လံာ်တၢ်ဟးထီၣ်ကွံာ် 25:10 - Sgaw Karen Common Bible

¹⁰ မၤတလါတဖျၢၣ်လၢသ့ၣ်ဖှ့ အထီခံပျၢ်တထါ, အလဲၢ်တပျၢ်တထါ, ဒီးကစီၤထီၣ်တပျၢ်တထါတက့ၢ်.

လံာ်တၢ်ဟးထီၣ်ကွံာ် 25:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 8:11

စီၤၡလိၤမိၤဒုးဟးထီၣ်ကွံာ်အမါလၢအမ့ၢ်ကီၢ်အဲၤကူပတူး အစီၤပၤအဖိမုၣ်လၢစီၤဒၤဝံးအဝ့ၢ်ဆူဟံၣ်တဖျၢၣ်လၢအဝဲသူၣ် ထီၣ်ဝဲလၢအမါအံၤအဂီၢ်န့ၣ်လီၤ. အဝဲစံးဝဲ, “ပိာ်မုၣ်အံၤတဘၣ်အိၣ်လၢအံၣ်စရ့လးအစီၤပၤဒၤ ဝံးအနီပူၤဘၣ်. အဂ့ၢ်ဒ်အံၤ, တၢ်လီၢ်တပူၤလၢ်လၢ်ဖဲ တၢ်အၢၣ်လီၤအီလီၤအတလါစီဆှံအိၣ်ဝဲန့ၣ်မ့ၢ်တၢ်လီၢ်စီဆှံ န့ၣ်လီၤ.”

လံာ်တၢ်ဟးထီၣ်ကွံာ် 31:7

ယွၤအိၣ်ဝဲဆိးဝဲအဒဲစီဆှံ, တၢ်အၢၣ်လီၤအီလီၤအတလါစီဆှံ ဒီးအခိၣ်ကးဒီးကယဲၢ်တၢ်အဃၢၤအဃိာ်လၢယွၤအဒဲစီဆှံအဂီၢ်,

လံာ်တၢ်ဟးထီၣ်ကွံာ် 35:12

တၢ်အၢၣ်လီၤအီလီၤအတလါစီဆှံဒီးအနီၣ်ထိးဘိတဖၣ်, တလါအခိၣ်ကး, ဒီးယၣ်ဘျးသဒၢလၢတၢ်မၤဘၢအီၤ,

လံာ်တၢ်ဟးထီၣ်ကွံာ် 39:32

ကယဲၢ်တၢ်မၤလၢယွၤအိၣ်ဝဲဆိးဝဲအဒဲစီဆှံအဂီၢ်န့ၣ်, လၢခံကတၢၢ်န့ၣ်ဘၣ်တၢ်မၤဝံၤအီၤဂ့ၤဂ့ၤန့ၣ်လီၤ. ပှၤအံၣ်စရ့လးဖိတဖၣ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 4:5

ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.

လံာ်တၢ်ဂံၢ် 4:6

အဝဲသ့ၣ်ကဘၣ်ပာ်တၢ်ဖံးအဂ့ၤကတၢၢ်တခီလၢအဖီခိၣ်ဒီးကးဘၢ အီၤ, ဒီးလၢအဖီခိၣ်ကတၢၢ်န့ၣ်ကဘၣ်သလၣ်လီၤတၢ်ကံးညၣ် အလွဲၢ်လါအဲးဒီဘ့ၣ်ဒီးဂိာ်နုာ်နီၣ်ယိးဘိတဖၣ်န့ၣ်လီၤ.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.