လံာ်တၢ်ဟးထီၣ်ကွံာ် 24:9 - Sgaw Karen Common Bible

⁹ စီၤမိၤၡ့, စီၤအၤဟရိၣ်, စီၤနၤဒး, စီၤအဘံဟူၤဒီးပှၤအံၣ် စရ့လးဖိအခိၣ်အနၢ်အဂၤနွံဆံန့ၣ်လဲၤထီၣ်ဆူကစၢၢ်အလိၤ,

လံာ်တၢ်ဟးထီၣ်ကွံာ် 24:9 Iomraidhean Croise

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်တၢ်ဟးထီၣ်ကွံာ် 19:24

ဒီးယွၤစံးဆၢက့ၤအီၤ, “က့ၤလီၤဒီးဟဲကိးထီၣ်စီၤအၤဟရိၣ်ဃုာ်ဒီးနၤတက့ၢ်. ဘၣ်ဆၣ်ဒီးပှၤလုၢ်တၢ်အခိၣ်တဖၣ်ဒီးပှၤဂီၢ်မုၢ်တဘၣ်ခီဂာ်တၢ်အဆၢ လၢကဟဲထီၣ်ဆူယအိၣ်အဂီၢ်န့ၣ်ဘၣ်. မ့တမ့ၢ်ဒီးယကစံၣ်ညီၣ်အဝဲသ့ၣ်လီၤ.”

လံာ်တၢ်ဟးထီၣ်ကွံာ် 24:1

ယွၤစံးဘၣ်စီၤမိၤၡ့, “ဟဲထီၣ်ဆူကစၢၢ်ကလိဆူယအိၣ်, နဲဒၣ်ဒီးစီၤအၤဟရိၣ်, စီၤနၤဒးဒီးစီၤအဘံဟူၤ, ဒီးပှၤအံၣ်စရ့လးဖိအခိၣ်အနၢ်တဖၣ်အဂၤနွံဆံန့ၣ်တက့ၢ်. ဒီးဖဲသုအိၣ်ဒံးလၢအယံၤန့ၣ်ဆုးလီၤသုခိၣ်လၢတၢ်ဘူၣ်ထီၣ် ဘါထီၣ်အပူၤတက့ၢ်.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဟးထီၣ်ကွံာ် 33:20

ယတပျဲလၢနကထံၣ်ဘၣ်ယမဲာ်ဘၣ်. အဂ့ၢ်ဒ်အံၤ, ပှၤထံၣ်ဘၣ်ယမဲာ်ဒီးအိၣ်မူဒံးဝဲန့ၣ်တသ့ဘၣ်နီတဂၤဘၣ်.

လံာ်ယၡါယၤ 6:1

လၢစီၤပၤဧူးစံယါသံဝဲအနံၣ်န့ၣ်, ယထံၣ်ဘၣ်ယွၤလီၤ. အဝဲဆ့ၣ်နီၤဝဲလၢအလီၢ်ပစိာ်အဖီခိၣ်, အိၣ်ထီၣ်ထီဝဲဒီးတၢ်ပာ် ထီၣ်ထီအီၤ, ဒီးအဆ့ကၤဖးဒိၣ်မၤပှဲၤတၢ်လုၢ်ဟံၣ်ဒီဖျၢၣ်လီၤ.

လံာ်ယဃ့းစက့လး 44:3

ဘၣ်ဆၣ်သနာ်က့, စီၤပၤဖိခွါလၢအပၢတၢ်ကလဲၤဝဲဖဲန့ၣ်ဒ်သိးကအီၣ် တၢ်အီၣ်စီဆှံလၢယမဲာ်ညါန့ၣ်လီၤ. အဝဲကလဲၤနုာ်ဝဲဒီးဟးထီၣ် လၢတြဲၤအကျဲစၢၤခီဖျိကျဲစၢၤကျိၤထံးအဒၢးလၢအအိၣ်ဖဲ တၢ်အိပူၤအကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:1

စီၤအၤဟရိၣ်အဖိခွါတဖၣ်လၢအမ့ၢ်စီၤနၤဒးဒီးစီၤအဘံဟူၤ, ဟံးန့ၢ်ဝဲသပၢၤမ့ၣ်အူတဂၤတဖျၢၣ်စုာ်စုာ်ဒီးဒၢနုာ်မ့ၣ်အူအ့ၣ် ဃုာ်ဒီးတၢ်နၢမူလၢအပူၤဒီးလုၢ်ထီၣ်ဝဲဆူယွၤအအိၣ်လီၤ. ဘၣ်ဆၣ်ဒီးမ့ၣ်အူအံၤတမ့ၢ်တၢ်လၢအကဆှီဘၣ်. မ့ၢ်လၢယွၤတမၤလိာ်အဝဲသ့ၣ်လၢကလုၢ်ထီၣ်ဝဲအဃိန့ၣ်လီၤ.

လံာ်တၢ်ဂံၢ် 11:16

ယွၤစံးဘၣ်စီၤမိၤၡ့, “ကိးဖှိၣ်ပှၤအဂၤနွံဆံလၢအဘၣ်တၢ် ယူးယီၣ်ပာ်ကဲအီၤဒီးဘၣ်တၢ်သ့ၣ်ညါအီၤဒ်ပှၤဂီၢ်မုၢ်အခိၣ်အနၢ် တဖၣ်, ဟဲကိးအီၤဆူယွၤအိၣ်ဝဲဆိးဝဲအဒဲစီဆှံဒီးတဲဘၣ်အဝဲသ့ၣ် လၢကဆၢထၢၣ်ဖဲန့ၣ်လၢနကပၤတက့ၢ်.

လံာ်ပှၤစံၣ်ညီၣ်ကွီၢ် 13:22

စီၤမၤနိစံးဘၣ်အမါ, “ပကသံသပှၢ်တၢၢ်လီၤ. အဂ့ၢ်ဒ်အံၤ, ပထံၣ်ဘၣ်တ့ၢ်ကစၢ်ယွၤလံ.”