လံာ်တၢ်ဟးထီၣ်ကွံာ် 23:2 - Sgaw Karen Common Bible

² ဖဲပှၤအါဂၤမၤတၢ်ကမၣ်မ့ၢ်ဂ့ၤ, ဖဲအဝဲသ့ၣ်ဟ့ၣ်တၢ်အုၣ်အသးလၢ ကဘိးကဒါတၢ်စံၣ်ညီၣ်တီမ့ၢ်ဂ့ၤန့ၣ်, ပိာ်ထွဲအခံတဂ့ၤ.

လံာ်တၢ်ဟးထီၣ်ကွံာ် 23:2 Iomraidhean Croise

လံာ်တၢ်ကဲထီၣ်အခီၣ်ထံး 19:4

ဒီးဖဲပှၤတမှံၤတဖၣ်တချုးနုာ်လီၤမံဒံးဘၣ်န့ၣ်ပိာ်ခွါတဖၣ် လၢဝ့ၢ်စဒိၣ်အပူၤကဝီၤဃာ်စီၤလိာ်အဟံၣ်န့ၣ်လီၤ. ကယဲၢ်ပိာ်ခွါသးစၢ်, သးပှၢ်လၢဝ့ၢ်ပူၤတဖၣ်အိၣ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 6:12

ကစၢ်ယွၤကွၢ်လီၤဟီၣ်ခိၣ်ဒီးထံၣ်ဝဲဒၣ်လၢမ့ၢ်အအၢအသီလီၤ. အဂ့ၢ်ဒ်အံၤ, ပှၤဂီၢ်မုၢ်ခဲလၢာ်အိၣ်မူလၢတၢ်အိၣ်မူအအၢ အသီတဖၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 7:1

ဒီးယွၤစံးဘၣ်စီၤနိအၤ, “လဲၤနုာ်ဆူကဘီပူၤဃုာ်ဒီးနပှၤ ဟံၣ်ဖိဃီဖိခဲလၢာ်န့ၣ်တက့ၢ်. ယထံၣ်တ့ၢ်လံလၢနမ့ၢ်ပှၤထဲတဂၤဧိၤလၢအမ့ၢ်ပှၤတီပှၤလိၤလၢ ကယဲၢ်ဟီၣ်ခိၣ်ဒီဘ့ၣ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

လံာ်စီၤယိၤဘး 31:34

ယတပျံၤဘၣ်တၢ်လၢပှၤကသီၣ်ဝံသဲကလၤလၢယဂ့ၢ်နီတဘျီဘၣ်. ယတအိၣ်ဃိကလာ်ဒီးအိၣ်လၢဟံၣ်ပူၤလၢတၢ်ပျံၤဘၣ်အဝဲသ့ၣ်အတၢ် ဒုၣ်ဒွဲၣ်စံးအၢယၤအဃိန့ၣ်နီတဘျီဘၣ်.

စံးထီၣ်ပတြၢၤ 72:2

မ်အစံၣ်ညီၣ်နပှၤဂီၢ်မုၢ်လၢတၢ်တီတၢ်လိၤ ဒီးနပှၤဖှီၣ်ဖိယာ်ဖိလၢတၢ်စံၣ်ညီၣ်တီန့ၣ်တက့ၢ်.

တၢ်ကတိၤဒိ. 1:15

လဲၤဃုာ်တၢ်ဒီးပှၤဒ်န့ၣ်အသိးတဖၣ်တဂ့ၤ. ယဖိခွါဧၢ, အိၣ်ယံၤဒီးအဝဲသ့ၣ်တက့ၢ်.

တၢ်ကတိၤဒိ. 18:5

တၢ်ကွၢ်မဲာ်ပှၤမၤကမၣ်တၢ်ဒီးတၢ်တြီဃာ်ပှၤလၢအတၢ်ကမၣ် တအိၣ်ဘၣ်တဂၤလၢကဒိးန့ၢ်တၢ်စံၣ်ညီၣ်တီအဂီၢ်န့ၣ်, မ့ၢ်တၢ်လၢအတဘၣ်ဘၣ်လီၤ.

တၢ်ကတိၤဒိ. 4:14

လဲၤတၢ်လၢပှၤအၢပှၤသီအကျဲတဂ့ၤ. ဒီးပိာ်ထွဲပှၤတတီတလိၤအကျဲဧိၤကပူၤဧိၤတဂ့ၤ.

လံာ်ယံးရမံယၤ 37:15

အဝဲသ့ၣ်အသးဒိၣ်ထီၣ်ယၤ နးနးကလဲာ်ဒီး မၢပှၤတီၢ်ယၤ ဒီး ဒုးဃာ်ယၤလၢ ကွီၢ်ဘျီၣ်အပှၤကွဲးလံာ်စီၤယိၤနၤသၣ်အ ဟံၣ်, ဟံၣ်လၢအဘၣ်တၢ်ဒုးကဲထီၣ်အီၤလၢ ဃိာ်တဖျၢၣ်န့ၣ်လီၤ.

လံာ်ယံးရမံယၤ 37:21

လၢတၢ်န့ၣ်အဃိ, စီၤပၤစံးဒကံယၤဟ့ၣ်လီၤအကလုၢ်လၢ ယကဘၣ်တၢ်ဒုးဃာ်ယၤဖဲနူၢ်အဂၢၢ်ပူၤန့ၣ်လီၤ. ယအိၣ်ယဲဖဲန့ၣ်, ဒီးတၢ်ဟ့ၣ်အီၣ်ယၤလၢကိၣ်, တနံၤတလိၣ်လၢ အဟဲဝဲ လၢပှၤကုၢ်ကိၣ်အလီၢ်ကိးနံၤဒဲးတုၤကိၣ်ခဲလၢာ်လၢ ဝ့ၢ်ပူၤလၢာ်ကွံာ်တစုန့ၣ်လီၤ.

