လံာ်တၢ်ဟးထီၣ်ကွံာ် 23:24 - Sgaw Karen Common Bible

²⁴ ဆုးလီၤသုခိၣ်လၢသုကဘါထီၣ်အဝဲသ့ၣ်အကစၢ်တဖၣ်အဂီၢ်တဂ့ၤ. ဟံးန့ၢ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်တဖၣ်တဂ့ၤ. မၤဟးဂီၤကွံာ်အဝဲသ့ၣ်အကစၢ်တဖၣ်ဒီးမၤလီၤပှီၢ်ကွံာ်အလၢၢ်ထူၣ် စီဆှံတဖၣ်တက့ၢ်.

လံာ်တၢ်ဟးထီၣ်ကွံာ် 23:24 Iomraidhean Croise

လံာ်စီၤပၤခံဘ့ၣ်တဘ့ၣ် 17:11

ဒီးအဝဲသ့ၣ်ဆိၣ်ကဲၤတၢ်နၢမူလၢကယဲၢ်ပှၤတစူၢ်တနာ်ယွၤအတၢ်လုၢ် လီၢ်ခဲလၢာ်အဖီခိၣ်, ပိာ်ထွဲတၢ်မၤလၢပှၤဂီၢ်မုၢ်လၢယွၤဟီထီၣ်တ့ၢ်အီၤလၢထံဧိၤ ကီၢ်ဧိၤအပူၤတဖၣ်မၤဝဲန့ၣ်လီၤ. အဝဲသ့ၣ်ထိၣ်ဂဲၤထီၣ်ယွၤအတၢ်သးထီၣ်လၢကယဲၢ်အဝဲသ့ၣ်အ တၢ်မၤအအၢအသီတဖၣ်,

လံာ်စီၤပၤခံဘ့ၣ်တဘ့ၣ် 17:8

ပိာ်ထွဲလုၢ်လၢ်တဖၣ်လၢအအိၣ်ဒီးပှၤဂီၢ်မုၢ်အခံ, ပှၤဂီၢ်မုၢ်လၢယွၤဟီထီၣ်ကွံာ်အီၤဖဲအဝဲအပှၤဂီၢ်မုၢ်ဟဲနုာ် လီၤအခါ, ဒီးတူၢ်လိာ်မၤထွဲလုၢ်လၢ်တဖၣ်လၢကီၢ်အံၣ်စရ့လး အစီၤပၤတဖၣ်ဒုးအိၣ်ထီၣ်တ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:2

အဝဲမၤတ့ၢ်တၢ်ဒဲးဘးထီဒါယွၤဘၣ်ဆၣ်, အဝဲတအၢထဲသိးဒီးအပၢ် မ့ၢ်ဂ့ၤ, အမိၢ်နီၢ်အံၤစ့ဘ့ၤလးမ့ၢ်ဂ့ၤန့ၣ်ဘၣ်. အဝဲထုးလီၤပှီၢ်ကွံာ်တၢ်ဂီၤတၢ်ဖီၣ်လၢအပၢ်ပာ်ထီၣ်တ့ၢ်ဝဲလၢ တၢ်ကဘါထီၣ်ဘဧၤလးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:2

စီၤအၤစါမၤမုာ်တ့ၢ်ယွၤ, အကစၢ်ယွၤအသးခီဖျိမၤတၢ်လၢအဘၣ် ဒီးဂ့ၤဝဲအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:14

ဖဲစီၤအမၤစယါဟဲက့ၤကဒါက့ၤလၢအတၢ်မၤနၢၤပှၤအဒိၣ်ဖိ တဖၣ်အခါန့ၣ်, အဝဲဟဲက့ၤစိာ်အဝဲသ့ၣ်အတၢ်ဂီၤတၢ်ဖီၣ်တဖၣ်ဃုာ် ဒီးအီၤ, ပာ်ထီၣ်ဝဲ, ဘူၣ်ထီၣ်ဘါထီၣ်ဝဲ, ဒီးဆိၣ်ကဲၤတၢ်နၢမူဆူအဝဲ သ့ၣ်အအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:2

