လံာ်တၢ်ဟးထီၣ်ကွံာ် 23:25 - Sgaw Karen Common Bible

²⁵ သုမ့ၢ်ဘူၣ်ထီၣ်ဘါထီၣ်ယၤ, ယွၤ, သုကစၢ်ယွၤဒီး, ယကဆိၣ်ဂ့ၤသုလၢတၢ်အီၣ်တၢ်အီဒီးထံဒီးသုးယံၤကွံာ် ကယဲၢ်သုတၢ်ဆူးတၢ်ဆါခဲလၢာ်လီၤ.

လံာ်တၢ်ဟးထီၣ်ကွံာ် 23:25 Iomraidhean Croise

စံးထီၣ်ပတြၢၤ 103:3

အဝဲဒၣ်န့ၣ်, မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်, ဒီးမ့ၢ်ပှၤလၢအမၤဘျါက့ၤ နတၢ်ဆူးတၢ်ဆါကိးမံၤဒဲး,

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်ပှၤစံၣ်တဲၤတဲလီၤတၢ် 5:20

မ့ၢ်လၢယွၤပျဲအီၤလၢကသူၣ်ဖှံသးညီအဃိ, တၢ်အိၣ်မူဖုၣ်သနာ်က့အဝဲတကိၢ်တဂီၤဝဲကဲၣ်ဆိးလၢၤဘၣ်န့ၣ်လီၤ.

လံာ်ယၡါယၤ 33:16

အန့ၣ်ဒီးသုကပူၤဖျဲးသုဝဲလီၤ. သုကအိၣ်ဘံၣ်အိၣ်ဘၢသုဝဲဒ် သုအိၣ်လၢတိာ်ဧိၤတာ်ဧိၤလၢအဂၢၢ်အကျၢၤတခါအပူၤ အသိးန့ၣ်လီၤ. သုကအိၣ်ဒီးတၢ်အီၣ်လၢသုကအီၣ်အီၤ, ဒီးထံလၢသုကအီအဂီၢ်န့ၣ်လီၤ.

လံာ်ယၡါယၤ 33:24

ပှၤလၢအအိၣ်လၢပထံလီၢ်ကီၢ်ပူၤတကဒူးကဒ့ၣ်ကဒီးလၢ အဆူးအဆါနီတဂၤလၢၤဘၣ်, ဒီးတၢ်ဒဲးဘးခဲလၢာ်န့ၣ် ကဘၣ်တၢ်ပျၢ်ကွံာ်အီၤလီၤ.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်ဒၤနံးယ့လး 1:15

တုၤတၢ်ဆၢကတီၢ်ပှဲၤထီၣ်ဒီးအဝဲသ့ၣ်ဖျါအိၣ်ဆူၣ်အိၣ်ချ့ဒီး အဂံၢ်အဘါဆူၣ်န့ၢ်ဒံးပှၤအဂၤခဲလၢာ်လၢအအီၣ်တ့ၢ်စီၤပၤ အတၢ်အီၣ်တၢ်အီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:44

ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 26:3

သုမ့ၢ်အိၣ်မူဒ်ယတၢ်သိၣ်တၢ်သီအသိးဒီးတိၢ်န့ၢ်ယတၢ်မၤလိာ်တဖၣ်န့ၣ်,

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 13:4

ပိာ်ယွၤအခံဒီးအိၣ်ဒီးတၢ်ယူးယီၣ်ပာ်ကဲအီၤတက့ၢ်. စူၢ်အီၤဒီးတိၢ်န့ၢ်ဖံးဃာ်အဝဲအတၢ်မၤလိာ်တဖၣ်တက့ၢ်. ဘူၣ်ထီၣ်ဘါထီၣ်အီၤဒီးသးတီဒီးအီၤတက့ၢ်.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 7:15

ယွၤကအိၣ်ပှိၤဒီဒၣ်သုလၢကယဲၢ်တၢ်ဆူးတၢ်ဆါခဲလၢာ်, ဒီးအဝဲတဒုးလီၤတၢ်ဆါလီၤပျံၤလီၤဖုးတဖၣ်လၢသုလိၤနီ တမံၤဒ်သုလဲၤခီဖျိဘၣ်တ့ၢ်အီၤလၢကီၢ်အဲၤကူပတူးအပူၤအသိး န့ၣ်ဘၣ်. မ့မ့ၢ်အဝဲကဒုးလီၤဘၣ်တၢ်န့ၣ်ခဲလၢာ်လၢသုဒုၣ်သုဒါတဖၣ် အလိၤန့ၣ်လီၤ.

လံာ်စီၤယိၤၡူ 22:5

ပာ်သူၣ်ပာ်သးလီၤတံၢ်လီၤဆဲးလၢသုကဒိကနၣ် တၢ်သိၣ်တၢ်သီလၢယွၤအခ့အပှၤစီၤမိၤၡ့မၤလိာ်တ့ၢ်သုလၢအမ့ၢ်ဝဲ, အဲၣ်ယွၤသုကစၢ်, မၤအတၢ်ဘၣ်အသး, ဒိကနၣ်အတၢ်မၤလိာ်တဖၣ်, တီဒီးအီၤ, ဒီးမၤအတၢ်လၢသုသးဒီဖျၢၣ်ညါဒီးသုသူၣ်ကံၢ်သးလဲန့ၣ်တက့ၢ်.”

လံာ်စီၤယိၤၡူ 24:21

ပှၤဂီၢ်မုၢ်စံးဘၣ်စီၤယိၤၡူ, “တမ့ၢ်ဘၣ်. ပကမၤယွၤအတၢ်လီၤ.”

လံာ်စီၤယိၤၡူ 24:24

အန့ၣ်ဒီး, ပှၤဂီၢ်မုၢ်စံးဘၣ်စီၤယိၤၡူ, “ပကမၤပကစၢ်အတၢ်, ဒီးပကဒိကနၣ်အကလုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:20

စီၤၡမူၤအ့လးစံးဝဲဒၣ်, “ပျံၤတၢ်တဂ့ၤ, သုမ့ၢ်မၤတ့ၢ်တၢ်အၢတၢ်သီဒ်န့ၣ်အသိးဘၣ်ဆၣ်, ဃၣ်ကွံာ်သုသးလၢယွၤအအိၣ်တဂ့ၤ, မ့မ့ၢ်မၤအတၢ်မၤလၢသုသး ဒီဖျၢၣ်ညါတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 7:3

စီၤၡမူၤအ့လးစံးဘၣ်ပှၤဂီၢ်မုၢ်, “သုမ့ၢ်ဃၣ်က့ၤသုသးဆူ ယွၤအအိၣ်လၢသူၣ်လၢသးဒီဖျၢၣ်ညါန့ၣ် သုကဘၣ်တၢၤကွံာ်ကယဲၢ်ပှၤ တခီဘီမုၢ်ဖိအကစၢ်တဖၣ်ဒီးကစၢ်မုၣ်ဧၤၡတြိးအဂီၤတဖၣ်လီၤ. ပာ်စီဆှံထီၣ်သုသးလၢာ်လၢာ်ဆ့ဆ့ဆူယွၤအအိၣ်ဒီး ဘူၣ်ထီၣ်ဘါထီၣ်ထဲအဝဲတဂၤဧိၤန့ၣ်တက့ၢ်. ဒီးအဝဲကအုၣ်က့ၤခီၣ်က့ၤသုလၢပှၤဖလ့ၡသးဖိတဖၣ်အစိကမီၤအ ဖီလာ်လီၤ.”