လံာ်တၢ်ဟးထီၣ်ကွံာ် 24:2 - Sgaw Karen Common Bible

² ထဲနၤတဂၤဧိၤကဘၣ်ဟဲဘူးဆူယအိၣ်လီၤ. ပှၤအဂၤတဘၣ်ဟဲနီတဂၤဘၣ်. ပှၤဂီၢ်မုၢ်တဖၣ်ဒၣ်လဲာ်တဘၣ်ဟဲထီၣ်ဆူကစၢၢ်ဒီခိၣ်ဘၣ်.”

လံာ်တၢ်ဟးထီၣ်ကွံာ် 24:2 Iomraidhean Croise

လံာ်တၢ်ဟးထီၣ်ကွံာ် 19:12

မၤနီၣ်တၢ်အဆၢဝးတရံးကစၢၢ်ဒ်သိးပှၤဂီၢ်မုၢ်သုတလဲၤခီဂာ် အီၤတဂ့ၤ, ဒီးတဲဘၣ်အဝဲသ့ၣ်ဒ်သိးအသုတလဲၤထီၣ်ဆူကစၢၢ်ဖီခိၣ်မ့ၢ်ဂ့ၤ, အသုတလဲၤဘူးဒၣ်လဲာ်ဆူအဃၢၤမ့ၢ်ဂ့ၤတဂ့ၤ. ပှၤတဂၤလၢ်လၢ်မ့ၢ်ယီၢ်လီၤလၢအလိၤဒီးအဝဲဒၣ်န့ၣ်ကဘၣ်တၢ်မၤသံ ကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 20:21

ဘၣ်ဆၣ်ဒီးပှၤဂီၢ်မုၢ်အိၣ်ဆၢထၢၣ်ဒံးဝဲဖးယံၤန့ၣ်လီၤ. ထဲဒၣ်စီၤမိၤၡ့တဂၤဧိၤလဲၤဝဲဘူးဒီးတၢ်အၢၣ်ခံးသူဖဲကစၢ် ယွၤအိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 24:1

ယွၤစံးဘၣ်စီၤမိၤၡ့, “ဟဲထီၣ်ဆူကစၢၢ်ကလိဆူယအိၣ်, နဲဒၣ်ဒီးစီၤအၤဟရိၣ်, စီၤနၤဒးဒီးစီၤအဘံဟူၤ, ဒီးပှၤအံၣ်စရ့လးဖိအခိၣ်အနၢ်တဖၣ်အဂၤနွံဆံန့ၣ်တက့ၢ်. ဒီးဖဲသုအိၣ်ဒံးလၢအယံၤန့ၣ်ဆုးလီၤသုခိၣ်လၢတၢ်ဘူၣ်ထီၣ် ဘါထီၣ်အပူၤတက့ၢ်.

လံာ်တၢ်ဟးထီၣ်ကွံာ် 24:13

စီၤမိၤၡ့ဒီးအပှၤမၤစၢၤအီၤစီၤယိၤၡူကတဲာ်ကတီၤအသးဒီး စီၤမိၤၡ့စးထီၣ်လဲၤထီၣ်ဆူကစၢၢ်စီဆှံအလိၤန့ၣ်လီၤ.

လံာ်တၢ်ဟးထီၣ်ကွံာ် 24:15

စီၤမိၤၡ့လဲၤထီၣ်ဆူကစၢၢ်စံၤနါအလိၤဒီးတၢ်အၢၣ်တလိၣ်လုၣ်ဘၢအီၤလီၤ.

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 24:3

စီၤမိၤၡ့လဲၤတၢ်ဒီးတဲဘၣ်ပှၤဂီၢ်မုၢ်လၢကယဲၢ်တၢ်လၢယွၤမၤ လိာ်တ့ၢ်ဝဲတဖၣ်ဒီးကယဲၢ်လုၢ်လၢ်တၢ်စီဆှံတဖၣ်န့ၣ်လီၤ. ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤကယဲၢ်တၢ်ကိးမံၤလၢယွၤစံးဘၣ်တဲဘၣ်တ့ၢ်ဝဲန့ၣ်လီၤ.”

လံာ်ယံးရမံယၤ 30:21

အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်ယံးရမံယၤ 49:19

ဒ်ခ့ယုၢ်တဒုဟဲဟးထီၣ်လၢ သ့ၣ်ပှၢ်လၢ အတီၣ် လၢအအိၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ် လါဟ့အပူၤအသိးန့ၣ်, ယကဟဲဒီး ဒုးဃ့ၢ်ကွံာ်ပှၤအဒိၣ်ဖိ တဖၣ်သတူၢ်ကလာ်လၢ အထံကီၢ်ဒၣ်ဝဲန့ၣ်လီၤ. အန့ၣ်ဝံၤဒီး ခိၣ်နၢ်လၢယဃုထၢအီၤန့ၣ်ကပၢပှၤကလုာ်န့ၣ်လီၤ. မ့ၢ်မတၤထိၣ်သတြီၤအသးဒီးယၤကသ့လဲၣ်. မ့ၢ်မတၤ, တၤယၤကဘူၣ်တဂၤလဲၣ်. မ့ၢ်မတၤလၢအပၢတၢ်ဒီး ထီဒါယၤကသ့တဂၤလဲၣ်.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.