စီၤမနၤၡ့ၤမၤတ့ၢ်တၢ်လီၤသးဘၣ်အၢအတၢ်မၤတဖၣ်ဒီးမၤတၢ်ဒဲး ဘးထီဒါယွၤ, ဒ်ပှၤကလုာ်တဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤဖဲ အပှၤဂီၢ်မုၢ်ဟဲနုာ်ဝဲ, မၤတ့ၢ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:9

စီၤမနၤၡ့ၤဆှၢဃီၤကီၢ်ယူဒၤအပှၤဂီၢ်မုၢ်, ဒ်သိးကမၤတၢ်ဒဲးဘးဒိၣ်န့ၢ်အါန့ၢ်ဒံးဒၣ်လဲာ်ပှၤကလုာ်တဖၣ်လၢ ယွၤမၤဟးဂီၤအီၤလၢကီၢ်ပူၤဖဲအဝဲအပှၤဂီၢ်မုၢ်ဟဲနုာ်, မၤတ့ၢ်လံဝဲန့ၣ်လီၤ.

စံးထီၣ်ပတြၢၤ 101:3

ဒီး တပျဲတၢ်အၢတၢ်သီမၤအသး နီတစုဘၣ်. ပှၤတဖၣ်လၢ အဃၣ်ကွံာ်အသးယံၤဒီး ကစၢ်ယွၤအတၢ်ဖံးတၢ်မၤန့ၣ် ယသးဟ့အီၤ, ဒီးယတမၤဘၣ်အၢယသးဒီး အဝဲသ့ၣ်ဘၣ်.

လံာ်တၢ်ဟးထီၣ်ကွံာ် 20:3

လၢယၤအမဲာ်ညါန့ၣ်ဘါထီၣ်ကစၢ်နီတဂၤတဂ့ၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်တၢ်ဟးထီၣ်ကွံာ် 23:13

ဒိကနၣ်တၢ်ကိးမံၤဒဲးလၢယၤ, ယွၤ, စံးတ့ၢ်သုတက့ၢ်. ဘါထုကဖၣ်တၢ်ဆူကစၢ်အဂၤတဖၣ်အအိၣ်တဂ့ၤ. ယၢၤထီၣ်ဒၣ်လဲာ်အမံၤတဖၣ်တဂ့ၤ.

လံာ်တၢ်ဟးထီၣ်ကွံာ် 23:32

မၤတၢ်အၢၣ်လီၤအီလီၤဃုာ်ဒီးအဝဲသ့ၣ်မ့ၢ်ဂ့ၤအကစၢ်တဖၣ်မ့ၢ် ဂ့ၤနီတမံၤတဂ့ၤ.

လံာ်တၢ်ဟးထီၣ်ကွံာ် 23:33

ပျဲပှၤတဖၣ်န့ၣ်အိၣ်ဝဲဆိးဝဲလၢသုကီၢ်အပူၤတဂ့ၤ. သုမ့ၢ်ပျဲဒီး, အဝဲသ့ၣ်ကဒုးမၤသုတၢ်ဒဲးဘးထီဒါယၤန့ၣ် လီၤ. သုမ့ၢ်ဘါထီၣ်အကစၢ်တဖၣ်ဒီး, ကမ့ၢ်ဝဲတၢ်သံအပျံၤသကွီၤလၢသုဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 32:20

အဝဲဟံးထီၣ်ဂီၤဖံးဖါဖိလၢအဝဲသ့ၣ်မၤဝဲ, ဒီးဃ့ၣ်ပှံၢ်လီၤဒီးတိၢ်ကမူၣ်ဝဲဒီးဃါဃုာ်အီၤလၢထံလီၤ. ဝံၤဒီးအဝဲမၢအံၣ်စရ့လးအပှၤဂီၢ်မုၢ်အိအီၤန့ၣ်လီၤ.

