လံာ်တၢ်ဟးထီၣ်ကွံာ် 24:18 - Sgaw Karen Common Bible

¹⁸ စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 24:18 Iomraidhean Croise

လံာ်စီၤပၤအခီၣ်ထံးတဘ့ၣ် 19:11

ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 19:8

စီၤအ့ၤလံယၤဂဲၤဆၢထၢၣ်, အီၣ်တၢ်အီတၢ်, ဒီးတၢ်အီၣ်တၢ်အီ ဟ့ၣ်ဂံၢ်ဟ့ၣ်ဘါအီၤလၢဝဲလၢကလဲၤတၢ်အသီလွံၢ်ဆံဆူကစၢၢ်စီ ဆှံစံၤနါန့ၣ်လီၤ.

လံာ်တၢ်ဟးထီၣ်ကွံာ် 19:20

ယွၤဟဲလီၤဝဲလၢကစၢၢ်စံၤနါအဒီခိၣ်ဒီးကိးထီၣ်စီၤမိၤၡ့ ဆူကစၢၢ်ဒီခိၣ်န့ၣ်လီၤ. ဒီးစီၤမိၤၡ့လဲၤထီၣ်ဝဲဒၣ်,

လံာ်တၢ်ဟးထီၣ်ကွံာ် 24:17

တၢ်အၢၣ်လုၣ်ဘၢကစၢၢ်န့ၣ်လၢဃုသီအတီၢ်ပူၤဒီးလၢနွံသီတသီ န့ၣ်ယွၤကိးထီၣ်စီၤမိၤၡ့လၢတၢ်အၢၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 25:1

ယွၤစံးဘၣ်စီၤမိၤၡ့, “တဲဘၣ်ပှၤအံၣ်စရ့လးဖိတဖၣ်လၢကဟ့ၣ်ယၤလၢတၢ်လုၢ်မၤဘူၣ် တမံၤတက့ၢ်. တူၢ်လိာ်ကယဲၢ်တၢ်လုၢ်မၤဘူၣ်တမံၤလၢ်လၢ်လၢပှၤတဂၤဂၤသးအိၣ် ဟ့ၣ်ဝဲန့ၣ်တက့ၢ်.

လံာ်တၢ်ဟးထီၣ်ကွံာ် 32:1

ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်တၢ်ဟးထီၣ်ကွံာ် 9:29

ဒီးစီၤမိၤၡ့စံးဘၣ်အီၤ, “တဘျီဃီဖဲယဟးထီၣ်လၢဝ့ၢ်ပူၤ ဒီးယကယူာ်ထီၣ်ယစုဒီးဃ့ကညးယွၤလီၤ. လီသီၣ်ကဆိကတီၢ်ဝဲ, ဒီးသူၣ်တလီၤလၢၤဘၣ်ဝဲဘၣ်, တုၤနုၤတစုနကသ့ၣ်ညါလၢဟီၣ်ခိၣ်အံၤမ့ၢ်ယွၤအတၢ်လီၤ.

လံာ်တၢ်ဟးထီၣ်ကွံာ် 9:33

တုၤနုၤတစုစီၤမိၤၡ့ဟးထီၣ်ကွံာ်လၢစီၤပၤအမဲာ်ညါဒီးလဲၤ ထီၣ်ဆူဝ့ၢ်ချၢန့ၣ်လီၤ. ဒီးယူာ်ထီၣ်အစုဆူယွၤအအိၣ်ဒီးဃ့ ကညးယွၤန့ၣ်လီၤ. လီသီၣ်, သူၣ်လီၤဒီးတၢ်စူၤလီၤဆိက တီၢ်ကွံာ်အသးခဲလၢာ်န့ၣ်လီၤ.

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

လံာ်မးသဲ 4:2

အဝဲဒုၣ်တၢ်အီၣ်အနံၤလွံၢ်ဆံအနၤလွံၢ်ဆံဝံၤဒီးတၢ်သၣ်ဝံၤ အသးလီၤ.

လံာ်မၢ်ကူး 1:13

အဝဲဒၣ်အိၣ်ဖဲန့ၣ် အသီလွံၢ်ဆံဒီးဘၣ်တၢ်လ့ပစီအီၤလၢမုၣ်ကီၤလံၢ်လီၤ. ဆၣ်ဖိကီၢ်ဖိအမံၤတဖၣ်အိၣ်စ့ၢ်ကီးဖဲန့ၣ်, ဒီးမူခိၣ်ကလူးတဖၣ် ဟဲမၤတၢ်ခ့တၢ်ပှၤအတၢ်မၤလၢအဂီၢ်လီၤ.

လံာ်လူၤကၣ် 4:2

ဖဲအဝဲဒၣ်ဘၣ်တၢ်လ့ပစီအီၤလၢမုၣ်ကီၤလံၢ်လၢအသီလွံၢ်ဆံ အတီၢ်ပူၤန့ၣ်လီၤ. ဖဲအဆၢကတီၢ်ဝဲန့ၣ်ဒီကတီၢ်ညါန့ၣ်, အဝဲတအီၣ်တၢ်နီတမံၤဘၣ်. သတးဒီးလၢခံကတၢၢ်န့ၣ်တၢ်သၣ်ဝံၤအသးလီၤ.

လံာ်သိၣ်လီၤသီလီၤတၢ် 10:10

ယအိၣ်လၢကစၢၢ်ဒီခိၣ်လၢအနံၤလွံၢ်ဆံဒီးအနၤလွံၢ်ဆံ အတီၢ်ပူၤ, ဒ်ယမၤတ့ၢ်အီၤလၢအခီၣ်ထံးတဘျီအသိးန့ၣ်လီၤ. ယွၤဒိကနၣ်ကဒီးယၤတဘျီ, ဒီးဘၣ်သူၣ်ဘၣ်သးလၢအတမၤဟးဂီၤ ကွံာ်သုဘၣ်န့ၣ်လီၤ.

လံာ်သိၣ်လီၤသီလီၤတၢ် 5:31

မ့မ့ၢ်နဲဒၣ်စီၤမိၤၡ့ဧၢ, အိၣ်ဒီးယၤဖဲအံၤတက့ၢ်. ဒီးယကဟ့ၣ်လီၤနၤလၢကယဲၢ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး တၢ်မၤလိာ်တဖၣ်န့ၣ်လီၤ. သိၣ်လိသီလိပှၤဂီၢ်မုၢ်လၢတၢ်တဖၣ်န့ၣ်ဒ်သိးအဝဲသ့ၣ်ကစူၢ်ဝဲ, လၢကီၢ်တဘ့ၣ်လၢယဟ့ၣ်လီၤအဝဲသ့ၣ်အပူၤအဂီၢ်န့ၣ်တက့ၢ်.”

လံာ်သိၣ်လီၤသီလီၤတၢ် 9:18

မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 9:25

လၢတၢ်န့ၣ်အဃိ, ယထိၣ်လီၤပှီၤယသးဒီးဆုးလီၤယခိၣ်လၢယွၤ အမဲာ်ညါလၢအနံၤလွံၢ်ဆံဒီးအနၤလွံၢ်ဆံအတီၢ်ပူၤဒ်လၢအခီၣ် ထံးအသိးန့ၣ်လီၤ. အဂ့ၢ်ဒ်အံၤ, ယသ့ၣ်ညါတ့ၢ်လၢအဝဲပာ်လီၤလံအသးလၢကမၤဟးဂီၤ ကွံာ်သုန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.