လံာ်တၢ်ဟးထီၣ်ကွံာ် 24:11 - Sgaw Karen Common Bible

¹¹ ကစၢ်ယွၤတမၤဘၣ်ဒိဆါဘၣ်ပှၤအံၣ်စရ့လးဖိအခိၣ်အနၢ်တဖၣ်အံၤ ဘၣ်. အဝဲသ့ၣ်ထံၣ်ဘၣ်ကစၢ်ယွၤဒီးအီၣ်သကိးအီသကိးတၢ်န့ၣ်လီၤ.

လံာ်တၢ်ဟးထီၣ်ကွံာ် 24:11 Iomraidhean Croise

လံာ်တၢ်ကဲထီၣ်အခီၣ်ထံး 16:13

ဒီးနီၢ်ဟၤကၢ်သံကွၢ်လီၤက့ၤအသး, “မ့ၢ်ယထံၣ်နီၢ်နီၢ်လံ ယွၤဒီးအိၣ်မူဘၣ်ဒံးလၢကတဲတၢ်ဂ့ၢ်အံၤန့ၣ်ဧါ.” မၤသးဒ်န့ၣ်ဒီးအဝဲကိးယွၤလၢအကတိၤတၢ်ဒီးအီၤလၢ, “ကစၢ်ယွၤတဂၤလၢအထံၣ်တၢ်” န့ၣ်လီၤ.

လံာ်တၢ်ကဲထီၣ်အခီၣ်ထံး 18:18

အစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်ဒီးအဂံၢ်ဆူၣ်ဘါဆူၣ်, ဒီးခီဖျိအီၤန့ၣ်ယကဆိၣ်ဂ့ၤပှၤကလုာ်ခဲလၢာ်လီၤ.

လံာ်တၢ်ကဲထီၣ်အခီၣ်ထံး 31:54

စီၤယၤကိာ်မၤသံဆၣ်ဖိကီၢ်ဖိတဒုဒီးလုၢ်ထီၣ်ဝဲဒ်တၢ်လုၢ်ထီၣ် ပာ်ထီၣ်တမံၤအသိးလၢကစၢၢ်လိၤဒီးကွဲဃီၤဝဲအပှၤတဖၣ်လၢကဟဲ အီၣ်တၢ်န့ၣ်လီၤ. အဝဲသ့ၣ်အီၣ်တၢ်ဝံၤဒီးမံဝဲလၢကစၢၢ်လိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:8

အန့ၣ်ဒီးအဝဲကွဲးလံာ်ပရၢတနီၤ, ဆဲးလီၤဝဲလၢစီၤအၤဃာ်အမံၤ, စဲပနီၣ်ဃာ်ဝဲလၢအတၢ်စဲပနီၣ်, ဒီးဆှၢလီၤဝဲဆူပဒိၣ်ပပှၢ် တဖၣ်ဒီးထံဖိကီၢ်ဖိလၢအဒိၣ်အထီလၢဝ့ၢ်ယံးစရ့လးအပူၤတဖၣ် အအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:20

သုးခိၣ်သုးနၢ်တဖၣ်, ပှၤတူၢ်ဒိၣ်ကီၤဒိၣ်တဖၣ်, ပဒိၣ်ပပှၢ်တဖၣ်, ဒီးကယဲၢ်ပှၤဂီၢ်မုၢ်အိၣ်လီၤတဲာ်တဖၣ်ပာ်ဖှိၣ်ဃုာ် အသးဒီးစီၤယဟိယဒါလၢတၢ်ဟးထီၣ်လဲၤသကိးတၢ်လၢတၢ်ဟဲ ကိးထီၣ်စီၤပၤလၢယွၤအတၢ်လုၢ်ဟံၣ်ဆူစီၤပၤအနီအဂီၢ်န့ၣ်လီၤ. အဝဲသ့ၣ်ဟဲနုာ်လီၤဝဲလၢတၢ်မဲာ်ညါအတြဲၤဖးဒိၣ်, ဒီးစီၤပၤဟံးန့ၢ်အလီၢ်လၢလီၢ်ပစိာ်အဖီခိၣ်န့ၣ်လီၤ.

လံာ်စီၤနဃ့မယၤ 2:16

ဒီးပဒိၣ်တဖၣ်တသ့ၣ်ညါယလဲၤဖဲန့ၣ်မ့ၢ်ဂ့ၤယမၤတၢ်မနုၤလဲၣ်မ့ၢ် ဂ့ၤန့ၣ်ဘၣ်. ဒီးပှၤယူဒၤဖိဂ့ၤ, ပှၤလုၢ်တၢ်အခိၣ်ဂ့ၤ, ပှၤတူၢ်ဒိၣ်ကီၤဒိၣ်ဂ့ၤ, ပဒိၣ်ပပှၢ်ဂ့ၤဒီးပှၤအိၣ်လီၤတဲာ်လၢကမၤတၢ်သ့ၣ်တဖၣ်ဂ့ၤ ယတတဲဘၣ်အဝဲသ့ၣ်တၢ်နီတမံၤဘၣ်.

စံးထီၣ်ပတြၢၤ 139:5

နအိၣ်ဝးတရံးယၤကိးကပၤဒဲး, နကဟုဘံၣ်ကယာ်ဘၢယၤလၢ နတၢ်စိတၢ်ကမီၤန့ၣ်လီၤ.

