လံာ်တၢ်ဟးထီၣ်ကွံာ် 23:20 - Sgaw Karen Common Bible

²⁰ ယကဆှၢလီၤကလူးတဂၤလၢကလဲၤတၢ်လၢသုမဲာ်ညါလၢယကကဟု ကယာ်သုဒီးဆှၢသုဆူတၢ်အလီၢ်တပူၤလၢယကတဲာ်ကတီၤတ့ၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 23:20 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 24:40

ဒီးအဝဲစံးဆၢဝဲ, ‘ယွၤလၢယစူၢ်တ့ၢ်လံအီၤထီဘိတဂၤအံၤ ကဆှၢလီၤအကလူးဃုာ်ဒီးနၤဒီးကဟ့ၣ်နၤတၢ်မၤနၢၤလီၤ. နကမၤန့ၢ်မါတဂၤလၢယဖိခွါအဂီၢ်လၢယပှၤဂီၢ်မုၢ်ဒၣ်ယဲ အကျါဒီးလၢယပၢ်အဒူၣ်ဖိထၢဖိဒၣ်ဝဲအကျါန့ၣ်လီၤ.

လံာ်တၢ်ကဲထီၣ်အခီၣ်ထံး 24:7

ယွၤ, မူခိၣ်အကစၢ်ယွၤ, စိာ်ထီၣ်ယၤလၢယပၢ်အဟံၣ်ဒီးယဘူးယတံၢ် သ့ၣ်တဖၣ်အထံအကီၢ်ဒီးအၢၣ်လီၤယၤသညူးသပှၢ်လၢကဟ့ၣ်ဝဲကီၢ်တဘ့ၣ် အံၤလၢယစၢၤယသွဲၣ်တဖၣ်န့ၣ်လီၤ. အဝဲကဆှၢလီၤအကလူးလၢနမဲာ်ညါဒ်သိးနကမၤန့ၢ်မါတဂၤဖဲန့ၣ်လၢ ယဖိခွါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

စံးထီၣ်ပတြၢၤ 91:11

အဂ့ၢ်ဒ်အံၤ, အဝဲကမၤလိာ်အကလူးတဖၣ်လၢ နဂ့ၢ်နကျိၤဒီး လၢကအံးထွဲကွၢ်ထွဲနၤလၢနကျဲခဲလၢာ်အပူၤလီၤ.

လံာ်တၢ်ဟးထီၣ်ကွံာ် 14:19

ဒီးကစၢ်ယွၤအကလူးလၢအအိၣ်တ့ၢ်လံလၢကီၢ်အံၣ်စရ့လးအသုးမုၢ် မဲာ်ညါန့ၣ်သုးအသးဒီးလဲၤဆူအဝဲသ့ၣ်အလီၢ်ခံတကပၤန့ၣ်လီၤ. တၢ်အၢၣ်အထူၣ်စ့ၢ်ကီးသုးအသးတုၤလၢပှၤအဲၤကူပတူးဖိတဖၣ်ဒီးပှၤအံၣ်စရ့လးဖိတဖၣ် အဘၢၣ်စၢၤန့ၣ်လီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်တၢ်ဟးထီၣ်ကွံာ် 15:17

ယွၤဧၢ, နဟဲစိာ်နုာ်အီၤဒီးသူၣ်လီၤအီၤလၢနကစၢၢ်ဒီခိၣ်, တၢ်လီၢ်ဖဲနၤ, ယွၤဃုထၢတ့ၢ်အီၤလၢနဟံၣ်အဂီၢ်, ယွၤအတၢ်လုၢ်ဟံၣ်လၢနနီၢ်ကစၢ်ဒၣ်နဲနသူၣ်ထီၣ် အီၤလီၤ.

လံာ်တၢ်ဟးထီၣ်ကွံာ် 23:23

ယကလူးကလဲၤတၢ်လၢသုမဲာ်ညါဒီးဆှၢသုဆူပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤကနၤဧၣ်ဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်အကီၢ်ပူၤဒီးယကမၤဟးဂီၤ အဝဲသ့ၣ်လီၤ.

လံာ်တၢ်ဟးထီၣ်ကွံာ် 32:34

ခဲအံၤလဲၤဒီးဆှၢပှၤဂီၢ်မုၢ်ဆူတၢ်လီၢ်လၢယတဲတ့ၢ်နၤလၢ အဂ့ၢ်န့ၣ်တက့ၢ်. သ့ၣ်နီၣ်ထီၣ်လၢယကလူးကနဲၣ်နၤကျဲ, ဘၣ်ဆၣ်ဒီးတၢ်ဆၢကတီၢ်လၢယကစံၣ်ညီၣ်ပှၤဂီၢ်မုၢ်အံၤလၢအတၢ်ဒဲး ဘးအဃိန့ၣ်ဟဲဝဲလံ.”

