လံာ်တၢ်ဟးထီၣ်ကွံာ် 24:6 - Sgaw Karen Common Bible

⁶ စီၤမိၤၡ့ဟံးန့ၢ်ဆၣ်ဖိကီၢ်ဖိတဖၣ်အသွံၣ်တဝာ်ဒီးဒၢနုာ်အီၤ လၢလီခီတဖၣ်အပူၤဒီးအဂၤတဝာ်န့ၣ်ဖှံလီၤအီၤလၢတၢ်လုၢ်လီၢ် အမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 24:6 Iomraidhean Croise

လံာ်စီၤပၤခံဘ့ၣ်တဘ့ၣ် 17:15

အဝဲသ့ၣ်ဂ့ၢ်လိာ်လၢကစူၢ်အဝဲအတၢ်မၤလိာ်တဖၣ်, အဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢယွၤမၤဝဲ ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်တပာ်လ့ၢ်ပာ်ကါဘၣ်ယွၤအတၢ်ဟ့ၣ်ပလီၢ်တဖၣ်န့ၣ်ဘၣ်. အဝဲသ့ၣ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလုၢ်အပှ့ၤတအိၣ် ဒီးအနီၢ်ကစၢ်ဒၣ်ဝဲကဲထီၣ်ပှၤတဖၣ်လၢအလုၢ်အပှ့ၤတအိၣ်ဒီးအဝဲ သ့ၣ်ပိာ်ထွဲလုၢ်လၢ်တဖၣ်လၢအအိၣ်ဒီးပှၤကလုာ်တဖၣ်လၢအအိၣ်ဝး တရံးအီၤ, ဒီးတစူၢ်ဘၣ်ယွၤအတၢ်မၤလိာ်လၢအသု တမၤဒိးအဝဲသ့ၣ်တဖၣ်တဂ့ၤ, န့ၣ်ဘၣ်.

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 12:22

ဒီးဟံးန့ၢ်ကဖျီၣ်အ့စိးတကဒိၣ်ဒီးဘျၢလီၤအီၤလၢသလၢအိၣ် ဒီးဆၣ်ဖိကီၢ်ဖိအသွံၣ်အပူၤဒီးထွါတၢ်သွံၣ်န့ၣ်လၢတြဲၤအထူၣ် တဖၣ်အလိၤဒီးကျိၤအိၣ်လၢသုဟံၣ်အတြဲၤဖီခိၣ်တက့ၢ်. တချုးလၢမုၢ်ဆ့ၣ်ထီၣ်ဒံးဘၣ်န့ၣ်ပှၤလၢသုကျါတဘၣ်ဟးထီၣ်လၢ ဟံၣ်နီတဂၤဘၣ်.

လံာ်တၢ်ဟးထီၣ်ကွံာ် 12:7

ပှၤဂီၢ်မုၢ်ကဘၣ်ဟံးန့ၢ်တၢ်သွံၣ်တနီၤဒီးထွါအီၤလၢတြဲၤအထူၣ် တဖၣ်အလိၤဒီးလၢတြဲၤတဖၣ်အခိၣ်ထိးဖဲဟံၣ်လၢဆၣ်ဖိကီၢ်ဖိတဖၣ် ကဘၣ်တၢ်အီၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 24:8

အန့ၣ်ဝံၤဒီးစီၤမိၤၡ့ဟံးန့ၢ်တၢ်သွံၣ်လၢလီခီတဖၣ်အပူၤ ဒီးဖှံလီၤဝဲလၢပှၤဂီၢ်မုၢ်အလိၤန့ၣ်လီၤ. ဒီးစံးဝဲဒၣ်, “အအံၤမ့ၢ်တၢ်သွံၣ်လၢအစဲပနီၣ်တၢ်အၢၣ်လီၤအီ လီၤလၢယွၤမၤတ့ၢ်ဒီးသုဖဲအဝဲဟ့ၣ်လီၤတၢ်မၤလိာ်တဖၣ်အံၤ အကတီၢ်န့ၣ်လီၤ.”

လံာ်တၢ်ဟးထီၣ်ကွံာ် 29:16

မၤသံအီၤဒီးဟံးန့ၢ်အသွံၣ်ဒီးဖှံအီၤလၢတၢ်လုၢ်လီၢ်အကပၤလွံၢ်ခီလိာ်န့ၣ်တက့ၢ်.

