လံာ်တၢ်ဟးထီၣ်ကွံာ် 24:4 - Sgaw Karen Common Bible

⁴ စီၤမိၤၡ့ကွဲးလီၤကယဲၢ်ယွၤအတၢ်မၤလိာ်တဖၣ်န့ၣ်လီၤ. မုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲဘှီထီၣ်ဝဲတၢ်လုၢ်လီၢ်တခါ လၢကစၢၢ်ခီၣ်ထံးဒီးဆီလီၤလၢၢ်တဆံခံဖျၢၣ်, တဖျၢၣ်စုာ်စုာ်လၢပှၤအံၣ်စရ့လးဖိတဆံခံဒူၣ်, တဒူၣ်စုာ်စုာ်အဂီၢ်လီၤ.

လံာ်တၢ်ဟးထီၣ်ကွံာ် 24:4 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:18

စီၤယၤကိာ်ပၢၢ်ထီၣ်ဂီၤဂီၤလၢမုၢ်ဆ့ၣ်ထီၣ်တနံၤဒီးဟံးန့ၢ် လၢၢ်လၢအတခၢၣ်ဝဲဒီးပာ်ထီၣ်ဝဲဒ်တၢ်သ့ၣ်နီၣ်တမံၤအသိးန့ၣ်လီၤ. ဒီးလူလီၤဝဲသ့ၣ်စၤယံးအသိလၢအဖီခိၣ်ဒ်သိးကပာ်စီဆှံထီၣ် ဝဲဆူကစၢ်ယွၤအအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:22

တၢ်သ့ၣ်နီၣ်ထီၣ်အလၢၢ်လၢယပာ်လီၤအီၤအံၤကမ့ၢ်တၢ်လီၢ်လၢနဘၣ်တၢ်ဘူၣ်ထီၣ်ဘါထီၣ်နၤဒီးယကဟ့ၣ်နၤကယဲၢ်တၢ်လၢနဟ့ၣ်ယၤအကျါဆံဆဲၣ်ပူတပူန့ၣ်လီၤ.”

လံာ်တၢ်ကဲထီၣ်အခီၣ်ထံး 31:45

မၤသးဒ်န့ၣ်ဒီးစီၤယၤကိာ်ဟံးန့ၢ်လၢၢ်တဖျၢၣ်ဒီးပာ်ထီၣ်အီၤဒ် အမ့ၢ်တၢ်သ့ၣ်နီၣ်ထီၣ်အပနီၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:30

စီၤအဃံယၤဘ့ၣ်လီၤကွံာ်အဆ့ကၤဖးထီအသီလၢအကၤဝဲ, ဖှီယာ်ကွံာ်အီၤဆူအက့တဆံခံက့,

လံာ်စီၤပၤအခီၣ်ထံးတဘ့ၣ် 18:31

အဝဲဟံးထီၣ်လၢၢ်တဆံခံဖျၢၣ်ဒ်ဒူၣ်တဖၣ်လၢအဘၣ်ဃးဒီးစီၤယၤ ကိာ်အဖိခွါတဖၣ်အတၢ်ဂံၢ်အိၣ်ဝဲအသိးန့ၣ်လီၤ. စီၤယၤကိာ်မ့ၢ်ပှၤတဂၤလၢယွၤဟ့ၣ်တ့ၢ်အီၤမံၤလၢအမ့ၢ်ဝဲ စီၤအံၣ်စရ့လးန့ၣ်လီၤ.

လံာ်စီၤဧ့စြၤ 6:17

လၢတၢ်ပာ်စီဆှံအဂီၢ်န့ၣ်, အဝဲသ့ၣ်လုၢ်ထီၣ်ပာ်ထီၣ်ကျီၢ်ဖါဖိ တကယၤ, သိအဒု ခံကယၤဒီး, သိဖိအဒုလွံၢ်ကယၤ, ဒ်တၢ်လုၢ်တၢ်ပာ်တဖၣ်အသိး, ဒီးမဲာ်တဲးလဲးဖါတဆံခံဒု ဒ်တၢ်လုၢ်တၢ်ဒဲးဘးအသိး, တဒုလၢပှၤအံၣ်စရ့လးဖိတဒူၣ်စုာ် စုာ်အဂီၢ်န့ၣ်လီၤ.