လံာ်တၢ်ဟးထီၣ်ကွံာ် 33:14

ယွၤစံးဝဲဒၣ်, “ယကလဲၤဃုာ်တၢ်ဒီးနၤဒီးယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်တၢ်ဟးထီၣ်ကွံာ် 33:2

ယကဆှၢလီၤကလူးတဂၤလၢကပၢဆှၢသု, ဒီးယကနီၣ်ထီၣ်ကွံာ်ပှၤကနၤဧၣ်ဖိတဖၣ်, ပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်, ဒီးပှၤယဘူၣ်ဖိတဖၣ်န့ၣ်လီၤ.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်တၢ်ဂံၢ် 20:16

ဒီးပကိးထီၣ်တ့ၢ်ဆူယွၤအအိၣ်လၢတၢ်မၤစၢၤအဂီၢ်လီၤ. အဝဲနၢ်ဟူဘၣ်ပတၢ်ကိးထီၣ်, ဒီးဆှၢလီၤတ့ၢ်ကလူးတဂၤပှၤလၢ အထုးထီၣ်ကွံာ်ပှၤလၢကီၢ်အဲၤကူပတူးအပူၤန့ၣ်လီၤ. ခဲအံၤပအိၣ်လၢကၤဒ့ၣ်, ဝ့ၢ်တဝ့ၢ်လၢအအိၣ်ဖဲနကီၢ်အဆၢန့ၣ် လီၤ.

လံာ်တၢ်ဂံၢ် 22:22

စီၤဘံးလၣ်လဲၤတၢ်အဃိဒီးကစၢ်ယွၤသးဒိၣ်ဝဲ, ဒီးဖဲစီၤဘံးလၣ်လဲၤဒိးအကသ့ၣ်ယီၤဒီကျဲညါန့ၣ်အကုၢ်ခံဂၤ လဲၤပိာ်အခံ, ဒီးယွၤအကလူးတဂၤဆၢထၢၣ်လၢကျဲမုၢ်အပူၤဒ်သိး ကတြီအကျဲန့ၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်စီၤယိၤၡူ 23:5

ယွၤသုကစၢ်ယွၤကဒုးဂုၤက့ၤအဝဲသ့ၣ်လၢသုမဲာ်ညါ, ဒီးဟီထီၣ်ကွံာ်အီၤဖဲသုလဲၤထီၣ်ဒီးသုကမၤန့ၢ်အထံအကီၢ်ဒ်ယွၤသုကစၢ်အၢၣ်လီၤတ့ၢ်သုအသိးန့ၣ်လီၤ.

လံာ်စီၤယိၤၡူ 5:13

ဖဲစီၤယိၤၡူလဲၤဘူးဒီးဝ့ၢ်ယရံၤဃိန့ၣ်, သတူၢ်ကလာ်အဝဲထံၣ်ပှၤတဂၤဆၢထၢၣ်လၢအမဲာ်ညါ, ဟံးဃာ်ဒီးနးတဘ့ၣ်န့ၣ်လီၤ. စီၤယိၤၡူလဲၤဆူအအိၣ်ဒီးသံကွၢ်အီၤ, “နမ့ၢ်ပပှၤဧါ, မ့တမ့ၢ်ဘၣ်ဒီးပဒုၣ်ပဒါအပှၤဧါ.”

လံာ်စီၤယိၤၡူ 5:14

အဝဲစံးဆၢဝဲ, “တမ့ၢ်ဘၣ်. ယဟဲယဲဒ်ယွၤအသုးမုၢ်အခိၣ်တဂၤအသိးန့ၣ်လီၤ.” စီၤယိၤၡူထိၣ်လီၤပှီၤအသးလၢဟီၣ်ခိၣ်လိၤဒီးဘူၣ်ထီၣ်ဘါထီၣ် အီၤဒီးစံး, “ယမ့ၢ်နကုၢ်နပှၤလီၤကစၢ်ဧၢ, နသးအိၣ်လၢယကမၤတၢ်မနုၤလဲၣ်.”

လံာ်စီၤယိၤၡူ 6:2

ယွၤစံးဘၣ်စီၤယိၤၡူ, “ယဟ့ၣ်လီၤဝ့ၢ်ယရံၤဃိ, ဃုာ်ဒီးအစီၤပၤဒီးအသုးမုၢ်သံၣ်ဘိလၢအဒူတဖၣ်ခဲလၢာ် လၢနစုပူၤလီၤ.