လံာ်တၢ်ဟးထီၣ်ကွံာ် 25:22 - Sgaw Karen Common Bible

²² ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.

လံာ်တၢ်ဟးထီၣ်ကွံာ် 25:22 Iomraidhean Croise

လံာ်တၢ်ကဲထီၣ်အခီၣ်ထံး 18:33

ယွၤစံးကတိၤတၢ်ဒီးစီၤအၤဘြၤဟၣ်ဝံၤအလီၢ်ခံန့ၣ်ဟးထီၣ် ကွံာ်ဝဲဒၣ်ဒီးစီၤအၤဘြၤဟၣ်ဟဲက့ၤဆူဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:2

ဒီးလဲၤကိးအီၤဆူကီၢ်ယူဒၤအဝ့ၢ်ဘၤလ့ၤဒ်သိးကဟဲက့ၤစိာ် ကစၢ်ယွၤအတၢ်အၢၣ်လီၤအီလီၤအတလါစီဆှံ, လၢတၢ်ကိးအီၤလၢယွၤသ့တၢ်လၢာ်အမံၤ ဒီးဘၣ်တၢ်ပာ်ထီၣ်တ့ၢ်အီၤလၢလီၢ်ပစိာ်လၢအအိၣ်ခ့ရူာ်တဖၣ်အလိၤ, လၢအအိၣ်ဖဲန့ၣ်, န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:15

ဒီးဃ့ဘါထုကဖၣ်ဝဲဒ်အံၤ, “အိယွၤ, ကီၢ်အံၣ်စရ့လးအကစၢ်ယွၤ, လၢအဆ့ၣ်နီၤဝဲလၢလီၢ်ပစိာ်အိၣ်ဝဲလၢခ့ရူၢ်တဖၣ်အလိၤ တဂၤဧၢ, နမ့ၢ်နဲကစၢ်ယွၤထဲတဂၤဧိၤ, လၢကပၢကယဲၢ်ဘီမုၢ်ခဲလၢာ်လၢဟီၣ်ခိၣ်ချၢန့ၣ်လီၤ. နတ့လီၤပာ်လီၤဟီၣ်ခိၣ်ဒီးမူကပိာ်လိၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 13:6

စီၤဒၤဝံးဒီးပှၤဂီၢ်မုၢ်လဲၤဝဲဆူဝ့ၢ်ဘဧၤလၤ, လၢအမ့ၢ်ဝ့ၢ်ကံးရယးယဧၤရံၣ်လၢအအိၣ်လၢယူဒၤအဒူၣ်အလီၢ်ကဝီၤ ပူၤဒ်သိးကဟံးန့ၢ်က့ၤကစၢ်ယွၤအတၢ်အၢၣ်လီၤအီလီၤအတလါလၢတၢ် ကိးအီၤလၢယွၤအမံၤဒီးတၢ်ပာ်ထီၣ်အီၤဖဲခ့ရူာ်အလိၤန့ၣ်လီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 80:2

လီၣ်ဖျါထီၣ်နသးလၢအ့ဖရဲၣ်, ဘံၣ်ယၤမံၣ်ဒီးမနၤၡ့ၤအဒူၣ်တဖၣ် အမဲာ်ညါဧၢ, န့ၣ်တက့ၢ်. ထိၣ်ဂဲၤထီၣ်နဂံၢ်နဘါဒီး ဟဲအုၣ်က့ၤခီၣ်က့ၤပှၤတက့ၢ်.

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 30:36

တိၢ်ကမူၣ်အီၤတနီၤတုၤအလီၤကမူၣ်ဂ့ၤဂ့ၤ, လဲၤစိာ်အီၤဆူ ယအိၣ်ယဆိးအဒဲစီဆှံအပူၤဒီးဖှံအီၤလၢတၢ်အၢၣ်လီၤအီလီၤ အတလါစီဆှံအမဲာ်ညါတက့ၢ်. ပာ်ကဲတၢ်နၢမူအံၤဒ်တၢ်စီဆှံအလၢအပှဲၤတက့ၢ်.