လံာ်ယံးရမံယၤ 38:9

“နဲဒၣ်တၢ်ဒိၣ်စီၤပၤဧၢ, တၢ်လၢပှၤတဖၣ်အံၤမၤဝဲန့ၣ်ကမၣ်လီၤ. အဝဲသ့ၣ်ဒၢနုာ် စီၤယံးရမံယၤလၢထံပူၤ, ဒီးဖဲန့ၣ်အဝဲကသံဝဲ သပှၢ်ကတၢၢ်လၢအသၣ်ဝံၤလီၤဒိအဃိ, မ့ၢ်လၢ တၢ်အီၣ်တအိၣ် လၢၤဘၣ်လၢ ဝ့ၢ်အံၤအပူၤအဃိန့ၣ်လီၤ.”

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:15

လၢတၢ်စံၣ်ညီၣ်အပူၤန့ၣ်မၤတၢ်တတီတလိၤတဂ့ၤ. ကွၢ်မဲာ်ပှၤဖှီၣ်ဖိဒီးပျံၤပှၤထူးပှၤတီၤတဂ့ၤ. သုဘၣ်စံၣ်ညီၣ်ပှၤလၢသုဃၢၤတီတီလိၤလိၤလီၤ.

လံာ်ဃးကဲ 1:4

“ယပှၤဂီၢ်မုၢ်သ့ၣ်ဧၢ, ဘၣ်မနုၤသုအိၣ်ဆိးလၢဟံၣ်တဖၣ်လၢတၢ်ဘှီအီၤဂ့ၤဂ့ၤအပူၤ, ဖဲယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤအခါန့ၣ်လဲၣ်.

လံာ်မၢ်ကူး 15:15

စီၤပံၤလးသးအိၣ်လူၤဘၣ်ပှၤဂီၢ်မုၢ်အသးအဃိ, ပျၢ်ပူၤဖျဲးကွံာ်ဝဲစီၤဘၤရးဘါလၢအဝဲသ့ၣ်အဂီၢ်လီၤ. အန့ၣ်ဝံၤမၢပှၤဖျ့ယ့ၣ်ၡူးဆါဆါကလဲာ်, ဒီးဟ့ၣ်လီၤကွံာ်အီၤဆူပှၤသုးဖိတဖၣ်အစုပူၤလၢတၢ်ကပျၤ ထီအီၤလၢထူၣ်စုညါအလိၤအဂီၢ်န့ၣ်လီၤ.

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 25:9

စီၤဖ့စတူးအဲၣ်ဒိးမၤအိၣ်အမဲာ်သၣ်လၢပှၤယူဒၤဖိ တဖၣ်သတးဒီး, အဝဲသံကွၢ်စီၤပီလူး, “မ့ၢ်နကသးဆူၣ်လဲၤဆူဝ့ၢ်ယရူၤၡလ့ၣ်ဒ်သိးနကဘၣ်တၢ် သမံသမိးနၤလၢယမဲာ်ညါဖဲန့ၣ်ကစီဒီဧါ.”

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

လံာ်သိၣ်လီၤသီလီၤတၢ် 24:17

ဟံးန့ၢ်ကွံာ်ပှၤတခီဘီမုၢ်ဖိတဖၣ်ဒီးပှၤဖိၣ်ဃဲတဖၣ်အတၢ်ခွဲးတၢ်ယာ်တဂ့ၤ, ဒီးဟံးန့ၢ်ကွံာ်ပှၤမုၣ်ကမဲတဂၤအဆ့ဖးထီဒ်တၢ်အုၣ်ကီၤအသိး လၢတၢ်ဒုးလိၢ်တမံၤအဂီၢ်တဂ့ၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:24

စီၤစီလူးစံးဆၢဝဲ, “မ့ၢ်လီၤ. ယမၤတ့ၢ်တၢ်ဒဲးဘးလီၤ. ယတစူၢ်တ့ၢ်ယွၤအတၢ်မၤလိာ်ဒီးနတၢ်သိၣ်နဲၣ်ယုၤတဖၣ်န့ၣ်ဘၣ်. ယပျံၤတ့ၢ်ယပှၤတဖၣ်ဒီးမၤတၢ်လၢအဝဲသ့ၣ်အဲၣ်ဒိးဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:9

ဘၣ်ဆၣ်ဒီးစီၤစီလူးဒီးအပှၤတဖၣ်ပျဲပူၤစီၤအၤကးအသးသမူ ဒီးတမၤသံဘၣ်, သိ, ဂီၤဘုၣ်ဂီၤဖံး, ကျီၢ်သးစၢ်ဒီးသိဖိ သးစၢ်အဂ့ၤကတၢၢ်တဖၣ်မ့ၢ်ဂ့ၤ, တၢ်တမံၤလၢ်လၢ်လၢအဂ့ၤတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤဟးဂီၤကွံာ်ဒၣ်ထဲတၢ်လၢတဂိာ်တသီၣ်ဘၣ်ဒီးအလုၢ် အပှ့ၤတအိၣ်ဘၣ်တဖၣ်န့ၣ်လီၤ.