လံာ်တၢ်ဟးထီၣ်ကွံာ် 18:12

အန့ၣ်ဝံၤဒီးစီၤယံးသရိၤဟဲစိာ်တၢ်လုၢ်မၤဘူၣ်တမံၤလၢတၢ် ကဘၣ်ဆူးကဲၤထီၣ်အီၤခဲလၢာ်ဒီးတၢ်လုၢ်တၢ်ပာ်အဂၤတဖၣ်လၢ ကဘၣ်တၢ်လုၢ်ထီၣ်ပာ်ထီၣ်အီၤဆူကစၢ်ယွၤအအိၣ်န့ၣ်လီၤ. ဒီးစီၤအၤဟရိၣ်ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်လဲၤ ဃုာ်ဒီးအီၤဒ်သိးကအီၣ်တၢ်အီၣ်စီဆှံဒ်တၢ်ဘူၣ်ထီၣ်ဘါထီၣ်အတၢ် မၤတမံၤအသိးန့ၣ်လီၤ.

လံာ်တၢ်ဟးထီၣ်ကွံာ် 19:21

ဒီးယွၤစံးဘၣ်အီၤ, “က့ၤလီၤဒီးဒုးပလီၢ်ပှၤဂီၢ်မုၢ်လၢအ သုတခီဂာ်တၢ်အဆၢဒ်သိးကဟဲဒီးကွၢ်ယၤတဂ့ၤ. အဝဲသ့ၣ်မ့ၢ်မၤဝဲဒ်န့ၣ်ဒီးကသံဝဲအါဂၤလီၤ.

လံာ်တၢ်ဟးထီၣ်ကွံာ် 24:1

ယွၤစံးဘၣ်စီၤမိၤၡ့, “ဟဲထီၣ်ဆူကစၢၢ်ကလိဆူယအိၣ်, နဲဒၣ်ဒီးစီၤအၤဟရိၣ်, စီၤနၤဒးဒီးစီၤအဘံဟူၤ, ဒီးပှၤအံၣ်စရ့လးဖိအခိၣ်အနၢ်တဖၣ်အဂၤနွံဆံန့ၣ်တက့ၢ်. ဒီးဖဲသုအိၣ်ဒံးလၢအယံၤန့ၣ်ဆုးလီၤသုခိၣ်လၢတၢ်ဘူၣ်ထီၣ် ဘါထီၣ်အပူၤတက့ၢ်.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ယံးရမံယၤ 14:3

ပှၤထူးပှၤတီၤတဖၣ်မၢလီၤအကုၢ်အပှၤတဖၣ် လၢကလဲၤဃုမၤန့ၢ်ထံအဂီၢ်လီၤ. အဝဲသ့ၣ်လဲၤဆူထံပူၤတဖၣ်, ဘၣ်ဆၣ်တထံၣ်န့ၢ်ထံနီတစဲးဘၣ်. အဝဲသ့ၣ်ဟဲက့ၤကဒါက့ၤဒီးအသပၢၤထံတဖၣ်လၢအအိၣ်ကလီန့ၣ်လီၤ. လၢတၢ်သးဟးဂီၤဒီးသးကဒံကဒါအပူၤ, အဝဲသ့ၣ်မၤဘၢအမဲာ်သၣ်တဖၣ်န့ၣ်လီၤ.

လံာ်ဒၤနံးယ့လး 10:17

ယလီၤဂာ်ဒီးကုၢ်တဂၤဆၢထၢၣ်လၢအကစၢ်အမဲာ်ညါလီၤ. ယကတိၤတၢ်ဒီးနၤကသ့ဒ်လဲၣ်. တၢ်ဂံၢ်တၢ်ဘါဒီးတၢ်သါတအိၣ် တ့ၢ်ဒီးယၤဘၣ်.”

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်တၢ်ဂံၢ် 21:18

ထံပူၤလၢဘၣ်တၢ်ခူၣ်အီၤလၢပဒိၣ်တဖၣ်ဒီးပှၤဂီၢ်မုၢ်အခိၣ်အနၢ် တဖၣ်, တၢ်ခူၣ်အီၤလၢစီၤလိၣ်စီၤပၤအနီၣ်ထိးဒီးလၢအဝဲသ့ၣ်အနီၣ် ထိးဘိတဖၣ်လီၤ.”

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 4:33

ပှၤဂီၢ်မုၢ်လၢအနၢ်ဟူဘၣ်ယွၤကတိၤတၢ်ဒီးအီၤလၢမ့ၣ်အူအပူၤ ဒီးအိၣ်မူဘၣ်ဒံးဝဲဒ်သုအသိးန့ၣ်မ့ၢ်အအိၣ်ဧါ.

လံာ်ပှၤစံၣ်ညီၣ်ကွီၢ် 13:22

စီၤမၤနိစံးဘၣ်အမါ, “ပကသံသပှၢ်တၢၢ်လီၤ. အဂ့ၢ်ဒ်အံၤ, ပထံၣ်ဘၣ်တ့ၢ်ကစၢ်ယွၤလံ.”

လံာ်ပှၤစံၣ်ညီၣ်ကွီၢ် 5:13

တုၤနုၤတစုပှၤအသူၣ်တီအသးလိၤတဖၣ်ဟဲလီၤဆူအခိၣ်အနၢ်တဖၣ်အအိၣ်, ယွၤအပှၤဂီၢ်မုၢ်ဟဲဆူအအိၣ်, အိၣ်ကတဲာ်ကတီၤသးလၢတၢ်ဒုးအဂီၢ်လီၤ.