လံာ်စီၤနဃ့မယၤ 10:1

ပှၤအဆိကတၢၢ်လၢအဘၣ်ဆဲးလီၤအမံၤန့ၣ်မ့ၢ်ဝဲပဒိၣ်ဖးဒိၣ်စီၤ နဃ့မယၤလၢအမ့ၢ်စီၤဃကါလယၤအဖိခွါန့ၣ်လီၤ. အန့ၣ်ဝံၤဒီးစီၤစံးဒကံယၤဆဲးလီၤအမံၤန့ၣ်လီၤ. ဒီးပှၤအဂၤတဖၣ်လၢအဆဲးလီၤအမံၤန့ၣ်မ့ၢ်ဝဲဒ်အဖီလာ်အသိးလီၤ.

လံာ်တၢ်ဟးထီၣ်ကွံာ် 17:14

ဒီးယွၤစံးဘၣ်စီၤမိၤၡ့, “ကွဲးနီၣ်တၢ်မၤနၢၤတမံၤအံၤ အဂ့ၢ်အကျိၤဒ်သိးကဘၣ်တၢ်သ့ၣ်နီၣ်အီၤတက့ၢ်. တဲဘၣ်စီၤယိၤၡူလၢယကမၤနၢၤကွံာ်ပှၤဧမၤလ့းဖိလၢာ်လၢာ်ဆ့ ဆ့န့ၣ်တက့ၢ်.”

လံာ်တၢ်ဟးထီၣ်ကွံာ် 17:15

စီၤမိၤၡ့ဘှီထီၣ်တၢ်လုၢ်တၢ်ပာ်အလီၢ်တခါဒီးကိးဝဲအမံၤလၢ, “ယွၤစံးနံး” အခီပညီ, “ယွၤမ့ၢ်ယနီၣ်တယၢ်” န့ၣ်လီၤ.

လံာ်တၢ်ဟးထီၣ်ကွံာ် 21:1

ဟ့ၣ်လီၤပှၤအံၣ်စရ့လးဖိတဖၣ်လၢတၢ်သိၣ်တၢ်သီတဖၣ်ဒ်လာ်အံၤအသိးတက့ၢ်.

လံာ်တၢ်ဟးထီၣ်ကွံာ် 24:7

အန့ၣ်ဝံၤဒီး, အဝဲဟံးန့ၢ်လံာ်တၢ်အၢၣ်လီၤအီလီၤလၢယွၤအတၢ် မၤလိာ်တဖၣ်အိၣ်ကွဲးအသးလၢအပူၤ, ဒီးဖးထီၣ်အီၤလၢအကလုၢ်ဒိၣ်ဒိၣ်ဆူပှၤဂီၢ်မုၢ်အအိၣ်လီၤ. ဒီးပှၤဂီၢ်မုၢ်စံးဝဲဒၣ်, “ပကစူၢ်ယွၤအကလုၢ်ဒီးမၤကယဲၢ်တၢ်လၢ အမၤလိာ်ဝဲကိးမံၤဒဲးန့ၣ်လီၤ.”

လံာ်တၢ်ဟးထီၣ်ကွံာ် 28:21

ဒီးလၢလၢၢ်တဆံခံဖျၢၣ်အံၤအလိၤန့ၣ်တၢ်ကဘၣ်စိးပျၤစီၤယၤကိာ်အဖိခွါတဖၣ်အမံၤ, တဖျၢၣ်တဂၤစုာ်စုာ်ဒ်သိးကကဲထီၣ်ပှၤအံၣ်စရ့လးဖိတဆံခံဒူၣ်အခၢၣ်စးန့ၣ်လီၤ.

