လံာ်တၢ်ဟးထီၣ်ကွံာ် 25:13 - Sgaw Karen Common Bible

¹³ ဒီးသုဘၣ်မၤနီၣ်ယိးဘိခံဘိလၢသ့ၣ်ဖှ့ၡံးတၤဒီးပီၤအီၤလၢထူ,

လံာ်တၢ်ဟးထီၣ်ကွံာ် 25:13 Iomraidhean Croise

လံာ်စီၤပၤအခီၣ်ထံးတဘ့ၣ် 8:8

နီၣ်ယိးဘိတဖၣ်အခိၣ်ထိးဘၣ်တၢ်ထံၣ်အီၤလၢပှၤတဂၤလၢ်လၢ်လၢ အအိၣ်ဆၢထၢၣ်လိၤလိၤဖဲတၢ်လီၢ်စီဆှံကတၢၢ်အမဲာ်ညါသ့ဝဲ, ဘၣ်ဆၣ်လၢတၢ်လီၢ်အဂၤန့ၣ်တၢ်ထံၣ်အီၤတသ့ဘၣ်. (နီၣ်ယိးဘိတဖၣ်အိၣ်ဒံးဖဲန့ၣ်တုၤမုၢ်မဆါတနံၤအံၤန့ၣ် လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 15:15

ပှၤလ့ၤဝံဖိတဖၣ်ယိးတလါန့ၣ်လၢနီၣ်ယိးဘိအလိၤလၢအဖံဘၣ် ခိၣ်ဒ်ယွၤမၤလိာ်တ့ၢ်ဝဲခီဖျိစီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 25:12

ဒီးသုဘၣ်မၤထူအကွီၤလွံၢ်ကွီၤဒီးသုဘၣ်ထီထီၣ်ဖဲတလါအခီၣ် လွံၢ်ခီတကပၤခံခီစုာ်စုာ်လၢတၢ်ကစိာ်ထီၣ်စိာ်လီၤအီၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 25:14

ဒီးသုဘၣ်ဂိာ်နုာ်အီၤလၢကွီၤခံကွီၤ, လၢအအိၣ်လၢတလါအကပၤ ခံခီလိာ်န့ၣ်လီၤ.

လံာ်တၢ်ဟးထီၣ်ကွံာ် 25:28

မၤနီၣ်ယိးဘိတဖၣ်လၢသ့ၣ်ဖှံၡံးတၤဒီးပီၤအီၤလၢထူတက့ၢ်.

လံာ်တၢ်ဟးထီၣ်ကွံာ် 25:5

သိဖါအဖံးလၢတၢ်စုၣ်ဂီၤထီၣ်အီၤ, တၢ်ဖံးအဂ့ၤဒီးသ့ၣ်ဖှ့ၡံးတၤ,

လံာ်တၢ်ဟးထီၣ်ကွံာ် 27:6

မၤနီၣ်ယိးဘိတဖၣ်လၢသ့ၣ်ဖှ့ၡံးတၤလၢတၢ်စိာ်ထီၣ်စိာ်လီၤတၢ် လုၢ်လီၢ်အဂီၢ်ဒီးပီၤအီၤလၢတိၢ်ဘီ,

လံာ်တၢ်ဟးထီၣ်ကွံာ် 30:5

မၤနိၣ်ယိးဘိတဖၣ်န့ၣ်လၢသ့ၣ်ဖှ့ၡံးတၤ ဒီးကးဘၢအီၤလၢထူတက့ၢ်.

လံာ်တၢ်ဟးထီၣ်ကွံာ် 37:4

အဝဲမၤနီၣ်ယိးဘိတဖၣ်လၢသ့ၣ်ဖှ့ၡံးတၤဒီးကးဘၢအီၤလၢထူ,

လံာ်တၢ်ဟးထီၣ်ကွံာ် 40:20

အန့ၣ်ဝံၤဒီးအဝဲဟံးထီၣ်တၢ်မၤလိာ်အထံၣ်တဆံအလၢၢ်ဘ့ၣ်ဘၣ်ဒီး ဒၢနုာ်အီၤဆူတလါစီဆှံအပူၤန့ၣ်လီၤ. အဝဲဂိာ်နုာ်နီၣ်ယိးဘိတဖၣ်ဆူတလါအကွီၤတဖၣ်အပူၤဒီးပာ်ထီၣ် တလါစီဆှံအခိၣ်ကၢၢ်န့ၣ်လီၤ.

လံာ်တၢ်ဂံၢ် 4:11

ဝံၤဒီးအဝဲသ့ၣ်ကဘၣ်သလၣ်လီၤတၢ်ကံးညာ်အလွဲၢ်လါအဲးတဘ့ၣ်လၢ တၢ်လုၢ်လီၢ်ထူအလိၤ, ပာ်ထီၣ်နီၣ်ကျၢၢ်ဘၢတၢ်, တၢ်ဖံးအဂ့ၤကတၢၢ်တခီလၢအလိၤဒီးကျၢၢ် ဘၢအီၤဒီးဂိာ်နုာ်လီၤနီၣ်ယိးဘိတဖၣ်န့ၣ်လီၤ.

လံာ်တၢ်ဂံၢ် 4:14

အဝဲသ့ၣ်ကဘၣ်ပာ်ထီၣ်ကယဲၢ်တၢ်ပီးတၢ်လီလၢဘၣ်တၢ်သူ အီၤလၢတၢ်လုၢ်လီၢ်အတၢ်ဖံးတၢ်မၤအပူၤလၢအမ့ၢ်, မ့ၣ်အူအသပၢၤဘံၣ်တဖၣ်, နီၣ်ကွးတဖၣ်, နီၣ်တရီာ်တဖၣ်, ဒီးသရာ်တဖၣ်န့ၣ်လီၤ. ဝံၤဒီးကဘၣ်ကျၢၢ်ဘၢအီၤလၢတၢ်ဖံးအဂ့ၤ ကတၢၢ်တခီဒီးဂိာ်နုာ်နီၣ်ယိးဘိတဖၣ်န့ၣ်လီၤ.

လံာ်တၢ်ဂံၢ် 4:6

အဝဲသ့ၣ်ကဘၣ်ပာ်တၢ်ဖံးအဂ့ၤကတၢၢ်တခီလၢအဖီခိၣ်ဒီးကးဘၢ အီၤ, ဒီးလၢအဖီခိၣ်ကတၢၢ်န့ၣ်ကဘၣ်သလၣ်လီၤတၢ်ကံးညၣ် အလွဲၢ်လါအဲးဒီဘ့ၣ်ဒီးဂိာ်နုာ်နီၣ်ယိးဘိတဖၣ်န့ၣ်လီၤ.

လံာ်တၢ်ဂံၢ် 4:8

အဝဲသ့ၣ်ကဘၣ်သလၣ်လီၤတၢ်ကံးညာ်အလွဲၢ်ဂီၤတခီလၢ တၢ်ခဲလၢာ်အံၤအဖီခိၣ်, ပာ်ထီၣ်တၢ်ဖံးအဂ့ၤကတၢၢ်တခီလၢအဖီခိၣ်ဒီးကျၢၢ်ဘၢအီၤဝံၤ ဒီးဂိာ်နုာ်နီၣ်ယိးဘိတဖၣ်န့ၣ်လီၤ.