လံာ်တၢ်ဟးထီၣ်ကွံာ် 24:8 - Sgaw Karen Common Bible

⁸ အန့ၣ်ဝံၤဒီးစီၤမိၤၡ့ဟံးန့ၢ်တၢ်သွံၣ်လၢလီခီတဖၣ်အပူၤ ဒီးဖှံလီၤဝဲလၢပှၤဂီၢ်မုၢ်အလိၤန့ၣ်လီၤ. ဒီးစံးဝဲဒၣ်, “အအံၤမ့ၢ်တၢ်သွံၣ်လၢအစဲပနီၣ်တၢ်အၢၣ်လီၤအီ လီၤလၢယွၤမၤတ့ၢ်ဒီးသုဖဲအဝဲဟ့ၣ်လီၤတၢ်မၤလိာ်တဖၣ်အံၤ အကတီၢ်န့ၣ်လီၤ.”

လံာ်တၢ်ဟးထီၣ်ကွံာ် 24:8 Iomraidhean Croise

လံာ်စီၤပၤအခီၣ်ထံးတဘ့ၣ် 8:21

လၢယွၤအတၢ်လုၢ်ဟံၣ်အပူၤန့ၣ်, ယကတဲာ်ကတီၤစ့ၢ်ကီးတၢ်လီၢ်တတီၤ လၢယွၤအတၢ်အၢၣ်လီၤအီလီၤအတလါစီဆှံအဂီၢ်န့ၣ်လီၤ. လၢတလါစီဆှံအံၤအပူၤန့ၣ်, တၢ်အၢၣ်လီၤအီလီၤလၢယွၤမၤတ့ၢ်ဝဲဒီးပမိၢ်ပၢ်ဖံဖုလၢပျၢၤ တဖၣ်ဖဲအဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, အလၢၢ်ဘ့ၣ်ဘၣ်တဖၣ်အိၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 8:9

လၢယွၤအတလါစီဆှံအပူၤန့ၣ်, မ့တမ့ၢ်လၢလၢၢ်ဘ့ၣ်ဘၣ်ခံဘ့ၣ်လၢ စီၤမိၤၡ့ဒၢနုာ်အီၤဖဲကစၢၢ်စံၤနါအလိၤ, ဖဲယွၤမၤတၢ်အၢၣ်လီၤအီလီၤဒီးပှၤအံၣ်စရ့လးဖိဖဲအဝဲသ့ၣ် ဟဲထီၣ်လၢကီၢ်အဲၤကူပတူးအပူၤအခါဘၣ်န့ၣ်တၢ်အဂၤတအိၣ်နီတမံၤဘၣ်.

စံးထီၣ်ပတြၢၤ 78:36

ဘၣ်ဆၣ်ဒီးအဝဲသ့ၣ်လီန့ၢ်အီၤလၢအထးခိၣ်, ဒီးကတိၤကဘျံးကဘျၣ်တၢ်ဒီးအီၤလၢအပျ့ၤန့ၣ်လီၤ.

လံာ်တၢ်ဟးထီၣ်ကွံာ် 24:6

စီၤမိၤၡ့ဟံးန့ၢ်ဆၣ်ဖိကီၢ်ဖိတဖၣ်အသွံၣ်တဝာ်ဒီးဒၢနုာ်အီၤ လၢလီခီတဖၣ်အပူၤဒီးအဂၤတဝာ်န့ၣ်ဖှံလီၤအီၤလၢတၢ်လုၢ်လီၢ် အမဲာ်ညါန့ၣ်လီၤ.

လံာ်ယၡါယၤ 52:15

ဘၣ်ဆၣ်ဒီးအခဲအံၤ, ပှၤကလုာ်တဖၣ်ကကမၢကမၣ်ဝဲလၢအဃိ, ဒီးစီၤပၤတဖၣ်အသးကလီၤကတုၤ, တုၤဒၣ်လဲာ်အဲးထီၣ်အထး ခိၣ်တန့ၢ်ဘၣ်လီၤ. တၢ်တမံၤလၢအဝဲသ့ၣ်တနၢ်ပၢၢ်တ့ၢ်ဝဲနီတစုန့ၣ်, ကထံၣ်ဒီးသ့ၣ်ညါနၢ်ပၢၢ်ထီၣ်ဝဲလီၤ.”