လံာ်တၢ်ဟးထီၣ်ကွံာ် 30:6

ပာ်လီၤတၢ်လုၢ်လီၢ်အံၤဖဲယၣ်ဘျးသဒၢလၢအဘၣ်တၢ်ဘျးလီၤအီၤဖဲ တၢ်အၢၣ်လီၤအီလီၤအတလါစီဆှံအချၢန့ၣ်တက့ၢ်. တၢ်လီၢ်န့ၣ်မ့ၢ်ဖဲယကသဂၢၢ်လိာ်ယသးဒီးသု အလီၢ်န့ၣ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 31:6

ယဃုထၢစ့ၢ်ကီးစီၤအၤဟလံအာ်, လၢအမ့ၢ်စီၤအဃံစမးအဖိခွါလၢ ဒၣ်အဒူၣ်, လၢကမၤသကိးတၢ်ဒီးအီၤအဂီၢ်န့ၣ်လီၤ. ယဟ့ၣ်လီၤစ့ၢ်ကီးတၢ်သ့တၢ်ဘၣ်ဖးဒိၣ်ဆူကယဲၢ်ပှၤစုသ့စဲၣ်နီၤ အဂၤတဖၣ်အအိၣ်ဒ်သိးကမၤဝံၤတၢ်ကိးမံၤဒဲးလၢယမၤလိာ်အီၤလၢအမ့ၢ်,

လံာ်ယၡါယၤ 37:16

“ယွၤစိဒိၣ်ကမီၤဒိၣ်, အံၣ်စရ့လးအကစၢ်ယွၤ, လၢအအိၣ်လၢလီၢ်ပစိာ်ထီၣ်ထီလၢခ့ရူာ်တဖၣ်အဖီခိၣ်တဂၤဧၢ, နမ့ၢ်ကစၢ်ယွၤထဲတဂၤဧိၤလၢအပၢဟီၣ်ခိၣ်ဘီမုၢ်တဖၣ်လီၤ. နတ့လီၤတ့ၢ်ဟီၣ်ခိၣ်ဒီးမူကပိာ်လိၤလီၤ.

လံာ်ယဃ့းစက့လး 43:6

ပှၤတဂၤန့ၣ်ဆၢထၢၣ်လၢယကပၤဖဲန့ၣ်, ဒီးယနၢ်ဟူယွၤကတိၤ တၢ်ဒီးယၤအကလုၢ်သီၣ်ထီၣ်ဝဲလၢယွၤအတၢ်လုၢ်ဟံၣ်အပူၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:1

ယွၤကိးထီၣ်စီၤမိၤၡ့လၢတၢ်ဘူၣ်ထီၣ်ဘါထီၣ်ယွၤအဒဲပူၤဒီး ဟ့ၣ်လီၤအီၤတၢ်သိၣ်တၢ်သီတဖၣ်,

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 17:4

လဲၤစိာ်တၢ်တဖၣ်န့ၣ်ခဲလၢာ်ဆူယအိၣ်ယဆိးအဒဲစီဆှံ ပာ်လီၤအီၤဖဲတၢ်အၢၣ်လီၤအီလီၤအတလါစီဆှံ, အမဲာ်ညါဖဲ ယသဂၢၢ်သုအလီၢ်န့ၣ်တက့ၢ်.

လံာ်တၢ်ဂံၢ် 7:89

ဖဲစီၤမိၤၡ့လဲၤနုာ်လီၤဆူဒဲစီၤဆှံအပူၤဒ်သိးက, ကတိၤတၢ်ဒီးယွၤအကတီၢ်န့ၣ်အဝဲနၢ်ဟူယွၤကတိၤတၢ်ဒီးအီၤလၢ တလါစီဆှံအခိၣ်ကၢၢ်အဖီခိၣ်ဖဲတၢ်ဘၣ်တ့အိၣ်ဒီးအဒံးဆ့အိၣ်ဝဲခံခီ တဖၣ်အကဆူးန့ၣ်လီၤ.

လံာ်ပှၤစံၣ်ညီၣ်ကွီၢ် 20:27

ကစၢ်ယွၤအတၢ်အၢၣ်လီၤအီၤလီၤအတလါအိၣ်ဖဲဘ့ၤသ့လး လၢမုၢ်နံၤတဖၣ်န့ၣ်အပူၤဒီးစီၤအၤဟရိၣ်အလံၤ, စီၤအလၤဧစၢ်အဖိခွါစီၤဖံနဃၤကဲခိၣ်ကဲနၢ်ကွၢ်ထွဲအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:4

မၤသးဒ်န့ၣ်ဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဆူဝ့ၢ်ၡံလိၤဒီး ဟဲစိာ်ယွၤသ့တၢ်လၢာ်ကစၢ်အတၢ်အၢၣ်လီၤအီလီၤတလါစီဆှံ, လၢတၢ်ပာ်အီၤလၢလီၢ်ပစိာ်အိၣ်လၢတၢ်ဘၣ်တ့အိၣ်ဒီးအဒံးဆ့ လွံၢ်ဂၤအဖီခိၣ်န့ၣ်လီၤ. ဒီးစီၤဧ့လံၤအဖိခွါခံဂၤ, စီၤဃၤမနံဒီးစီၤဖံနဃၣ်ဟဲဃုာ်ဒီး ယွၤအတၢ်အၢၣ်လီၤအီလီၤအတလါစီဆှံန့ၣ်လီၤ.