လံာ်တၢ်ဟးထီၣ်ကွံာ် 23:19 - Sgaw Karen Common Bible

¹⁹ တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဟးထီၣ်ကွံာ် 23:19 Iomraidhean Croise

လံာ်စီၤနဃ့မယၤ 10:35

ဘုဧိၤဟုဧိၤအဆိကတၢၢ်လၢပမၤန့ၢ်အီၤဒီးသ့ၣ်သၣ်အဆိက တၢၢ်လၢအမံဝဲဒီးပထဲးအီၤလၢပသ့ၣ်တဖၣ်န့ၣ်ကိးနံၣ်ဒဲးပကဟဲ စိာ်အီၤဒ်တၢ်မၤဘူၣ်ဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤနဃ့မယၤ 10:36

ပဝဲတဂၤဘၣ်တဂၤစုာ်စုာ်, ပကဟဲစိာ်ပဖိဝဲၢ်ကိပိာ်ခွါလၢအအိၣ် ဖျဲၣ်ထီၣ်ဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ်အပူၤ ဒီးလုၢ်ထီၣ်အီၤဆူကစၢ်ယွၤအအိၣ်, ဒ်ယူဒၤအတၢ်သိၣ်တၢ်သီဃ့ဝဲအသိးန့ၣ်လီၤ. ဂီၤဖံးဖိအဆိကတၢၢ်လၢပဝဲတဂၤစုာ်စုာ်ပဂီၤဖံးမိၢ်တဖၣ်ဖှံလီၤဝဲ, ဒီးပသိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤလၢအဖှံလီၤအဆိက တၢၢ်န့ၣ်, ပကပာ်စီဆှံစ့ၢ်ကီးအီၤန့ၣ်လီၤ.

လံာ်တၢ်ဟးထီၣ်ကွံာ် 22:28

ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:26

ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

တၢ်ကတိၤဒိ. 12:10

ပှၤအဂ့ၤတဂၤကဟုကယာ်အဆၣ်ဖိကီၢ်ဖိတဖၣ်လီၤ. မ့မ့ၢ်, ပှၤအၢပှၤသီတဖၣ်အၢသီလၢအဆၣ်ဖိကီၢ်ဖိအဖီခိၣ်န့ၣ် လီၤ.

တၢ်ကတိၤဒိ. 3:9

မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

လံာ်ယံးရမံယၤ 10:3

ပှၤဂီၢ်မုၢ်တဖၣ်အံၤအတၢ်ဘူၣ်တၢ်ဘါန့ၣ်အလုၢ်အပှ့ၤတအိၣ်ဘၣ်. သ့ၣ်တထူၣ်ဘၣ်တၢ်ကူာ်လီၤအီၤလၢသ့ၣ်ပှၢ်အပူၤ, ဒီးသ့ၣ်န့ၣ်ဘၣ်တၢ်စိးပျၤအီၤလၢပှၤစိးပျၤသ့ၣ် အတၢ်ပီးတၢ်လီတဖၣ်,

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

လံာ်ယဃ့းစက့လး 48:13

ပှၤလ့ၤဝံဖိတဖၣ်စ့ၢ်ကီးကဘၣ်ဒိးန့ၢ်တၢ်လီၢ်လီၤဆီတကဝီၤလၢ ပှၤလုၢ်တၢ်အခိၣ်သ့ၣ်တဖၣ်အတၢ်လီၢ်အံၤအကလံၤထံးတကပၤ န့ၣ်လီၤ. တၢ်လီၢ်အံၤစ့ၢ်ကီးအတၢ်ထိၣ်ကဘၣ်မ့ၢ်ဝဲလၢမုၢ်ထီၣ် ဆူမုၢ်နုာ်န့ၣ်အပျၢ်ခံကလးယဲၢ်ကထိဒီးလၢကလံၤစိးဆူကလံၤထံး န့ၣ်အပျၢ်တကလးန့ၣ်လီၤ.

လံာ်ယဃ့းစက့လး 48:14

တၢ်လီၢ်ကဝီၤလၢအဘၣ်တၢ်လုၢ်ထီၣ်အီၤလၢယွၤန့ၣ်မ့ၢ်လီၢ် အဂ့ၤကတၢၢ်လၢကီၢ်ပူၤဒီးပှၤတဘၣ်ဆါကွံာ်အီၤမ့ၢ်ဂ့ၤ, တဘၣ်လဲလိာ်အီၤမ့ၢ်ဂ့ၤ, တဘၣ်ဟ့ၣ်ဆူပှၤအဂၤတဂၤအအိၣ် မ့ၢ်ဂ့ၤနီတဂၤဘၣ်. တၢ်လီၢ်ကဝီၤအံၤစီဆှံဒီးဘၣ်ဃးဒီးယွၤ န့ၣ်လီၤ.

လံာ်တၢ်ဂံၢ် 15:21

တၢ်ဟ့ၣ်လီၤဆီအံၤကဘၣ်တၢ်ဟ့ၣ်အီၤဆူယွၤအအိၣ်လၢကိၣ်လၢသု ကုၢ်အီၤအစိၤစိၤအဃၣ်ဃၣ်န့ၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.

လံာ်သိၣ်လီၤသီလီၤတၢ် 26:10

လၢတၢ်န့ၣ်အဃိခဲအံၤ, တၤသူတၤသၣ်လၢယွၤဟ့ၣ်တ့ၢ်ယၤလၢယကကူး က့ၤအီၤအခီၣ်ထံးတပူန့ၣ်, ယဟဲစိာ်အီၤဆူ ယွၤအအိၣ်န့ၣ်လီၤ.’ အန့ၣ်ဝံၤဒီးပာ်လီၤနာ်လၢယွၤအမဲာ်ညါဒီးဘူၣ်ထီၣ်ဘါထီၣ်တၢ် ဖဲန့ၣ်တက့ၢ်.

လံာ်သိၣ်လီၤသီလီၤတၢ် 26:2

သုဝဲကိးဂၤဒဲးသုကဘၣ်ဒၢနုာ်သုတၤသူတၤသၣ်လၢသုထၢဖှိၣ် က့ၤအီၤအခီၣ်ထံးတပူန့ၣ်ဆူနာ်တဖျၢၣ်အပူၤဒီးလဲၤစိာ်အီၤဆူ တၢ်ဘူၣ်ထီၣ်ဘါထီၣ်အလီၢ်တတီၤန့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.