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:30

စီၤမိၤၡ့ဟံးန့ၢ်သိဖှူတၢ်တနီၤဒီးတၢ်သွံၣ်တနီၤလၢအအိၣ် လၢတၢ်လုၢ်လီၢ်ဖီခိၣ်ဒီးဖှံဝဲလၢစီၤအၤဟရိၣ်ဒီးအဖိခွါတဖၣ်အလိၤဒီးအဆ့ကၤအလိၤစ့ၢ်ကီးလီၤ. တၢ်အံၤမ့ၢ်စီၤမိၤၡ့ပာ်စီဆှံ အဝဲသ့ၣ်ဒီးအဆ့ကၤတဖၣ်ဆူယွၤအအိၣ်လီၤ.

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်စကၤရယၤ 9:11

ယွၤစံးဝဲဒၣ်, “မ့ၢ်လၢယတၢ်အၢၣ်လီၤအီလီၤလၢယမၤဒီးနၤ လၢအဘၣ်တၢ်စဲပနီၣ်ဃာ်အီၤ လၢတၢ်လုၢ်တဖၣ်အတၢ်သွံၣ်အဃိဒီး, ယကမၤထူၣ်ဖျဲးနပှၤဂီၢ်မုၢ်, ကထူၣ်ဖျဲးထီၣ်လၢတၢ်ကဲကုၢ်အတၢ်ယိာ်ပူၤ, ဖဲထံတအိၣ်ဘၣ်အလီၢ်န့ၣ်လီၤ.

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

လံာ်မၢ်ကူး 14:24

ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

လံာ်လူၤကၣ် 22:20

ဒ်န့ၣ်အသိး, ဖဲအအီၣ်တၢ်လၢဟါအီၣ်ဝံၤန့ၣ်, အဝဲဒၣ်ဟ့ၣ်လီၤအဝဲသ့ၣ်လၢလီခီဒီးစံးဝဲ, “လီခီအံၤမ့ၢ်ကစၢ်ယွၤအတၢ်အၢၣ်လီၤအီလီၤအသီလၢ အဘၣ်တၢ်စဲပနီၣ်ဃာ်အီၤလၢယသွံၣ်, လၢအဘၣ်တၢ်လူလီၤဂၢ်လီၤအီၤလၢသုဂီၢ်န့ၣ်လီၤ.

1 ကရံၣ်သူး 11:25

လၢကျဲတဘိဃီန့ၣ်, အီၣ်တၢ်အီၣ်ဝံၤအလီၢ်ခံအဝဲဒၣ်ဟံးန့ၢ်လီ ခီဒီးစံးဝဲ, “လီခီအံၤ, မ့ၢ်ယွၤအတၢ်အၢၣ်လီၤအီလီၤအသီ, လၢအဘၣ်တၢ်စဲပနီၣ်ဃာ်အီၤလၢယသွံၣ်လီၤ. တဘျီလၢ်လၢ်ဖဲသုအီအီၤန့ၣ်မၤအီၤလၢတၢ်သ့ၣ်နီၣ်ထီၣ်က့ၤယၤ အဂီၢ်န့ၣ်တက့ၢ်.”

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

လံာ်သိၣ်လီၤသီလီၤတၢ် 5:2

လၢကစၢၢ်စံၤနါန့ၣ်, ယွၤပကစၢ်ယွၤမၤတၢ်အၢၣ်လီၤအီလီၤတမံၤ,

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

လံာ်စီၤယိၤၡူ 24:25

ဒီးမုၢ်နံၤအဝဲန့ၣ်, စီၤယိၤၡူမၤတၢ်အၢၣ်လီၤအီလီၤဃုာ်ဒီးပှၤဂီၢ်မုၢ်, ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်လၢကပိာ်ထွဲဝဲအဂီၢ်ဖဲဝ့ၢ်ၡက့ၣ်န့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.