လံာ်တၢ်ဟးထီၣ်ကွံာ် 24:3 - Sgaw Karen Common Bible

³ စီၤမိၤၡ့လဲၤတၢ်ဒီးတဲဘၣ်ပှၤဂီၢ်မုၢ်လၢကယဲၢ်တၢ်လၢယွၤမၤ လိာ်တ့ၢ်ဝဲတဖၣ်ဒီးကယဲၢ်လုၢ်လၢ်တၢ်စီဆှံတဖၣ်န့ၣ်လီၤ. ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤကယဲၢ်တၢ်ကိးမံၤလၢယွၤစံးဘၣ်တဲဘၣ်တ့ၢ်ဝဲန့ၣ်လီၤ.”

လံာ်တၢ်ဟးထီၣ်ကွံာ် 24:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:14

လၢအကလုၢ်သီၣ်ဖးဒိၣ်အပူၤန့ၣ်, အဝဲသ့ၣ်မၤတၢ်ဆိၣ်တမံၤလၢယွၤ အမံၤအပူၤ, လၢအဝဲသ့ၣ်ကတိၢ်န့ၢ်တၢ်အၢၣ်လီၤအီလီၤဝံၤဒီးအဝဲသ့ၣ်ကိးသ တြီထီၣ်ဝဲဒီးအူထီၣ်ကွဲၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:15

ကယဲၢ်ပှၤဂီၢ်မုၢ်လၢကီၢ်ယူဒၤအပူၤသူၣ်ဖှံသးညီဝဲမ့ၢ်လၢ အဝဲသ့ၣ်မၤတ့ၢ်တၢ်အၢၣ်လီၤအီလီၤအံၤလၢအသူၣ်ဒီဖျၢၣ်သးဒီ ဖျၢၣ်အဃိန့ၣ်လီၤ. အဝဲအိၣ်ဒီးတၢ်သူၣ်မုာ်သးမုာ်လၢတၢ်ဘူၣ်ထီၣ်ဘါထီၣ်ယွၤအပူၤ, ဒီးယွၤတူာ်လိာ်အဝဲသ့ၣ်ဒီးဟ့ၣ်လီၤအဝဲသ့ၣ်လၢတၢ်ဃူတၢ်ဖိး လၢတၢ်ကိးကပၤဒဲးအပူၤန့ၣ်လီၤ.

စံးထီၣ်ပတြၢၤ 50:5

အဝဲစံးဝဲ, “ပာ်ဖှိၣ်ပှၤလၢအသးတီဒီးယၤ, ပှၤလၢအမၤတၢ်အၢၣ်လီၤအီလီၤဒီးယၤခီဖျိ တၢ်လုၢ်ထီၣ်အတၢ်လုၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 19:8

အန့ၣ်ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤတၢ်ကိးမံၤလၢယွၤစံးဝဲလီၤ.” ဒီးစီၤမိၤၡ့ပာ် ဖျါထီၣ်က့ၤတၢ်ဂ့ၢ်အံၤဆူယွၤအအိၣ်လီၤ.

လံာ်တၢ်ဟးထီၣ်ကွံာ် 24:2

ထဲနၤတဂၤဧိၤကဘၣ်ဟဲဘူးဆူယအိၣ်လီၤ. ပှၤအဂၤတဘၣ်ဟဲနီတဂၤဘၣ်. ပှၤဂီၢ်မုၢ်တဖၣ်ဒၣ်လဲာ်တဘၣ်ဟဲထီၣ်ဆူကစၢၢ်ဒီခိၣ်ဘၣ်.”

လံာ်တၢ်ဟးထီၣ်ကွံာ် 24:7

အန့ၣ်ဝံၤဒီး, အဝဲဟံးန့ၢ်လံာ်တၢ်အၢၣ်လီၤအီလီၤလၢယွၤအတၢ် မၤလိာ်တဖၣ်အိၣ်ကွဲးအသးလၢအပူၤ, ဒီးဖးထီၣ်အီၤလၢအကလုၢ်ဒိၣ်ဒိၣ်ဆူပှၤဂီၢ်မုၢ်အအိၣ်လီၤ. ဒီးပှၤဂီၢ်မုၢ်စံးဝဲဒၣ်, “ပကစူၢ်ယွၤအကလုၢ်ဒီးမၤကယဲၢ်တၢ်လၢ အမၤလိာ်ဝဲကိးမံၤဒဲးန့ၣ်လီၤ.”

လံာ်ယံးရမံယၤ 11:4

တၢ်န့ၣ်မ့ၢ်တၢ်အၢၣ်လီၤအီလီၤလၢယမၤ တ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်ဖဲယဒုးဟးထီၣ်ကွံာ်အဝဲ သ့ၣ်လၢကီၢ်အဲၤကူပတူးအပူၤ, ကီၢ်တဘ့ၣ်လၢအလီၤဂာ်ဒီးမ့ၣ် အူကဲၤအဖၣ်ကပူၤလၢအဝဲသ့ၣ်အဂီၢ်အခါန့ၣ်လီၤ. ယတဲဘၣ်အဝဲသ့ၣ်လၢကစူၢ်ယၤဒီး ကမၤကယဲၢ်တၢ်လၢယမၤလိာ်တ့ၢ်အီၤန့ၣ်လီၤ. ယတဲဘၣ်အဝဲသ့ၣ်လၢ အဝဲသ့ၣ်မ့ၢ်စူၢ်ယၤဒီး, အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ်အကစၢ်န့ၣ်လီၤ.

