လံာ်တၢ်ဟးထီၣ်ကွံာ် 24:10 - Sgaw Karen Common Bible

¹⁰ ဒီးအဝဲသ့ၣ်ထံၣ်ပှၤအံၣ်စရ့လးဖိအကစၢ်ယွၤန့ၣ်လီၤ. လၢအခီၣ်ဖီလာ်န့ၣ်တၢ်လီၤဂာ်ဒီးတၢ်မျၢ်နံၤလါအိၣ်ဒါလီၤအသး, ဒီးလါအဲးဝဲဒ်မူကပိာ်လိၤအသိးန့ၣ်လီၤ.

လံာ်တၢ်ဟးထီၣ်ကွံာ် 24:10 Iomraidhean Croise

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်တၢ်ကဲထီၣ်အခီၣ်ထံး 32:31

မုၢ်ဟဲထီၣ်တ့ၢ်လံဖဲစီၤယၤကိာ်ဟးထီၣ်လၢပနံၤအ့လးလီၤ. ဒီးအဝဲဟးတကျဲၢ်တကျဲၢ်လၢအကံၣ်ဒုၣ်အဆၢလီၤတလံာ်အဃိလီၤ.

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:17

လၢတၢ်န့ၣ်အဃိ, ယွၤ, အံၣ်စရ့လးအကစၢ်ယွၤဧၢ, တၢ်လၢနအၢၣ်လီၤတ့ၢ်နခ့နပှၤစီၤဒၤဝံးန့ၣ်, မ်အလၢထီၣ်ပှဲၤထီၣ်ခဲလၢာ်တက့ၢ်.

လံာ်တၢ်ဟးထီၣ်ကွံာ် 24:11

ကစၢ်ယွၤတမၤဘၣ်ဒိဆါဘၣ်ပှၤအံၣ်စရ့လးဖိအခိၣ်အနၢ်တဖၣ်အံၤ ဘၣ်. အဝဲသ့ၣ်ထံၣ်ဘၣ်ကစၢ်ယွၤဒီးအီၣ်သကိးအီသကိးတၢ်န့ၣ်လီၤ.

လံာ်တၢ်ဟးထီၣ်ကွံာ် 3:6

ယမ့ၢ်နပၢ်တဖၣ်အကစၢ်ယွၤ, စီၤအၤဘြၤဟၣ်အကစၢ်ယွၤ, စီၤအံၤစဲးအကစၢ်ယွၤဒီး, စီၤယၤကိာ်အကစၢ်ယွၤလီၤ.” ဒီးစီၤမိၤၡ့ကးဘၢအမဲာ်မ့ၢ်လၢအပျံၤဝဲဒၣ်လၢကကွၢ်ထီၣ်ဘၣ် ယွၤအဃိန့ၣ်လီၤ.

လံာ်တၢ်ဟးထီၣ်ကွံာ် 33:20

ယတပျဲလၢနကထံၣ်ဘၣ်ယမဲာ်ဘၣ်. အဂ့ၢ်ဒ်အံၤ, ပှၤထံၣ်ဘၣ်ယမဲာ်ဒီးအိၣ်မူဒံးဝဲန့ၣ်တသ့ဘၣ်နီတဂၤဘၣ်.

လံာ်တၢ်ဟးထီၣ်ကွံာ် 33:23

အန့ၣ်တစု, ယကသုးကွံာ်ယစု, ဒီးနကထံၣ်ယၤလၢယချၢဒီးတမ့ၢ်ဘၣ် ယမဲာ်သၣ်ဘၣ်န့ၣ်လီၤ.”

လံာ်တၢ်သးဝံၣ်တဖၣ်အတၢ်သးဝံၣ် 5:14

အစုတဖၣ်အက့ၢ်အဂီၤဂ့ၤဒိၣ်မး ဒီးအဝဲသိးပသံးတဖၣ်လၢအအိၣ်ဒီးလၢၢ်လုၢ်ဒိၣ်ပှ့ၤဒိၣ်တဖၣ် လီၤ. အနီၢ်ခိလီၤဂာ်ဒ်ကဆီမဲအဘျ့လၢအဘၣ်တၢ်ကယၢကယဲအီၤ ဒီးတၢ်မျၢ်နံၤလါန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:10

ပှၤလၢအကွၢ်တကျ့တၢ်လီၤဂာ်ဒ်မုၢ်ဆ့ၣ်ထီၣ်သီအသိးတဂၤမ့ၢ်မတၤ လဲၣ်. အဝဲဃံလၤဒီးကပြုၢ်ကပြီၤ, ဆှုၣ်မဲာ်ဆှုၣ်နါဒ်မုၢ်မ့တမ့ၢ်လါအသိးန့ၣ်လီၤ. လီၤပျံၤဝဲဒ်သုးမုၢ်တဖုလၢအအိၣ်ဒီးနီၣ်တယၢ်တဖၣ်အသိးန့ၣ် လီၤ.

