လံာ်တၢ်ဟးထီၣ်ကွံာ် 23:18 - Sgaw Karen Common Bible

¹⁸ ဖဲသုလုၢ်ထီၣ်ပာ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်တဘၣ်ဟ့ၣ် လုၢ်ထီၣ်ကိၣ်အိၣ်ဒီးကိၣ်မံၣ်တဂ့ၤ. ဆၣ်ဖိကီၢ်ဖိတဖၣ်လၢအဘၣ်တၢ်လုၢ်ထီၣ်ပာ်ထီၣ်ဆူယအိၣ်ဖဲမူးတဖၣ် အံၤအကတီၢ်အသိန့ၣ်တဘၣ်အိၣ်လီၤတဲာ်တုၤမုၢ်ဆ့ၣ်ထီၣ်လၢခံ တဂီၤန့ၣ်ဘၣ်.

လံာ်တၢ်ဟးထီၣ်ကွံာ် 23:18 Iomraidhean Croise

လံာ်တၢ်ဟးထီၣ်ကွံာ် 12:10

သုတပာ်လီၤတဲာ်တၢ်နီတမံၤတုၤမုၢ်ဆ့ၣ်ထီၣ်န့ၣ်တဂ့ၤ. မ့ၢ်အိၣ်လီၤတဲာ်တ့ၢ်တမံၤမံၤန့ၣ်ဒီးကဘၣ်တၢ်ဆူးကဲၤထီၣ်ကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:8

ဒီးလၢမုၢ်နၤအဝဲန့ၣ်တၢ်ဖံးတၢ်ညၣ်ကဘၣ်တၢ်ကၣ်မံအီၤဒီးအီၣ် အီၤဃုာ်ဒီးကိၣ်လၢတအိၣ်ဘၣ်ဒီးကိၣ်မံၣ်ဒီးတၢ်ဒီးတၢ်လၣ်အခၣ်န့ၣ်လီၤ.

လံာ်တၢ်ဟးထီၣ်ကွံာ် 16:19

ဒီးစီၤမိၤၡ့စံးဘၣ်အဝဲသ့ၣ်, “ပှၤတဘၣ်ပာ်ကိၣ်အံၤလၢခဲ မုၢ်ဆ့ၣ်အဂီၢ်နီတဂၤဘၣ်.”

လံာ်တၢ်ဟးထီၣ်ကွံာ် 29:34

ဒီးတၢ်ဖံးတၢ်ညၣ်ဒီးကိၣ်တနီၤလၢတဘၣ်တၢ်အီၣ်အီၤတုၤလၢမုၢ် ဆ့ၣ်ထီၣ်န့ၣ်ကဘၣ်တၢ်ဆူးကဲၤထီၣ်ကွံာ်အီၤလီၤ. တၢ်တဘၣ်အီၣ်အီၤလၢၤဘၣ်. အဂ့ၢ်ဒ်အံၤ, မ့ၢ်ဝဲတၢ်စီဆှံလီၤ.

လံာ်တၢ်ဟးထီၣ်ကွံာ် 34:25

ဖဲသုလုၢ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်လုၢ်ထီၣ်ကိၣ်လၢအအိၣ်ဒီးကိၣ်မံၤတဂ့ၤ. ဆၣ်ဖိကီၢ်ဖိလၢဘၣ်တၢ်မၤသံအီၤဖဲဘူၣ်လဲၤကပာ်အနံၤန့ၣ်ပာ် ဃးအဖံးအညၣ်တုၤမုၢ်ဆ့ၣ်ထီၣ်တနံၤနီတမံၤတဂ့ၤ.

လံာ်တၢ်ဘူၣ်ထီၣ်ဘါထီၣ် 2:11

ဒီးတၢ်လုၢ်မၤဘူၣ်ဘုဧိၤဟုဧိၤလၢတၢ်ဟဲစိာ်အီၤဆူယွၤအအိၣ် န့ၣ်တဘၣ်မ့ၢ်တၢ်မၤအီၤလၢကိၣ်မံၣ်ဘၣ်. နတဘၣ်ဆိၣ်ကဲၤထီၣ်ကိၣ်မံၣ်မ့ၢ်ဂ့ၤ, ကနဲစီမ့ၢ်ဂ့ၤလၢတၢ်လုၢ်မၤဘူၣ်ဆူယွၤအအိၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 7:12

ပှၤတဂၤမ့ၢ်လုၢ်ထီၣ်တၢ်လုၢ်အံၤဒ်တၢ်စံးဘျုးစံးဖှိၣ်ဆူကစၢ် ယွၤအအိၣ်န့ၣ်, ကဘၣ်လုၢ်ထီၣ်ဆၣ်ဖိကီၢ်ဖိဃုာ်ဒီးကိၣ်တအိၣ်ဘၣ်ဒီးကိၣ်လၢတအိၣ် ဒီးကိၣ်မံၣ်အတၢ်လုၢ်လၢအမ့ၢ်ကိၣ်အလိၣ်လၢတၢ်မၤအီၤလၢကိၣ် ကမူၣ်ဒီးသ့ၣ်စၤယံးအသိဃါဃုာ်အသးမ့ၢ်ဂ့ၤ, ကိၣ်ဘ့ၣ်ဘၣ်လၢတၢ် ဒွါအီၤဒိးသ့ၣ်စၤယံးအသိမ့ၢ်ဂ့ၤ, ကိၣ်ကမူၣ်ဒီးသ့ၣ်စၤယံးအသိးဃါဃုာ်သးအကိၣ်ဘ့ၣ်ဘၣ်ကုၢ်အသးမ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:15

တၢ်ညၣ်လၢအဘၣ်တၢ်လုၢ်ထီၣ်အီၤန့ၣ်ကဘၣ်တၢ်အီၣ်လၢာ်ကွံာ်အီၤလၢ တၢ်လုၢ်ထီၣ်အီၤအနံၤန့ၣ်လီၤ. ဒီးတဘၣ်ပာ်တီၢ်အီၤနီတစဲးတုၤမုၢ်ဆ့ၣ်ထီၣ်တနံၤန့ၣ်ဘၣ်.

လံာ်သိၣ်လီၤသီလီၤတၢ် 16:4

လၢနွံသီအတီၢ်ပူၤန့ၣ်, ပှၤလၢအအိၣ်လၢသုကီၢ်ပူၤတဘၣ်အိၣ်ဒီး ကိၣ်မံၣ်လၢအဟံၣ်ပူၤနီတဂၤဘၣ်. ဒီးဆၣ်ဖိကီၢ်ဖိလၢအဘၣ်တၢ်မၤသံအီၤအညၣ်လၢမုၢ်နံၤအဆိကတၢၢ် တနံၤအမုၢ်တဟါန့ၣ်ကဘၣ်တၢ်အီၣ်အီၤလၢတနၤဃီအတီၢ်ပူၤန့ၣ်လီၤ.