လံာ်တၢ်ဟးထီၣ်ကွံာ် 23:15 - Sgaw Karen Common Bible

¹⁵ လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်တၢ်ဟးထီၣ်ကွံာ် 23:15 Iomraidhean Croise

လံာ်တၢ်ဟးထီၣ်ကွံာ် 12:2

“လါတလါအံၤလၢသုဂီၢ်ကဘၣ်မ့ၢ်လါအခီၣ်ထံးကတၢၢ်တလါလၢတနံၣ် ဘၣ်တနံၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 13:4

သုဟးထီၣ်ကွံာ်လၢကီၢ်အဲၤကူပတူးအပူၤလၢမုၢ်တနံၤအံၤ, လၢလါခီၣ်ထံးကတၢၢ်တလါ, လါအၤဘံာ်အပူၤန့ၣ်လီၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:18

တိၢ်န့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ်အမူးတက့ၢ်. ဒ်ယမၤလိာ်တ့ၢ်သုအသိးန့ၣ်အီၣ်ကိၣ်လၢတအိၣ်ဘၣ်ဒီးကိၣ်မံၣ်လၢ နွံသီအတီၢ်ပူၤဖဲလါအၤဘံာ်အပူၤန့ၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်လါတလါလၢသုဟးထီၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 34:20

မ့မ့ၢ်ကသ့ၣ်ယီၤအဖါဝဲၢ်ကိကိးဒုဒဲးန့ၣ်သုကဘၣ်ပှ့ၤက့ၤအီၤ ခီဖျိတၢ်လုၢ်ထီၣ်သိဖိတဒုလၢအလီၢ်န့ၣ်လီၤ. သုမ့ၢ်တပှ့ၤက့ၤအီၤဘၣ်ဒီးဘိးကၢ်ကွံာ်အကိာ်တက့ၢ်. ပှ့ၤကဒါက့ၤကယဲၢ်ဖိခွါဝဲၢ်ကိကိးဂၤဒဲးတက့ၢ်. တၢ်လုၢ်တမံၤမ့ၢ်တအိၣ်ဘၣ်ဒီးမ်ပှၤသုတအိၣ်ဖျါလၢယမဲာ်ညါနီတဂၤတဂ့ၤ.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

လံာ်မၢ်ကူး 14:12

ဖဲဘူၣ်ကိၣ်တအိၣ်ဘၣ်ဒီးကိၣ်မံၣ်ဘၣ်ဝဲအခီၣ်ထံးတနံၤ, လၢအမ့ၢ်မုၢ်နံၤလၢတၢ်မၤသံဒီးလုၢ်ထီၣ်ဘူၣ်လဲၤကပာ်အသိဖိ န့ၣ်, ယ့ၣ်ၡူးအပျဲၢ်အဘီၣ်တဖၣ်သံကွၢ်အီၤ, “နအဲၣ်ဒိးလၢပကလဲၤကတဲာ်ကတီၤပာ်ဘူၣ်လဲၤကပာ်အတၢ် အီၣ်လၢနဂီၢ်ဖဲလဲၣ်တပူၤလဲၣ်.”

လံာ်လူၤကၣ် 2:41

ယ့ၣ်ၡူးအမိၢ်အပၢ်တဖၣ်လဲၤဆူဝ့ၢ်ယရူၤၡလ့ၣ်ကိးနံၣ်ဒဲးဖဲ ဘူၣ်လဲၤကပာ်အဆၢကတီၢ်န့ၣ်လီၤ.

လံာ်လူၤကၣ် 22:7

မုၢ်နံၤမုၢ်သီဟဲတုၤအိၣ်ဝဲဒၣ်ဖဲဘူၣ်ကိၣ်တအိၣ်ဒီးကိၣ်မံၣ်အဆၢ ကတီၢ်, လၢသိဖိတဖၣ်ကဘၣ်တၢ်မၤသံအီၤလၢဘူၣ်လဲၤကပာ် အတၢ်အီၣ်အဂီၢ်လီၤ.

မၤတၢ် 12:3

ဖဲအဝဲဒၣ်ထံၣ်ဘၣ်လၢတၢ်မၤတမံၤအံၤဘၣ်သူၣ်ဘၣ်သးပှၤယူဒၤဖိ တဖၣ်န့ၣ်, အဝဲဟ့ၣ်လီၤကဒီးအကလုၢ်လၢပှၤကဖီၣ်ဃာ်စီၤပ့းတရူး စ့ၢ်ကီးန့ၣ်လီၤ. (တၢ်မၤတမံၤအံၤန့ၣ်, မ့ၢ်ဝဲဒၣ်ဖဲဘူၣ်ကိၣ်တအိၣ်ဘၣ်ဒီးကိၣ်မံၣ်အဆၢကတီၢ်န့ၣ်လီၤ.)

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:3

အဝဲသ့ၣ်စံးဆၢဝဲဒၣ်, “သုမ့ၢ်ဆှၢက့ၤကီၢ်အံၣ်စရ့လးအကစၢ် ယွၤအတလါစီဆှံဒီးအလီၢ်အိၣ်ဝဲလၢသုကဘၣ်ဟ့ၣ်ဃုာ်ဒီး တၢ်ဟ့ၣ်ကနၢၤတမံၤဆူအအိၣ်သပှၢ်ကတၢၢ်လၢ တၢ်လိးက့ၤသုတၢ်ဒဲးဘးအဂီၢ် လီၤ. ယွၤအတၢ်အၢၣ်လီၤအီလီၤအတလါစီဆှံန့ၣ်တၢ်ဟ့ၣ်ကနၢၤမ့ၢ် တအိၣ်နီတမံၤဒီး တဘၣ်က့ၤကဒါက့ၤဝဲဘၣ်. လၢကျဲဒ်အံၤန့ၣ်သု ကဘၣ်တၢ်မၤဘျါက့ၤသုဒီးသုကနၢ်ပၢၢ်လၢဘၣ်မနုၤအဃိအဝဲစံၣ်ညီၣ် သုတဘိယူာ်ဃီလဲၣ်အဂ့ၢ်န့ၣ်လီၤ.”