လံာ်သးသယုၢ်တၢ် 4:7

ပစီၤပၤဖိခွါတဖၣ်တသံၣ်သူမီၣ်ကျာ်ဘၣ်ဒီးကဆှီဝဲဒ်မူခိၣ်ဖီ အသိး, ပှဲၤဝဲဒီးအဂံၢ်အဘါဒီးဆူၣ်ဝဲကိၤဝဲဒီးဖျါလီၤကဟု ကညီၢ်လၢတၢ်အိၣ်ဆူၣ်အိၣ်ချ့အဃိန့ၣ်လီၤ.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 10:1

ယကွၢ်တၢ်ခိၣ်ဒုးဖျၢၣ်သလၢၣ်လၢအအိၣ်လၢတၢ်ဘၣ်တ့ အမူတဖၣ်အဖီခိၣ်ဒီးလၢအဝဲသ့ၣ်အဖီခိၣ်န့ၣ်, တၢ်မၤအသးလီၤဂာ်ဒီးလီၢ်ပစိာ်တခါလၢအဘၣ် တၢ်မၤအီၤလၢတၢ်မျၢ်နံၤလါ, အိၣ်ဝဲလီၤ.

လံာ်ဒၤနံးယ့လး 10:17

ယလီၤဂာ်ဒီးကုၢ်တဂၤဆၢထၢၣ်လၢအကစၢ်အမဲာ်ညါလီၤ. ယကတိၤတၢ်ဒီးနၤကသ့ဒ်လဲၣ်. တၢ်ဂံၢ်တၢ်ဘါဒီးတၢ်သါတအိၣ် တ့ၢ်ဒီးယၤဘၣ်.”

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 14:9

ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

လံာ်ယိၤဟၣ် 6:46

ဒီးတၢ်အံၤအခီပညီတမ့ၢ်လၢပှၤထံၣ်ဘၣ်လံပၢ်န့ၣ် ဘၣ်. ပှၤလၢအဟဲလၢကစၢ်ယွၤအအိၣ်န့ၣ်, မ့ၢ်ပှၤထဲတဂၤဧိၤလၢအထံၣ်ဘၣ်ပၢ်န့ၣ်လီၤ.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

၁ ယိၤဟၣ် 4:12

ပှၤတထံၣ်ဘၣ်ဒံးကစၢ်ယွၤနီတစုနီတဂၤဘၣ်. ပမ့ၢ်အဲၣ်လိာ်ကွံလိာ်ပသးတဂၤဒီးတဂၤန့ၣ်, ကစၢ်ယွၤ အိၣ်ဝဲဆိးဝဲလၢပပူၤဒီးအတၢ်အဲၣ်တၢ်ကွံလၢထီၣ်ပှဲၤ ထီၣ်လၢပပူၤလီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 21:11

ဒီးကပြုၢ်ကပြီၤထီၣ်ဝဲလၢကစၢ်ယွၤအလၤကပီၤန့ၣ် လီၤ. ဝ့ၢ်တဖျၢၣ်န့ၣ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်, ဒ်လၢၢ်နကၤသွဲးဒီးအိၣ်ဖျါဆှံဝဲဒ်လၢၢ်ဖျါကလၤအသိး န့ၣ်လီၤ.

လံာ်လီၣ်ဖျါ 4:3

အဝဲဒၣ်အမဲာ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်လၢအမ့ၢ်ဝဲတၢ်မျၢ် နကၤသွဲးဒီးတၢ်မျၢ်ဆီသွံၣ်တဖၣ်, ဒီးဖဲလီၢ်ပစိာ်အကပၤဝးဝးန့ၣ်, တၢၢ်ကွဲၤအိၣ်ဝဲဒၣ်တဘိလၢအလွဲၢ်မၤအသးဒ်တၢ်မျၢ်ဟ့မၠး အသိးန့ၣ်လီၤ.