လံာ်ယဃ့းစက့လး 16:47

မ့ၢ်နသးမံတ့ၢ်လၢနကပိာ်အဝဲသ့ၣ်အခီၣ်လီၢ်တဖၣ်ဒီးမၤဒီး အဝဲသ့ၣ်အတၢ်မၤတဖၣ်လၢအလီၤသးဘၣ်အၢန့ၣ်ဧါ. တမ့ၢ်ဘၣ်လၢတစိၢ်ဖိအတီၢ်ပူၤဒၣ်လဲာ်န့ၣ်, နအိၣ်မူအၢန့ၢ်ဒံးအဝဲသ့ၣ်လၢတၢ်ခဲလၢာ်လၢနမၤတ့ၢ်အီၤ အပူၤန့ၣ်လီၤ.

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:3

မၤဒ်အဲၤကူပတူးဖိလၢသုအိၣ် သုဆိးတ့ၢ်လၢအသိးန့ၣ်တဂ့ၤ. ဒီးမၤဒ်ပှၤကနၤဧၣ်ဖိ လၢယဒုးလဲၤနုာ်သုဆူအကီၢ်အပူၤအသိးန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 26:1

ဒီးယွၤစံးဝဲဒၣ်, “တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤသုတတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်ဂီၤအထူၣ်တဂ့ၤ, ဒီးသုတပာ်လၢၢ်အိၣ်ဒီး တၢ်ဂီၤလၢအလိၤလၢသုကီၢ်ပူၤဒ်သိးသုကဘါအီၤန့ၣ်တဂ့ၤ.

လံာ်တၢ်ဂံၢ် 25:2

ပိာ်မုၣ်တဖၣ်အံၤကွဲဃီၤအဝဲသ့ၣ်တဖၣ်ဆူတၢ်လုၢ်တၢ်ပာ်အမူးတဖၣ် လၢတၢ်လီၢ်ဖဲကီၢ်မိၤအးအကစၢ်ဘၣ်တၢ်ဘူၣ်ထီၣ်ဘါထီၣ်အီၤန့ၣ် လီၤ. ပှၤအံၣ်စရ့လးဖိတဖၣ်အီၣ်တၢ်အီၣ်ဒီးဘါထီၣ်ကစၢ်ဘဧၤလးလၢကီၢ် ပဧိၢ်အပူၤန့ၣ်လီၤ.

လံာ်တၢ်ဂံၢ် 33:52

သုကဘၣ်ဟီထီၣ်ကွံာ်ကယဲၢ်ပှၤအိၣ်ဆိးလၢကီၢ်န့ၣ်အပူၤခဲလၢာ် လီၤ. မၤဟးဂီၤကွံာ်ကယဲၢ်အဝဲသ့ၣ်အလၢၢ်တဖၣ်, တၢ်ဂီၤတၢ်ဖီၣ်လၢတိၢ်, စ့, ထးတဖၣ်ဒီးကယဲၢ်အတၢ်ဘူၣ်တၢ်ဘါအလီၢ်တဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 12:3

မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, ဒီးတီၢ်လီၤကလဲကွံာ်အလၢၢ်ထူၣ်စီဆှံတဖၣ်တက့ၢ်. ဆူးထီၣ်ကွံာ်အကစၢ်မုၣ်အၡ့ရၤအတၢ်ပနီၣ်တဖၣ်လၢမ့ၣ်အူ, ဒီးကျီတဲာ်ကွံာ်အဝဲသ့ၣ်အတၢ်ဂီၤတၢ်ဖီၣ်တဖၣ်ဒ်သိးအဝဲသ့ၣ်သု တဘါထီၣ်လၢၤတၢ်လၢတၢ်လီၢ်တဖၣ်အံၤနီတဘျီလၢၤတဂ့ၤအဂီၢ်န့ၣ်တ က့ၢ်.

လံာ်သိၣ်လီၤသီလီၤတၢ် 7:5

လၢတၢ်န့ၣ်အဃိ, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤကၢ်ကွံာ်အဝဲသ့ၣ်အလၢၢ်ထူၣ်စီဆှံတဖၣ်ဆူအက့အခီတဖၣ်ကျီ ကွံာ်အဝဲသ့ၣ်အကစၢ်မုၢ်အၡ့ရၤအပနီၣ်တဖၣ်ဒီးဒွဲၣ်အူထီၣ်ကွံာ် အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်တက့ၢ်.