လံာ်တၢ်ဟးထီၣ်ကွံာ် 23:27 - Sgaw Karen Common Bible

²⁷ ပှၤဂီၢ်မုၢ်လၢအထီဒါသုန့ၢ်ယကမၤအီၤဒ်သိးကပျံၤယၤ, ယကမၢလီၤတၢ်သဘံၣ်ဘုၣ်အိၣ်ထီၣ်လၢပှၤဂီၢ်မုၢ်လၢသုဒုးထီဒါ အီၤတဖၣ်အကျါ, ဒီးယကမၤဒ်သိးသုဒုၣ်သုဒါတဖၣ်ကဃၣ်ကွံာ်အသးဒီးဃ့ၢ်ကွံာ်လၢ သုအိၣ်န့ၣ်လီၤ.

လံာ်တၢ်ဟးထီၣ်ကွံာ် 23:27 Iomraidhean Croise

လံာ်တၢ်ကဲထီၣ်အခီၣ်ထံး 35:5

တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 22:41

နဒုးဃ့ၢ်ကွံာ်ယဒုၣ်ယဒါတဖၣ်လၢယမဲာ်ညါ, ယမၤဟးဂီၤကွံာ်ပှၤလၢအသးဟ့ယၤတဖၣ်လီၤ.

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:14

တုၤနုၤတစု, အဝဲသ့ၣ်မၤဟးဂီၤကွံာ်ဝ့ၢ်တဖၣ်လၢအအိၣ်ဝးတရံး ဝ့ၢ်ကရၢ်သ့ဝဲ, မ့ၢ်လၢပှၤဂီၢ်မုၢ်ဖဲန့ၣ်တဖၣ်ဘၣ်တၢ်မၤပျံၤမၤဖုးအီၤလၢယွၤ အဃိန့ၣ်လီၤ. သုးမုၢ်ဂုာ်ဆူၣ်ပျိဆူၣ်ကွံာ်ကယဲၢ်ဝ့ၢ်ဒီးမၤန့ၢ်ဘၣ်တၢ်ဂုာ် န့ၢ်အါအါကလဲာ်န့ၣ်လီၤ.

စံးထီၣ်ပတြၢၤ 18:40

နဒုးဃ့ၢ်ကွံာ်ယဒုၣ်ယဒါသ့ၣ်တဖၣ်လၢယမဲာ်ညါ, ယမၤဟးဂီၤကွံာ်ပှၤလၢအသးဟ့ယၤတဖၣ်လီၤ.

စံးထီၣ်ပတြၢၤ 21:12

အဝဲကခးအဝဲသ့ၣ်လၢပျၢ် တဖၣ် ဒီးအဝဲသ့ၣ်ကဃၣ်ကွံာ်အသးဒီးဃ့ၢ်ဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 33:2

ယကဆှၢလီၤကလူးတဂၤလၢကပၢဆှၢသု, ဒီးယကနီၣ်ထီၣ်ကွံာ်ပှၤကနၤဧၣ်ဖိတဖၣ်, ပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်, ဒီးပှၤယဘူၣ်ဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 34:24

ဖဲယဟီထီၣ်ကွံာ်ပှၤကလုာ်တဖၣ်လၢသုမဲာ်ညါဒီးမၤလဲၢ်ထီၣ်သု တၢ်လီၢ်တၢ်ကျဲဝံၤအလီၢ်ခံန့ၣ်, ပှၤတဂုာ်မၤနၢၤသုကီၢ်ဖဲမူးသၢမူးအကတီၢ်အံၤနီတဂၤဘၣ်.

လံာ်တၢ်ဂံၢ် 22:3

အဝဲဒီးကယဲၢ်အပှၤဂီၢ်မုၢ်ပျံၤတၢ်ဒိၣ်ဒိၣ်ကလဲာ်လီၤ.

လံာ်သိၣ်လီၤသီလီၤတၢ် 11:23

အန့ၣ်တစု, တုၤသုလဲၤထီၣ်ဒုးတၢ်ဒီး, အဝဲကဟီထီၣ်ကွံာ်ကယဲၢ် ပှၤကလုာ်တဖၣ်န့ၣ်ခဲလၢာ်, ဒီးသုကလဲၤနုာ်လီၤမၤန့ၢ်ကီၢ်န့ၣ်လၢအဘၣ်ဃးဒီးပှၤကလုာ်တဖၣ် လၢအဒိၣ်န့ၢ်သုဒီးအစိအကမီၤအါန့ၢ်သုတက့ၢ်န့ၣ်လီၤ.

လံာ်သိၣ်လီၤသီလီၤတၢ် 11:25

ဖဲသုလဲၤတၢ်တပူၤလၢ်လၢ်လၢကီၢ်ပူၤန့ၣ်, ယွၤ, သုကစၢ်ယွၤကဒုးပျံၤဘၣ်ဖုးဘၣ်ပှၤဂီၢ်မုၢ်လၢသု, ဒ်အဝဲအၢၣ်လီၤတ့ၢ်လံဝဲအသိး, ဒီးပှၤလၢအတြီသုသ့န့ၣ်တအိၣ်ဘၣ်နီတဂၤဘၣ်.

လံာ်သိၣ်လီၤသီလီၤတၢ် 2:25

စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.

လံာ်သိၣ်လီၤသီလီၤတၢ် 6:19

ဒီးသုကနီၣ်ထီၣ်ကွံာ်သုဒုၣ်သုဒါတဖၣ်ဒ်အဝဲအၢၣ်လီၤတ့ၢ်ဝဲ အသိးန့ၣ်လီၤ.

လံာ်သိၣ်လီၤသီလီၤတၢ် 7:23

ယွၤကဟ့ၣ်လီၤကွံာ်သုဒုၣ်သုဒါတဖၣ်ဆူသုစုပူၤဒီးမၤပျံၤ အီၤဒိၣ်ဒိၣ်ကလဲာ်တုၤလၢအဝဲသ့ၣ်ဘၣ်တၢ်မၤဟးဂီၤကွံာ်အီၤတစု န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.