တၢ်န့ၣ်အထီအိၣ်ဝဲဒၣ်သၢပျၢ်ဒီးအလဲၢ်အိၣ်ဝဲဒၣ်ခံပျၢ်န့ၣ်လီၤ. အတၢ်သနၢၣ်အတၢၢ်ထူၣ်, အတၢ်ခီၣ်ထံးဒီးအကပၤ အဒူၣ်တဖၣ်ခဲလၢာ်ဘၣ်တၢ်မၤအီၤလၢသ့ၣ်န့ၣ်လီၤ. ပှၤတဂၤန့ၣ်စံးဘၣ်ယၤ, အဝဲအံၤမ့ၢ်စီၢ်နီၤခိၣ်လၢအအိၣ်ဝဲ လၢယွၤအမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:6

ဒီးနကဘၣ်ရဲၣ်လီၤကိၣ်ခံဂ့ၢ်, တဂ့ၢ်န့ၣ်ကိၣ်ဃုဖျၢၣ်စုာ်စုာ်, လၢစီၢ်နီၤခိၣ်စီဆှံအဖီခိၣ်လၢယွၤအမဲာ်ညါန့ၣ်လီၤ.

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 4:8

အဝဲသ့ၣ်ကဘၣ်သလၣ်လီၤတၢ်ကံးညာ်အလွဲၢ်ဂီၤတခီလၢ တၢ်ခဲလၢာ်အံၤအဖီခိၣ်, ပာ်ထီၣ်တၢ်ဖံးအဂ့ၤကတၢၢ်တခီလၢအဖီခိၣ်ဒီးကျၢၢ်ဘၢအီၤဝံၤ ဒီးဂိာ်နုာ်နီၣ်ယိးဘိတဖၣ်န့ၣ်လီၤ.

ဧ့ၤဘြံၤ 9:2

အဂ့ၢ်ဒ်အံၤ, တၢ်သူၣ်ထီၣ်ဘှီထီၣ်ဒဲတဖျၢၣ်ဒီးတၢ်ချၢတတီၤန့ၣ်, ဘၣ်တၢ်ကိးအီၤလၢတၢ်စီတၢ်ဆှံအလီၢ်, အိၣ်ဒီးမ့ၣ်အူအလီၢ် တခါ, စီၢ်နီၤခိၣ်တဖျၢၣ်ဃုာ်ဒီးကိၣ်လၢအဘၣ်တၢ်လုၢ်ထီၣ်အီၤဆူ ကစၢ်ယွၤန့ၣ်လီၤ.