လံာ်ယံးရမံယၤ 34:13

“ယမၤတ့ၢ်တၢ်အၢၣ်လီၤအီလီၤတမံၤဒီး သုမိၢ်ပၢ်ဖံဖုလၢပျၢၤ တဖၣ်ဖဲယမၤပူၤဖျဲး အဝဲသ့ၣ်လၢ ကီၢ်အဲၤကူပတူးဒီး ဒုးထူၣ်ဖျဲးထီၣ် အဝဲသ့ၣ်လၢ ကုၢ်အလီၢ်အဆၢကတီၢ်န့ၣ်လီၤ. ယတဲဘၣ်တ့ၢ် အဝဲသ့ၣ်လၢ,

လံာ်ဃးကဲ 2:5

ဖဲသုဟးထီၣ်ကွံာ်လၢကီၢ်အဲၤကူပတူးန့ၣ်, ယအၢၣ်လီၤအီလီၤတ့ၢ်လၢယကအိၣ်ဒီးသုထီဘိလီၤ. ယအိၣ်ဒံးဒီးသုအဃိဒီး, ပျံၤတၢ်တဂ့ၤ.

လံာ်မၤလကံ 2:10

ပဝဲဒၣ်ခဲလၢာ်အံၤပအိၣ်ဒီးပပၢ်တဂၤဃီတမ့ၢ်ဘၣ်ဧါ. ကစၢ်ယွၤတဂၤဃီတ့လီၤပဝဲခဲလၢာ်, တမ့ၢ်ဘၣ်ဧါ. မၤသးဒ်န့ၣ်ဒီး, ဘၣ်မနုၤလၢပမၤဟးဂီၤပတၢ်အၢၣ်လီၤအီလီၤတဂၤဒီးတဂၤ, ဒီးမၤတရီတပါတၢ်အၢၣ်လီၤအီလီၤလၢကစၢ်ယွၤမၤတ့ၢ်ဝဲဒီး ပမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်သိၣ်လီၤသီလီၤတၢ် 11:1

အဲၣ်ယွၤ, နကစၢ်ယွၤဒီးစူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ထီဘိတက့ၢ်.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:45

အဝဲဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤဖဲအဝဲသ့ၣ်ဟးထီၣ်လၢကီၢ်အဲၤကူပတူးဝံၤအလီၢ်ခံ, ဒီးအဝဲသ့ၣ်အိၣ်လၢထံကျိယၢ်ဒ့ၣ်အမုၢ်ထီၣ်တၢ်တြီၤပူၤ, လၢအအိၣ်ကွၢ်ဆၢညါလိာ်သးဒီးဝ့ၢ်ဘ့ၤသပဧိၢ်အကတီၢ်န့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 5:31

မ့မ့ၢ်နဲဒၣ်စီၤမိၤၡ့ဧၢ, အိၣ်ဒီးယၤဖဲအံၤတက့ၢ်. ဒီးယကဟ့ၣ်လီၤနၤလၢကယဲၢ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး တၢ်မၤလိာ်တဖၣ်န့ၣ်လီၤ. သိၣ်လိသီလိပှၤဂီၢ်မုၢ်လၢတၢ်တဖၣ်န့ၣ်ဒ်သိးအဝဲသ့ၣ်ကစူၢ်ဝဲ, လၢကီၢ်တဘ့ၣ်လၢယဟ့ၣ်လီၤအဝဲသ့ၣ်အပူၤအဂီၢ်န့ၣ်တက့ၢ်.”

လံာ်သိၣ်လီၤသီလီၤတၢ် 6:1

တၢ်တဖၣ်အံၤမ့ၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယွၤ, သုကစၢ်ယွၤမၤလိာ်ယၤဒ်သိးယကသိၣ်လိသီလိန့ၣ်လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်လီၤဒီး မၤန့ၢ်အီၤအပူၤန့ၣ်တက့ၢ်.

လံာ်စီၤယိၤၡူ 24:21

ပှၤဂီၢ်မုၢ်စံးဘၣ်စီၤယိၤၡူ, “တမ့ၢ်ဘၣ်. ပကမၤယွၤအတၢ်လီၤ.”

လံာ်စီၤယိၤၡူ 24:22

စီၤယိၤၡူစံးဘၣ်အဝဲသ့ၣ်, “သုမ့ၢ်ပှၤအုၣ်အသးတဖၣ်လၢသုကစၢ်ဒၣ်သုဝဲအဂီၢ်လၢသုဃုထၢ မၤယွၤအတၢ်န့ၣ်လီၤ.” အဝဲသ့ၣ်စံးဝဲ, “မ့ၢ်လီၤ. ပမ့ၢ်ပှၤအုၣ်အသး တဖၣ်လီၤ.”

လံာ်စီၤယိၤၡူ 24:24

အန့ၣ်ဒီး, ပှၤဂီၢ်မုၢ်စံးဘၣ်စီၤယိၤၡူ, “ပကမၤပကစၢ်အတၢ်, ဒီးပကဒိကနၣ်အကလုၢ်န့ၣ်လီၤ.”