လံာ်တၢ်ဟးထီၣ်ကွံာ် 29:20

မၤသံကွံာ်အီၤ, ဒီးဟံးန့ၢ်အသွံၣ်တနီၤဒီးထွါအီၤဖဲစီၤအၤဟရိၣ်ဒီးအဖိခွါတဖၣ်အနၢ်အစဲၤအထွဲ တဖၣ်ဒီးလၢအစုမုၢ်ကျၢၢ်အထွဲတဖၣ်, အခီၣ်မုၢ်ကျၢၢ်အထွဲတဖၣ်အလိၤန့ၣ်တက့ၢ်. တၢ်သွံၣ်အိၣ်တ့ၢ်အဂၤတဖၣ်ဖှံလီၤအီၤလၢတၢ်လုၢ်လီၢ်အကပၤလွံၢ်ခီတက့ၢ်.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 1:11

ဒီးအဝဲကမၤသံအီၤလၢတၢ်လုၢ်လီၢ်အကလံၤစိးတကပၤ, ဒီးပှၤလုၢ်တၢ်အခိၣ်တဖၣ်ကလူလီၤတၢ်သွံၣ်ဝးတရံးတၢ်လုၢ်လီၢ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:2

ဒီးအဝဲကဘၣ်ပာ်အစုလၢဂီၤဖံးန့ၣ်အခိၣ်လိၤဒီးမၤသံအီၤဖဲ တၢ်ဘူၣ်ထီၣ်ဘါထီၣ်ယွၤအကျဲစၢၤန့ၣ်လီၤ. ဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်တဖၣ်ကဘၣ်လူလီၤ တၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:8

အဝဲကဘၣ်ပာ်အစုလၢအသိအခိၣ်လိၤ, ဒီးမၤသံကွံာ်အီၤလၢတၢ်ဘူၣ် ထီၣ်ဘါထီၣ်ယွၤအဒဲအမဲာ်ညါဒီးပှၤလုၢ်တၢ်အခိၣ်တဖၣ် ကလူလီၤတၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:6

ဒီးအဝဲကဘၣ်ဘျၢလီၤအစုမုၢ်တဘိလၢတၢ်သွံၣ်အပူၤဒီးဖှံ အီၤနွံစုလၢတၢ်လီၢ်စီဆှံအယၣ်ဘျးတဒၢအမဲာ်ညါန့ၣ်လီၤ.

1 ကရံၣ်သူး 11:25

လၢကျဲတဘိဃီန့ၣ်, အီၣ်တၢ်အီၣ်ဝံၤအလီၢ်ခံအဝဲဒၣ်ဟံးန့ၢ်လီ ခီဒီးစံးဝဲ, “လီခီအံၤ, မ့ၢ်ယွၤအတၢ်အၢၣ်လီၤအီလီၤအသီ, လၢအဘၣ်တၢ်စဲပနီၣ်ဃာ်အီၤလၢယသွံၣ်လီၤ. တဘျီလၢ်လၢ်ဖဲသုအီအီၤန့ၣ်မၤအီၤလၢတၢ်သ့ၣ်နီၣ်ထီၣ်က့ၤယၤ အဂီၢ်န့ၣ်တက့ၢ်.”

ကလီးစဲ 1:20

ဒီးခီဖျိအီၤန့ၣ်ကစၢ်ယွၤကမၤဘၣ်လိာ်က့ၤတၢ်ခဲလၢာ်ဒီး အနီၢ်ကစၢ်ဒၣ်ဝဲ, ဒီးခီဖျိဖိခွါအတၢ်ဒိးသံအသးလၢထူၣ်စုညါ အလိၤန့ၣ်, အဝဲမၤတၢ်ဃူတၢ်ဖိးဒီးတၢ်အိၣ်လၢဟီၣ်ခိၣ် ဒီးမူခိၣ်ခဲလၢာ်, ဒီးကိးက့ၤအဝဲသ့ၣ်ဆူအနီၢ်ကစၢ်ဒၣ်ဝဲအအိၣ် န့ၣ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 8:9

တမ့ၢ်ဘၣ်ဒ်တၢ်အၢၣ်လီၤအီလီၤလၢယမၤတ့ၢ်ဒီး အဝဲသ့ၣ်အပၢ်တဖၣ် ဖဲမုၢ်နံၤလၢယဟံးအဝဲသ့ၣ်အစုဒီးထုးထီၣ်အဝဲသ့ၣ် လၢကီၢ်အဲၤကူပတူးအပူၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်တဟံးဃာ် ယတၢ်အၢၣ်လီၤအီလီၤဘၣ်. ဒီးမ့ၢ်လၢတၢ်န့ၣ်အဃိ ယတကနၣ်ဃုာ်အဝဲသ့ၣ်ဘၣ်, ကစၢ်စံးဝဲဒၣ်.

ဧ့ၤဘြံၤ 9:18

လၢတၢ်န့ၣ်အဃိတၢ်အၢၣ်လီၤအီလီၤလၢအခီၣ်ထံးတခါဒၣ်လဲာ်, အဘျုးအိၣ်ဒၣ်ဖဲတၢ်သူတၢ်သွံၣ်န့ၣ်လီၤ.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.

ဧ့ၤဘြံၤ 9:21

အဝဲဖှံစ့ၢ်ကီးဒဲစီဆှံဒီးတၢ်အပီးအလီခဲလၢာ်လၢအဘၣ် တၢ်သူအီၤလၢတၢ်ဘူၣ်ထီၣ်ဘါအပူၤလၢတၢ်အသွံၣ်ဒ်န့ၣ် အသိးလီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.