လံာ်တၢ်ဟးထီၣ်ကွံာ် 34:27

ယွၤစံးဘၣ်စီၤမိၤၡ့, “ကွဲးလီၤတၢ်ကတိၤတဖၣ်အံၤတက့ၢ်. အဂ့ၢ်ဒ်အံၤ, ယမၤတၢ်အၢၣ်လီၤအီလီၤတမံၤဒီးနၤဒီးကီၢ် အံၣ်စရ့လးန့ၣ်, သန့ၤထီၣ်အသးလၢတၢ်ကတိၤတဖၣ်အံၤအဖီခိၣ်လီၤ.”

လံာ်ယၡါယၤ 19:19

တုၤတၢ်ဆၢကတီၢ်န့ၣ်ဟဲဝဲဒီး, ကီၢ်အဲၤကူပတူးကအိၣ်ဒီးတၢ်လုၢ်လီၢ်လၢယွၤအဂီၢ်ဒီးလၢၢ် ထူၣ်တထူၣ်ကဘၣ်တၢ်ပာ်စီဆှံအီၤလၢယွၤအဂီၢ်ဖဲကီၢ်အဲၤကူပ တူးအဆၢန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:5

ဒီးနဘၣ်ဟံးန့ၢ်ကိၣ်ကမူၣ်အဂ့ၤအဃၢလီၤတယၢၢ်ခံအ့စရိၣ်ဒီးကုၢ်ကိၣ်တဆံခံလိၣ်လီၤ.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

လံာ်သိၣ်လီၤသီလီၤတၢ် 31:9

လၢတၢ်န့ၣ်အဃိ, စီၤမိၤၡ့ကွဲးလီၤယူဒၤအတၢ်သိၣ်တၢ်သီလၢ ကစၢ်ယွၤဟ့ၣ်လီၤဝဲဒီးဟ့ၣ်ဃီၤအီၤဆူပှၤလ့ၤဝံပှၤလုၢ်တၢ် အခိၣ်တဖၣ်အအိၣ်, ပှၤလၢအကွၢ်ထွဲယွၤအတၢ်အၢၣ်လီၤအီလီၤအတလါစီဆှံ, ဒီးဆူကီၢ်အံၣ်စရ့လးအခိၣ်အနၢ်တဖၣ်အအိၣ်န့ၣ်လီၤ.

လံာ်စီၤယိၤၡူ 4:20

ဒီးဖဲန့ၣ်န့ၣ်, စီၤယိၤၡူပာ်လီၤ လၢၢ်တဆံခံဖျၢၣ်လၢအဟဲက့ၤစိာ်ဝဲလၢထံကျိယၢ်ဒ့ၣ်န့ၣ်လီၤ.

လံာ်စီၤယိၤၡူ 4:5

ဒီးစံးဘၣ်အဝဲသ့ၣ်, “လဲၤနုာ်လီၤဆူထံကျိယၢ်ဒ့ၣ်လၢယွၤသု ကစၢ်ယွၤအတၢ်အၢၣ်လီၤအီလီၤအတလါအမဲာ်ညါန့ၣ်တက့ၢ်. သုဝဲတဂၤဘၣ်တဂၤယိးထီၣ်လၢၢ်တဖျၢၣ်စုာ်စုာ်လၢသုဖံဘၣ်ခိၣ် လၢအံၣ်စရ့လးတဒူၣ်ဘၣ်တဒူၣ်အဂီၢ်န့ၣ်တက့ၢ်.

လံာ်လီၣ်ဖျါ 21:14

ဝ့ၢ်တဖျၢၣ်န့ၣ်အတၢ်ဒူၣ်ဘၣ်တၢ်သူၣ်ထီၣ်အီၤလၢလၢၢ် အခီၣ်ထံးတဆံခံဖျၢၣ်အဖီခိၣ်, ဒီးလၢလၢၢ်အခီၣ်ထံးတဖၣ်န့ၣ် အလိၤ, သိဖိအပှၤတၢ်မၢဖိတဆံခံဂၤအမံၤတဖၣ်အိၣ်ကွဲး အသးလီၤ.